Chiba (Kiu Kin Building)

旺角是樓上cafe的集中地，今日約了朋友去到一間樓上鋪餐廳〔吃吧 Chiba〕吃晚飯，餐廳裝潢帶點簡約工業風格，晚上店內燈光微微帶點小昏暗，氛圍情調都很不錯，其實要在旺角找個舒適不擠逼的用餐環境，實在是不容易，這間餐廳指定日子更有Live Music 及新增了Cocktail menu，確實很適合跟朋友一面聊天談心，一面小酌一杯聚餐的餐廳。【烤雞泡魚乾】(HK$88)原個炭爐上非常有風味，但其實是用電子蠟燭做成炭火效果，很過癮又特別，條狀的雞泡魚乾配上沙律醬，是一款很好送酒小吃，趁熱吃越咀嚼越香，吃不停。【西班牙火腿蜜瓜】(HK$78)巴馬火腿很大塊很足料，入口鹹香味道十足，卷著超甜的金蜜瓜，味道好亦是最佳的配撘。【香草白酒芝士藍青口配法包】(HK$128)白酒芝士醬汁加了很多香草，混合藍青口本身的海水鹹香味道，再配上烤得極香脆的蒜蓉法包蘸汁同吃，絕對是最佳配搭。【慢煮甜酒燴和牛面頰】(HK$188)用了慢煮的烹調方法，牛面頰烹煮到肉質入口很軟腍而且牛味濃厚，輕輕一咬就可以咬開，配菜伴碟還有薯蓉及西蘭花苗，再配上醬汁，味道不肥膩很不錯。【曲奇朱古力奶昔】(HK$68)飲品擺盤可愛，用椰子殼碗子載著，奶昔入口是沙冰口感，表面鋪上了不多少爆谷及忌廉，而且Oreo曲奇碎碎，有很透心涼的飲品。【Suntory Gold】(HK$78)金黃色的啤酒，入口麥味很濃郁，泡沫細緻，入口時略帶苦味但啤酒餘韻甘甜。〔吃吧〕@chiba_hk🇭🇰香港九龍旺角彌敦道566-568號僑建大廈2樓2室Room 2, 2/F, Kiu Kin Building, 566-568 Nathan Road, Mong Kok, Hong Kong…Read More

-{旺角樓上cafe🍝}🤤 墨西哥烤雞餅 🤤 ($88）有拉絲同好多雞絲😍雞好大陣herbs味嘅😛上面有蕃茄粒 牛油果醬同sour cream😋好大份又抵食😋👖褲評: 8.8/10🤤 慢煮甜酒燴和牛面頰 🤤 ($188）好易切開 和牛好腍食到啲骨膠原😂薯泥亦好綿滑☺️同和牛好夾！👖褲評: 8.5/10🤤 軟殼蟹肉醬千層麵 🤤 ($148）軟殼蟹幾脆有蟹膏😍好卜卜脆☺️千層麵中間嘅肉醬同芝士都平衡得幾好😜👖褲評: 8/10🤤 曲奇朱古力奶昔 🤤 ($68）曲奇朱古力好濃郁😋oreo碎好脆😁焦糖爆谷亦好香口😙encore都係咁出色！👖褲評: 8/10🤤 焦糖蜂蜜奶昔 🤤 ($68）超重焦糖醬同雲呢拿嘅味😇我覺得偏甜 但男友好鐘意🤓👖褲評: 7.8/10Encore依度 今次嘅食物質素仲好左😚性價比: 8/10服務: 10/10環境: 8/10🚩 吃吧 🚩地址: 旺角彌敦道566-568號僑建大廈2樓2室…Read More

