Tak Fat Restaurant

聖誕節臨近, 又係朋友們一年一度的聚會時期呢一日揀左呢間德發小廚黎聚腳!話是話, 豬仔同我係度頭成日行黎行去, 一直都冇為意過有間咁既餐廳連住最近既朋友米先生都話未食過XDDD約左食呢間後都有上黎OR睇下有咩招牌野...最令我R頭既係, 一間小炒鋪, 竟然有埋甜品食咁搞笑?哈哈!! 今日一於破解呢個謎團!! 由於朋友C一早BOOK定台, 佢地7點半已經到左豬仔同我都稍後到達~而佢地已經點左幾樣菜喇~打頭陣係墨丸拼豆腐磚!!事關琴晚都幾凍..大家係凍冰冰又肚餓底下..呢碟熱辣辣既香口野確係幾吸引!!墨魚好彈牙, 整到好似出面D炸蟹鉗咁不過呢.. 就好似冇咩墨魚味, 仲爭D當左佢係蝦膠 = ="至於豆腐~佢用好滑個種豆腐 (好似超巿一盒盒個D) ,所以食落口感幾好味道方面都唔會話淡某某, 因為佢面頭有D椒鹽撒左落去~脆脆地又咸咸地~~唔錯!第二個係無骨沙薑雞豬仔食左一啖之後, 就大叫「咁滑既?」我唔係好雞之人 (中式個D) 但試左一o舊我諗係雞胸位既白肉啊, 又真係幾滑bor! 一d都唔o鞋味道方面佢應該係用個d豉油汁整....所以味道都冇咩特別..之後有個炒蛋...黑色一粒粒個d..我估係松露喇..@@食落去, d蛋就已經滲透左個種「松露」既味..有小小好似落左d蒜頭咁既味....不過d蛋炒得唔係太滑, 即係唔似大快活早餐個d...XD其實仲叫左個炒豆苗, 不過唔記得左影相XD呀個豆苗唔錯喎~~食落冇渣~~蒜蓉炒清清地幾好味之後再追加左3個菜呢個係麵醬唐生菜~UM..個賣相一般般啦, 食落都係麻麻地麻麻地原因係唔夠濃呀佢D麵醬! 曾經食過其他炒出黎, 一上台已經好香麵豉味..呢間就欠奉喇.......同埋D肉碎好大陣豬豬味....之後落黎既係椒鹽鮮魷拼白飯魚哈哈!! 又係香口野, 基本上呢D大路野都實冇死既..不過想講下佢個鮮魷, 佢用左個幾厚既脆漿去炸,一咬落口, 成條鮮魷同個炸漿解體... 仲勁過火箭升空, 唔係好掂當BOR大佬....咁樣甩左出黎變左齋食一條白雪雪, 光秃秃既鮮魷, 要改善下了!最尾上陣既係鴛鴦牛仔骨!呢個整得OK喎, D肉夠稔唔會韌味道一邊係辣辣地, 一邊就好似京都骨咁呢D用黎送飯一流!!食哂正餐, 就試下呢度既甜品...由於我地有八個人, 個老闆見我地左度右度..就話不如我地叫6個送一個俾我地~咁我地都覺得反正想SHARE黎試下唔同既野就叫左幾款喇第一個係益力多奶凍磚呢個係我覺得好好味既一個甜品好豐富的益力多味, 但唔會過甜!面頭撒左D...我諗好似杯芽個D粉末...食落好清新~第二個係.....我都唔知咩黎XDDDDDD呢個我冇試...但我估係D芝士杯之類的東西~~第三個係心太軟~~呢個心太軟就搞笑咯~話說我地叫左2碟..咁我就先食放近我同豬仔個碟啦...一食落去, 喂酸既點解??我望下望下...諗緊會唔會係D咩藍莓醬係中間之類呢?(我甚少食呢個..加上冇睇過MENU D甜品係咩黎)但個味真係好難食...........於是叫豬仔食下... 佢同我一樣食到面容扭曲於是叫左大家試下, 因為另一碟個邊既朋友話冇酸味ga wor!!! d食開既朋友仔即刻試左一啖, 好快就召喚老闆黎宣判左呢碟野既死刑!XDDDD等我ON居居咁食左成4分1個....真係醜怪......到最後有梳乎厘...上枱時已經有人提醒我地要盡快食, 唔係佢會塌坊XD因為我對呢D冇咩興趣所以都冇食,豬仔食左少少.....佢冇咩特別評價... 我諗應該都正正常常掛.....我地8個人...總共食左千一蚊有找...深水埗黎講, 佢唔算出眾, 但如果三五知己想食下家常便飯呢度都OK既~~仲可以一條龍食埋甜品添XD…Read More

