樓上大排檔

平日放工嚟到算幾多人，但位置都較為寬倘，都啱同一班朋友吹水趁朋友未到，叫咗椒鹽粟米，一食就停唔到口，好香，粟米本身都甜 另外叫咗咕嚕肉，都係好香，送飯一流最後竟然仲有蕃薯糖水送，好驚喜！連糖水都慳番唔駛出去再搵甜品舖…Read More

當初揀依間餐廳都係因為依到既裝潢有特色，感覺返去90年代咁，所以約埋屋企人去懷緬下，環境係乾淨寬敞，屋企人又坐得舒服不得不提係個招牌脆皮乳鴿，又熱皮又脆，最重要係d乳鴿洗得好乾淨，除去內臟除得好徹底而個XO醬炒碧綠海螺片，得地揀左菜芯，一致表示菜芯好靚好清脆，同埋好多海螺片，不過XO醬可以再落多少少，香辣味出d咕嚕肉份量睇落唔多，但每舊咕嚕肉都好大粒好大碟金沙脆魚皮，炸到鬆脆，鹹香蛋黃味椒鹽鮮魷，薄薄既炸漿下見到鮮魷厚實既肉，咬落去脆得黎又彈牙，同埋大大條咁咬好爽蠔仔菜脯煎蛋係真蠔仔唔係蠔豉！煎得乾身薑蔥桶蠔煲，好惹味，d蠔好肥美juicy，熱到辣親個嘴食到最後已經好飽，面對住咁大塊既懷舊蝦多士同咁有鑊氣既黑蒜蝦仁炒飯都要試下可惜既係我地試唔到個糖水，因為冇哂！！！所以大家去食既話食到差唔多就同店員講留定...好味既野係唔等人...…Read More

話說我同屋企人好掛住以前冬菇亭大排檔小炒，一直都想搵返呢種港式美道！終於比我哋搵到😋真係食到好過癮！我地揀咗幾款招牌菜，每一款都令我驚喜不斷。🍽️首先嚟緊嘅係拔絲咕嚕肉，啲肉彈牙而外皮香脆，拔絲汁就甜甜酸酸地滲入肉裡面。真係一啖接一啖都唔捨得停口！🍖再來馬拉盞啫啫生菜煲，打開蓋已聞到又香又濃嘅咸香蝦醬味，啫啫嘅生菜同埋馬拉盞完全融合喇！爽脆嘅生菜食落「索索」聲好新鮮，令人回味無窮😛🥬🍲長輩最愛呢一道豉蒜涼瓜炒牛肉，啲牛肉鮮嫩多汁，同埋豉蒜涼瓜一齊炒熟，帶出一個濃郁嘅鹹香味道。涼瓜唔苦，我都食唔停🥩🥒有小朋友一定要點嘅係黑松露滑蛋蝦球，啲蝦球好鮮甜，加上唔使𡁻都滑入喉嚨嘅炒蛋及一入口就有濃郁嘅黑松露味道爆發！我食咗兩啖就比囡囡獨食晒成碟。🍤🍳仲有老街韮菜雞紅，啲韮菜清香味濃，同埋鮮嫩嘅雞紅一齊炒，口感豐富。每一口都充滿嘅韮菜香氣同雞肉嘅鮮味，簡直是絕配！🐔🥬最後，每個人都配咗一碗大白飯，充滿鑊氣嘅小炒搭配熱騰騰嘅飯，真係「無得輸」！🍚…Read More

位於灣仔杜老誌道的樓上大排檔(former: 杜老誌大飯店)，裝修以懷舊香港作為主題，具有獨特經典大排檔風味，乾淨創新版本。適合大大班朋友和家人慶祝節日的好地方！總廚主理係前喜記炒蟹的大廚，所以就算係平日嘅星期三晚上，餐廳亦是座無虛席，所以記得打電話預早約好座位，walk-in有機會需要預留等待時間。百香果檸檬梳打梳打加入新鮮酸甜百香果非常清新，夏日消暑好開胃。凍檸7經典大排檔必點飲料，除咗啤酒之外😉。泰式無骨鳳爪原隻無骨鳳爪，加上微微酸辣，不易開胃之選。樓上小炒王唔想叫菜咁普通，就要試吓經典小炒王。師傅炒得好夠火喉，香炒腰果，韭菜鮮味十足😋金沙涼瓜條炸咗之後一d都唔苦，爽口沒有苦澀味。金沙脆魚皮邪惡的鹹蛋炒魚皮，香脆而乾身不油膩，味道很好。拔絲咕嚕肉半肥半瘦的肉排，肉質鬆化，外層仲保持到脆口，帶有微微拔絲的效果配開胃紅椒及菠蘿，酸酸甜甜，開胃可口!蠔仔菜脯煎蛋蠔仔挺多的，味道好鮮甜，充滿鑊氣。黑蒜蝦仁炒飯炒飯粒粒分明，配合黑蒜同蝦仁，入口甘香。蟹油炒麵用炸蟹的油炒作而成，非常惹味，避風塘招牌必點菜式！魚香茄子煲拎出來的時候煲還在沸騰，令肉汁不停從外彈出彈出，熱騰騰一直在冒煙，光學賣相已經流口水了！每一口吃出淡淡鹹魚肉粒鮮味，送飯一流。奉送番薯糖水蕃薯好夠甜味，薑味十足，為我們豐富的晚餐作完美句號…Read More

