HIKARI

平時行過見到個環境都覺得好舒服想入去試 今次入去果然真係唔錯👍🏻可惜價錢方面有點兒不划算 想同friend慶祝生日或者休息下嘅話都係個唔錯嘅選擇 覺得都可以去try try😋…Read More

荃灣實在太太太多好餐廳～不過如果想坐得舒舒服服又享受下寧靜，可以試試呢間cafe~1️⃣慢煮美國安格斯牛板腱新奥爾良飯（$158）牛板腱入口嘅口感似牛𦟌，但食落有煙熏味，加上慢煮得嚟唔係全熟，保留咗牛嘅味道🤤雖然得4塊，但都較大塊，份量足夠配合飯嚟食。飯嘅配料有3種菇嘅種類：杏鮑菇、秀珍菇同蘑菇，全部都切得大大粒，食落好有口感🤩飯中亦有筍，令到飯嘅口感層次增加。鍾意食辣少少嘅朋友可以撈埋少少洋蔥去食，有洋蔥嘅香味但又唔會太搶。而個汁有少少偏辣，但味道濃郁，又唔會太鹹👍🏻而新奧爾良飯我都係第一次食，食落去似意大利飯，粒粒分明之餘，又唔算太硬，推介🫶🏾2️⃣北海道松葉蟹龍蝦忌廉汁馬鈴薯團子粉（$138）吸引我嘅係馬鈴薯團子🙌🏻雖然食落係麵粉嘅質感，但又有薯仔嘅味道，鍾意食薯仔唔好錯過🫡另外雖然睇落唔係好多粒團子，但其實食落都好飽😂。蟹鉗方面，雖然有5隻，但蟹肉較少，蟹殼亦都去除得唔夠多，所以好難食得晒成隻蟹鉗。味道方面，忌廉汁味道非常重，唔係太食得出龍蝦味。而配料一樣用咗唔同嘅菇類，好夾個味道😋📍總結：-好喜歡Cafe 嘅氛圍🙌🏻色tone佈置都令人覺得好舒服🫶🏾-下次再試嘅話，想試吓坐二樓～可能又有唔同嘅感覺🙌🏻…Read More

木系設計咖啡店 門口有個文青系嘅打卡位行過見到鋪頭入面好多人俾佢吸引到望餐牌見到菜式創意好新穎 從未聽過新奥爾良飯😳但見人氣菜式之一 為食嘅我就即刻入咗去試.🥩慢煮美國安格斯牛板腱新奥爾良飯 ($158)一上枱香味撲鼻 大大塊牛板腱肉鋪滿米飯上經過慢煮後仍保留肉汁 而且肉味非常濃郁！肉質粉嫩 有軟腍口感 而米飯類似意大利燴飯 飯粒比較偏硬但唔似生米 配有蘑菇粒同蘆筍醬汁酸甜微辣 米飯索哂醬汁 食落好開胃～.🧇Hikari Waffle ($98)Tiramisu售罄食唔到好可惜 所以揀咗WaffleWaffle即時製作 需時20分鐘 熱辣辣香噴噴外脆內鬆軟 夾住鮮果同咸香味濃嘅芝士奶蓋 仲附上伯爵白朱古力醬 超級邪惡啊！.🥛Vodka latte ($88)看似普通Latte？其實係咖啡調酒第一次試呢個配搭 好神奇飲落第一啖似普通latte但又會有啲伏特加嘅後勁//…Read More