今晚要到深水埗走一堂所以就順道來這裏, 原來已經很想來但現在愛上了下廚所以少了出外吃飯, 難得今晚出來要盡吃過夠~一坐下來便送上前菜, 拍得住我整個d..哈哈~~由於還有上層雅座所以我們七時多到下層還有最後一張細枱, 周圍都貼滿師傅同明星影的相片.餐版上的肥佬廚師大家有沒有覺得很熟面口???其實都不用多看餐牌, 因之前看過其他飯友食評已心裏有數.新鮮熱辣送上, 但份量不算多, 以百多元來說真是有點貴.豆腐 - 外脆內軟, 豆味有點不足, 但加少許黑醋味道又很好多了.墨魚丸 - 非常彈牙, 墨魚味鮮甜.本來想吃通菜, 但說已過時, 所以轉了油麥菜, 熱辣送上很多煙, 令我當晚整個頭都染著蝦醬味半肥豬肉加少許蝦米蝦醬, 直頭是吃過不停, 又不會太鹹. 送白飯一流~~相公點了兩碗, 但可惜飯太差因為水太多太腍了.將魚起身再蒸, 我們點了少的, 沒有記錯應該是百六元, 雖然有點貴但自己起碼不會整, 而家都有點工夫才能做到這味菜, 除了魚還加了金針, 雲耳, 杞子的配菜, 很快便被我們K.O.了.最後當然要試這裏出名的甜品, 真是估不到中菜館會有西式甜品, 還是不錯的.送上來時很香很香, 隔離的姐姐哥哥們都被我們的心太軟吸引住, 破開後又熱又滑的古力流出來了~~~很軟很軟...只是略頗表面有點硬不知是否過了點火. 提提大家...點甜品請早一點, 不要等差不多吃飽才點, 要預早少少, 因是即叫即整, 真是要需時, 我當日等了十五分鐘有多.整體上真是不錯的, 先說服務, 各服務員都很有禮貌又會主動斟菜和收碗碟. 食物方便真是絕對收貨, 只是有點兒貴了些少~~~真是第一次在深水埗區吃了四百多元的晚餐~~…Read More

兩個月前食既飯局那天是陪舊同事食飯大家唔想食放題又有男同事話呢間D野好食~咁我地咪去試LAW來到大家都唔知選咩菜好我呢D就未睇送就先想叫心太軟食最後叫左幾個小菜墨魚餅拼金磚豆腐 - 墨魚餅彈牙，但味道不足 豆腐好滑但冇咩豆腐味飛天通菜煲 - 好食無骨沙薑雞 - 好咸....黃金膏蟹粥 - 佢真係落左好多蟹...但係D粥有蟹味但冇蟹既甜味(但睇到他們真的用料十足的)特色鴛鴦骨 - 呢個"送"係叫之前，寫菜既哥哥已經講左佢地對做豬扒真係一般 好後悔冇聽呢個哥哥講野= =梳乎里 - 好食心太軟 - 如果佢本身有埋雪糕就會好D LAW 個雪糕我跑去對面買總括來說，我覺得算中上呢D菜館已經好食過好多大酒樓所以我好支持佢地的~^^~…Read More

