Homie Food & Dessert (Mai Kai Building) (Closed)

晚上六點前來到閨家，餐廳係採用三聖青山灣背景圖，幾有特色。仲有大大隻見字飲湯，宣傳單張寫住每日有不同湯飲，岩晒無飯家庭，外賣返屋企去品嚐住家飯味道。外賣包裝妥當，令客人可以將外賣安穩帶回家。星期四有山藥南北杏合掌瓜煲豬展:飲得出冇咪精，入面有不少合掌瓜同紅蘿蔔，仲有豬展肉，清清地幾滋潤﹗慢煮豬軟骨飯 $49熱檸蜜＋$5:返到屋企仲係暖，慢煮豬軟骨好軟淋，唔洗用力咬都得，仲要好多汁，足夠去撈飯食。油菜 $13:生菜嫰綠，加左蠔油生菜夠晒味，可以清腸胃﹗溏心蛋半隻$6:流晒心又入味~趕得切6點前用下午茶價點鐵板豬扒炒烏冬 $43仲包熱飲好抵食，烏冬炒得好入味，香芧豬扒夠入味，仲加埋生菜去炒，口感豐富﹗麻辣雞腎 $29:幾大份，雞腎沾晒麻辣汁好惹味且有咬口﹗…Read More

今日響屯門見到閨家，平時遲少少都勁多人，要等好耐，難得今日早收工，無咩人排隊，於是入去食晚餐😋🌟香煎蓮藕餅豬扒飯 （$50）蓮藕餅自家制，大塊，蓮藕餅足料，即叫即煎😋豬扒大塊，唔會太厚，煎得香口，調味岩岩好，唔會好咸，必點😋🌟 慢煮豬軟骨飯（$48）豬軟骨大塊，煮得入味，而且入口即溶，調味岩岩好，軟骨好易咬，加上醬汁撈飯，好好食，必點😋🌟 麻辣雞腎(大) ($28）雞腎新鮮，煮得軟熟，麻辣香味十足，加上蒜香，食落更加開胃，配飯一流😋🌟 涼拌海蜇手撕雞（$38）海蜇手撕雞大碟，加上胡麻醬，甜甜地，依家夏天最岩食涼拌小食，下次去會再點黎食😂🌟 老火湯（跟飯）老火湯每日唔同，今日係合掌瓜煲豬展，而且足料，無加味精，仲要唔洗錢跟飯😋…Read More

前排見到呢間響屯門新開，成日都好多人排隊，今日終於有機會試一試🤨雖然唔少人排隊，但好快都可以入座😆$50香煎蓮藕餅豬扒飯🐽見好多人推介所以叫咗呢個餐，個豬扒夠大塊，醃得夠入味，而且食得出唔係用咗鬆肉粉，肉質好淋，一啲都唔鞋口。厚厚既蓮藕餅一咬落去仲有粒粒蓮藕，索索聲，正呀🥰$48慢煮豬軟骨飯🐷豬軟骨炆得好夠淋， 而且有好多筋位，一食入口滿滿嘅骨膠原漿住個口🤩個汁唔會太過鹹，配飯啱啱好☺️自家製冇味精老火湯🍲叫餐會跟餸一個細湯，當日靚湯係海底椰栗子煲豬展湯。個湯超級足料，而且真係飲得出唔係味精湯，加上栗子味好香，秒速清晒😝$28香茅雞翼🐣一盒有三隻雞翼，雞翼唔會太細隻，啲邊邊都煎得夠香口，好食👍🏻$38涼拌海蜇手撕雞🐔好少食手撕雞係會撈麻醬，但又出奇地好食，再加上海蜇有少少爽口，更加帶出唔同嘅口感😋總括而言，食物有保證，分量十足，最欣賞老火湯🤤細湯唔夠喉😝😝餐廳座位闊落，坐得舒服，仲使用大量粉紅色佈置😂好少女心💗…Read More

餐廳既冇味精湯出哂名，仲有主打豬扒。就算平日dinner6點左右到，餐廳門外都已經大排長龍，做外賣都做到唔停手。叫左香煎蓮藕餅豬扒飯($50)，慢煮豬軟骨飯($48)，配老火湯(小)。如果叫飯餐，會有細盅老火湯送，每個星期唔同。當日係蟲草花百合無花果煲豬展。特登為個湯而黎，可惜麵餐冇老火湯，如果唔係就可以試特別麵。老火湯超足料，湯料有大大件紅蘿蔔、蟲草等，第一啖飲，真係好清甜，好似屋企煲個款咁。飲完完全唔會口渴，係冇味精。就算單叫一盅，都物超所值。豬扒薄身，因為已經揼到薄左，所以就咁用匙𠝹開，d肉好易就meet到出黎食。醃得入味，味帶甜。蓮藕餅值得一讚，厚厚一大塊，蓮藕冇切到好碎，所以咬落仲有chopcbop聲，有口感。煎過更香口。豬軟骨有驚喜，d軟骨係煮到變透明，咬落好黏，完全係食骨膠厚。4大件豬軟骨肉嫩唔鞋口，食完d肉唔會zip牙縫。整體，等位方面，排隊人齊就可以入座，唔算等得耐，一叫完食物，就已經送上湯，所以食物上菜速度算快。只係2個人坐既枱大細超，有d張枱就闊落，有d就好逼。但整體接受到。…Read More