Cha Kee Central (Closed)

#老蘭照妖鏡另一選擇講到蘭桂坊，喜愛夜蒲的人一定對中環威靈頓街那家翠華有所認識，據說不少人在老蘭飲嘢之前或之後，都會去附近幾乎通宵營業的翠華醫肚。久而久之，這家翠華有了一個花名叫「照妖鏡」，每當你在昏暗酒吧角落認識了新朋友，想清楚的「了解」對方，藉着光猛的燈光，便可以吃着宵夜，用眼睛望真一些，再用口傾傾下，盤算一下和對面的人有否下文。最近的事件和持續偏高的作價可能令不少人不想再光顧翠華，今次分享一家餐廳正好位於中環翠華的對面，裝修也具七十年代冰室感覺，而且燈光同樣明亮猛烈，一於看看食物質素如何！#羅漢齋麵 Vegetarian Fried Noodle in "Luo Han style" ($78)茶餐廳常見的菜式，份量夠，而且足料，有木耳 、茄子、西蘭花、豆角、白菜、腐竹、紅蘿蔔等配料。麵底係硬和脆身的，羅漢齋炒得入味，加上些許醬汁，味道不錯，香口夠鑊氣。#香煎美國牛柳拼大蝦 Sizzling Special - Beef Tenderloin & Prawn ($168)牛柳，牛隻腰部的肉。被認為是傳統牛排中最柔嫩的部位，入口即融，肉質細緻，啖啖肉香，脂肪(油花)如大理石紋般分布，煎牛排必然之選，放到鐵板之上，就是厚重和油脂感覺，加上大蝦，提供了額外口感。#雜果賓治 Fruit Punch ($32)經典的飲品，去完老蘭飲酒飲果汁，值得一提的是雜果非常足，成杯都有果粒，正！#懷舊紅豆冰 Ice Red Bean Coconut Milk ($30)紅豆冰又是茶餐廳的經典飲品，大杯又足料，個人就十分喜歡。幾款食物質素都相當好，飲酒後若果不想去翠華，可以考慮來這家餐廳照照妖妖，了解一下對方。…Read More

是日由朝落雨落到晚與朋友相約到中環食晚飯傾下計。去到店員都幾好提醒我們小心梯級。一人點一個鐵板餐：烤豬扒拼鰻魚鐵板：豬扒夠淋味道都不錯，鰻魚魚香好味道。香燒豬手：豬手份量都算幾大份，店員教路汁不淋上鐵板會更佳，跟住做果然黑椒汁令到豬手更好味道香煎美國牛柳拼大蝦：牛柳口感唔錯，牛味都幾香。大蝦口感良好，爽口彈牙。朋友話食咁多肉都想食下菜所以點了羅漢粗齋煲。羅漢粗齋煲都幾多齋菜，味道都唔錯。仲有一人一 杯野飲懷舊紅豆冰豆淋奶香。檸檬水檸檬都算多。…Read More