因為要到深水埗攞禮物關係, 所以call埋朋友一齊嚟個小團年飯先! 要食得招積, 就梗係要訂枱先啦 5大1細就叫咗9樣嘢(當中有兩款甜品)黃金海中蝦 ... 蝦油爆過後, 蝦殼變得脆身, 而且蛋黃剛剛好掛係蝦殼上面, 可以連殼一齊食都冇問題生炒骨 ... 其實我到現在都唔係好識分生炒骨同咕嚕肉有咩分別, 我只係知自己比較喜歡肉面酥脆加甜酸汁嘅感覺, 所以呢個唔係我想要嘅嘢金磚豆腐拼墨魚餅 ... 金磚豆腐, 外脆內滑; 墨魚餅, 爽口彈牙 啫啫油墨菜 ... oh~ 太鹹了荷葉蒸雞 ... 荷葉味冇乜, 但雞都尚算好滑好夠味因為唔夠菜食同有個小妹妹好鐘意食豆腐, 所以叫多個清炒菜芯, 同金磚豆腐!跟住就到甜品時間喇, 其實佢哋有幾款甜品都好好味, 但因為我d朋友係未嚟呢度食過, 咁當然就叫佢哋嘅招牌甜品心太軟 ... 呢個真係好食過好多甜品店, 外面嘅朱古力蛋糕唔會整得太硬or太脆, 真係感覺到佢係蛋糕, 流心就唔駛講添啦, 熱辣辣即食, 正呀~梳乎里 ... 早兩個星期先去太平館食過, 不過我都係喜歡德發嘅出品, 冇過份嘅蛋味同比較鬆軟…Read More

已經幫襯過七八次, 兩個人去又有, 一大班人去又有, 佢地D小菜好食又夠鑊氣, 可惜我唔食海鮮既, 所以唔知道佢個大富大貴有幾好食, 但佢D甜品就真係值得回味~ 我係為左佢D甜品而再度幫襯既~ 肥佬老闆好SOCIAL下,又會SELL下你D時令野/特別野, 可惜佢地招牌野都係海鮮多, 而我 (&我既飯腳) 都係唔食海鮮既, 所以都係叫返D”普通野”食.老闆亦好唔客氣地, 響落單時話「你地呢D野食就普通D囉」,係呀, 我地既口味係比較普通, 咁食野呢d….各有所好架嘛…. 位置比較逼, 氣氛好Casual, 一大班人去就熱鬧d開心d~~最鍾意食既… 係佢既墨魚餅併豆腐同埋心太軟, 心太軟真係好好食.…Read More

德發小廚, 雖然有兩層但舖頭仍係細細, 但特式是小菜餐廳有出色5星西式甜品. 對於喜歡飯後吃甜品的我. Very good 啦. @ 深水埗街市附近。遠看，大光燈照得光燦燦...門外玻璃貼滿報章雜誌的圖片。再內進，是非常深水埗的街坊小菜館格局。一般舊區街坊菜館通常僱用阿叔阿嬸，但這裏全是年青人及最熱情的肥仔老闆招呼.起菜啦 ! 梅菜蒸菜遠 (好味) 豆腐拼墨魚餅 (豆腐超滑，墨魚餅好彈牙) 大富大貴 - 起骨切片啖啖魚肉 (百吃不厭) 生煎雞煲(好入味，加碗飯食最好~)飛天通菜煲(爽脆!!)黃金蝦(好香咸蛋黃味，脆皮很好吃!!!)食完主菜就到甜品上場啦 ~ 期待甜品梳乎厘出場啦 心太軟 (我的至愛) 每之次來一定要留肚吃的. 呵呵! 藍梅芝士餅 (好味) …Read More

