川川辣辣

收工返去搵食，都係去返頌富睇因為多野食D🤣原來3樓新開左間食川菜既！咁啱本人最近迷上左食川菜🤩所以就毫不猶豫咁就入左去~當晚8點左右就到左餐廳，唔洗等位，入面都唔係好滿座，店員就安排左俾我地坐角落位話靜靜地🤣👍🏻我同朋友睇餐牌既時候就諗住食酸菜魚+口水雞+手撕包菜，睇睇下點知就見到有個2人套餐係有齊晒呢3個🤣仲有2個小饅頭+2碗白飯！所以就即刻叫左個2人套餐($298)，比起散叫平好多！飲品就叫左豆漿同埋凍檸樂。-招牌酸菜魚✨叫左唔係好耐啲野食都好快就上菜，個湯酸酸辣辣勁開胃，又唔會太酸/太辣，味道十分適中，而酸菜魚既份量都好足料又多，入面會有生魚片啦芽菜啦萵筍啦寬粉啦等等，食極都仲有🥰🥰👍🏻-川辣口水雞✨呢個又係一個十分之開胃既菜式，川辣味配上香嫩既雞件，簡直係令人垂涎三尺🤤🤤呢到D雞都好爽口唔會好鞋，又啖啖肉多汁唔會全部都係得骨，同埋都唔會好油膩👍🏻上面個醬汁都有好大陣麻香味，十分出色！-手撕包菜✨都係一道好開胃既菜🤣🤣有麻辣既鮮香味之餘，啲菜仲好爽脆！唔會好淋亦都唔會覺得唔新鮮👍🏻差啲好味到食到停唔到口🤤最後仲有兩個炸小饅頭，外酥內軟又香脆可口，配埋煉奶真係冇得輸！👍🏻👍🏻個2人餐一開始睇落去都好多份量都驚會食唔晒，點知道道餸都咁開胃，結果我地都不知不覺食得晒🥰十分滿足！店員服務又好好又坐得好舒服，下次會想再去試埋其他菜式例如水煮魚同幹鍋類🤤👍🏻…Read More

與朋友於T-Town的商務書館打書釘,累了就在T-town到處走走,找吃的。商務出來乘搭扶手梯往上行, 見到一間新開不久的川菜館, 對於喜歡吃川菜的我,當然要試。菜單基本上川菜的菜式應有盡有, 有酸菜魚,水煮魚,干锅,雞煲,炒肉等……川菜中我最喜愛食酸菜魚, 我們點了例牌份量, 重慶雞煲半隻, 手撕包菜, 及菜單上推介的流心奶黃西多士雞脾。酸菜魚,例牌的份量不多,2-3人的份量,潔白的魚肉, 沒有骨,十分爽滑,魚肉吸收了湯汁的精華,每一口都帶有酸菜味及四川的麻椒味,酸酸辣辣, 配以白飯, 辣得過隱, 十分醒神開胃。手撕包菜, 新鮮爽口,每一口包菜都帶有四川的麻椒風味,因為我們點了少辣, 咸咸的,所以味道都不太辣但也能感覺到少少的麻。重慶雞煲, 半隻雞,份量足夠, 雞件拌至金黃色, 雞肉不粗糙,十分嫩滑; 肉吸收了雞煲醬的精華.,咸咸辣辣,十分入味。晚市也能吃到通常在下午茶才出現的西多士炸雞脾,在這裏是其中一個特色。金黃色的西多士,淋以蜜糖糖漿,甜到入心; 咬開西多士中間, 夾以咸蛋黃,富有味道的層次感, 極具特色;而炸雞脾,手掌般大隻,香脆外皮鎖住雞脾肉汁,形成外脆內軟,相比某些大連鎖品牌的食店,簡直是有過之而無不及。最後來一杯店的招牌紅豆冰, 清除口中的油膩感和麻辣感。 …Read More

今日特別想食辣嘢，於是就近近地來左尼間新開冇幾耐嘅川菜店，時間尚早所以唔需要排隊，告知左三位後，店員就安排我地入到去坐低。店內環境裝修都同正常中菜館差唔多，都算闊落，唔會逼。桌面尚算乾淨，餐具都擺左係張檯側面拖櫃度方便客人自己攞。輪到睇餐牌嘅時候，餐牌入面列出來都係中規中矩嘅川菜（晚市時間為下午五點半打後）菜款唔算太多，所以我地叫左三個菜，水煮牛肉、毛血旺同手撕包菜。（店員都同我地講左份量多少，驚太多食唔晒浪費）水煮牛肉，自己食落系唔錯，辣度介乎於小辣至中辣，牛肉片都大塊。毛血旺份量個人感覺少左啲。屋企人唔系好食得辣，所以食唔多。手撕包菜份量okay，好送飯。不過唯一唔抵嘅地方系一罐可樂都要22蚊。*（飯系另外加落去）依家仲係試業中，埋單嘅時候要比現金都唔系好方便。係天水圍來講算得上唔錯嘅川菜餐廳。食得辣嘅朋友不妨來試試。…Read More