yama shǒuzhì

山系。本舍⛰@yama_shouzhi媽媽節去咗花墟買花💐 見之前有間上過LIHKG是靚午系列嘅日式小店就係附近🧭舖頭細小骨子，一排面對廚房並肩而坐嘅kaunnta-seki，一幅日本舊版黑膠唱片牆，周圍放滿清酒🍶富士山擺設，好有橫丁居酒屋嘅感覺🏮 山形logo印咗喺餐廳各處⛰手工櫻花蝦醬拌凍豆腐⬜️冰過嘅豆腐放上青葱、櫻花蝦，再淋上鎮店之寶嘅自家製蝦醬，清甜豆香同鹹鮮濃味互相配合🔲 一款涼伴小食已經食到兩款唔同口感嘅櫻花蝦🦐燒香葱玉子🟨一面燒得略帶焦香，玉子口感鬆軟，甜甜地咁好好食🍳關東煮牛肋條🟫喺出面有啲餐廳食咁大份量嘅牛肋條一定要接近$200🤑 呢到唔使$100就食到清甜料多嘅關東煮🍢 牛肋條燜得好好，腍滑又唔失口感，牛味濃郁，食唔到雪藏味，仲有燜得夠透嘅紅蘿蔔同白蘿蔔🥕精粹仲有個高湯，昆布同柴魚好出🤤海膽流心忌廉餅🟠外表金黃酥脆，裏面濃郁光滑，一啖咬落去爆醬添🌋 淋上芝士醬，邪惡十足😈燒五花腩🥓呢款名物就係上過lihkg😂😂 一碟兩片‼️我哋仲以為老闆見我哋兩個人，落單嘅時候誤會咗係一人一份🤫 但係原來真係$28一份有兩片😱 焦糖色嘅五花腩食落脆口香甜，肥瘦層次分明🤎 仲吸引到隔籬枱加單要一份添😋鹽燒雞串🍗各部位嘅雞肉切成一口大小，用竹籤串起來燒烤，依然滑嫩唔柴！🔥燒雞尾串🔙其實啫係雞pat pat🫣 放心已經清潔乾淨🧻 燒香之後有入口即溶嘅感覺，肥而不膩🫠燒雞肝串😶燒雞心串🫀️唔好以為內臟就係羶羶臭臭，但係簡單嘅鹽同黑椒稍稍調味，效果之後味道更加濃郁，令我哋對內臟大改觀🫁日式燒飯團🍘上菜嘅次序都好重要，好似日本人去居酒屋咁以碳水化合物作為收尾嘅一道菜🌾米飯捏成圓波形，搽埋醬油，輕輕烤到焦脆好似飯焦咁，香氣四溢 💨 蝦花蝦加上帶點wasabi味嘅mayonnaise，食落味道有少少似大阪燒🤠全間餐廳由老闆 (估係啦😆)一腳踢，一時喺砧板上切食材，同時又要顧及爐火，但都絕對唔手忙腳亂🙌🏻 所以即係係老闆one man band 上菜速度都唔算慢，一碟接一碟🧆…Read More

山系。本舍😘😘😘精緻細味美食居酒屋坐立於太子界限街交界、以曰系居酒屋美食、店舖門面簡單色調為主、打開門、另一風格、曰系居酒屋、坐枱圍住bar枱、好親切、更直接同主理溝通、了解食材、更容易選擇喜愛食物、高杯暢談🥰前菜：手工櫻花蝦醬拌凍豆腐$48⋯⋯凍豆腐面鋪滿自家製櫻花蝦醬、再加以櫻花蝦乾柴魚片拌上和風醬汁、顏色奪目、口感豐富、味道帶點鹹香、拌上凍豆腐一齊享用、味道夾🉐️咁咁好！山葵醬油拌海葡萄$38⋯⋯開胃醒神前菜、海葡萄入口爆開超爽、沾點醬油帶有山葵辛辣味、配搭和風沙律菜、帶出味蕾清新口味！😍清湯：和風高湯煮日本沙白蜆$68⋯⋯湯底清甜、蜆肉大大隻、鮮味十足、上枱傳來陣陣鮮香味、仲大大碗、超抵😘yummy yummy 🤤 串🔥：燒五花腩$28⋯⋯啖啖肉有嚼口、肥瘦度剛好、肉質沾滿濃濃燒醬汁、燒得好惹味、夠juice 、配飯團一流！燒雞肝串$16/串⋯⋯有厚度、有質感、好似食緊細版鵝肝、一口一口、豐富雞香味！燒雞心串$16/串⋯⋯燒得脆口、惹味滋味😆燒雞腎尾串$16/串⋯⋯雞皮燒得脆卜卜、油脂均勻、爽口彈牙！小食：黑毛和牛可樂餅$58/2件⋯⋯外層炸至金黃鬆脆、包住軟綿綿的和牛肉粒薯蓉、口感脆卜卜、入口即溶、不油膩creamy 🙃🙃日式燒飯團$38/2件⋯⋯烤燒咗嘅飯團、外層帶點脆、色香味俱全、賣相吸睛、仲好好味、一個人都可以吃二件😜😜山系。本舍太子界限街23號地下A1號舖港鐵太子站D出口、步行約4分鐘…Read More