這間旺角樓上cafe，環境雖然簡約，但很舒適。臨窗大玻璃望住彌敦道，有二人座也有8-10人大枱，是聚會的好地方。我和朋友們喜歡牛肉，點了慢煮牛臉頰和慢煮牛柳，還有雞翼和飲品。🧡慢煮甜酒燴和牛臉頰 $188牛臉頰是一種非常有嚼勁的部位，需要長時間的烹飪才能軟化。以前雖也食過牛臉頰，但都不及這道菜的肉質軟嫩和濃郁的牛肉香氣，可能這就是和牛的優勝處。燉得入味的牛肉搭配着薯蓉和甜酒醬非常美味，讓整道菜更加豐富。🧡慢煮香草牛柳配松露泡沫大啡菇 $188大啡菇鮮嫩多汁，超級好食。牛柳有口感也有牛肉味，搭配黑松露醬薯蓉很好吃。還有拌碟的烤蒜頭切勿錯過，軟糯香口。🧡西班牙辣茄汁雞中翼 $78雞翼外皮炸得酥脆，雞肉鮮嫩多汁。醬汁濃郁，帶有淡淡的辣味，非常開胃。而且是單骨雞翼，食得方便。🧡西柚檸檬氣泡茶 $56酸甜清爽，非常解膩。🧡焦糖蜂蜜奶昔 $56焦糖的味道濃郁，奶昔口感順滑，還有脆口的爆谷，非常適合夏天飲用。…Read More

呢間位於旺角嘅樓上西餐廳，提供不少特色多國菜：德國鹹豬手、西班牙小食、西班牙海鮮飯等，menu好多選擇非常豐富🤤🌮墨西哥烤雞餅 ($88)外皮烤得脆邊、餅皮軟糯，內餡則填滿燒烤醬同烤雞，非常juicy！除咗雞肉仲加入三色椒、芝士，好豐富而且有拉絲效果😍表面醬料係牛油果醬、蕃茄醬同酸忌廉，充滿濃厚嘅墨西哥風味，酸酸甜甜令人胃口大開🥰🐖烤西班牙豬肋骨 (標準size) ($188)豬肋骨有六條，經過慢烤肉質鬆軟、骨肉容易分離，食起上嚟非常容易，完全係好適合懶人🤣西班牙風味香料裹得幾均勻，酸酸甜甜好美味😍薯條炸得外脆內軟，熱辣辣好香口～🐂慢煮甜酒燴和牛面頰 ($188)和牛面頰經慢煮後極其軟腍嫩滑，中間仲有啲啫喱咁嘅筋好正😍完全唔使用力，就已經慢慢融化喺口中🥰甜酒嘅味道滲入肉中，每啖都充滿濃厚風味，推薦！伴碟嘅薯蓉亦好綿滑，撈埋香濃甜酒汁不錯，飽足感up⬆️🍪曲奇朱古力奶昔 ($68)一杯創新又有趣嘅消暑飲品😆以木碗盛載嘅奶昔口感細滑，配上香脆嘅oreo曲奇同爆谷，帶來額外嘅層次感，啖啖都感受到驚喜！👍🏻🌺荔枝烏龍熱花茶 ($46)清新香甜，並帶有花的香氣，飲落令人感到放鬆又消滯～總結：食物質素不錯，感受到廚師用心製作，環境休閒，適合同朋友嚟傾偈慢慢享受～…Read More

暑假時間特別想喺weekend搵間好餐廳 同朋友食個晚飯☺️ 呢日就搵咗旺角嘅呢間樓上西餐廳 呢度環境都幾舒服 好適合同朋友傾計✌🏻墨西哥烤雞餅呢個小食都幾大份 燒烤醬同烤雞喺烤餅中間 上面仲有牛油果同酸忌廉 而餅皮中間有芝士🧀 配埋薄脆嘅餅皮 有好豐富嘅口感🥰烤西班牙豬肋骨叫咗標準份量嘅豬肋骨 都有5條骨 非常夠飽🐷 豬肋骨好易切開 肉質都好唔錯 側邊仲有粗薯條 粗薯真係好有口感 仲炸得又脆又熱🍟慢煮甜酒燴和牛面頰 呢個和牛面頰都有返咁上下厚度 雖然中間已經全熟🐮 但係因為慢煮同埋用咗和牛 食落一啲都唔會韌 底下仲有好creamy嘅薯蓉㗎🤪飲品我哋兩個都叫咗奶昔 貪佢夠消暑吖嘛 曲奇朱古力奶昔同焦糖蜂蜜奶昔 兩杯都有爆谷喺面 朱古力奶昔嘅朱古力味都幾濃🍫呢間樓上餐廳嘅食物整得好有心思 感覺到廚師嘅用心 所以下次有機會都會想再嚟呢度吃吧😺…Read More

