Groovy

為左海膽扁意粉而黎 但去個日冇🥹本身有少少失望🤏🏻但原來其他菜式都好出色😺👐🏻晚餐可以叫Set Menu但唔算特別抵食左(視乎嗌咩主菜)我地叫左一個Set再加一個單點咩都試下~<素食雜果沙律>都幾fresh🥗有橙&士多啤梨&藍莓&青瓜&提子&蕃茄仔個人覺得沙律都幾有誠意👍🏻<椰菜花忌廉湯>佢唔算重忌廉味亦都唔係勁creamy勁杰身既湯🫕但菜味濃飲得多都唔會膩👐🏻我自己第一次飲好鍾意🤤<慢煮安格斯封門柳配阿根庭青醬＆炸薯條>封門柳煮得啱啱好肉質嫩滑亦都好有牛味🐂阿根廷青醬有啲辣見有客人走醬餐廳都會配合客人需要💁🏻‍♀️薯條條條都炸得外脆內軟🍟配菜有椰菜仔同甘筍都有解膩作用🥕<炙燒北海道帶子配蒜香明太子扁意粉>呢個扁意粉好好食‼️扁意粉軟硬度啱啱好有少少煙韌🤏🏻帶子輕輕煎香再開邊 正常好食😋原條明太子其實有啲唔方便😅因為唔鍾意出面層"衣"我自己要撩啲明太子出黎個汁其實都有明太子特別嘅位係雖然有加忌廉但同湯一樣唔係好黏稠好似冇乜蒜味😅有少少忌廉味但係又唔會好膩口追求口感嘅creamy嘅人未必鍾意😉但幾啱我口味(即使我係個重口味人士)意粉依然都好掛汁食到最後仲有汁淨我直頭刮乾刮淨🙊🙊<Matcha Latte>有抹茶味🍵亦都加左唔少糖漿🍯整體係好飲既!不過飲開無糖飲品既人要注意了⚠️<Earl Grey Panna Cotta>跟set嘅意式奶凍係伯爵茶味冇特別鍾意伯爵茶味所以comment係正常好味應該唔算好濃味😂😂上面有一層好似係伯爵茶奶既水份雲呢拿雪糕幾好食😂😂< Tiramisu>好似好出名所以循例嗌黎試下冇特別驚艷但係係好食嘅Tiramisu🙌🏻店員都好細心叫我哋小心唔好俾啲粉濁親💨我唔鍾意濕溚溚嘅Tiramisu而呢一個冇濕溚溚但係又有保留濕潤感💧所以我覺得一定係合格既✅唔係Expert所以食評係咁荒謬😂------------------------------總括嚟講餐飯我好滿意餐廳位置唔算多要預約坐得冇話特別舒服但我覺得絕對可以接受野食要等下但係我覺得可以接受😂我會為左試埋海膽扁意粉再encore多次間餐廳…Read More

【銅鑼灣隱世樓上cafe☕️Groovy】-今日要介紹嘅係呢間係銅鑼灣富明街嘅樓上Cafe😗佢係希慎廣場附近嘅舊樓非常隱世😯如果唔係朋友介紹真係唔會發掘到呢間寶藏餐廳🏆佢嘅封門柳同意粉全部都水準之上😋值得一試👍🏻-晚市有單點/Dinner Set，小編同朋友就叫咗套餐😝包沙律🥗、餐湯、飲品以及甜品🍮沙律嘅菜夠新鮮同爽脆幾開胃🤤是日餐湯係忌廉湯非常濃稠，至於飲品除咗基本嘅咖啡檸茶，仲可以加錢升級特飲🍶小編叫咗杯熱嘅Hojicha latte（+$10），味道香濃個拉花仲好靚🥰朋友就叫凍朱古力🍫（+$15）佢嘅主食同甜品都有驚喜🤩感受到廚師嘅用心製作❤️‍🔥-😋慢煮安格斯封門柳配阿根庭青醬&炸薯條🥩$299+1呢個真係必食‼️肉質非常粉嫩💓食落軟腍，但帶有啲嚼勁，每一口都充滿肉汁💦而佢嘅青醬微酸又帶點辣，為呢道菜增添咗嘅活力，同時中和咗肉嘅油膩感😝就連配菜嘅炸薯條都相當出色🤩金黃香脆🍟不知不覺就己經清盤😏好味指數：🌕🌕🌕🌕🌗-😋炙燒北海道帶子配蒜香明太子扁意粉🍝$202+1呢碟意粉都好有睇頭🤩因為佢係成條明太子任你撈😍所以啖啖意粉都係掛滿晒明太子🥳超正！而且佢嘅帶子亦都好太粒😝食落嫩滑又帶點炙燒嘅焦香，味道唔錯👍🏻好味指數：🌕🌕🌕🌕🌘-😋意式奶凍佐雪糕🍨今日嘅奶凍係伯爵茶味😝奶凍質地柔滑，散發淡淡嘅伯爵茶香味😍加埋雲呢拿雪糕真係天作之合😗不過如果奶香味可以再濃啲就更加好啦～好味指數：🌕🌕🌕🌕🌘-😋焦糖巴斯克蛋糕🍰+$20蛋糕口感濕潤而且綿密，仲帶有焦糖嘅香甜同埋微微嘅焦糖苦味😚甜度恰到好處😝但如果芝士味再出啲咁就perfect啦好味指數：🌕🌕🌕🌕🌘-食完餐飯樣樣都清盤🤣朋友問我地係咪大食咗😋我諗係因為啲嘢好食啫😜呢間餐廳絕對會再訪👍🏻-📍Groovy (銅鑼灣)銅鑼灣富明街2-6號寶明大廈3樓C室💸人均消費：$300…Read More