約左朋友黎荃灣食飯，見到呢間餐廳幾靚幾舒服，於是過黎試下~餐廳入面有兩層，佢既木系風格令人感覺好舒服。我同朋友叫左個dinner set分享，再加左一個甜品😚🔸慢煮美國安格斯牛板腱新奥爾良飯新奧爾良飯入口食到好香既香料味，微辣得黎幾惹味，加入左菇同埋蘆筍，有少少似意大利飯，幾有口感👍飯嘅面鋪咗牛板腱肉，牛肉好林一啲都唔韌，中間肉質仲係粉紅，夠晒嫩滑，入口好有牛肉香，成個配搭好特別👍🔸蒜香西班牙風腸八爪魚扁意粉扁意粉煮到岩岩好Al dente，煙韌有咬口，意粉有微微蒜香味，八爪魚好嫩滑，一啲都唔韌，西班牙風腸鹹香而帶甜味，唔會太鹹，整體既配搭好夾，正😋🔸水牛城炸雞翼雞翼炸得好酥脆，雞翼大大隻，幾入味，炸漿有香草調味，好香口，點埋水牛城既醬汁酸酸辣辣咁好開胃😋🔸初雪窩夫窩夫外面酥脆入面軟糯，好正既口感😍 伯爵白朱古力醬非常清香，有好清新嘅伯爵茶香，窩夫既面頭灑上左玫瑰花瓣裝飾，配埋伯爵白朱古力醬入口陣陣香氣，成個味道錦上添花😍中間夾左士多啤梨、藍莓同香蕉，好fresh，芝士奶蓋唔會太濃搶fo，整體非常清新輕盈，一啲都唔膩😋😋😋🔸熱黑芝麻鮮奶拉花勁靚😍黑芝麻味好香甜柔和，奶泡濃密，暖粒粒，好hearty。飲到最底有芝麻嘅沈澱，芝麻好滑，芝麻味濃，唔錯👍🔸Flat white揀左nutty blend，飲落有堅果香味，咖啡香濃，酸度低，奶泡夠薄，正👍…Read More

今日約咗朋友嚟公司附近食晏，一直都睇中咗呢間Cafe嘅木系裝修，感覺好舒服，今次終於有機會黎試下～餐廳係小店形式嘅經營，位置唔算好多，不過特別在有個閣樓仔，可以比客人上去用膳。我最中意佢行文青既風格，比人悠閑既應覺，可以chill下～✨ 慢煮美國安格斯牛板腱新奥爾良飯牛板腱處理得超好，仍然仲可以見到鮮嫩嘅粉紅色，雖然呢個部位嘅脂肪比較少，但係食落仍然好有肉汁。而家個飯偏硬，但係又索晒啲酸酸地既汁，感覺唔會似生米，而且冇一般risotto好滯既感覺。✨ 煎封法國油鴨髀牛肝菌意大利飯油鴨髀既外皮煎到好香脆，迫晒啲油粉出嚟，一啲都唔會油膩。而鴨髀嘅肉好軟嫩，輕輕咁用叉就已經撕得開。牛肝菌意大利飯嘅香味比較濃郁，超好食！✨髒髒tiramisu面層灑上滿滿嘅朱古力粉同埋朱古力醬，仲配有啲Oreo、朱古力威化卷，增加口感。以下面嘅cheese唔算太甜，而且幾輕身，食完感覺唔會好Heavy。配埋底層有少少酒味既餅乾簡直一流！✨Bailey’s Mocha每杯咖啡上都有靚靚既拉花，咖啡既甜味同酸度平衡得恰到好處，最後加上少少Bailey’s 既味道，層次豐富。…Read More

·Hikari·當日本來想去行山，點知天公唔做美，竟然落雨🥹就Random入左位於荃灣廣場對面嘅簡約木系風Cafe🪵當日係星期日嘅早上十一點左右～店鋪岩岩開門～成場得我哋一台客🤣🤍自選吐司(4款配料) $98[炒蛋+牛油果+慢煮雞胸+生薑燒豚肉]蕃麥酸種麵包抹上芝士醬～醬料味道好出，唔會話俾餡料蓋過芝士味✨牛油果應該加左調味 帶少少酸酸甜甜🍋我自己就一般般😣雞胸肉唔柴～頗為滑嫩🥰🤍慢煮美國安格斯牛板腱新奥爾良飯 $158牛肉份量好多！有成4-5大片～片片都厚切✨肉質軟林林🥩飯嘅口感適中🍚🤍竹炭咖啡 $44(H)Cafe整體感覺都舒服可能因為店內客人唔多🫧雖然價錢偏少貴但可以一戰❤️‍🔥餐廳推薦程度：🔆🔆🔆🔆（5個🔆為滿分；🔅為半分）…Read More

