Both Street

忙裏偷閑，休假一天，難得天氣晴朗，決定上山頂chill下，健行香港星級行山路線，難度1星，觀景5星的盧吉道。登山前，先食個豐富午餐，看看本人嘅美食bucket list，「倆口小吃」元祖店在元朗，開業未夠一年已獲米芝蓮必比登推介。最近，開了中環店，附近有前往山頂的車站。因利乘便，當天到訪了中環分店，點餐時見到店主So Gun駐場，品質更有保證。單點了兩款食物：傳統豬腩肉刈包和抹茶忌廉芝士壓餅1. 傳統豬腩肉刈包刈包夾住豬腩肉、酸菜、芫茜、花生碎及抽子醬。- 刈包：軟熟，煙靭有嚼頭，濕潤度剛好，唔乾唔鞋口，食得出係心機之作。睇過訪問，刈包麵團是店主自家調配的，混合中筋麵粉和澄麵粉，再發酵1-2小時，最後蒸 20 分鐘。- 豬腩肉：半肥瘦五花腩，入口即溶，炆得好入味- 芫茜：只放菜葉部分，味道清新、無渣- 酸菜及柚子醬：清新、酸微微，平衡五花腩嘅肉膩- 花生碎：增添香味及口感2. 抹茶忌廉芝士壓餅本人是抹茶控及芝士控，所以今餐另一亮點是抹茶忌廉芝士壓餅，雖然爆左卡路里quota，都要點來試下。- 壓餅外層：煎到外脆，餅皮香甜口感軟糯- 餡料：以日本宇治小山園若竹的抹茶粉混合香濃嘅忌廉芝士，味道甘香，抹茶味濃郁，配上香濃嘅忌廉芝士，完美地滿足左我兩大願望。食物即點即整，包裝簡約精美。Food court環境整潔，有餐枱、梳化、冷氣，亦有提供自助免費sparkling water💦另有午市套餐，刈包價錢+$33，配炸蕃薯條及罐裝飲品。不過，我想留番啲quota試抹茶忌廉芝士壓餅，所以沒有升級午市套餐。🪶補充：- 價錢方面：中環店比元朗店貴2-3成；- 地點方面：中環店比較接近我的生活圈；- 環境方面：位於怡和中心地庫food court，室內環境整潔而且有冷氣，food court 亦有提供免費sparkling water💦- 等候時間：午飯時段12:00前到達，由點餐、買票、等餐到進餐需時約15分鐘相對於元朗店，中環店價錢較高嘅原因，在於地點、環境及等候時間，本人覺得都值得嘅。如果有機會到元朗，會encore元祖店🪶溫馨提示：午餐時段，12點開始人流越來越多，點餐等位時間更長，而且熱門食物有機會售罄。12點前到達就最穩陣，唔洗點等又有野揀…Read More

由元朗食到佢係中環baseball開分店一個平凡嘅刈包可以比佢玩到出神入化個個都漲卜卜爆晒餡之前係元朗食要滴住汗排隊 然後每個order都要等半個鐘以上依架佢開係中環baseball 就可以舒舒服服揾個位坐住等Menu當然貴過元朗少少 然材料依然係十足兩個人食，一人嗌咗一個包，其中一個+$33跟餐有蕃薯條同一罐可樂，另外再加咗個壓餅傳統刈包加柚子醬入面有五花鹵肉，酸菜，花生碎，莞茜同面頭嘅柚子醬個包新鮮蒸出黎，好軟，個汁甜甜酸酸唔會覺得五花肉好膩，食每一啖都好滿足香煎蝦餅刈包入面有蝦餅，港式魚蛋醬，蒜醋西洋菜，紫椰菜啱啱炸起嘅蝦餅好正，配紫椰菜食落fresh啲但我都係鍾情我嘅傳統刈包抹茶忌廉芝士壓餅壓嘅一定要襯熱食咗先，外層脆脆的，入面抹茶味都幾濃，建議同人share食會冇咁濟…Read More