朋友既誠意推介之下,今次就去”德發”.三日前由我打電話去訂位.訂1930,8位.友人甲一馬當先19:00到達.佢話咁早唔去報到住.到我19:20到達,我地一齊去到店門口.店主話唔好意思,因為上一圍遲到,未咁快到我地"我好奇怪諗”唔係一早訂左19:30就應該MARK左比我地咩?”天氣超熱.店主見我地企係到都好有誠意開大風扇比我地吹住係門口等.我地同店主講我地改左6位.到19:40終於有位比我地啦.嘩~坐5個都有難度啦.仲要第5個要坐路口位.我地兩位女士坐到攝晒係隙位@@”.之後有朋友同埋HONEY黎,最後我地共7位.店主為我地另覓新位置,由地下搬上樓上.金磚炸豆腐併墨魚餅: 墨魚餅有彈性,有口感; 炸豆腐既皮簿得很. 豆腐內裡幼滑.蒜香蜜糖雞翼:好濃烈既蜜糖味. 外皮炸得香口. 但係食落又唔覺好油喎.飛天通菜煲:無咩特別,只係用左個煲做到鐵板既感覺.比到大家視覺上既享受.不過$88,好似唔係好值.大富大貴: 桂花魚包住木耳. 成條魚都蒸到滑一滑,想搵一忽”鞋”既地方都好難.價錢貴左少少.黃金蝦: 咸蛋味唔夠.無咩蝦味.真係咸蛋外皮還咸蛋外皮; 蝦還蝦.兩個沒有融為一體既感覺.椒鹽鮮魷: 魷魚不夠彈牙.唔似新鮮野.食落有點硬. 感覺似食椒鹽白飯魚多D.椰絲奶凍磚: 奶味不得濃郁.靠椰絲加強味道.質感滑溜.檸檬芝士磚:清新檸檬味,好似n年前好hit既檸檬餅味.但係唔覺有芝士味.依然質感滑溜.對比椰絲奶凍磚,個人寧願要檸檬芝士磚.木糠布甸:感覺乾爽.cream 既質地比較厚身.配合壓碎左既消化餅. 乾身既消化餅遇上厚cream,幾得意.焦糖燉蛋:夠蛋味.不過焦糖如果可以厚少少就好.梳乎里: 外貌不錯.不過得”糖”味.心太軟: 外形不太吸引.用上濃黑味朱古力做外皮.流心用無咁濃既朱古力.造出層次感.整體而言.服務全面.店主有問必答.張張檯都問暈大家D野好唔好食.中菜真係好耐無見過人地會咁做,反而西餐廳咁做就見得多.店主既開懷性格亦都大大加分.店員感覺有D遊雲.朋友要COKE ZERO.阿姐話無.朋友話眼前咁大箱未拆. 阿姐話未雪凍.朋友再指住個雪櫃話”要果罐”.阿姐至比佢.可能太BUSY,做到唔知做咩.上菜速率幾快.座位比較迫.雖然人多,但未至於聽唔到對面傾計. 大富大貴($198)同飛天通菜煲($88)有點貴,不過咁多位除番就OK既.大排檔既FEEL 有甜品食,好得意.而且都唔錯,會再黎再試.不過建議大家一定要訂位.因版面所限，所以有限量咁ＵＰＬＯＡＤ相。…Read More

在一個不起眼的位置，有一間小店，裝修有點時尚，但卻離不開大排檔的感覺，來這裡的人，肯定不是為了豪華的裝修，亦不是為了浪漫的情調，今次慕名而來，主題清晰 --- 吃店主是一個有點像泰國通 - 胡慧沖，的大男人，他本身是大廚，現在生意上了軌道就不再入廚房了。他推介我們吃"魚"，但被不吃魚的貓大王婉拒了，我們的目標是"欖菜四季豆炒蟹”。店主及員工都是同一個style，他們熱情、主動，但未必個個受落。員工的細心，在我一坐下他就主動提供另一張椅子給我放背包就得知，再加上在點菜時提醒我們份量，感覺有如熟朋友。先送來的，是芝士旦糕。無錯，是”芝士旦糕”，我們以甜品作序幕。白白的方形碟中間放上紐約芝士餅，碟面畫上圖案加上罐頭什果伴碟，其實有點怪，而味道一般。接下來是欖菜四季豆炒蟹，由於孕婦不宜吃蟹，貓大王便勉為其難OK了整隻羔蟹。這隻羔蟹不得了，蟹羔充滿了蟹的所有部份，蟹蓋部份更是多得離譜，吃得很有罪惡感。欖菜四季豆是jiji其中一款最喜歡的小菜，當然大部份交了給她，夾雜著蟹羔味的四季豆，是送飯極品。一碟蒜茸蒸蟶子皇，共有6隻，呎吋比天皇蟶子細一點，用蒜泥來蒸，味道很夾而且鮮甜，但離極品級數，還是差一點點。跟著，又是甜品時間 – 心太軟。當匙羹接觸黑蚊蚊的圈圈時，”卡”的一聲，已經令人大喜，流心慢慢湧出來時，外貌分已經拿了不少。一向不太喜歡朱古力的貓大王吃了一口，也覺得味道不錯，起碼甜度是適中的，以這價錢來說，合格有餘，但當然不能同近百元一客的貨色相比。貓大王選擇的甜品是椰絲奶凍磚，震騰騰又夠凍的奶凍令人吃過不停，值得推薦。埋單$446，老板不停說不好意思因為蟹的成本近來很貴，他也很擔心這定價會趕客。其實價錢是明碼實價的，而且隻蟹明顯是靚野，當然是要一分錢一分貨啦。順帶一提，當吃蟹時，不幸的事情發生了 ．．．．．　電話響起．．．．．　老闆親自馬上為我遞上紙巾，就是這份關心，已經值得再來幫襯啦。…Read More