呢間西餐廳位於繁華嘅銅鑼灣一座商住大廈入面，位置隱蔽唔係睇到介紹都唔會留意到～ 餐廳以白色為主調，燈光簡潔明亮，佈置有返咗屋企嘅感覺，窗邊有高枱面向街景，嚟靜靜地嘆杯咖啡望吓街食個飯感覺唔錯。Set dinner價錢由$202-$299，有齊前菜、餐湯、主菜、飲品及甜品，幾抵食🫶🏻❀前菜：🥗素食雜果沙律或🐟煙三文魚他他（+$35）❀是日濃湯：🌽當日係粟米忌廉濃湯😋 creamy又甜～❀主菜：🐮慢煮安格斯封門柳配阿根庭青醬＆炸薯條 $299 ⭐️推薦👍🏻✰慢煮安格斯封門柳好軟嫩，牛味好重，油花雖然較少但係經過慢煮令到肉汁鎖住喺入面，好正！✰配菜有炸薯條、燒椰菜仔同甘筍仔，最驚喜係有原個焗蒜頭🧄😍 至愛嘅配菜！🐷慢煮香料油封豬鞍配西班牙紅椒果仁醬＆炸薯條 $288 ⭐️推薦👍🏻✰經過低溫長時間煮熟嘅豬鞍，非常嫩滑同埋多肉汁，香料味道充分滲入肉入面，非常入味😋✰配菜同上面安格斯封門柳一樣。🦐日式魚介風味海鮮意大利飯$217✰有兩隻大蝦、3隻青口✰海鮮汁嘅味道非常濃厚，意大利飯煙靭口感唔錯。🍝炙燒北海道帶子配蒜香明太子扁意粉 $202✰炙燒過嘅北海道帶子大大粒又鮮甜，原條明太子份量亦都唔細，壓碎拌入蒜香汁嘅扁意粉一齊食，鹹香滋味👍🏻🌟四款主菜嘅賣相都好靚🫰🏻❀甜品：🍨意式奶凍佐雪糕✰超好食😍😍😍 係好重伯爵茶味嘅奶凍配雪糕香濃奶味加咗朱古力醬😋✰可加錢轉其他甜品。❀飲品：✰美式咖啡或茶，我哋全部加錢轉其他飲品。☕️Rose Latte (+$10) & 🍵Hojicha Latte (+$10)☕️Mocha Latte (+$10)🧋Ice Hojicha Latte (+$15)✰3杯熱飲全部有拉花好靚❤️✰我杯Ice Hojicha Latte好重抹茶味🥰唔會太甜，超好飲🫶🏻最後要一讚，喺呢度食飯唔會趕人走，可以同朋友慢慢傾偈🥰 而且店員亦都好nice，每樣菜上檯時會講一講解👍🏻👍🏻👍🏻…Read More

