Hungry Boy

今天朋友請食飯，所以我都盡力點貴的了，不要浪費朋友的一片好心！當然也要選自己想吃的啦！招牌龍蝦海鮮鍋（２９８元）這個鍋最爽的地方就是有１隻完整的波士頓龍蝦，一上桌就完全被他吸引了目光，旁邊還放了大量的鮮蝦，鍋蓋也差點蓋不住了，滿滿的一大鍋。不過上面還放了很多香菜跟香芹，如果介意的一定要叫店員不要放，因為味道也是挺濃的！鍋裡的海鮮除了龍蝦跟鮮蝦外，還有餐廳有名的白貝在下面，每一隻都很大又厚肉，吃起來十分鮮甜，量也很多！波士頓龍蝦吃起來也很新鮮，肉質爽滑，有蝦味，肉也很多。鮮蝦也很新鮮，肉質緊實彈牙，不痴殼！鍋內還有大量的蔬菜和豆腐，煮完海鮮後，湯底都變得清甜，有海鮮味！至尊牛拼盤（４４８元）這個拼盤差不多把想吃和有名的牛肉全都組合在一起，最適合什麼都想吃的人，沒錯就是我！最頂層的是頂級安格斯牛柳粒，每一粒都充滿著大量雪花，吃起富有油香，肉汁豐盈，肉質軟滑，質素真的不錯！第二層的是頂級安格斯肥牛，吃起來也是軟滑有牛味，而且不會太油膩。最底一層的是牛肩胛，牛頸脊和吊龍，這一層是最貴的一層，也是最好吃的一層！本地新鮮的牛肉吃起來完全沒有雪味，牛味更為突出，吊龍吃起來爽滑有油香，牛頸脊味道甘香軟腍，牛肩胛中透明的嫩筋吃起來也軟嫩Ｑ彈！這麼多款牛肉，我最推薦的還是吊龍，難怪他在這裡是賣最貴的！珊瑚蚌（９８元）這個可能很多人都不知道是什麼，雖然有一個蚌字，但其實完全是跟蚌沒有關係，更是屬於紅海參的內藏，不知道有人知道這個事實以後會不會不敢吃呢！不過珊瑚蚌吃起來口感爽脆，味帶點鮮，下鍋十多秒就可以吃了。而且好像說珊瑚蚌沒膽固醇和脂肪，所以吃多一點也不怕！手打四寶丸（７８元）一如其名，有四款不同的丸，分別有豬肉丸，牛丸，鮮蝦丸和墨魚丸。每一款都十分彈牙，而且都會藏有肉粒在丸內，增加口感，吃起來不會太單調，質感的話可以肯定是手打的，比平常雪藏的好吃很多！菠蘿沙冰和柚子沙冰（４２元／杯）只看照片真的分不出哪杯是菠蘿，哪杯是柚子，我也是問店員出單的是什麼才知道，哈哈。柚子沙冰喝起來有很濃的柚子味，帶一點柚子獨有的澀，酸甜可口！菠蘿沙冰就有濃濃的菠蘿的香甜味，還能吃到一點點的果肉！不過沙冰跟火鍋的配搭真的很爽，喝起來特別透心涼！…Read More

好彩提早係book左位，如果唔係就有排等👍🏻我地叫左招牌卜卜蜆煲，一開頭擔心好重蒜蓉位，結果有點驚喜😍，啲蜆好乾淨，個湯底好清，打邊爐一流👏🏻另外叫左啲邊爐料：分別有安格斯肥牛(小)、手打四寶丸、墨膠釀鮮冬菇、土豆片、萵筍。🐂安格斯肥牛雖然叫左細size，但兩個人食份量已經好足夠，好重牛味，好食😋手打四寶丸分別有牛丸、豬肉丸、蝦丸同墨魚丸，全部都好彈牙👍🏻墨膠釀鮮冬菇，其他鋪頭比較少見，呢兩樣嘢夾埋幾特別最後土豆片同萵筍都好新鮮👍🏻仲有順帶一提係每人會收10蚊醬料費。同埋可能因為我地叫得太多嘢，食左接近兩個鐘，店員提左我地兩三次食快啲😂因為好多人等檯，另外提議大家可以多啲人一齊去食，因為多人食可以試多啲款😋…Read More