倆口小吃除咗刈包，壓餅都好出名，棟係要試埋～▪️芋泥肉鬆壓餅芋泥控梗係要試呢款🤩 壓餅食落外皮煙靭，芋泥綿密，味道天然，加埋肉鬆嘅鹹香味，好夾▪️抹茶忌廉芝士壓餅🍵🧀抹茶芝士呈流心狀態，一切開就爆晒出嚟。抹茶味香濃，唔甜。不過因為都少少大件，食晒會有少少漏🤏🏻▪️炸甜不辣 (咸)甜不辣有咬口，加埋面頭嘅蒜香蛋黃醬，同埋辣椒蒜蓉，超級惹味▪️梅粉炸蕃薯條🍠🍟蕃薯條夠粗，炸到好脆，加埋梅粉食，好香口倆口小吃📍中環康樂廣場1號怡和大廈地庫BaseHall Kiosk 11…Read More

有次入元朗問住元朗嘅朋友仔有咩好嘢食佢介紹過倆口小吃，不過呢間人氣餐廳成日會排長龍，所以最後無試到後來知道佢開咗喺中環，對我嚟講方便好多而且仲可以坐低慢慢食，今日終於嚟試咗佢🤩刈包當然係佢哋嘅主打，一共五款我哋叫咗其中兩款: 1️⃣香煎蝦餅刈包2️⃣韓式泡菜炸雞刈包+$33轉套餐有一份細炸蕃薯條🍠同一罐汽水🥤/菊花茶🌼或者+$48配台灣啤酒🍻另外仲有都好出名嘅壓餅，每日提供嘅款式都會有啲唔同今日四款口味👇🏻《🍵抹茶忌廉芝士》《🐽芋泥肉鬆》《🧀四式芝士》《☕️提拉米蘇》我哋就叫咗抹茶忌廉芝士壓餅試吓先🦐🦐🦐🦐🦐香煎蝦餅刈包🦐🦐🦐🦐🦐餡料非常豐富，有手打蝦餅配港式魚旦醬蒜醋西洋菜同紫椰菜，面頭仲鋪滿大量芝麻蝦餅彈牙厚身同西洋菜、紫椰菜食落都好夾🍗🍗🍗🍗韓式泡菜炸雞刈包🍗🍗🍗🍗炸雞扒超大塊，開頭仲驚會好熱氣點知一食好Juicy，熱氣感大減個包配埋泡菜奶油芝士汁配埋梨、京蔥、蔥花、翠肉瓜絲、辣油辣粉，多重口感👍🏻個包都想讚一讚，就算食到尾都仲好軟熟🍠炸蕃薯條雖然係細Size，但都有成碗，份量一啲都唔細蕃薯唔會炸得太乾，本身都夠甜，仲加埋梅粉食食吓就食晒成碗Lu😌🍵抹茶忌廉芝士壓餅壓餅嘅外皮好似monchi咁煙煙韌韌呢款嘅外皮係綠茶味入面顧名思義係抹茶忌廉芝士外皮煎得香脆，一切開就見到流心嘅忌廉芝士外脆內軟交錯，啖啖香濃嘅抹茶忌廉芝士充滿口腔總結💭💭中環嘅分店比起喺元朗要企喺街食呢度會食得舒服好多今次兩款刈包嘅醬汁配搭都好鐘意壓餅另外嘅幾個味都好多人叫呢間分店咁方便，一定會再嚟幫襯🫶🏼…Read More