銅鑼灣多樓上Cafe大家都知，今日上咗嚟呢一間Groovy，文青小店嘅感覺，裝修簡潔，坐得好舒服～雖然set dinner嘅選擇唔算好多，但係每一個都非常吸引，揀咗好耐😖前菜我就揀咗素食雜果沙律，牛油生菜新鮮爽脆，另外生果亦都非常多種類，包括張相見到嘅車厘茄、青瓜、橙之外，仲有士多啤梨同藍莓等等😙而男朋友就加咗$35要煙三文魚他他～一上到枱以為係芫荽嚟嘅，但係食落口完全唔係芫荽嗰種味，香草配合埋粒狀嘅煙三文魚，好清新，滿足晒男朋友呢個煙三文魚控😋是日濃湯係蘑菇湯，感覺到非常之足料，蘑菇蓉打到爛晒，所以爆發住好香嘅菇味，入口順滑～我叫嘅主菜係慢煮安格斯封門柳配阿根庭青醬&炸薯條 ($299)，上到碟已經聞到封門柳好香，生熟程度啱啱好，切開唔會有血水，但亦都唔會好嚡，封門柳呢個部位出晒名肉味香，呢個都唔例外，加上份量都幾多，食完係好滿足嘅～佢呢個青醬都比較辣，但我食得比較重口味，所以我覺得個配搭都幾好👍🏻佢嘅配菜就更加豐富，有甘筍、椰菜仔、蒜頭同薯條，感覺亦都唔係Hea你，認真出品🫶🏻男朋友嗰個就係慢煮香料油封豬鞍配西班牙紅椒果仁醬＆炸薯條 ($288)～佢的確冇改錯名，塊豬鞍係非常之強嘅香料味，亦都見到裏面嘅肉質係好鮮嫩，而佢嘅紅椒果仁醬相對仲冇青醬咁刺激，而又可以吊到豬鞍嗰種肉味出嚟😆其實食到呢度已經相當飽，但呢個set仲有甜品嘅～本身跟嘅係意式奶凍佐雪糕～奶凍嘅伯爵茶味好香，而雪糕嘅雲呢拿亦正好中和咗茶味嘅苦澀😋另外我哋都加咗$20要佢嘅巴斯克芝士蛋糕，男朋友大讚芝士味勁濃，而且佢嘅中間真係流心嘅😆我就好鍾意佢面頭嗰種微微嘅焦香味😆呢個餐都有嘢飲，男朋友飲咗Elder Flowers Lemon Soda，好清新而且好有氣，勁爽😋而我就叫咗Macha Latte，個拉花拉得好靚，抹茶味偏重，抹茶愛好者唔好錯過😗我哋兩個咁大食嘅人都捧住個肚走，又飽又滿足，店員亦好有笑容，而且個環境好舒服，令到我哋可以慢慢食，好休閒😗…Read More

記得幾年前試過一間樓上cafe心思思想再試下上到原址 發現原來已經執咗了不過一場黎到 就試吓去食現址既cafe開門嘅原來係之前cafe 既大廚接手左呀😍食品選擇唔算多 有幾個套餐 個套餐包括好多野食素食雜果沙律🥗沙律菜好新鮮 配上生果 好清新是日濃湯 - 係粟米忌廉湯 香濃又creamy係用粟米粒打出黎架慢煮安格斯封門柳配阿根庭青醬＆炸薯條 ＄299封門柳冇得揀選熟度 上枱時已切件但仍然保持到肉質既鮮嫩 牛味濃好夾個阿根庭青醬 好清新慢煮香料油封豬鞍配西班牙紅椒果仁醬＆炸薯條 ＄288豬鞍大大件又厚肉 仍然保持到佢既嫩滑西班牙紅椒果仁醬 少少辣味 同果仁香 好特別兩個主菜都有配上薯條炸得好脆 又熱辣辣有小甘荀同埋好好味既烤蒜頭飲品 可以在menu 上自選茶味叫左 Lemongrass and ginger 係澳洲T2 既茶包茶味都幾香濃店員仲會定時幫你加滾水好貼心最咪食咗套餐包埋嘅意式奶凍佐雪糕個奶凍係Earl Grey 味架好香好濃味 加埋個雲呢拿雪糕奶香濃郁真係好滿足 超級飽肚呀🥰🥰🥰真係要多多支持呢啲小店識嘅唔止係食物嘅味道仲有濃厚嘅人情味…Read More

Cafe係樓上鋪，鄰近時代廣場，食物質素唔錯，款款有誠意，值得更多人認識。🌖煙三文魚他他 套餐加$35煙三文魚唔會太鹹，香橙加添甜酸味，更覺醒神開胃。🌕慢煮安格斯封門柳配阿根庭青醬＆炸薯條 $299慢煮真係唔講得笑，橫切面見到紅卜卜，但其實已經煮熟左～慢煮減低肉類纖維收縮嘅情況，令肉質保持軟腍，而且保留豐富肉汁，每片封門柳都肉味濃厚又多汁。🌖炙燒北海道帶子配蒜香明太子扁意粉 ＄140擺盤冇得輸，味道都唔錯！帶子輕輕煎過，唔會過熟；意粉🍝呈al dente 質感，醬汁稍為過多，好彩可以自行配搭明太子嘅份量，調配出適合自己嘅鹹味。🌖Passion Fruit Coffee Fizz 原價$48 跟餐價+$15咖啡味道偏酸帶果香，加入咗梳打水令苦味減輕，容易入口；咖啡上層有厚厚氣泡，口感特別。🌖Hojicha Latte $44焙茶味重，奶泡豐厚。🌖意式奶凍佐雪糕 跟餐甜品奶凍奶味超濃，非常香滑，估唔到跟餐甜品都咁有誠意！-#soso_eatingismylife #soso_foodieslife #soso_香港 #soso_100至200元 #soso_200至400元 #soso_推介 #我地真係好鍾意香港 #香港人加油 #慢煮 #明太子 #奶凍 #銅鑼灣美食 #樓上Cafe想睇同區食店介紹？可以參考👇🏻👇🏻#soso_香港島 #soso_銅鑼灣想睇同類食物介紹？可以參考👇🏻👇🏻#soso_西式 #soso_cafe #soso_意粉 #soso_海鮮…Read More