Years (Fuk Lung Building)

行街前當然要醫飽肚，但朋友最近唔係太想食肉，所以搵左間素食cafe,雖然呢間話係素食，但一啲都唔似呀，仲有新豬肉嘅餐點！！不過朋友今日未想試同埋胃口唔太好，所以叫左一個麵一個小食加兩杯飲品青檸接骨木花梳打&香蕉火龍果燕麥奶杯梳打酸酸甜甜，清清地，幾好飲杯燕麥奶香蕉味重啲反而唔太飲到火龍果味忌廉菠菜闊條麵醬汁很濃但不膩，配料亦不少，一人份量剛好黑松露蛋黃醬蕃薯條炸得剛好，不會太淋亦不會太硬個醬真係好唔錯，黑松露味很濃份量亦很足，可足夠點晒咁多條…Read More

深水埗人氣素食cafe果然名不虛傳💛💛‼️一到埗見到排隊既人龍，但好想食又勁肚餓😭😭 唔使諗啦外賣吧啦!!外賣仲有9折，係車上面食都不失為一個好辦法😂忌廉菠菜闊條麵 $88又係我至愛既忌廉乜乜乜😆 菠菜闊條麵好煙韌，十分彈牙，但就不太食到菠菜味😂雖然意粉煮得比較乾身，但因為有海量既菜、蕃茄、菇、黃椒食落都未至於太乾!! 成個意粉都係綠色，令人有好清新既感覺😍日式咖哩吉列豬扒意大利飯 $98我係超鐘意食日式咖哩，因為我唔食得辣，日式咖哩甜甜地啱曬我!!你無睇錯‼️個吉列豬扒係素肉，我甚至覺得好食過真既吉列豬(因為好多時都會炸到好乾好硬)但依塊素吉列豬扒好juicy，質地同真既豬肉無咩分別🤔每粒意大利飯都有滿滿既咖哩汁，驚喜發現意大利飯同咖哩汁原來係幾夾!!…Read More

「♪年～又過年～食素梗係年年～♪」雖然執筆之時唔係新年，不過當我地去到今次被掃既對象，個腦同身體都不聽使喚地唱出呢首歌。冇錯，今日我地要掃既就係Y．E．A．R．S．「素年」。至於呢到既主打就係impossible meat．咦？Green Common果隻叫beyond meat，咁究竟有咩分別，有幾impossible呢？買完小關子，先睇個殼先！舖頭設計一貫素食祟尚既簡樸／文青風格。當日去到已經見到幾多人幫襯，而且KEEP住有人黎。而間舖因為唔係大，所以其實都有啲逼。雖然都要排隊等位，不過就係呢個出其不意既moment，被感動左！門口位預備左木櫈同自助斟水！而呢啲並唔係普通既水，目測下似係蝶豆花水+橙片+奇異果片（雖然張相影到好似粉紅色藥水咁…），夏日炎炎坐係到邊等邊整番杯，立即消暑，嘆嘆嘆！都未開始食，就飲左杯免費而且咁正既嘢，真係有少少比佢殺個措手不及！終於有位，加上無盡既空腹感，未坐穩就急不及待地打開menu驗真身！什麼！？莞茜意大利飯？（第一眼以為係東莞意大利飯…）因為從未見過，所以就以「把握人生每一個機會」既精神，係到唔試就唔知重有咩地方可試！另外見舖頭好多人都叫左菠菜麵，估計係名物所以都要試下。重有當然係必試鎮店既impossible burger啦。先黎莞茜意大利飯嘩～真係好綠好多莞茜呀～！另外重有粟米BB、蘆筍、蓮藕同茄子。一個字：「清新」！以為會好濃味，點知個感覺似SALAD，入口果下味濃但好快就散。GOOD！然後就係好似好多人叫既忌廉菠菜闊條麵。睇個menu都知有好多料：黃/紅椒、雞脾菇、羅勒、松子仁、車厘茄同自家製素芝士，可謂多重享受！不過反而呢味較濃味，而且要快快食，因為佢凍左會變乾食冇咁正。而最後梗係重頭戲既impossible burger！係，係好靚，不過就咁睇，一個包加一堆蕃薯條，又唔覺有咩特別。但當我地切開，放入口之後，食神既畫面就出現喇！點解？點解～？個肉真係唔明點解會咁似真肉？中間重做到紅紅地色，視覺上完全同真肉冇分別，而食落都好有肉感，但最驚喜係佢既醬汁真係好好味好夾！雖然一向都唔太鍾意肉名既素食，不過呢個真係有可能代替到真肉！？it's magic！唔係，係it's IMPOSSIBLE！可能會有人問：「食素食到咁，不如食肉啦」不過我會話：「橫掂係一樣，不如你都一齊食素肉啦」。有去過Green Common既朋友，都可能會試過佢地既beyond burger，一樣係好似真肉，好好食。只係如果論賣相同口感，impossible burger會更加似真肉，醬汁更優勝，唔知可唔可以更滿足到非素食者呢？後記：講起一個「肉」字，你會諗起啲乜？「咪小鮮肉囉！」係，我知。不過，係不久既將來，可能你會話「beyond meat」或者「 impossible meat」。隨餐附送既凍伯爵茶（或可叫熱玄米茶）  ＊自動唔比飲管呢下要加分！…Read More

呢間素食餐廳我已經幫襯過4次，雖然menu都一樣，但每次食都係唔會厭，食物水準都是維持良好。今次和家人一齊黎食晚餐，真係每樣都值得推薦。出名既吉列豬扒飯同未來漢堡(連同碟邊既番薯薯條)就不用再多介紹啦，真係超好味。今次想推介下其他既菜式。冬陰意大利飯，可惜唔記得影相。好好味，佢地D意大利飯既口感好岩我，軟硬真係適中。夠曬入味，係冬陰公既味LOL辣辣地好惹味。忌廉菠菜闊條麵又係正，青醬好好味，夠creamy，麵條煮得不會過軟。 本人覺得有D口感既意粉先至好味。牛肝菌意大利飯D汁同冬陰唔同，但同樣好味，都好入味，意大利飯一樣煮得好好。泰式香辣不可能肉碎意粉呢碟炒意粉辣得黎好惹味，雖然我只食到少少辣，但都忍唔住食左好多。麵條都係彈牙的，不會過軟。日式定食每樣小菜都很不錯，尤其是個南瓜薯餅!!! 一食再食~ 如果碗烏冬係用另一款口感煙韌D既烏冬就更好啦~ (個人感想)飲品方面最推薦香蕉火龍果! 藍莓都很好味。花茶就未試過，不過下次會試。提提大家，番薯薯條同南瓜薯餅呢D小食可以散叫架，所以大家想食唔一定要叫果個餐都可以食到。係我爸爸好醒咁主動問人得出黎的開心發現!其他既就要你地再問問啦。…Read More