Ruby Tuesday (友誠商業中心)

Ruby Tuesday可謂本港連鎖西餐廳的表表者，分店遍及尖沙咀、銅鑼灣、九龍灣、荃灣、將軍澳等地，尤其是以菜式份量十足見稱，成為會員更可享有半價優惠，物超所值。除了經典燒排骨、超級漢堡、穀飼牛斧頭扒等招牌菜式外，旺角分店更設有Free Flow套餐一小時內任飲五款酒精飲品，平日下午五時至晚上十時每位更低至$88。手撕豬墨西哥烤薄餅 ($159/318)墨西哥薄餅當中夾住手撕豬、番茄粒、車打芝士等材料，芝士份量尤其澎湃故整體味道上亦獨霸一方，豬肉配以燒烤醬略帶煙燻香氣惟肉質稍為乾韌，附上酸忌廉及番茄洋蔥莎莎酸酸辣辣份外清爽。精選和牛蘑菇芝士煙肉漢堡 ($174/348)法式牛油軟包烘得外脆內軟之餘牛油香氣醇厚，和牛漢堡肉汁豐富且油香四溢，選用蒙特利傑克芝士（Monterey Jack Cheese）味道溫和不至喧賓奪主，煙肉焦脆鹹香加上炸洋蔥碎份外香口，炒大啡菇片、生菜、番茄及酸黃瓜恰好能中和整體油膩感。大蝦香草意大利幼麵 ($124/248)意大利幼麵口感偏軟但掛汁力強，香草忌廉汁近似青醬般帶陣陣羅勒香，但加入忌廉及巴馬臣芝士更加濃厚稠密並富奶香。特級Aged Prime西冷扒 ($264/528)十二安士西冷扒選擇五成熟度恰如其分，西冷本身肉質比較結實固然不及肉眼軟嫩，但肉味香濃且脂肪比例均勻惟筋位稍多。芝士煙肉焗薯薯仔粉糯綿密焗得透徹並帶牛油香，配上芝士、煙肉、酸忌廉及自選的蘑菇汁毫不單調。…Read More

重開晚市一排，再加埋可以8人聚餐，真係要吹雞慶祝吓！Ruby旺角分店亦都開返晚市喇，嗰度有各式各樣打卡牆，啱晒去餵飽IG，先再醫肚今餐食美國菜，頭盤嚟個炸蝦先炸蝦大大隻，外脆內鮮，醬汁夠晒滋味，撈埋底下嘅沙律都唔錯炸雞漢堡好大份，夠兩份share，內裡有煙肉同芝士，同炸雞又幾夾，雞肉雖然大塊，但都嫩口側跟仲有好大兜薯條，絕對係大滿足烤薄餅風味真係十足，兩塊薄薄嘅餅皮，夾住爆晒芝爆晒肉嘅手撕豬餡，味道極之濃郁，而且好辣，點吓忌廉同撈菜食，感覺好地道咁最後食返個朱古力蛋糕解吓辣，雙重朱古力Layer，外面係朱古力海綿蛋糕，口感實在亦有啲綿裡面就係朱古力忌廉，撈埋雲呢拿雪糕一齊食，直頭係三重享受旺角店有free flow：星期一至五 5-10PM $88/1 hr、$158/2 hrs，有六種選擇：Stella、1664 draught、Bacardi & Coke、Whisky Sour、house red同white wine，去到5月31日咋…Read More

望穿秋水，晚市堂食終於可以重見天日。疫情寒冬期，好多主力做晚市既好餐廳被逼停一停，經常光顧既美國連鎖餐廳Ruby Tuesday 係其中一間。知道佢地旺角分店開番，即刻約埋朋友去開餐嘆下美式餐飲。.美國風裝修既Ruby Tuesday坐位闊落舒適，裝潢型格，極具空間感。旺角新分店風格同其他分店有少少唔同，沿路有美風塗鴉牆身同極為吸睛打卡牆。仲有少女打卡最愛既霓虹光管Angel Wing，應該會吸引到唔少年青人既目光。.🍤滋味炸蝦 Typhoon Shrimp 會💲84｜正💲168⭐️4.2/5露比招牌小食，每次來都必點。炸蝦肉質爽脆大大隻，沾滿左微辣秘製醬汁，酸酸甜甜辣辣非常醒胃。.🍔迷你露比三重奏 Silders Trio 會💲154 ｜正💲308⭐️3.7/5想食美式漢堡但心大心細，叫呢客Tasting版本既迷你露比三重奏絕對適合：一次過試哂迷你版芝士漢堡、手撕豬同珍寶蟹肉餅漢堡。個人最愛係味道最濃既手撕豬漢堡，醬汁惹味充足。芝士漢堡則略覺乾身。.🌮手撕豬墨西哥烤薄餅 Pulled Pork Quesadilla會💲154 ｜正💲308⭐️4/5墨西哥餡餅外貌雖然唔算靚仔，但味道上有驚喜。墨西哥薄餅夾住BBQ醬汁手撕豬，再配上半溶車打芝士同酸甜蕃茄粒。呢客Quesadilla提供俾好似我呢類鍾意食Ribs既食客另一個不錯既選擇。.🍨🍫濃情朱古力 Chocolate Tallcake會💲99｜正💲198⭐️3.7/5露比既Chocolate Tallcake係佢地招牌之一，絕對係餐牌內邪惡甜品既核心成員。超大一客忌廉雪糕朱古力蛋糕，適合一大班朋友分享，今次兩個人食極為內疚😂。.另外，旺角分店為慶祝重開，由宜家起去到5月尾酒精飲品有Free Flow Package，5-9PM 💲88/1小時；💲158/2小時。包括有6款唔同酒精飲品選擇：Stella, 1664 Draught, Bacardi & Coke, Whisky Sour, House Red Wine, House White Wine，酒精絕對同邪惡既美式助酒小食係絕配。.不專業食評nei.foodie …Read More