荃灣廣場後面有間打卡cafe，想去一段時間，因為離我遠所以一直都未的起心肝去，今次終於有機會試到😁預先訂咗位所以吾洗等，但都full house，去之前記得訂位。✿ 劍魚腩醬油漬牛油果他他 $128呢款真系超特別系一定要叫💚表面系一件件劍魚腩，口感爽滑新鮮。牛油果他他好fresh🥑跟住底部仲有蕃茄粒🍅成個菜式清新可口。✿ 慢煮美國安格斯牛板腱新奥爾良飯 $158安格斯牛板腱飯200蚊有找抵食👍🏼牛板腱肉質粉嫩💖軟硬度偏向有口感。新奧爾良飯微微辣令菜式更惹味，有蘆筍呢款高級食材。白米亦吾系用一般白米，飯煙煙unun。✿ 丸久小山園抹茶鮮奶 $50兩層色好靚✨丸久小山園抹茶使用，難怪比一般抹茶甘香，撈勻鮮奶一齊飲不苦澀。✿ 桃肉冰茶 $45吾系招牌菜都十分有驚喜🤩冰茶冰涼感十足🧊桃肉清甜🍑呢款飲品夏天飲想必更適合☀️✿ 髒髒提拉米蘇 $78髒髒到底是有多髒🤣愈髒就愈好食呀😆表面系大量朱古力粉🍫oreo🍪餅乾條，cream好多亦夠滑溜🤍手指餅濕潤但吾多feel到咖啡味同酒味🙊打卡就一流。…Read More

//< HIKARI >呢間cafe係荃灣已經開左一排～ 記得前排開張好多人都去試下！樓高兩層，環境闊落，木系風格😝————————————- 日本樱花蝦蟹肉蘆筍扁意粉 $128 -櫻花蝦同蟹肉既份量都好多！一上枱係滿滿嘅櫻花蝦味😚 扁意粉非常掛汁，幾好食😆 不過要注意櫻花蝦本身有d脆脆硬硬，如果唔鍾意creamy之中有種咁樣既感覺就未必啱你喇～————————————- 慢煮美國安格斯牛板腱新奥爾良飯 $138 -飯既口感適中，醬汁幾惹味！牛肉份量非常慷慨，無記錯係四大大塊🤪🤪 牛肉唔算好韌，相對上比較多肉筋（雖然見到隔籬枱嗰個好似冇乜同嫩d😚）口感尚算鮮嫩～————————————- 髒髒提拉米蘇 +$78 -呢個tiramisu好有驚喜😍好好食！Mascarpone cheese質感幼滑，份量多～ 雖然甜左dd但係連埋下面半淋半脆之間沾滿偏苦既手指餅恰到好處！🤓上面仲有滿滿既可可粉同埋oreo餅😎好豐富！————————————鮮奶咖啡 +$31小編揀左fruity blend，帶有微微果香，唔會偏酸偏苦，啱啱好，好飲😋————————————香月園焙茶鮮奶 +$35呢杯焙茶鮮奶顆粒感唔會好重，鮮奶同焙茶比例剛好😎不錯不錯！————————————評分：7.1/10地址：荃灣大壩街21號地舖營業時間：11:00-22:00…Read More