我之前已經幫襯過「為食仔」唔止一次，成日都同屋企人講話好正，但一係夾唔啱時間，又或者佢哋唔想出去，加上近嚟又有限聚令。呢晚有人生日，我就決定買外賣返去畀佢哋試下😛。我有打過電話去問駛咪一早落定單，店員覆我嚟到先慢慢揀啦，好快搞掂執好畀你。佢果然無呃我，三個字講哂「快 、靚、正👍」！外賣都係同一個堂食餐牌🥡，食物包裝得超好，但好重哈哈。呢度嘅量再自己加多少少蔬菜同烏冬就夠哂四個人食😁，齋望啲食材都覺得正。18禁卜卜蜆煲($178)，原味以外我樣樣都想試，店員介紹辣鍋最受歡迎，我都鍾意食，但驚會頂唔順🙈。佢話辣度有分幾種程度，而且佢可以幫我同湯底分開上，咁辣味就可以自行調節啦。主角卜卜蜆一大兜，估計兩斤走唔甩，因為蜆殼本身亦較厚、偏重。我哋無數過有幾多隻，但大大小小夾埋有70-80隻，甚至100隻都未必誇張😱！全部蜆已經浸夠時間，所以基本上無乜沙同開哂。我哋未落其他食物前，先將一半蜆放落個鍋，成個視覺好震撼😎。蜆好快熟，打開時「卜」一聲，唔通卜卜蜆個名係咁嚟？食蜆都食到攰啊，不過非常值得，因為蜆好鮮甜，而且隻隻都好肥美，有部份近乎係大蜆Size。本地新鮮牛頸脊($218/細)，店員解釋我知🐮牛頸脊係牛活動最多嘅部位，脂肪含量較少。牛頸脊的確無乜肥膏，顏色鮮紅有光澤，個樣一片片好整齊有啲似牛𦟌！食落牛味濃郁兼且有咬口，大小厚薄適中，一啖食哂啱啱好。珊瑚蚌($98)，呢度嘅珊瑚蚌直頭賣得平啦，淥落發現有八大件！就算淥耐咗，佢都仍然保持爽口。我好耐無食過咁出色嘅珊瑚蚌喇😋，連呀媽都讚不絕口。手打四寶丸($78)，🍡左至右分別係墨魚丸、鮮蝦丸、豬肉丸同牛丸，每樣兩粒，全部均係用料上盛。喺屋企就可以再將每粒丸一分為二，咁就每樣口味都試到。四寶丸不愧為手打，因為口感彈力，連豬肉丸都係先估唔到，自家紫菜炸響鈴($58)，本身想試黃金鹹蛋口味，但店員話唔建議外賣，咁無計啦，佢話紫菜同樣好食。餐廳自家炸響鈴，唔淥就咁食亦得，得咗；浸湯就更加無得輸🤤。醬料方面，餐廳亦好貼心咁裝好一盒盒比我哋。其中有一個係18禁個辣醬嚟🥵，好彩分開上，小辣我都頂唔順...。總括嚟講，外賣同堂食嘅卜卜蜆同樣滋味，唯一就係喺街食仲方便，唔駛洗碗(呀媽心聲)。不過喺屋企就更加無拘束，邊睇電視邊食至高享受。最緊要係喺屋企食飯間唔使都可以換個口味🍲！…Read More