夕陽下灑廢半天，最近工作繁重，下午茶時間即興同朋友飲「涼茶」消暑。先講總結︰食物大致上性價比高；可惜餐廳清潔問題相對嚴重，題外話框中有說明。下午茶時段雖然經OpenRice 訂座有85折，但只有90分鐘用餐時間，適合小聚暢談，而且男店員對客態度真係好差。食物方面 - 吃吧招牌拼盤︰仙氣六宮格，木製擺盤充滿煙燻香。女店員細心查問確認，打開盒蓋前都會提示客人預備影相／拍片。六款小食不過不失，甜芒大蝦梳打餅最唔夾，其他黑松露蛋、兩味芝士（車打及藍芝士選件不錯）、巴瑪臣火腿哈蜜瓜（清甜）、溫室荳苗煙三文魚脆皮鐽（酥脆）及枝豆（無調味），味道算ok。慢煮甜酒燴和牛面頰︰(推介)牛面頰有兩大件，炆到好似牛腩咁鬆軟嫰滑，完全無筋而且脂肉比例均勻。配菜荳苗新鮮爽脆，香濃草青味更加減低牛油膩感。底層幼滑薯蓉，入口即溶，再吸收晒所有牛肉醬汁更加惹味。墨西哥粟米片(牛肉)︰蕃茄肉醬配牛油果蓉墨西哥脆片，舖上辣椒粉微辣開胃，蕃茄酸度平均，配清淡奶香酸忍廉平衡重口味。因為醬太多太厚身，底層墨西哥脆片好快就浸到淋晒，建議醬汁另上會好好多！手工啤酒︰偏甜，小麥味濃，經微酒精，適合女生。…Read More

呢度可謂鬧市中嘅隱世餐廳，所在大廈嘅門面完全唔似有食肆😯 食物味道好好，頗有驚喜🤩 今餐係同家母食生日飯🥳 小食揀咗🍈西班牙煙火腿蜜瓜($68)，蜜瓜非常香甜，煙火腿鹹香，我地都好鍾意😋 推介👍🏽 底部仲有好多蔬菜，好健康🌱由於家母最近剝牙，所以點咗🐂慢煮甜酒燴和牛面頰($188)，幾乎唔洗用力已經切開，肉質果然十分軟腍嫩滑，啱哂無牙婆牛面頰肉味濃郁，底部配有綿滑薯蓉，整體賣相顏色雖然深沉，但食落味道非常好👍🏽 另一道主菜點咗 🐷烤西班牙豬肋骨(標準$188)，有6條肋骨，肉質腍滑又無豬騷味，但未至於牛面頰般軟腍，醬汁亦好味道😋 粗薯條新鮮炸起，份量都好多，非常香脆，值得一讚👍🏽 飲品點咗 ☕️熱鮮奶泡沫咖啡($50) 咖啡味香，充滿濃厚奶泡，彷如泡泡浴咁豐富🫧 另外點咗🍫凍炭燒榛子朱古力 ($56)，表面鋪上棉花糖同彩糖粒，甜度十足，滿載童心💛餐廳環境闊絡，亦見有劃分可坐10人嘅空間，整體氛圍輕鬆舒適，服務都好好，食物質素比預期高，亦有酒精飲品提供，無論2人約會或一班人共度Happy Hour🥳 都非常適合👍🏽…Read More

份量偏細但質素都未如理想🥲 可能我唔太鐘意食啲燴嘅肉? 唔識欣賞🤣雖然肉質係淋 但冇乜牛味咁?唔係我鐘意嘅野 千層麵上菜都唔太熱 好似鯨住左咁 軟殻蟹炸左好似冇炸咁 個小食拼盤…好似將啲比較上貴價嘅食材放埋一齊但又唔太關事咁😂😂有埋加一好唔抵😗會員就好似有平啲啲但都係9折💔唯有下次食其他啦!…Read More

