PAPI

差唔多成個月冇見姐姐,又係時候約個飯聚啦,好似未試過同姐姐食高檔意大利嘢,所以今次就揀咗呢間喺銅鑼灣嘅PAPI,雖然啱啱過咗中秋,但係我哋都要做節的原來呢間餐廳就喺正我放工搭巴士過海嚟銅鑼灣的話一落車就到架喇,勁方便一眼就見到,地舖連二樓兩層,極具氣派呀。裝修方面以簡潔嘅歐陸風情為主,地方又大又寬敞,一位外籍職員以英語招呼我哋就座之後,真係尤如置身咗喺另一個世界......感覺舒服又寧靜。我哋仲好好彩咁可以坐喺Ｉ♥️ＰＡＰＩ嘅霓紅燈牌下面,即時又增添幾分情調。細閱餐牌之後發現呢度嘅食物都好多種類選擇,除咗呢度出名嘅小碟頭盤之外,當然小不了仲有意大利粉同埋意大利飯,轉去餐牌後面仲有多款薄餅同埋主菜,最開心就莫過於見到甜品類別啦。不過我哋得兩個女子,蚊型咁嘅胃口,最後就決定叫以下三款,可以開心share,乜都試下~意大利軟心蛋、菠菜、茄子及松子仁沙律($128)呢份沙律絕對係吃貨推介!!!美味可口而又健康,鮮綠色嘅有機菠菜葉十分新鮮,混合埋有美容同抗衰老嘅松子仁一齊食,仲唔係女士至愛?食物上枱後職員仲細心幫忙攪拌,眼見佢將隻水啵啵嘅溫泉蛋篤破,蛋汁緩緩流出嚟,令人食指大動,菠菜嘅份量不少,兩個人食剛好有餘,食咗一半之後就會見到下面有一大塊軟身大茄子,配合黑醋汁嘅味道清新又開胃炸薯條配黑松露油及巴馬臣芝士($68)有姐姐嘅地方好似都會有薯條出現最開心就係見到佢係我至愛嘅即炸幼身薯條,第一啖食落口仲有勁香嘅黑松露味,好鬼正~唔洗怕食得慢會改變口感,我哋一邊傾計一邊食,發現佢仲愈食愈脆添!!!上面嘅巴馬臣芝士粉絕對可以再為薯條加多幾分惹味風乾意大利車厘茄、蒜蓉及煙芝士薄餅($168)平時一向唔鍾意食pizza嘅我,對於呢塊薄餅真係毫無抗拒之力,佢擺脫咗一般薄餅厚實而肥膩嘅感覺,平時我食一件普通薄餅可能半件已經玩完了,連皮邊都可能俾我丟埋一邊唔食,但係呢度完全相反,整塊薄餅超薄又夠脆,好似食緊零食咁,上面香口濃烈嘅芝士焗到啱啱好金黃色,忍唔住相都影多幾張,再配埋可以中和飽滯感嘅車厘茄,我哋兩個女子一人一半絕對冇問題,完美…Read More

位於銅鑼灣加寧街 8号 係Fashion Walk 地下的Papi ，Papi 是一間傳統的意大利餐廳，餐廳提供小食、沙律、手工意粉、傳統意大利薄餅、精緻的甜品及美酒佳餚。佢樓高兩層，店內裝修簡潔明亮，樓底十分高，店內有大量座位，適合多人聚會高談闊論，而店外有露天地方可以與朋友輕鬆把酒談心，享受意式小食。之前好友剛旅行回來，今天我在放工後便乘地鐵往銅鑼灣，到Fashion Walk 出口，向Ikea方向，步行一會便到在Fashion Walk地下的Papi。看到好友後便入座。店內佈置簡潔，播著輕快的音樂，令人不自覺地輕鬆下來。收到好友貼心的小手信，之後便決定食物。因為這間是意大利餐廳，當然要試試傳統的意大利薄餅。先吃頭盤沙律，意大利軟心蛋、菠菜、茄子及松子仁沙律（$128）這沙律分量也不少，有大量新鮮翠嫩的有機菠菜，加上酥脆的松子仁，服務員將軟心蛋與其他材料混合在一起，菠菜茄子加上濃濃的蛋汁，味覺十分清新。炸薯條配黑松露油及巴馬臣芝士($68)我最愛吃薯條，而且還是剛剛炸好的粗薯條，每一口都有淡淡的黑松露香味，加上巴馬臣芝士碎粉，口感味覺都十分豐富，不用加上茄汁，原味已經足夠。風乾意大利車厘茄、蒜蓉及煙芝士薄餅（$168）傳統的意大利薄餅，其實沒有豐富的配料，只要加上車厘茄、煙芝士及羅勒，Papi用手造的薄餅皮，我想應該烤焗前放在pizza stone上，再加上簡單的配料，焗至香脆金黃，入口帶有少少煙燻的香氣，餅邊十分脆口，加上已焗至融化的芝士，，一個薄餅已分成八件，想不到我與好友竟然可以每人各自吃四件，，如果一大班人就可以叫不同的食物了！這餐廳有午市套餐Lunch Set，以銅鑼灣Fashion Walk 食肆來說，價錢不算貴，下一次如果在銅鑼灣午餐，一定會試試Papi 。＊結賬共$401. （已加上10%服務費)＊晚上的服務員是用英語交談的。但餐牌是中英對照，所以不願說英文的點餐也不難。…Read More

今日係銅鑼灣收工，就順便做日孝順仔，同媽打行下街食下野，行到加寧街呢間環境清幽既地方，二話不說就入去啦，鋪頭門面乾淨、簡單必定係吸引人既賣點，   入到去職員就安排左窗口位俾我地，入面既陳設舒服、簡單，身心享受~     之後職員都好主動介紹餐牌既食物，女職員既態度同表現都好友善~ 由於我媽打唔似我咁鐘意食肉，所以都叫左清的既野俾佢食，最後叫左意大利軟心蛋、菠菜、茄子及松子仁沙律，鮮海膽、蒜蓉及香菜意大利扁意粉同埋自家手做牛肉丸配意大利松子仁及提子乾，兩個人黎講都夠食嫁啦。上枱啦~上枱啦~ 首先呢份自家手做牛肉丸配意大利松子仁及提子乾，大大粒賣相都幾吸引，味道方面有好香既牛味，肉汁勁多，加上新鮮手打，好彈牙，勁好味~ 配埋職員送既意大利薄脆做餐前小食，食落就唔會覺得太漏。媽打就主力食呢個意大利軟心蛋、菠菜、茄子及松子仁沙律，佢就話菜蔬好新鮮，加多隻軟心蛋及松子仁，有香蛋味之餘仲有咬口，底底仲有一塊新鮮茄子，睇見佢食得開心就知無叫錯。  主角黎啦~ 就係鮮海膽、蒜蓉及香菜意大利扁意粉，起初睇佢份量普通，點知食落先知好漏，意大利麵好煙韌好彈牙，唔似其他咁好容易斷，加上新鮮海膽，令到平平無奇既意粉變得勁正囉~~~食完主菜，作為女性既媽打點可能缺少甜品...，職員介紹餐廳招牌既Tiramisu，就當然試試啦，賣相就唔多講啦，睇相都知大大杯好吸晴，點知入口就仲驚喜，勁香濃既朱古力加上入面好軟滑，整得勁好食~  最後兩個埋餐都係$450左右，難得同媽打拍下拖，咁正既質素配合埋個環境，真係好難得，抵啊!!! …Read More