卜卜蜆鍋有多款口味選擇，包括原味、辣、喇沙、胡椒雞湯等。由於朋友唔食得太辣，所以叫左十八禁卜卜蜆BB辣，服務員話會越食越辣。卜卜蜆鍋係用新鮮沙白蜆，粒粒飽滿，Size亦唔係幾細，超級鮮甜，而且粒粒都好乾淨，完全冇沙，好大份好足料，絕對唔會好似殼多過肉，而湯底充滿鮮蜆味道，少少辣好正，鍾意食既朋友一定要試。食完蜆可以落火鍋配料打邊爐，推介牛肩胛，又唔貴又好食，叫左細份都有好多，色澤靚，紋理分布平均，牛味濃郁有嚼勁，令人回味！…Read More

旺角白布街已成為黃店集中地，行過等位見到間間都超多人，就去相較少的為食仔攞飛等位，一嚟就已經對佢嘅前台小妹妹嘅態度非常反感，第一句就話walk in無位，大佬你唔係咁倒你老闆米呀化，連攞張飛輪候都得？再細問原來係無台，如果想等位就要等booking嘅人無嚟先可以俾我哋入去，你講得清楚啲唔洗一嚟就講無位叫我哋走，咁實情入到去都係有兩張四人吉台，其實都可以比啲walk in客入去食。好講返今晚食咗啲乜先。18禁卜卜蜆雞煲(中辣) - 我哋order咗中辣，做辣度係真心辣嘅，大約係譚仔啲大辣左右，但未到特辣，蜆肉細有砂，小甜，雞肉唔乾有汁及滑身幾好食，辣度後勁凌厲及持久，但一加湯乜味都無晒，佢做湯真心係敗北，明明一個上好雞煲加個佢所謂湯上去之後打邊爐乜味都無，之期80分, 加湯後30分。牛頸脊(小) - 好食有牛味，睇相頭就知靚貨，可以一試。牛胸爽 - 小弟好仲意食牛胸爽嘅，但依間牛胸爽完全唔掂，明顯貨源問題，食落只不過係一塊肥榚，一啲都唔爽，得油味，無牛肉味，唔好叫，嘥錢。 (真心建議攞唔到靚貨唔好賣此貨，牛胸爽唔好食真係好難食)手打四寶丸 - 手打加咗好少粉，唔死實，有應有肉味及彈牙。黃金炸響鈴 - 蛋黃響鈴，唔好淥咁耐，3秒都多，要麼響鈴還硬，要麼無晒蛋黃，gimmick野，可以唔試。西洋菜+皇帝菜 - 份量少價錢平。帶子-中size，28蚊隻，食味正常。甜蝦- 放題店級數整體食味一般，人衡310位，絶對唔值。…Read More

旺角內街一帶其實都好多好嘢食，白布街有間打邊爐平日都好多人，好彩我上網book定位啫。呢間為食仔最出名就係食卜卜蜆煲🍲，夜晚9點半後仲無限量加卜卜蜆添😱，唔怪之得咁多人啦😎！入到去全店滿座，我哋被安排坐咗喺2樓，一坐低當然先落個卜卜蜆煲先，原來卜卜蜆都有好多唔同嘅味道，有普通招牌式、18禁🔞、冬陰公🌶、喇沙、咸菜豬肚、藥膳、胡椒雞湯，第一次幫襯，先試下個普通招牌式先啦~卜卜蜆煲好快已經送到啦，嘩！真係好多蜆呀，有蒜、蔥、如果食得辣可以加辣椒🌶，我啲朋友因為唔係好食得辣，所以我哋選擇咗走辣，將啲蒜同蔥撈埋一齊，啲蜆特別香，過咗無耐已經食得，啲蜆都算幾大粒，最重要係無沙，而且好鮮甜🥰👍。食完卜卜蜆之後就正式打邊爐，我哋點咗餐牌上有兩個like嘅至尊牛拼盤，有安格斯、牛肩胛、牛頸脊、吊龍同埋牛柳粒，估唔到份量係咁多，有3層，可以試晒唔同嘅部位，安格斯雪花紋分佈均勻，牛味濃郁；牛肩胛、牛頸脊都比較爽口啲；吊龍平時好少食得到，入口甘香嫩滑；至於牛柳粒油脂就偏重左少少，但牛味一樣濃郁👍。美國黑豚肉，肉質都頗嫩，脂肪比例唔會太多。打邊爐又點可以唔叫響鈴呢，呢度嘅響鈴與別不同，佢哋特別自家製，包咗層紫菜喺入面，多一重口感，又香又脆。女士一場嚟到當然要點啲花膠滋補下呢。手打四寶丸🍡有牛丸、蝦丸、豬肉丸、墨魚丸，粒粒都爽口彈牙。手打蟹子墨魚滑新鮮彈牙。黑松露鮮蝦餃🥟好香松露味，仲有大大隻蝦🦐喺入面，非常爽口👍。🐟唧唧鯪魚麵🐟，平時唔係好多地方有得食，呢度我一見到就嗌啦，其實我唔係特別鍾意食🙈，而係鍾意玩唧出嚟嗰下感覺😝😝，我覺得好得意！鯪魚肉一啲都唔腥，魚肉軟滑，煮熟之後仲有彈牙感覺，帶有鮮味。💖打邊爐飲菠蘿沙冰，正呀，超冰涼！大大杯🍍🍹~…Read More