放工約了友人食飯，之前聽人介紹呢個倆口小吃係元朗好出名，好想一試但元朗又太遠，而加係中環有分店實在太好了~!位於BaseHall都幾方便。7點多去到，等個FD順便睇下個餐牌，好多售罄所餘無幾@0@!實在太受歡迎了!太想食只好盡快有咩叫咩。順帶一提，QR CODE落單會快點。等食中。因為飲品冇乜吸引，飲水好了。好吸引呢。香煎蝦餅刈包，$65。刈包微熱軟熟，餡料十足，蝦餅外層香脆，入口彈牙有鮮蝦味，配料爽口清新，特調的醬汁及魚蛋醬好惹味，口感豐富好味! 抹茶忌廉芝士壓餅，$45。餅外皮微脆，入餡是澎湃的抹茶忌廉芝士，十分足料，抹茶味濃郁，微微的甘苦，配合鹹香的芝士好美味~又唔會太甜膩，好味。果然好味，下次早點來一定要試下豬腩肉，有機都想去元朗一試~但要假日了。…Read More

✅刈包都同壓餅都真係好食亦有特色 名不虛傳✅Basehall 2環境都好好 靚裝修、有人執檯、連自助斟水都有sparkling water揀✅倆口小食元朗本店實在太多人排隊 中環呢邊相對好啲 起碼等個陣都有得舒舒服服咁坐✴️平日lunch time真係好多人 等位要等 買野食要排 買完又要再等✴️中環店係貴過元朗個間的！最推薦：⭕️香煎蝦餅刈包 ⭐️⭐️⭐️⭐️⭐️醬汁好特別 我覺得係有少少沙爹味嘅咖喱魚蛋汁 睇落好似會好怪 但其實加入刈包到好夾又好有創意！中間仲有酸酸地嘅紫椰菜 可以平衡炸蝦餅嘅油膩 整體味道同口感都豐富⭕️台灣腸刈包 ⭐️⭐️⭐️⭐️⭐️又係醬汁好特別 成個包食落都好香 台灣腸唔洗講 本身呢樣野就好食⭕️抹茶忌廉芝士壓餅 ⭐️⭐️⭐️⭐️⭐️抹茶味好香濃！係高質嘅真抹茶味 忌廉芝士係好濕潤 同個壓餅嘅口感幾夾⭕️抹茶奶酥紅豆麻糬壓餅 ⭐️⭐️⭐️⭐️⭐️亦係一入口有好香濃嘅抹茶味 呢個入面有紅豆同麻糬 相對比忌廉芝士口感豐富啲 不過兩個味我都好鍾意⭕️番薯條 ⭐️⭐️⭐️⭐️中環店刈包+$28可以轉做lunch set就有一碗番薯條 炸得夠脆 而且有酸梅粉！OK推薦：🆗焙茶奶酥朱古力皮壓餅 ⭐️⭐️⭐️焙茶味係香濃嘅 都好食 但係整體口感太乾🆗Tiramisu壓餅 ⭐️⭐️⭐️（呢個口感會濕潤啲 幾好食 但係就係普通tiramisu會有嘅味 就冇咩特別）❌不推薦：❌芋泥肉鬆壓餅 ⭐️（唯一一樣唔推薦 因為食唔到芋泥味 反而食到陣人工嘅奶粉味 口感好乾 味道都好一般）Remarks:為咗寫好呢個post，分別嚟咗3次先試到呢到唔同野，次次都要等，真係出錢又出力。…Read More

聽講倆口小吃喺元朗成日好多人排隊，今日我去中環basehall反而唔多人，不過豬腩肉刈包已經售罄啦。聽講假日會多啲人，會再早啲賣晒。*韓式泡菜炸雞刈包 $68刈包鬆軟、微濕潤，好似一個好軟綿嘅饅頭，搽咗一層泡菜奶油芝士汁。炸雞外層炸到似鹽酥雞，肉質嫩、好juicy，撒啲辣粉，入面再包入泡菜梨片、京蔥、翠肉瓜絲。因為每一樣都好食，味道上又好夾，成個刈包都好好食！*套餐配炸番薯條及飲品 +$33番薯條厚切，薄薄一層麵衣炸到脆卜卜、熱辣辣、唔油膩，番薯味又非常重，而且每一條都有梅粉，好正。抹茶忌廉芝士壓餅 $45餅皮係抹茶味，微微煙韌，餡多嘅關係所以存在感相對低。餡料係抹茶忌廉芝士，切開立即爆餡，抹茶味非常濃厚，忌廉芝士嘅酸味微乎其微，但又唔會太甜。個人覺得冇刈包咁驚艷。…Read More

