Niu Jing Wong

而家潮流講養生，點到卽止不會吃得太飽；尤其晚餐最好若七成飽便夠免得夜後難消化和積聚脂肪。所以很多時寧可選擇D富營養和自己喜歡的食物。尤其食火鍋更要精簡為妙以免吃壞肚皮。今次和知己行至九龍城區買物資，隨即找回兩年前幫襯過的火煱店；因這裡食物質素唔錯有好感。坐下後隨即order左二人套餐貪佢乜都有唔駛煩。而湯底就莞茜馬蹄皮蛋煱，可清清燥熱。頂級手切牛肉油脂均勻，肉味濃。極品安格斯牛肉粒若時間控制得宜，肉質嫩滑又有嚼口。牛白肉以我來講係新嘗試，切得很簿口感爽脆。蟶子和青口各有兩大隻，非常厚肉。蝦丸墨魚丸牛筋丸和鲮魚丸全部皆人手打,真材實料。墨魚丸和蝦丸爽口彈牙，牛筋丸牛味香；鲮魚丸咬落毫無碎骨，可放心食。自製鮮蝦雲吞和鳳城水餃係我至爱，裹著全是大大隻鮮蝦；美味非常。自製韮菜餃D韮菜很香口，而魚皮餃餃皮煙煙勒勒，味道巧到好處。蔬菜籃只有兩欵畧為少，但好在夠新鲜。最後還有烏冬和出前一丁任揀一欵。我們當然選擇手打稻庭烏冬。…查看更多

又到秋冬季節， 最好嘅活動梗係打邊爐啦！ 同牛魔王黎「牛精皇」， 梗係要食佢個招牌湯底—招牌牛精湯， 集牛內臟於一身，牛精必試！😎 原來仲有二人套餐優惠， 有經濟實惠嘅「優惠2人餐」（$398）或「精選2人餐」（$548）， 分別包6款食物或11款食物 和 一款$68湯底（沙嗲、清湯及芫茜馬蹄皮蛋）， 我地兩個人比較細食， 所以點左「優惠2人餐」就夠晒啦！🤭 不過牛精湯梗係必試啦！ 所以補差價都要殺！😎 一上枱，佢個牛骨湯底已經香氣四溢～ 裏面材料十分豐富， 有金錢牛肚、牛肺、牛尾、牛腩、牛孖筋、牛膀等， 全部都洗得乾淨，都幾新鮮， 牛肺腍滑，牛膀爽口，牛肚軟腍有彈性， 鍾意食牛雜嘅foodie不妨一試！😏 美國🇺🇸特級肥牛卷 份量雖不多， 但勝在肉味香濃！ 鮮雞件半隻 不愧為鮮雞而唔係冰鮮雞， 肉嫩味鮮，正！😋 即炸響鈴4件 即叫即炸，炸得酥脆可口， 蘸甜醬就咁食得， 浸湯食都得，得左！👍🏾 蔬菜籃 款式多，有通菜、生菜、油麥菜等， 款款都夠晒新鮮爽脆。 手打稻庭烏冬纖巧細緻，柔軟爽彈！ 滑豆腐無晒貨， 所以轉左冰豆腐， 其實仲開心！ 因為冰豆腐比滑豆腐更吸湯底精華！👍🏾 值得一讚嘅係店員服務好周到， 隔油隔得好仔細。…查看更多

早前閉關了太久，現在係時候出關啦！朋友知我近期特別喜愛食牛，特意帶我前來九龍城，這裡有好多新開食店，聽說這間牛精皇的火鍋店經常爆滿，最好是提早預訂枱，咁就萬無一失啦！！而它的門面好容易認，有隻憤怒牛頭做標記，完全配合它的店名”牛精”皇。入到店面，看似細細，只有幾張枱，但唔問唔知原來這店還有樓上，仲有包房服務。喜愛獨立空間或一班朋友來就啱晒。火鍋醬料例牌有蔥碎、香菜碎、蒜碎、辣椒、芝麻油和醬油，不要睇少佢，它是一個很重要的配角，有佢才令主角更出色。 至於湯底 ~~我們就叫咗個簡單又清香的莞茜馬蹄皮蛋鍋，清清地才更可突顯各種食材的鮮味。:)坐下來便開始研究食物，大部分都係我的至愛，最後揀了二人套餐$548。三層的食物架內有牛白肉、安格斯牛肉同牛柳粒、聖子王，手打蝦丸同墨魚丸，雲呑、水餃，菜同烏冬。服務員好細心地提醒不同的食物要滾多久時間才是最棒進食味道，如牛白肉只需時6至10秒而已， 有少許硬和牛味不算很出，但勝在夠爽。超大的蟶子皇就只需滾10秒便即可入口，因為這才食到它的新鮮甜味，果然非同凡嚮，超正。安格斯牛柳粒就要滾10分鐘以上，真係夠彈，而安格斯牛肉口感又真的是不同，我個人認為什麼醬汁都不需要，咁就食到原汁原味的牛味，仲係好重牛味。手打蝦丸、牛丸、墨魚丸和鯪魚丸，味道濃郁，很爽，粒粒皆彈牙，好好味。水餃都是水準之作，內有雲耳、大蝦、豬肉碎，竟然肉質不單彈牙更有肉汁在內，簡直無得輸！ 雲呑有肉碎和兩隻大蝦，新鮮不再話，雲吞皮都剛好不會太厚，材料又洽如其份，想加單呵！連烏冬都不是一般平價的貨色，係手打稻庭烏冬，感受到他們很用心和用成本打動我們。 …查看更多

兩天前天氣還很熱很濕，但這兩天突然又變冷。又是適合打邊爐的時候。這次與朋友互相遷就，來到九龍城涮一涮。九龍城看似很偏遠，但原來與樂富十份近。來到的時候已經幾乎滿座，首先先自行調制醬料（注意：醬料要每位加＄18)，可自由加蒜、蔥等等。湯底選了野生松茸豬肚雞鍋。起初湯底很多泡，店員細心地替我們隔了泡，之後不斷替我們加湯底雞與鍋是另外上的，店員替我們放了雞進鍋，滾了一會兒便關火。對我們說自行計時8分鐘後便可以吃了。原本想點竹蔗茅根水的，但因為太受歡迎，售韾了，唯有叫綠茶。不過原來是道地蜂蜜綠茶，是的至愛來到牛精皇這吃牛的地方，怎能不叫牛？牛皇拼盤一定是必叫之選！雖然是貴，但真的值。牛皇拼盤有3層，第一層是安格斯牛肉粒及牛白肉；第二層是牛舌及牛𦟌；第三層是頂級肥牛安格斯牛肉粒必須要泡在湯底最少10分鐘，泡得越久，會更好吃！吃進口，會感覺到牛肉的脂肪油從牛肉擠出來，十分美味！接著說說其他肉，牛白肉真的是火鍋珍品，因為接近牛胸骨的軟骨，所以吃的時候會感到爽脆！涮6-7秒便能吃:)牛舌與牛𦟌，肉質結實又帶點彈性，配上醬汁更鮮美。頂級肥牛脂肪分佈平均，入口綿綿的，肉香突出。打邊爐必配烏冬，稻庭烏冬是我愛的烏冬的其中一款，因為這烏冬口感煙韌，配上醬汁或湯底真的一流！喜愛芝士的我怎會不叫芝心丸？濃濃的芝士真的很吸引人xd…查看更多