灣仔呢間樓上大排檔裝修充滿懷舊港式風味，比起舊式大排檔舒適乾淨，冷氣充足～ 好多小菜同海鮮都充滿避風塘口味～椒鹽九肚魚 $98九肚魚外皮炸到好香脆，粉漿啱啱好唔會太厚～ 裏面魚肉又軟又嫩滑～ 加咗炸蒜之後更香口惹味，送酒一流～XO醬炒海螺片 $148海螺片好爽口鮮味，加埋西蘭花同XO醬爆炒好惹味好有鑊氣，整體又唔會太鹹～拔絲咕嚕肉 $138咕嚕肉炸到好香口，肉質啱啱好唔肥膩～ 醬汁酸甜，拉開見到有拔絲效果，配合青椒同菠蘿好開胃～古法炒蜆 $128蜆肉都幾大隻幾鮮味～ 通常炒蜆都係豉椒炒，呢個古法炒蜆好特別，加咗九層塔香味比較重，比較似泰式風味～ 黑蒜蝦仁炒飯 $108炒飯炒到金黃色，粒粒分明，配合黑蒜同蝦仁入口甘香～ 百香果檸檬梳打 $25梳打加入新鮮百香果非常清新，酸酸的好開胃，夏日消暑一流～ 整體來講，菜式充滿大排檔特色，新鮮有鑊氣～ 樓面服務積極友善～ 環境乾淨企理～ …Read More

疫情後嘅母親節其實早一個月已經開始搵飯店酒樓無非想大家食得開心啲周圍搵，都知道母親節一定係食套餐行遍九龍油尖旺香港灣仔銅鑼灣中上環啱食嘅六人套餐超級貴要成三仟蚊稻香個套餐又唔啱食美心中菜套餐係外賣搵吓OpenRice 發現依間飯店打電話去問當日可以唔使食套餐於是立馬book枱母親節當日飯店張餐單其實同平日嘅晚餐價錢一樣最重要有我娘親最鍾意食嘅炸子雞其實除咗椒鹽鮮魷外其他幾味小菜我都覺得好好食我就最鍾意食八味椒鹽豆腐唔油㗎個黑蒜頭蝦仁炒飯都好好食當日因為我哋6:30開始食飯所以啲餸都嚟得好快OK啦冇俾人加附加費食完飯仲有碗番薯糖水送不過就超甜…Read More

有朋友喺灣仔附近返工，佢介紹咗我嚟呢間新開嘅《樓上大排檔》😋佢推介嘅原因係因為呢度嘅小炒好惹味，環境又好乾淨👍🏾環境我同朋友一上到去就覺得好似去咗80，90年代嘅香港🇭🇰咁！雖然呢度好懷舊，但一d都唔覺得污糟，而且重好乾淨企理，空間又大💕我哋都食得好舒服食物餐廳主打避風塘菜式，重係喜記炒蟹前總廚👨‍🍳主理招牌脆皮乳鴿 $78呢個乳鴿真係不得之了❤️❤️我好耐都冇食過一隻乳鴿可以咁脆之餘，一d都唔乾身，食落去重啖啖肉汁🤤必叫！拔絲咕嚕肉 $138個咕嚕肉整得外脆內軟，出面重有滿滿嘅甜酸汁，送飯一流😎淮山炒蓮藕片 $108唔想叫菜咁普通，就要試吓呢個淮山炒蓮藕片😛 師傅炒得好夠火喉，蒜味十足😋黑蒜蝦仁炒飯 $108我從來都唔知道原來黑蒜可以用嚟炒飯，而且又幾好味，佢唔似普通蒜咁大陣味，但就啱啱好，唔錯金沙涼瓜條 $58我就最鍾意食炸嘢嘅😂呢個鹹蛋苦瓜真係啱晒我🫶🏾唔鍾意食苦瓜嘅朋友都唔駛驚，因為佢炸咗之後一d都唔苦，重好爽口tim 食完飯，餐廳重送咗每人一碗番薯糖水，簡直係大滿足呀😋估唔到喺灣仔呢個位置都有d咁高質嘅大排檔wor，而且一d都唔貴，大家不妨約埋一班人去試吓👍🏾…Read More