今次已經係第二次幫襯倆口小吃，味道一樣咁有水準！ 對上一次食係喺元朗本店，12點未開舖開始排，最後都要等咗兩個幾鐘先有得食😭 佢哋嘅刈包係自家製，口感同出面餐廳入貨嘅刈包大大不同，而且餡料配搭都非常出色。近排知道佢哋終於係港島foodcourt開分店，環境舒服，仲要唔使點排隊，就算價錢比元朗分店貴都值得。🥩 傳統豬腩肉刈包跟柚子醬 Traditional Pork Belly Gua Bao ($58) 👅: 96.34 分 (中環/ 元朗分店)刈包軟熟，不會黏口，帶點煙韌，趁熱食最好食。滷肉煮得好冧好入味，入口即溶。配合切碎了的酸菜，柚子醬和花生碎，味道酸酸甜甜，加埋芫荽去解膩，整體配搭豐富和開胃。+$28 跟餐可配番薯條同汽水🧄 酥炸什菇刈包 Assorted Deep Fried Mushroom Gua Bao（$60) 👅：84.27 分 (中環分店)店舖選用天婦羅方式去炸菇菌，做得香脆不膩，略嫌粉漿過厚，不太吃到菇的味道。配料有漬紅洋蔥，榛子碎和草菇榛子醬，味道幾特別，但什菇份量非常澎湃，食落會比較狼狽，如果以小食形式提供可能會更加適合。🍗 菠蘿炸雞刈包 Deep Fried Chicken Gua Bao（$46） 👅：97.33 分 (元朗分店)必食‼️ 餡料有炸雞，燒菠蘿，羽衣甘藍，配自家調製的酸果醬和辣醬。佢哋嘅雞肉係用地瓜粉炸，做得好香脆，雞肉好嫩滑好juicy!! 菠蘿加糖燒過更香甜，配合埋辣醬同有豐富營養價值嘅羽衣甘藍一齊食，非常清新和開胃。🫔 提拉米蘇壓餅Tiramisu Press Cake（$48） 👅：82.21 分 (中環/元朗分店)倆口小吃的壓餅同樣好受大家歡迎。餅皮煎得香脆，入面係帶香濃咖啡味的cream cheese，壓餅上面加了一些oreo 碎碎增加口感。⭐️提提大家food court的飲料區有免費氣泡水提供。📍中環分店提供刈包的口味與元朗本店有少許不同，而且定價會較高，營業時間也不太穩定，建議大家到訪之前，留意佢哋IG嘅Update!…Read More

倆口小吃🥢台式刈包及壓餅整體而言，未至於有驚艷的感覺，雖然價錢比元朗店貴，但換來的是不用人肉排隊朝聖，可以在food court堂食。三樣食品中個人覺得炸蕃薯條最好吃🍟👷🏻‍♀️戴番個頭盔，非專業foodie，純粹個人主觀分享🙏🏻————————————————————————🍴 倆口小吃 (中環)📍中環康樂廣場1號怡和大廈地庫BaseHall Kiosk 11————————————————————————💁🏻‍♀️主觀記錄(記錄下自己食咗啲咩落肚🤪)1️⃣ 套餐$91👉🏻包括傳統豬腩包刈包(單叫 $58)、一份小份炸蕃薯條、一罐菊花茶(單叫 $33)👉🏻刈包包體軟熟。內餡有：五花滷肉、酸菜、花生碎、莞茜及柚子醬。滷肉略肥，食材配搭ok👉🏻蕃薯條即炸，好吃😋 感覺小份一點也不小😆朋友略嫌梅份重手了一點，但我覺得ok👉🏻菊花茶不甜2️⃣ 抹茶忌廉芝士壓餅$45👉🏻抹茶味濃，也吃得出忌廉芝士的味道，內餡是偏稠身的。餅皮有厚度帶煙韌。若是鹹味組合，應該更match _💡鍾意我哋嘅分享，記得：❤️Like💬Comment🔖Save📲Share_#hkfoodie #hkfood #hkfoodblogger #hkfoodblog #hkfoodlover #hkfoodstagram #hkfoodpic #hkfoodpic #hkfoods #hkfoodieblogger #hkfoodporn #hkfoodies #hkfoodshare #hkfoodig #香港 #香港美食 #香港美食指南 #香港美食日記 #香港美食地圖 #香港美食推介…Read More