晚上約了舊同事聚舊，大家都在港島區工作，所以相約在中環食晚飯。 知道中環有間裝修特別的茶餐廳叫中環茶記，在鏞記附近，很想去試試， 因此今晚相約在這裏晚餐。 搭地鐵去中環站d2出口行5分鐘便到餐廳。餐廳門外裝修已經很有懷舊香港特色， 尤其是他們已霓虹光管造的招牌， 很搶眼！ 餐廳内的裝修也很有懷舊茶樓的特色。 八九十年代的酒樓通常都掛著上了金漆的大囍字！還有這款以白油手寫在紅膠板上的餐牌。中環茶記的食物款式很多，有常餐，鐵板，焗飯，咖哩飯，炒粉麵，小菜等。我們隨便點了兩個鐵板餐和兩個飯麵大家share。鐵板西冷牛扒 ($148)鐵板熱辣辣，大大塊的牛扒配蔬菜和粗薯條，很豐富。牛扒都幾厚， 頗重牛肉味，大約七八成熟， 牛肉帶有少少粉紅色，很軟熟。 配黑椒汁味道香口！粗薯條份量很多， 即炸的，所以仍然很脆身。原隻燒春雞 ($128)燒春雞很大隻， 跟普通雞的size差不多， 而這是全隻放在鐵板上的， 份量十足！ 燒春雞很嫩滑，而且很多汁。 燒春雞沒有加上太多醃汁，原汁原味。 如果想濃味一點，可淋上燒汁， 味道也不錯。鐵板燒春雞都是配上蔬菜和粗薯條， 一樣是份量十足！鐵板甜酸蝦球雙面黃 ($78)我很喜歡這個最雙面王。 餐廳用的是麵比其它餐廳幼身，炸起來也比較脆。甜酸汁味道調較得很好， 不太酸也不大厚， 跟雙面黃非常夾。 材料也很豐富， 除了炸蝦球， 還有菠蘿，青椒，洋蔥， 鋪滿整個雙面黃。 美中不足是炸蝦球的粉漿太多，而且蝦不夠新鮮，不夠爽身。皇牌焗豬扒飯 ($68)焗豬扒飯是炒飯底，上面是豬扒， 番茄醬汁， 還有芝士， 味道跟某大 連鎖快餐店的焗豬扒飯相似。但它的豬扒比較香和厚切，啖啖肉，而且很juicy。鐵板是套餐，其他食物都是單點，我們點了兩杯特飲（餐轉特飲只是加$10)，另外單點了一杯凍奶茶。凍奶茶到茶記食飯，總是離不開一杯奶茶。凍奶茶不錯，算是茶香奶滑。懷舊紅豆冰 ( 單點是$30)紅豆冰的紅豆不算很多，但尚算大大粒。懷舊雪兔 ( 單點是$26)聽個名可能不知道是什麼。 其實這杯飲品是雜果賓治加棉花糖，顏色繽紛。下層是果汁，上層是紫色糖水， 飲品上面還有彩色棉花糖。 雜果賓治的雜果非常多，最開心是有大大粒的椰果，很豐富！三個女仔girl talk，不知不覺傾到餐廳打洋。要留意餐廳休息時間是晚上十點，last order 是晚上九點半。最後埋單，每人平均都是一百六十元。 餐廳的食物質素不錯，而且份量大， 中環區算係幾抵食！值得一試！…Read More

到大館閒逛過後，有點餓意，正當苦惱食這一個課題之際，意外發現前方有一間裝修甚具特色的「中環茶記」。近年時興懷舊風，坊間紛紛出現不少懷舊茶餐廳，相信「中環茶記」也是其中一員。雖然在中環商業區，但價錢不至於離地。以往的茶記扒餐都是配龍俐柳為多，「中環茶記」新穎地選擇了鰻魚來搭配。不過侍應有提醒：下醬汁之前需要先把鰻魚移開，否則鰻魚會被燒焦。出名作豬扒厚肉，煎得金黃，肉質入口軟腍又juicy，甚感滋味。鰻魚塗了燒汁頗為香口，肉質亦算腍滑。扒餐還配備了大量薯條。非常大碟的銀芽肉絲炒麵，因為置在鐵板上，炒麵溫度得以維持著。炒麵配上了芽菜、肉絲、菇菌絲等，再加芡汁，味道頗香口又不會過於濃味。當中筆者最愛麵餅被煎香後的卜卜脆口味。到茶餐廳又怎會不喝紅豆冰呢，這也是筆者小時候的回憶啊。「中環茶記」的紅豆冰用的是椰奶，第一口便感受到那股重椰香味。而紅豆也非常大粒，是大小朋友都會愛上的特飲。…Read More