唔...同而家公司既同事講左好耐啦,終於食到一餐小菜啦.係網上面搵呀搵,最終就決定去德發試一下.由於六點一放工就閃,好早就到.(不過都搵左一陣先知係邊.)去到已經有幾多人.不過一行三人去到仲有位,坐係最近門口張臺度.其實係去之前已經決定左大概食D咩,好快我地就order左.冇幾耐個老闆見到我做既資料搜集,知道我係第一次試,佢好好心禁推薦佢地既小菜.不過由於已經order左,所以唯有下次先試!!!食左大富大貴,滑滑既炸金磚豆腐,避風塘茄子,仲有就係$8既豬紅.當中,我最中意既就係炸豆腐啦,真係好好味呀,其次就係大富大貴啦,起左肉既桂花魚就係好入味,我既同事都好中意食.食完小菜,當然係要食埋d甜品啦.心太軟,焦糖燉蛋,仲有梳扶厘.當晚真係好飽好飽呀,下次要搵多d人去食先得.…Read More

2個人去食晚飯, 叫咗3個餸1個甜品。 呢類小菜館居然同時做埋,西式甜品, 梗係要試下啦~蕃茄湯花甲: 個蕃茄湯超鮮甜, 我地將成個湯飲晒! 至於花甲就有陣味, 但係肉又未至於霉....可能係少少唔新鮮卦, but我地都有食晒嘅。奇味雞: 雞係先整好咗一碟, 連一隻燒紅咗嘅煲一齊上, 個waiter將碟雞撥落個煲度即刻出煙, 熱騰騰啫啫聲咁響, 哈哈好開心~ 雞好滑好入味, 推介!避風塘茄子: 呢個餸比我地預期中大碟, 茄子係炸咗先再做避風塘....超級熱氣同埋份量太大唔recommend 2個人食, 多d人一人一舊茄子就已經好夠。心太軟: 呢個都推介! 好好味!! 個cake本身好軟, 連埋响入面流出嚟嘅朱古力加埋香蕉一齊食, yummy~~ 西式甜品仲有疏乎里好似都幾好食, 我會下次試試!環境都係茶餐廳格局, d枱都擺得好密, but整體企理乾淨呀~ 又唔係話好平好抵食, 可能因為我地叫咗花甲拉高咗成餐消費啦, 不過淨計食物質素, 都值得以後再去幫襯嘅 …Read More

忙碌工作, 再加上這陣子心情真不爽! 我們這對怨天怨地的男女, 終忍不住要大吃一餐!是次戰廣東菜, 看到食評第一印象是”咁搞笑?!” 因為又中又西… 然而當我看到豆腐的照片, 我便決心要來一試!!還未進入店子, 店長經已非常反應快地預料到”有客到~”. 店子有兩層, 我們坐了地下近門口位置, 還境ok, 只是嘈吵了一點, 但幸好坐近門口, 不然會更應聲. 坐下不久, 店員便為我們介紹菜色, 非常勤快, 其間店長均四處招待客人卻不煩厭, 加分!點了以下菜色:金磚豆腐 ($48) – 無得頂! 一碟有15條, 本身極愛吃豆腐! 炸得夠香脆, 味也很好! 非常香滑! 惹味小吃首選!生煎骨 ($48) – 招牌菜, 總要一試. 菜名有點取巧. 其實排骨已煮熟, 只是上桌時, 店員會把排骨放進砂窩中, 製造效果及增加香味. 不過, 排骨的味調得很好, 也是值得一試的.咸香雞半只 ($88) – 店員介紹的, 一試無彷~ 但整體感覺只是ok, $88 有點貴.心太軟 ($22) – 本想點芝心火炎山, 但店主聽後便說:”包你唔好食~” 憑店主本人這番說話及表情, 雖然心想:"不好吃為什麼要放到推介中....?" 但好, 姑且信你! 於是立刻轉軚叫了心太軟~ 味道 ok, 唯獨外皮太濕及淋身了一點. 但看過前幾位食評, 原來都是同樣對待... 或者這是他們的銷售方法....印象有點打折扣了~ 結賬時, 店長收錢, 問了我們一下食物如何~ 我們異口同聲地說滿意~ 店長回了一句:”哪為什麼不向我索卡片?” 之後便給我們一張… ..哈…. 真有趣~回家細想… 拿了卡片, 是否有discount 呢~~~~~~~~~? (幻想中) , …Read More

