Heart's Dessert (Lucky Plaza)

夜晚路過沙田市中心 心思思想食甜品搵「附近餐廳」搵到喱間9點幾鐘去到 要排隊😨等咗大約25mins有位座位就有少少迫(一般糖水舖嘅迫)甜品款式都算多甜品唔算等好耐,大約 6-10min有得食,速度ok我自己點了糰圓仙豆花及香草黑糖綠豆沙小丸子另加湯丸糰圓仙豆花好味 甜度適中 唔錯👌🏻個人推介香草黑糖綠豆沙小丸子另加湯丸, 綠豆沙好香起沙唔會太稀或杰撻撻👍🏻👍🏻另外亦試埋戀上椰皇子及草莓益生菌味道亦都唔錯👌🏻…Read More

喺火炭食完飯就轉場去食甜品，今日有沙田友帶路嚟到呢間甜入心，門面都幾靚。入面嘅裝修都算花咗啲心思，睇嚟店主對於裝修設計都有啲要求。餐牌都有好多選擇，而且圖文並茂，而呢度嘅主打應該就係佢嘅椰皇甜品。見到佢喺鋪入面嘅招牌力推呢個焦糖布甸椰皇子，睇嚟呢個應該係必食，就急不及待揀咗呢個先！果然呢個係性價比最高嘅甜品，椰皇入面底層係椰汁味啫喱，淋上椰奶，然後再放上焦糖布甸，好有層次感，而且每一層都散發出唔同嘅香味，味道又好夾，呢個果然係鎮店之寶有個朋友超級好榴槤，所以就叫咗個榴槤椰皇子，望落去都好足料，而且仲有真材實料嘅榴槤肉，鍾意食榴槤嘅朋友就好推介，不過我唔食榴槤，所以講唔到俾你聽係咩味咯其實呢個都係椰皇子，不過店員話椰皇沽清，所以轉為用普通甜品碗上，佢哋都好有誠意嘅，每樣食材都加大碼，彌補番冇咗個椰皇，都OK啦！呢個嘅底層就係椰汁布甸，都好香好滑，好似食緊帶椰香嘅豆腐花咁呢個沖繩海鹽冰淨係個賣相都已經💯，非常吸睛，藍色嘅棉花冰上面舖上水果、芋圓、棉花糖同埋雪糕，真係相機食先之選！呢間甜品店雖然唔算話好平，不過佢嘅出品都真係幾唔錯，覺得佢哋製作都幾有誠意，即刻將佢放入我嘅encoreable list先…Read More

沙田嘅市中心嘅糖水舖得好少，通常都係得啲cake shop，一係就係連鎖。呢度就有啲平靚正嘅糖水，款式仲有好多！今日超想食芋圓，沙田其實得哩到有🙈好彩8pm就嚟食，陸陸續續都有好多人，走嘅時候仲要排隊🙈呢度其實椰皇甜品較出名，有超多款式之前黎食過覺得好好食！今日就揀咗一個芋圓，一個椰皇加芋圓嘅甜品。紫許有你 ($38) 其實入邊材料好豐富，有豆腐花，紫薯蓉，小丸子同埋芋圓！！真係好足料，每款都好多，特別有埋紫薯蓉食完其實好飽肚。芋圓都好有味道，十分煙韌。豆腐花差啲，但整體來講都唔錯，而且就算係椰汁底都唔會太甜，唔會太膩。戀上椰皇子 ($53) （熱)有少少貴🙈不過有齊我最想食嘅兩樣野芋圓同埋椰皇😄材料真係超級豐富仲有湯圓同埋小丸子！芋圓唔再多講，下面係用椰子水煮嘅燉奶，好滑同埋好有椰子味，而且仲係熱辣辣，好好食！而佢嘅椰殼仲有一層嘅肉可以刮來食，啲椰肉好新鮮，嫩身！ 我會比較推介椰皇甜品，我覺得呢度嘅椰皇燉奶係做得相對比較出色🤤…Read More

終於擺脫「酷熱天氣警告」，在「甜在心」特意吃個熱椰皇，享用一個滋潤的下午茶，這裏椰皇款式多，又可選擇凍、熱、暖，實在太好了！我揀熱戀上椰皇子，朋友揀暖咖啡布甸椰皇子，還有芒果窩夫&凍飲藍天海洋共分享。戀上椰皇子有很豐富的內涵，芝麻湯圓、小丸子、三色竽圓和鮮奶椰皇。湯圓吃得滿口麻蓉香，真爽！、小丸子煙煙靱靱、三色竽圓就綿糯，燉鮮奶夠幼滑，我把椰皇也吃光了！友人的$45暖咖啡布甸椰皇子也不示弱，有布甸和咖啡蒟蒻粒粒，看來也吃得很滋味咁啵！最後還點選芒果窩夫&凍飲藍天海洋共分享。兩個香脆心型窩夫好漂亮，加埋芒果醬又可口，芒果雪糕都ok！凍飲藍天海洋味道夠清新！…Read More