餐廳環境闊落，裝修帶點簡約工業風格。Menu除左有多款精緻特飲🍸仲有唔少draft beer同酒精飲品🍻啱哂成班朋友嚟happy friday! 更有生酮可供選擇，減緊肥嘅朋都可以食得放心😚🔸芝士藍青口 呢個頭盤以煲仔盛載，十分特別，藍青口每隻都大大隻，份量仲好多，濃郁的芝士🧀更做到拉絲效果。每隻青口都沾滿芝士，鹹香味十足🤤🔸慢煮甜酒燴和牛面頰 三大嚿牛面頰牛味濃郁🐮 輕輕用叉都可以切開，肉之間既油脂溶化哂肉質煮得軟腍，食到跟腱位仲有滿滿嘅骨膠原添🥔薯蓉打得綿滑，點上醬汁味道啱啱好。🔸軟殼蟹肉醬千層麵大大隻軟殼蟹炸得好香唔油膩，都幾多蟹肉🦀千層麵焗得剛剛好，中間夾雜咗肉醬同野菌🍄肉醬份量足夠，會食到少少粒粒蕃茄口感🍅酸酸甜甜十分開胃😋面層仲有好邪惡嘅芝士，層次感豐富！🔸焦糖蜂蜜奶昔 飲品有特色得嚟亦非常吸睛😍 上層佈滿cream同埋爆谷🍿下面嘅奶昔充滿焦糖同蜂蜜味🍯 甜味如果可以少啲就更加好🙊打完卡要盡快啲爆谷呀📸唔係好快會跌哂落嚟🔸熱情果接骨木花茶 用花樽同埋假花擺盤真係好有創意，接骨木骨茶有少少澀，茶味唔係好濃，加上香濃嘅熱情果帶出更fresh嘅味道，飲落十分清新。…Read More

好耐都無介紹過樓上cafe，今次黎到呢間cafe，地理位置方便，走工業風嘅裝修，環境都幾舒適，晚餐都有不少選擇，最重要係呢度提供不同嘅啤酒🍻可供選擇。1️⃣ 芝士白酒煮藍青口 $88一上枱就俾佢吸引住，用煲仔上已經好特別，仲飄來陣陣香味，每隻藍青口都好大隻又厚肉，濃郁的芝士🧀更做到拉絲效果，令到每隻青口都沾到啲汁，無得頂👍🏻2️⃣ 慢煮香草牛柳配松露泡沫大啡菇 188唔好睇佢細細舊咁，但其實塊牛柳係厚切，用左慢煮方式烹調，所以不用再講生熟程度，牛柳口感都幾軟腍，仲keep到有深粉紅色，大啡菇🍄鮮嫩多汁，配菜仲有整個香煎蒜頭🧄蒜蓉薯蓉同埋黑松露醬，食落非要夾😋3️⃣ 慢煮甜酒燴和牛面頰 $188牛面頰🐮本身都已經好淋滑，再煮後後更入味，有淡淡嘅酒香味，骨膠原豐富，而且都幾重口味，底下嘅薯蓉完全索哂啲牛肉汁，好好味😋4️⃣ Kwak $75呢款啤酒🍻嘅酒瓶好特別，溫和嘅果味配上鳥結糖嘅香甜，隱若咁滲出啤酒花嘅綿苦，最後更帶有淡淡嘅甘草糖香和焦糖香蕉嘅芬芳。5️⃣ 蜜月 $78作為本地蜂蜜酒🐝先驅，城釀用冷泡方法將啤酒花融入本地蜂農嘅龍眼蜜釀製，酒花嘅甘香令龍眼蜜層次更豐富，酒精含量只有4.5% ，甜甜地好啱女仔飲👍🏻總的來說，座位舒適，食物質素都不錯，店員態度好親切有禮貌，而且仲有不少啤酒小食可供選擇，好適合一班朋友開懷暢談😄#foodie_couple_hk_sm816…Read More

呢間cafe主打fusion菜式，從小食🍕 主食🥘 到飲品都有好多選擇☺️ 更有生酮系列，十分貼心😛 裝修方面採用工業風格，燈光較暗，帶點酒吧feel～ 絕對係一班人聚集嘅好地方之選😎🐮 慢煮甜酒燴和牛面頰 $188牛肉超級無敵淋身，完全唔使用刀都可以拆開😆 入口即溶，而且好入味😍 醬汁調得啱啱好，夠濃郁但唔會蓋過牛肉嘅味道～ 整體超有驚喜❤️ 十分推介，必點之選😚🐷 蘋果木煙燻西班牙豬扒 $188 豬扒夠厚身，啖啖肉，帶香濃嘅煙熏味😙 配埋薯蓉都幾match～ 值得一試！ 🍱 吃吧招牌拼盤 $138木盒分成六小格，有煙三文魚珍珠洋蔥🐠 米通蝦芒果沙沙🥭 毛豆🫒 芝士🧀 火腿蜜瓜🍉 同黑魚籽糖心蛋🥚 好豐富而且款款都好好食😋 唔講唔知以為食緊high tea～ 🍫 曲奇朱古力奶昔 $68朱古力控表示要瘋了❤️‍🔥 淨係睇個賣相已經可以比99分，打卡一流～ 曲奇同朱古力呢個配搭簡直係邪惡到爆炸呀💕 仲有大量忌廉😆 oreo脆脆同爆谷添！整體口感豐富，甜度適中，解暑一流😝 🍋 青檸青蘋果梳打 $48 充滿夏日風嘅梳打水，味道清甜～ 配埋可愛造型嘅糖漿針筒，打卡之餘又解渴😗 正！…Read More