今日有朋自遠方來，一行十人特意約在深水埗的德發小廚來個晚飯飯局聚聚舊。德發為一中菜小店，位處地道的深水埗鬧市，售的也是地道的大牌檔式小炒，食客亦為一般附近街坊；但此店最特別之處是兼賣幾款西式甜品，如心太軟、梳乎厘等，故吸引不少甜品客特意光臨。環境方面這裡比較擠迫，通道非常狹窄，店員奉食物時走過要當心「中頭獎」；而樓梯位置地面很滑，上落要特別小心。我們坐在樓上的密閉空間，聲音焗促難散而導致很嘈雜，談天說地難免要高談闊論鬥大聲才行。 有聞這裡的小炒頗具特色，尤以椒鹽菜式特別出眾，所以我們也不會錯過吧。 避風塘花蛤：花蛤份量不太多，但以避風塘式炒，非常惹味香口，又不會太辣。就是吃光花蛤後的炸蒜也可拿來送飯，不可錯過。 金磚滑豆腐：豆腐切成方型的磚狀，外面炸至金黃色，再灑上椒鹽，賣相已經很吸引。咬開香脆的金磚，裡面是熱得燙咀的滑豆腐，嫩滑得不用咀嚼便能吞下。可說是這的招牌菜了。 椒鹽三寶：三寶為鮮魷、九肚魚及白飯魚。椒鹽味同樣出色，鮮魷及九肚魚較佳，但白飯魚稍嫌不夠脆，肉有點韌了，但整體尚可。 大富大貴：為清蒸去骨的桂花魚，很新鮮，魚肉嫩滑，簡簡單單以香蔥豉油清蒸，更能帶出魚的鮮味，很好。 鄉蒸咸雞：賣相只是一般，看上去比較乾身，但有幸雞肉尚算嫩，亦具雞味，配以秘製薑蔥醬油也不錯。 飛天通菜煲：煲仔預熱先放在卓上，店員再把蝦醬通菜倒入煲中，頓時發出有如燒板燒的吱吱聲。味道一如其他店鋪的啫啫通菜煲，但蝦醬味卻不會太濃。普通菜式加少許心思便能吸引食客了。 西蘭花炒牛肉：牛肉份量異常的多，外面炒成微焦但內裡仍然嫩滑；墊底的西蘭花較為清淡，也不差。 沙爹金菇肥牛煲：質素味道和其他食肆相若，份量也不少，但索價只是三十多元，算便宜了。 涼瓜炒蛋：試試這個家常小菜，涼瓜炒得夠淋，雞蛋也很嫩滑，味道可以吧。本來加了一個黃金海中蝦，但店員後來說售罄了。到現在寫食評卻又發覺點了個生煎排骨煲卻原來沒有落單！ 見時候不早，我們當然不會錯過這裡的特色甜品。 心太軟：賣相不錯，切開薄薄的外殼，內裡的朱古力醬慢慢流出，份量也不少。味道方面，朱古力味不夠香濃，但似乎不是師傅調配問題，應該是選材方面的質素較次。另外，外層朱古力蛋糕可略略加厚，增強口感。整體有待改善。 梳乎厘：梳乎厘發得很高很鬆軟，味道亦不錯，有蛋香又不太甜，有入口即溶的感覺，很好。 雖然作梳乎厘的容器無特別要求，但似乎用回有凹凸坑紋的杯會較為傳統。 椰絲奶凍磚：店員贈送的，為六件的白色小磚塊。奶凍味道很好，很清甜，質感也剛剛好，軟硬適中。 整體感覺不錯，中菜夠鑊氣，有地道大牌檔的口味；西式甜品也夠特色，雖然仍有進步空間，但也不太差。店員服務方面，可能因為星期五客人較多的關係，店員忙過不停，要點菜添茶時不能太過斯文有禮。另外，有店員推介菜式是好，但太過硬銷招牌菜，未必每個客人也會接受得來，甚或令人反感，應好好改善。 …Read More