都好耐無同啲死佬聚一聚，所以，今晚就搞咗個小飯局，幾個死佬出嚟食下飯、吹下水。個個都喺麻甩佬，所以，食中菜就啱氣氛啲，故此，過到嚟灣仔嘅「樓上大排檔」食餐晚飯。 雖然唔喺真正嘅大牌檔，但鋪上紅色嘅膠枱布，用上舊時晌大牌檔常見嘅鋁質熱水壺，都有幾分以前大牌檔嘅感覺；周圍又整啲機鋪、麻雀鋪、快餐店、粉麵檔嘅門面，非常搞嘢，後生一輩可能未見過。因為嚟得早，客人唔算多，但坐吓坐吓都唔少人。餐牌底面兩版，主打避風塘菜式以及各式小炒，而背頁就喺啤酒、汽水、特飲……等等。食到尾，同啲阿姐傾開，先知喺以前喜記炒蟹嘅總廚主理，早知就點啲避風塘菜式啦！青檸梳打 $25、咸檸七 $25、可樂 $15啤酒就唔啱我哋，飲吓啲特飲爽快一吓啦。小弟揀咗青檸梳打，落咗成粒青檸，配以泰國嘅梳打水，所以，成杯梳打特別有青檸香，冰涼清爽。老死杯咸檸七都正，因為整粒鹹柑桔加上幾片檸檬，酸香醒神。招牌脆皮乳鴿 $78睇外觀，啲乳鴿炸得金黃吸引，色澤亮麗，咬落去非常之熱焫焫，外皮十分香脆，肉質嫩滑細緻，沾上少少淮鹽，更吊起啲肉香，怕鹹嘅點少少喼汁，亦都唔錯，可以去咗陣油膩感。 古法炒蜆 $128何謂古法？小弟就唔太清楚，不過碟炒蜆加咗啲九層塔去炒，陣陣九層塔香氣，另外，仲帶少少甜味，整體而言，都幾惹味。此外，蜆肉都唔細粒，味道好鮮甜，最緊要食到尾一粒沙都無。 拔絲咕嚕肉 $138咕嚕肉一向大有市場，味道酸酸甜甜，喺一記餸飯嘅好菜式。呢一碟咕嚕肉真喺做得幾好，酸甜細緻，唔會太嗆喉，茨汁剛好，唔會有太多餘嘅茨汁，咕嚕肉大大件，肉質鬆化，外層仲保持到脆口，細心食，食得出菠蘿喺新鮮貨，唔喺罐頭嘢。 XO醬肉碎芥蘭煲 $98唔係講笑，嚟到個煲滋滋聲，睇得見熱氣騰騰，陣陣香氣四溢。啲芥蘭炒得啱啱好，入口爽脆，XO醬去炒，加上少少肉碎，食落鹹鹹香香，喺一度好惹味嘅菜式。 黑蒜蝦仁炒飯 $108呢個炒飯真心推介一下，因為唔喺一般蝦仁炒飯，加咗黑蒜粒去炒，但你又唔會話蒜味太強，可以講點到即止，黑蒜本身對人又好有益；最緊要喺個炒飯炒得香口，飯粒分明，所以，連老友都大讚好食。 蕃薯糖水正要埋單之際，阿姐話咪走住，因為店家會奉送個蕃薯糖水，雖然唔喺咩貴嘢，喺餐廳表達嘅幾點點心意。啲蕃薯好夠甜味，有時晌街市買啲蕃薯靚但無乜甜味，而個糖水底就好勁薑，老友就話啱曬佢口味。 席間老友吹吹水，講到國際經濟大環境，美國、瑞士陸續有銀行爆煲，但大家都唔太擔心，相信未必燒到嚟香港嘅銀行。只求繼續搵多個錢，繼續出嚟飲飲食食，留住呢份好友情，回想返昔日晌石硤尾、深水埗一帶啲大牌檔吃喝嘅開心時光:)。…Read More