誰說中環只要高級西餐？在威靈頓街就有一間非常搶眼的港式茶餐廳，只看門面和招牌已充滿懷舊氣息！一進去簡直像去了五、六十年代的樣子，尤其那樓梯！雖然我坐下層，都忍不住在樓梯拍幾張照片餐牌就在枱上，一張搞定。雖然我和友人在晚餐時段來，但因為看到鄰桌的菠蘿包太吸引，忍不住也點了。夾沙嗲牛肉都頗特別呢！菠蘿包的皮香脆，包身熱又鬆軟，能想像夾牛油的邪惡感！其實沙嗲牛肉好夾，充滿微甜的醬汁，肉質又軟，整個吃的舒服。愛吃肉的我選了個鐵板餐，有原條鰻魚和一大件豬扒，份量十足！鰻魚醬汁香甜，肉質油潤香軟，忍不住一塊接一塊吃。在豬扒上淋上醬汁時滋滋聲的，芳香四溢。而豬扒的賣點是2cm厚切，啖啖肉，肉質卻相當滑嫩鬆軟，絕對是驚喜位！友人點的是咖喱羊肉配蔥油餅，上菜時已聞到陣陣椰香。全椰漿製作的咖喱用了印度香料，質感濃稠足料，味道非常香又濃郁，用蔥油餅點來吃最惹味！不過咖喱偏辣~來到懷舊餐室當然要點懷舊飲品啦！紅豆冰充滿椰奶香味，粒粒紅豆香甜軟身。懷舊雪兔就更特別，是加了蝶豆花的什果賓治，底部滿滿什果，頂層佈滿彩色棉花糖，既可愛又豐富。每人百多元吃得飽飽的，又能感受古香港氣息，不錯喔！…Read More

相信講起香港本土飲食文化，舊香港原始味道 一定唔少得港式茶記情懷吧。呢晚約左相識1x年既老朋友，當然要來個港式風味啦。呢間餐廳位於中環，地點方便 遠遠已經留意到佢個巨形招牌，食物堅持不加味精❓咁犀利 今晚一於試試。講起經典滋味，點少得呢啲美食呢：[法式厚切西多士🍯🍞] 真係好厚多士，四面煎到金黃色，望住面頭既牛油慢慢溶化😍 真係好吸引。一切開 夾住花生醬🥜`芝士🧀香，趁熱食🍴真的不錯喔。[冰火菠蘿油🍍🍞] 又係另一下午茶經典，熱辣辣菠蘿包夾住冰牛油，包皮脆而內軟 真夠人回味。[懷舊紅豆冰🍹] 黎到茶記 一定要飲紅豆冰吧，椰汁加紅豆真係超經典。小時候既舊香港情景，一飲 眨時在腦海浮現。..嫌剛才食物太懷舊香港風味❓亦有其他新派fusion`鐵板`西日韓之味。..[鐵板烤豬🐽拼鰻魚🐟] 一次過滿足想食鐵豬 又想食鰻魚既我😋。原條鰻魚大大條 好肥美；烤豬大大塊 肉好嫩；配上薯條🍟點茄汁，帶西又帶港式口味呢。[甜酸蝦球🦐鍋飯🍚] 原鍋上真係好新穎，呢個presentation已經加分。加上甜酸汁調教得真不錯，蝦球亦爽口彈牙 估唔到呢個飯有驚喜。朋友很愛❤️ 也說下次再來定要吃吃😋，真高評價呢。..隨著時代不斷地變遷，有些味道🍴 大概只能在茶餐廳中讓人尋回這些味道💫。往日情懷🌅 往日舊香港🇭🇰，相信在這裡你能找到當中一點點。…Read More

近年港式茶記都開始行d高檔路線，再唔係以前認知果種環境嘈吵擠迫，無咩服務既茶餐廳。餐廳燈光好光猛，環境整齊衛生，服務員態度殷勤，入去時仲會提醒你岩岩拖完地，要小心d行。郊外油菜平時出街比較少食到菜，打算叫碟油菜黎食下，點知$18超大份。鐵板甜酸蝦球雙麵王雙面王煎到好香脆，蝦球大隻得黎爽口彈牙，加埋個酸酸甜甜既醬，好食得黎又唔油膩。咖喱吉列豬排蔥油餅咖喱好重椰香味，夾埋蔥油餅食好似食緊印度餐，哈哈。吉列豬扒炸得好香脆，即使淋左d咖喱汁上去都仲食到個酥脆感。炭燒鰻魚飯第一次見到鰻魚飯塊鰻魚係可以咁大，鰻魚燒到色澤均勻，而且好香炭香味。食落外層有少少脆，但內裏軟綿綿。鰻魚汁撈飯，正！懷舊紅豆冰基本上去得茶餐廳都必叫紅豆冰，紅豆冰奶味比一般茶記重，但飲落更香滑。原本以爲呢d新式茶記價錢會好貴，皆因裝修係落足本，而且坐落係中環呢d高租金既地方。但其實$50左右就已經有個飯，中環黎講真係好平。  …Read More