來了兩次，一次是吃甜品，一次是吃晚餐。吃甜品我們點了梳乎里和芝心火焰山。還就得我就要芝心火焰山時，侍應黑口黑面就不要點這個，不好吃﹗我還是想試，於是還是堅持自己的意見，於是她很悔氣地說︰「不好吃不要說我沒提醒你﹗」我真的嚇了一跳。芝心火焰山︰當然沒有點火這一環節，而內餡是奶凍。味道是比較清淡，也算不上好吃。不過總是要試一試嘛，如果你認為那甜品不好吃為什麼還要放在menu呢。梳乎里︰個子小小，不是特別鬆軟，一陣風似的食完了。第二次來晚餐，我這次可醒目了，在等位間立即想好吃什麼，坐下來就點菜，免得侍應又推銷一輪。前菜的瓜不好吃。啫啫雞煲和生煎排骨煲如出一轍，都是放在熱鍋內炒一炒，令味道更引人。兩者份量都頗多，兩個人吃這兩個都夠飽了。最後點了心太軟，一來就已經是破皮了的，而巧克力既不夠熱又不夠濃，差。終於領略到這裡的侍應的推銷態度，而且我想我對這裡的甜品已沒有任何期望了。…Read More

今日係我們既紀念日, 所以男朋友特登上openrice揾好野食... 亂打亂撞, 俾佢揾到間好正既"餐廳"我地六點半就去到, 係門口見到個男人坐在係度, 仲以為未開始晚市... 行近d, 個男人問幾位, 跟住又話佢係出黎休息我地係最早光顧既人客, 我地邊睇電視邊諗食咩... 但實在有太多想食既野... 等左好耐都未落單... 果度既夥計好熱情咁推介佢地既招牌菜, 所以我地叫左1. 大富大貴 >> 蒸桂花魚, 一塊塊好滑既魚肉, 無骨又夠味2. 生煎骨煲 >> 好香3. 飛天通菜煲 >> 蝦醬我一般, 但都算ok原本諗住叫埋墨魚餅, 但係果位熱情既夥計話, 你地兩個應該食唔晒... 所以最後放棄左, 諗住下次去再食~~~食食下, 之前果個男人問我地點解黎呢度食野呀? 我地咪話係internet search既... 見到好多好評咪黎試下... 後來我地覺得呢個男人應該係老闆... 佢好細心, 係我地差唔多食晒d餸果陣就問我地要唔要甜品... 呢度d甜品咁正, 我地梗係要試啦~~~甜品時間, 我地心思思想試心太軟又想試梳乎里, 最後兩個都試... 好正! 好好味!埋單果陣, 老闆突然問仲食唔食多個甜品呀? 我咪話你請我地咪食lor... 點知... 點知... 等左一陣, 老闆竟然拎左碟椰絲奶凍磚, 一碟六件... 真係估唔到, 好開心好滿足... 真正埋單果陣, 老闆俾左張咭片我地... 仲有, 今次好似無加一... 食左咁多野, 好味又抵~~多謝馮老闆既免費甜品下次一定會再去!!!…Read More

在openrice見到這間餐廳不但小菜吸引，甜品仲吸引，於是心郁郁想試試同行四人，八點來到，門口少少人排隊，願以為要等，怎知轉眼已經入左一張五人檯和一張兩人檯，不需５分鐘已經有位坐，so good!由於樓下已經坐滿人，於是在樓上坐，樓上更加好，又少人，又靜！我們叫了：小菜-1) 蒜香蜜汁骨嘩，一放落黎，已經香噴噴，蒜香四溢，加上又甜甜地，肉既厚度剛剛好，不會太厚／太薄2) 金磚豆腐拼墨魚餅 ($108)豆腐好滑，會走既豆腐，加埋d椒鹽，好香口，配唿汁墨魚餅好厚肉，連埋個酸甜汁，good!如果分開叫，要$116，一齊叫就平d3) 甜梅菜蒸菜遠(菜芯)得菜芯，冇芥蘭，d梅菜唔香，反而d菜芯超爽，好甜，好好味！甜品- 份份都是$221) 心太軟keep到流哂朱古力汁，味道適中，唔會太甜2) 焦糖燉蛋凍凍地，但我覺得唔夠滑3)薑汁梳乎里好鬆化，濃厚的薑味 服務不錯，我地最後3百元埋單。我下次試下大白蜆。不過要注意d香口既食物多數都是炸既，熱氣既人未必適合食囉…Read More