今日放工同朋友去旺角食飯朋友話呢間雞煲可以食埋卜卜蜆, 岩哂貪心既我 好彩朋友一早BOOK定枱, 間鋪超FULL, 我坐下層已經FULL 哂, 好似上面仲有層入面係小店格局仲有酒可以叫, 有埋講解九點半後任食, 但我地未到時間 有呢幾款醬料可以混醬, 右下角個辣醬超正, 一定要試 叫左個18禁卜卜蜆雞煲($138): 叫左小少辣, 入面有好多洋葱, 沙白, 同雞, 沙白好新鮮, 冇沙, 雞煮得岩岩熟, 仲好嫩  加埋佢調教既辣味, 忍唔住一啖接一啖 黃金炸響鈴($68): 係自家制既響鈴, 鹹蛋黃滿滿咁鋪係面, 店員話可以即食或者打邊爐都可以, 響鈴超脆加上鹹蛋黃既鹹香 手打四寶丸($78): 有牛丸 豬肉丸 墨魚丸, 蝦丸, 丸入面唔會好實, 好有咬口, 沾辣椒醬一流  雜菜拼盤($52): 食太多肉,要食D菜減少罪惡感 一鍋兩食,真係大滿足, 店員既服務好細心, 不時提醒爐火既大小, 主動加湯 …Read More

朋友生日 一行四人去試吓食卜卜蜆 去開食海鮮最怕就係食殼多過肉 今次去食為食仔火鍋真係真材實料 先黎一個招牌卜卜蜆 叫左小辣 好足味！咁樣食法真係好新鮮 叫左小食黃金魚皮 脆卜卜 有小小咸蛋味自家製紫菜響鈴 呢個真係驚喜滿分 初頭冇留意以為只係一個普通嘅響鈴 食落好有驚喜 紫菜夾左係入邊安格斯肥牛 脂肪同肉嘅分布都好平均 唔算太肥 黑松露餃子又係另一個意外 可能係我自己好鍾意食黑松露 松露味好香 之後再叫多咗個鮮蝦雲吞手打四寶丸 雜菜拼盤 其實總括嚟講 餐廳食物好新鮮 而且有創意 不能不提嘅係 其實店長好窩心 佢係每張凳下面都放咗個籃仔俾人擺嘢…Read More