新年期間中環區好多公司都未開工，但唔好以為就會好冷清，我哋呢啲識飲識食就係逆向思維，特登嚟中環shopping添食嘢，今年嘅新年，特別有氣氛，滿街都是外國旅客😬呢間中環茶記，坐落喺中環的威靈頓街，門口有五光十色的霓虹燈館， 十分搶眼，左龍右鳳，好有六、七十年代的懷舊風👍🏻特別係櫥窗𠴱幾支綠寶橙汁，正正是六、七十年代經典的出品😀部份牆身和地板，都用上懷舊的紙皮石，這裏一共有三層，地方闊落，客人用餐的空間感十足，新年期間亦很旺場，證明頗受歡迎👏🏻由於樓下已經滿座，店員安排我哋上二樓雅座卡位，欣賞着周圍懷舊的照片，有點進入時光隧道的感覺，這裡平日下午茶時段，還有特別的優惠，真是旅遊的另一個選擇👍🏻叫了一個「鐵板甜酸蝦球雙麵王」，真的不敢相信，在這中環黃金地段，也只售$78元，大大隻蝦球，脆卜卜的麵底炸得香脆可口，配上甜酸醬和菠蘿🍍，開胃好味，正😋楊州炒飯，相信大家都食得多，但係要有水準的，就唔係間間都做得到，我夠膽講一句，呢度嘅楊州炒飯，包你滿意，乾身不膩，配料足，廚房有料到👍🏻👍🏻👍🏻再嘆埋香港人至愛「懷舊龍鳳可樂」、「懷舊紅豆冰」，真係大大滿足，呢度啲侍應工作甚有效率，出餐快而準，食物質素又高，呢餐埋單竟然唔使$200元，真係不敢相信，極度推薦🤩🤩🤩…Read More

人在中環，真係幾難搵到啲性價比高嘅餐廳。尤其係呢一條威靈頓街，啲河粉都賣到8,9蚊甚至打住食神旗號嘅索價過百蚊，叫我地呢啲升斗打工仔情何以堪？！終於出現左一間貼地，環境舒服，服務優質，價錢公道嘅中環茶記話哂都座落於中環貴價地段，餐廳招牌十分搶眼，裝修懷舊得黎又夠哂有型係非一般嘅茶記！再望望價錢，真係一啲都唔算貴，炒粉麵飯都非常齊全，唯獨係過左下午茶時段就無得叫西多士蝦多士，好可惜😢😢😢😢😢建議餐廳可以全日供應呢啲香港特色食品！！紅豆冰絕對唔惹少，大大杯，紅豆數量岩岩好！甜度絕對正常，奶望落好多但其實比例岩岩好呢杯野犀利喇，估佢唔到咁好飲，夏天黎飲呢個真係透心涼，每一啖都有mocha味嘅碎冰，加埋啲cream真係超邪惡個賣相又整得非常有心機，推薦！好肉絲炒麵係鐵板度上真係少食！今次係第一次！68蚊抵到爛，至比起一碗上市魚蛋粉有心機先啦係咪？麵底邊烤到好脆，中間啲麵就有啲係軟嘅，呢一種肉絲炒麵絕對係賣飛佛！肉絲仲要冇乜肥肉，所以好罕有地我可以清哂全碟！唔會過咸，唔會落得過多生粉，無乜味精，very good友人就叫左碟懷舊鐵扒，有豬扒同鰻魚。估你唔到成個板入面嘅所有野都堅好食薯條：外脆內軟，份量剛好！雜菜：全部都係翠綠色仲要份量好多，一啲都唔hea，重點係有洋蔥豬扒：絕對厚切，肉質結實有彈性，唔會痴牙，竟然有食西班牙黑毛豬嘅感覺！鰻魚：係蒲燒果隻！好大條一條骨都無，好有誠意，連本人唔鐘意食鰻魚都覺得好食！黑椒汁：唔會過咸，調較得好好！比起大部分老牌食鐵板嘅餐廳我覺得佢真係性價比好高，重點係整得好有心機！絕對係一間值得推薦比中環上班族嘅餐廳，希望可以keep到水準！…Read More