老友話搵到間隱世日式小店，搵埋我去試試，原來喺位於太子嘅「山系。本舍」。試啲未試過嘅餐廳，當然都幾有興趣，所以，趁老婆返學嘅日子，一支公無飯開，兩個麻甩佬就出嚟聚一聚，傾吓近況，兼呻吓呢樣，呻吓嗰樣。隱世就唔算隱世喇，有時過到嚟界限街另一邊都知有間日式小店，喺無留意叫咩名啫，之但喺，就肯定一家喺小店，拉門而入，店內環境一眼睇晒，約7個座位左右，1個師傅一腳踢，整體裝修好有居酒屋嘅風格，全吧枱位，可以直接跟師傅交流。啲餐具都幾靚喎，瓦碗好雅致，但啲鐵筷子就唔喺咁好揸，此外，中間嘅小型木托盆就唔喺好知有咩用途，無刻意問，我哋就當咗骨碟，不過，最後都無點用到。而枱上放有紙巾同水杯，人手所限，呢度就有少少需要自己招呼自己。食物方面，咪睇佢鋪仔細細，其實有好多選擇，由佐酒小食、燒物、串燒、炸物……到時令海鮮，有近50款食物。飲品又點呢？另一頁餐牌，就見到提供好多酒精及非酒精類飲品，不過，都喺以酒精類的為多。手工櫻花蝦醬拌凍豆腐 $48先嚟一道師傅極力推介嘅冷盤，以日本直送嘅凍豆腐再加上自家製嘅櫻花蝦醬配搭而成，凍豆腐比較清淡，不過，口感非常嫩滑，而櫻花蝦醬帶出陣陣鹹鮮，鹹香惹味，加上櫻花蝦嘅卜卜脆口感，一起放入口，又真喺幾過癮。魷魚軟骨沙律 $48魷魚相信大家食唔少啦，魷魚軟骨呢？新鮮爽脆嘅沙律菜配上自家調製嘅沙律醬，本身都已經幾好食，配搭埋啲魷魚軟骨，煙煙韌韌好有咬口，幾有新鮮感，比預期有驚喜。雞腎串 $18 x 2點咗兩點雞腎，單純過過口癮而已，不過，又燒得唔錯，唔會乾到柴咁，又有啲咬口，少少鹽作調味，都已經夠晒。黑松露醬配炸薯條 $$68老友可以講喺薯條控，所以，又點可以錯過呢道菜呢！首先，喺薯條炸得香脆不膩，做足基本，而薯條之上，糝咗少少海苔粉，令食味更有特色，當然，自家製嘅黑松露醬，亦功不可沒，調和得充滿黑松露嘅香味，夾薯條，正呀喂。和風高湯煮日本沙白蜆 $68小弟就喜歡食啲濕濕哋嘅嘢，所以，揀咗呢道沙白蜆，估唔到份量都幾多，有一大碗沙白蜆，隻隻睇落都好飽滿，入口都夠肉地，最緊要喺夠晒鮮甜；而所謂和風高湯，真喺無欺場，飲落清香而有陣陣甜味，值得推介。燒鰈魚 $88師傅就話喺人氣菜式之一，姑且信佢一次，查實，鰈魚比較陌生，應該似喺未食過喇。一客有4件，每件都幾大件吓，燒得外表焦香，老套一句都要講，食落果然皮脆肉滑，又有魚味，磪喺好有質素嘅食材嚟。海膽流心忌廉餅 $78最後，意猶未盡，再追加一客忌廉餅，果然做到流心嘅效果，啲海膽流心忌廉餡好正，質感綿密又滑溜，咬落去嗰吓一湧而出；至於件餅身，炸至金黃，入口熱焫焫，又甘香脆口，最正喺無油膩感，可見炸功確有一手。師傅忙於上菜，做個不停，都未有太多機會交流，但從各菜品中，都感受到師傅嘅心思同誠意，多謝友人嘅介紹，又食到餐好嘢。…Read More