❀ 倆口小吃 #中環 ❀❗️元朗米芝蓮人氣壓餅 中環分店可以唔使排隊❗️——————————————————一直都好想試呢間元朗米芝蓮名物，主打唔同口味嘅壓餅同刈包，但長期大排長龍，仲要係室外又無位坐，亦隨時賣晒，所以一直都未有心機去🙈最近去咗位於中環Jardine House嘅foodcourt Basehall2，發現都有倆口小吃，仲唔洗排長龍，亦可以手機scan QR code落單，等10分鐘左右就有，方便好多，唯獨係價錢會貴少少(~$15)🤏。.✷𝑀𝑒𝓃𝓊✷☞ 傳統刈包 $58 (4/5)(五花肉，酸菜，花生碎，芫荽，柚子醬）刈包係店主每日親手製做，軟綿綿得嚟亦有少煙韌，係我喜愛嘅口感😆餡料滿滿的，有一大件半肥瘦嘅五花腩，加上甜甜地嘅花生粒、爽口酸菜，味道豐富🥰.☞ 芋泥肉鬆壓餅 $43 (4.1/5)芋泥同肉鬆簡直係Perfect match👍🏻芋泥的確有芋頭香，而且好綿滑。而肉鬆係有少少脆口，豐富口感。☞ 抹茶忌廉芝士壓餅 $45 (4.2/5)不過最驚喜絕對係呢一款🔥一打開，內裏濃濃嘅嘅抹茶忌廉醬湧現！味道甘苦，坊間真係好少食到咁香濃嘅抹茶製品，再有少少忌廉芝士嘅酸甜。口感杰杰地似吉士，會有少少膩，建議同人分享。兩款壓餅口感相同，比較硬實，但唔會覺得太厚皮，不過自己更加偏好煙靭嘅皮🤓——————————————————✨整體味道: 4.1/5 ✨環境裝修: 3.8/5 (food court)✨服務態度: 3.8/5✨性價比: 3.5/5 (元朗會平啲，但要排隊)✨再訪興趣: 4/5 .💞整體來講絕對有其特色之處，亦有一定水準👍🏻不過可能因為我較喜歡煙靭嘅皮，就覺得冇坊間講到咁誇張🙈不過絕對值得試，唔使排隊嘅話絕對會再食。…Read More

中環food court BaseHall擴充第二期有多間名氣店舖進駐其中一間係元朗人氣小店台式刈包專門店有各款創意口味刈包選擇▫️ 傳統豬腩肉刈包 $58爆餡台式刈包手製鬆軟而濕潤內有多片半肥瘦五花腩🐖看似肥膩但配合海量芫荽、酸菜、花生碎☘️🥜仲有美味柚子醬🍋食落唔覺油膩味道有驚喜😊❤️▫️ 抹茶忌廉芝士壓餅 ($45)必點甜品壓餅估唔到質感煙靭切開有大量抹茶忌廉芝士流出🍵確係幾好味😋Size看似唔大但二人分享會比較好😆⭐️溫馨提示：食物全部即叫即製🔥所以須耐心等候…Read More