想食卜卜蜆既我今日就去左旺角為食仔到食卜卜蜆啦😆 呢到係旺角 油麻地 旺角東中間 行都唔算遠 有2層所以座位都幾多 樓上仲有房 私隱度夠高 同朋友gathering 就岩哂👍🏻呢到有勁多款唔同口味做法既卜卜蜆 最後我地好貪心咁揀左18禁卜卜蜆雞煲 一次過滿足哂我地2個願望😍 我地揀左小辣 都幾辣架 不過就好香好惹味 雞肉好入口 唔會過老👍🏻 蜆同雞既份量好多 我地2個人食到超飽🤪雞煲食到咁上下店員就幫我地加湯 可以打邊爐 我地揀左3款火鍋配料同1個小食 火鍋配料分別有頂級安格斯肥牛 自家黃金炸響鈴同手打四寶丸🤤 頂級安格斯肥牛超大碟超靚 肥瘦均勻 食落牛味香濃 一d醬料都唔駛點😋 自家黃金炸響鈴都好有驚喜 每件響鈴都包著好多鹹蛋黃 咬落好鬆脆 又唔會好油膩👅 手打四寶丸有牛丸 豬肉丸 墨魚丸同鮮蝦丸 4款都好彈牙 食得出真材實料 好有口感😚小食就老細推介試左黑松露芝士焗蠔 送泥個陣真係好驚訝 係勁勁勁大隻 好似塊面咁長 好肥美😍 上面鋪滿芝士同黑松露 又香又邪惡 食完好滿足好幸福丫☺️🤤食咁多重口味既野當然要飲番2杯野啦 我地就揀左酸梅湯同鹹檸7 2樣都岩哂食蜆雞煲丫 呢到價錢都幾抵食架 好岩一班朋友一齊泥食🌟…Read More

一直以為這間店只得蜆煲吃，因為蜆煲是這店的招牌菜，發現原來還有很多特色火鍋，今天就跟朋友特意點選了這款龍蝦湯水煮龍躉鍋。龍蝦湯水煮龍躉鍋，顧名詩意就是用龍蝦湯煮成的龍蠆鍋，用龍蠆作為火鍋主食，還真是第一次，龍蠆足料大條，豪氣十足！龍蝦湯底異常濃郁，除了有龍蝦的味道，更有龍蠆魚油的鮮味，湯底濃而鮮甜，份外驚喜！當然不少得本店主打的辣椒香蒜等香料，辣的龍蝦湯底更能突出龍蠆的鮮味！很有川菜水煮魚的特色，更亦有廣東粵菜的味道！作為火鍋湯底，夠創新特色！手打四寶丸火鍋當然要有火鍋配料，方稱得上『打邊爐』。手打四寶丸可算是中高質的中菜火鍋店才有的配料，沒想到這親民火鍋煲餐廳，也有得選擇！一般火鍋店一分都只得四粒，而這店竟有八粒，價錢亦相當宜人！四寶丸分別有牛丸、鯪魚丸、墨魚丸和蝦丸。手打丸比一般機打的丸，就是多一份彈性的口感，用料也份外足料，入味！田雞份量也相當足，少見火鍋店有田雞配料，肉質鮮嫩，又多肉，十分大隻！…Read More

卜卜蜆.......最喜歡食貝類，之前見到介紹即想來試下......9:30後卜卜蜆有特價，啱晒放工來食！最搞笑是.....電話訂位時已講明，訂咗位來到都要等，最後某人等了半粒鐘有多！卜卜蜆份量也不少，2個人放滿4碟蜆殻山！而卜卜蜆其實就是沙白，只是等待沙白開口時，會發出卜卜聲，所以命名之！不過，蜆一開口就要快點食喇，因為煮得耐就冇咁好味，所以2個人食，都真係要密密食了！如果唔食得辣，記得早少少夾起啲辣椒呀..........食到咁上下就可要落order叫配料作打邊邊，張枱唔大，唔好一次就落咁多食物，冇位放就麻煩了！安格斯肥牛，這個牛牛其實不太差，只是份量太少，當然預咗唔係高質素，但還可以；手打四寶丸，分別係墨魚丸、蝦丸、鯪魚、牛丸，其中以墨魚丸最好味，內有墨魚粒，每款都細細粒幾彈牙；自家製紫菜響鈴，有點期待....因為我幾喜歡有紫菜既食物，好似紫菜鳳凰卷果啲.......雖然個響鈴層數較薄，但也鬆脆，仲有紫菜香，幾特別！p.s.哩度啲汽水唔平，好彩進食中不太口渴；另外，食店環境都幾熱！…Read More