同朋友係旺角行完街想揾cafe傾下計，呢間樓上cafe環境都幾寛敞🙂主打嘅係fusion多國菜，不過最印象深刻就係佢地嘅飲品造型，好有創意😆🔸慢煮甜酒燴和牛面頰 (HK$188)和牛面頰都幾大塊，有好濃郁嘅牛味，肉質又滑又淋身🥩配搭口感綿密嘅薯蓉同微甜嘅醬汁，食落唔會好油膩～🔸軟殼蟹肉醬千層麵 (HK$148)有原隻軟殼蟹喺上面，外皮炸得好酥脆，不過食落有少少油膩。千層麵每層都夾住滿滿嘅肉醬同番茄醬，望落好似細細份咁，但食落其實都幾飽肚😆🔸蜜糖咖哩脆雞 (HK$68)雞塊炸到脆卜卜，外皮薄肉質嫩，咬落好多汁，主要食到蜜糖味，咖哩味再濃郁啲就更正啦🥸🔸水蜜桃荔枝茶 (HK$56)一上枱個陣以為個花樽係裝飾品，原來係水蜜桃荔枝茶🤣賣相滿分！水果味好清香，唔會好甜，非常解渴解油膩，好飲得嚟又可以打卡👍🏻🔸曲奇朱古力奶昔 (HK$68)朱古力控必點😍朱古力味好濃郁，奶昔上面仲有滿滿嘅忌廉、焦糖爆谷同Oreo曲奇，超邪惡呀🤣…Read More

好味指數😋😋😋😋😋回頭指數 ⭐️⭐️⭐️⭐️開心指數🤗🤗🤗🤗🤗旺角有海量樓上cafe，質素都好參差，就好似買大細一樣，睇你有冇運氣😂今日約咗朋友食 early dinner，就揀咗呢間試！因為時間尚早，唔係好多人，一入門口就見到 Pepe迎接！🍴吃吧招牌拼盤（$138）呢個拼盤有6款食物，用一個小木盒裝住，睇過有人寫揭開蓋會有煙，我ready 定拍片😆 揭起木蓋時有少少煙走出嚟，效果唔錯，唔會太 dramatic 咁勁大煙！木盒有格分開，有少少裝飾，幾精緻，6款食物係煙三文魚珍珠洋蔥、米通蝦芒果莎莎、黑魚籽糖心蛋、松露芝士+煙燻芝士 + 餅乾、火腿蜜瓜、松露毛豆，三文魚、大蝦同Parma Ham 份量都幾大，好味！🍴炭燒榛子朱古力（$56/熱）上面鋪滿細細粒棉花糖，亦都有少少顏色糖粒同朱古力粉，好靚呀！一啖飲落去先飲到好似打泡咗嘅奶，跟住飲到榛子朱古力，冬天飲好有幸福感！🍴水蜜桃荔枝茶（$56/凍）朋友點咗呢個！係一個花瓶嘅 presentation，有D 攪鬼，試咗一啖，蜜桃同荔枝味好香，再有淡淡茶味，好清新！🍴慢煮甜酒燴和牛面頰（$188）面頰因為慢煮關係，質感非常柔軟好易切開，放D 汁加少少薯蓉，口感非常軟腍，有D骨膠原黏黏的感覺，好好味，呢個好推介要試！🍴西班牙海鮮飯（$178）海鮮飯上面有兩隻蝦、兩隻青口、魚同魷魚，飯煮得唔會太稔，有少少彈牙咬口，唔錯，因為我最怕食煮到好稔嘅飯！🍴Chiba Special Dessert（$68）賣相好靚，有大大粒燒到外面香入面溶嘅棉花糖，有一球雪糕，下面有炸到又熱又脆嘅甜番薯條！我一手攞起甜番薯條，熱到辣親手😂即係即炸，非常熱辣新鮮！凍冰冰嘅雪糕+ 熱辣辣番薯條+ 流心棉花糖，冰火感十足！番薯條食到尾都仲係好脆，好飽都忍唔住要食晒！今次有D運，買大細買中咗，呢間樓上cafe 食物精緻又質素幾高，雖然有限時90分鐘，到我哋走嘅時候都坐滿晒，我同朋友成餐飯食得好開心，回頭率好高！…Read More