未知何時可以外遊，就只好不時靠美食來慰藉一心外遊的心靈，這晚與友人來到帶點點日式居酒屋格局的「山系」，吃一頓日本菜，就當是到了一趟日本。門口裝修已很和風，而內裡亦是日系風格，餐廳地方不大，就只有6、7個座位而已，全是吧枱位，可對着做料理，有少少日劇「深宵食堂」的感覺。枱的一角放了一缸魚作點綴，感覺不錯。餐具亦是很別緻，如果用上木筷子，更有山系的感覺。本來是午餐才奉送的自家製「蜂蜜綠茶」，店長也請我們試試。綠茶味道很清爽，幽香微甜，入口很舒服。餐牌亦是點菜紙，選擇十分之多，有超過40款食物，而大致上是分了3大類別：佐酒小食、燒物 / 串燒、炸物，更提供多款酒類飲品。首先登場的是「手工櫻花蝦醬拌凍豆腐」（$48），凍豆腐質感非常嫩滑，配上惹味而鹹鮮的櫻花蝦醬，沒有意外的過鹹，配合清淡的凍豆腐，真是味道剛好，作為冷盤，是很好的前菜。再來的也是冷盤，「魷魚軟骨沙律」（$48）看來很有個性，因為很少吃上魷魚軟骨。沙律菜很新鮮，配上自家調和的沙律醬，味道很香，而魷魚軟骨口感充滿咬口，這道菜很好吃。來一道熱食緩和一下腸胃，而「和風高湯煮日本沙白蜆」（$68）是真心推介菜式，因為只賣$68，沙白蜆份量非常之多，而且，隻隻也是鮮甜飽滿，那高湯也不要錯過，味道帶點甜味，卻是很清香。燒物、炸物一向大有市場，「海膽流心忌廉餅」（$78）則是蠻期待的菜式，忌廉餅炸得金黃，入口卻是完全不膩，而且，萬分脆口，裡面的海膽漿更做到如瀑布般流出來，質感綿滑。這一個「燒鰈魚」（$88）印象中應該很少接觸，燒得外皮焦香，入口香脆，然而，肉質卻是仍然如此嫩滑，加上配合濃香的醬汁，魚味便更感突出。最後多來一客「黑松露醬配炸薯條」（$68）是純粹滿足嗜炸物的心靈，同樣地，薯條炸得甘香不膩，入口十分脆口，除灑了些海苔粉提味之外，不得不提那黑松露醬，調校得非常好，充滿了黑松露的香氣，叫人無法抗拒，越吃越滋味。吃了一頓出色的日菜，加上這環境，多多少少有種到訪過日本的感覺！…Read More

鍾意捐窿捐罅，今日又俾我發掘到間新嘅小店係太子界限街，門口好日本feel，小店只有1個廚師，最多容納7位客人，格局似日式小店/拉麵店。.今日我黎既係晚市時段，主打和食/串燒/燒物/炸物…感覺好似食緊omakase feel 同廚師咁有交流，今晚其實唔係好肚餓，叫廚師幫手發辦左幾樣野食🍢🍡. 🍴手工櫻花蝦醬拌凍豆腐$48手工制嘅櫻花蝦醬食落鹹香加點惹味，配埋淡啲既凍豆腐，味道就啱啱好！.🍴黑松露醬配炸薯條$68薯條粗幼適中，炸得香脆，配上黑松露醬汁，好惹味！ 黑松露醬汁味都算濃郁，絕對可一試。.🍴和風高湯煮日本沙白蜆$68呢個我個人好鍾意，俾💯，高湯加清酒煮蜆好香，而且蜆既份量很多，鮮甜飽滿，涼涼地既天氣加上呢碗暖暖的高湯煮蜆好滿足。.🍴燒日式腩肉串$28/串以為串燒一定有條串就錯啦，呢個日式腩肉用左五花腩位加上燒汁再燒，軟淋好食，個人意見，如果加個白飯仲正😋.同師傅傾偈原來疫情期間老闆成日去行山，之後就開咗呢間小店，感覺好溫馨，而且食物質揀好滿意。最後提提大家，餐廳新開業只收現金！ …Read More