成個星期都落大雨呀，天灰人都灰埋。出街走走，走到去荃灣西呢間少見2層高的café。走簡約木系風格，地下嗰層是白色牆配木枱木凳木窗框，仲有大窗口位的吧枱，可以坐喺度望下人來人往的街景都幾有趣。上面嗰層是深啡木枱配深啡色皮梳化，比較酷😎食物方面，佢哋有Day menu和Dinner menu。晚上餐牌係6-9:30pm，供應多款晚餐菜色 — 有澱粉質類的主菜和有輕食類的沙律、小食和甜品，當然少不了飲品啦。眼闊肚窄的我，就先點了我最愛的慢煮牛和焙茶拿鐵，不過食完主菜巳經飽死，原本想叫埋髒髒提拉米蘇，但真係食唔落，只好留待下次啦😝慢煮美國安格斯牛板腱新奥爾良飯 (HK$138)．嘩，真係好大片的牛板腱！因為慢煮的，所以呈現出粉紅色的肉，肉質都幾軟身、多汁、幾有牛味．不過，每片牛肉中間都有條粗大嘅筋，我啲牙就咬唔到，只好問店員攞刀和碟，將每片牛板腱切到細細件配飯一齊一口食．碟裡的新奥爾良飯，是由西班牙海鮮飯演變出嚟嘅美式燴飯，用咗少量肯瓊香料粉、加入西芹、洋蔥和青椒做調味和加埋些高湯煮的，味道幾好，配牛板腱食真係幾夾香月園焙茶鮮奶 (跟指定主菜 +HK$32/熱)．出品自京都的香月園焙茶，顏色是黃啡色，香味濃郁，入口茶味好濃郁，有些少甘苦及微酸味，正！．獨角獸拉花圖案超靚，奶泡泡得唔錯，影完無限張相之後，圖案依然完整無缺，無走樣㗎👏🏻…Read More

05.07.2022 星期二HIKARI這間餐廳新開張時，朋友曾推介叫我去試試，直至最近終於訂枱跟朋友慶祝生日。在Open Rice見地址在大壩街，說由荃灣西鐵站步行需時十多分鐘；其實在荃灣廣場附近，對著王少清中學，由西鐵站步行實在不遠，很方便呀，整條街道全也是各式各樣的食肆，很是吸引。去到餐廳門外，一眼已跟附近其他中式、茶餐廳不同，清新系列是我喜愛的感覺，步入餐廳裡，燈光充足，簡約木系設計，樓底十分高，一條長長的樓梯連接閣樓，樓下座位有足夠空間，不會擠擁，坐位也舒適；樓上又另一番風味，燈光昏暗些，桌椅古舊偏矮，適合情侶細細私語。慢煮美國安格斯牛板腱新奥爾良飯這個Open Rice多人推介，所以特意試試，果然無令人失望，牛板腱好淋好入味，肉質鮮甜，而且有四、五塊，份量多，加上新奧爾良飯，飯身偏淋卻有咬口，有咀嚼感，味道濃郁，實在很好吃，難怪個個推介。低溫煮三文魚菠菜苗沙律配柚子油醋菠菜苗沙律比較少有，淨食會偏淡但只要加上三文魚已經很好吃；若果喜歡味濃，建議加上柚子油醋會更佳。丸久小山園抹茶鮮奶本身不喜歡抹茶，但這個一入口淡淡的抹茶味，加上濃滑的鮮奶，口感非常討好，很好喝；雖然今次無飛馬拉花，有點點失望，但朶朶花也很漂亮。髒髒提拉米蘇訂枱時跟職員說想訂甜品，另加生日祝福語，原來不是天天有甜品，叫我當天致電再確認；幸好最終有甜品，而且餐廳安排很貼心，叫我用WhatsApp 提醒甜品上枱，為朋友帶來更大的驚喜。Tiramisu面上有朱古力餅、朱古力條，除了奶油之外，另有咖啡粉的味道，好豐富，賣相漂亮，兩個人分享一份剛剛好。餐廳環境漂亮，食物美味，職員又週到體貼，不停替我們加水，收拾碟子，平日晚上若然沒人在等位，還可以慢慢坐，實在是一個不錯的選擇。…Read More