高質樓上cafe❤️🍖西班牙辣茄汁雞翼係單骨雞翼，份量都幾多😚，辣得來又有少少酸甜，幾開胃👍🏻🐮慢煮甜酒燴和牛面頰好多人推薦嘅牛面頰🤤，肉質超級軟稔，果然和牛係唔同啲🤣！煮得好入味，必點😋🍲西班牙海鮮飯呢個飯比預期好食‼️每粒飯都比茄汁包住，口感濕潤，酸酸哋，而且份量都多，海鮮有蝦、青口同魚肉🙈🍕京醬烤鴨薄餅我最鍾意呢個烤鴨薄餅，鴨肉非常嫩滑，滑到朋友以為食緊滑雞肉🤣不過鴨肉味唔出，靠京醬搭救，我本身鍾意京醬同芝士，所以no problem!🍖火焰德國咸豬手店員會係你面前用火槍點燃隻豬手😍畫面震撼，一定要相機食先🤣影完相就會拎返入廚房切，豬手雖然唔算柴但比較乾身，豬手皮亦偏硬，對我呢個箍緊牙嘅人嚟講太難咬🥲味道一般但非常IGable!!🐷最後點評一下花瓶飲品，店員拎嚟時我哋都好驚訝🤣，以為係裝飾，但又插住飲管，玩味十足，但好似有啲唔係好吉利🤭，而且唔知道啲假花有冇清洗乾淨，不過都係嗰句，非常IGable!🤪…Read More

• 吃吧 •🐿🦦油麻地樓上Cafe 睇得出擺盤味道都花咗唔少心思有啲幾打卡既飲品 而且仲有特色啤酒添仲有間房仔俾一大班人 啱哂三五成群飲飲酒-🧀吃吧招牌拼盤 💰$138將小食分為六格 上枱時有煙霧效果 幾有視覺效果有煙三文魚珍珠洋蔥、米通蝦芒果莎莎、松露毛豆、松露芝士、煙燻芝士、火腿蜜瓜、黑魚籽糖心蛋比較特別既係米通蝦芒果莎莎 幾fresh同似泰式小食松露芝士既味道第一次試 都幾有驚喜 (⁎⁍̴̛ᴗ⁍̴̛⁎)-🍄露筍 • 煙三文魚 • 大啡菇意大利飯 💰$158用兩塊煙三文魚圍碟 中間加舊大啡菇意大利飯口感偏淋身 食得出有胡椒味成個飯都幾creamy ψ(｀∇´)ψ-🐂慢煮甜酒燴和牛面頰 💰$188推薦大家一定要叫!!味道酸酸甜甜 咬落非常淋身唔需要太用力切 都可以輕易分開啲肉下面墊住一大pat薯蓉 索哂牛汁 好味呢-🧉曲奇朱古力奶昔 💰$68好邪惡既奶昔 擠滿忌廉係奶昔上面仲要幾粒焦糖爆谷做裝飾 賣相好精緻飲落曲奇味會比較重 建議要盡快飲因為打得太耐卡 奶昔既口感就唔同左-🍺𝙺𝚆𝙰𝙺 💰$75因為隻杯好特別 所以嗌咗黎打卡(⁎⁍̴̛ᴗ⁍̴̛⁎)Menu就話係温和既果味配鳥結糖既甜味飲落同聞落的確比平時既啤酒多咗份甜味但份麥味又唔會小咗 好易入口 啱女仔但酒精濃度都有8.4% 唔飲得就小心啦😛-📍旺角彌敦道566-568號僑建大廈2樓2室…Read More