Texas Burger

行年宵前, 當然要先填飽肚啦.天后有條美食街, 今次就試下Texas Burger.所有菜式印晒係檯面上的A4紙, 分別有小食, 漢堡, 面類, 甜品.漢堡可加錢轉套餐, 包飲品, 酸瓜, 薯條.生日仲可以有個special order: 8吋寬的漢堡.叫咗主打的[德州燒烤漢堡].有6安士牛肉, 洋蔥圈, 煙肉, 生菜, 燒烤汁.牛肉有7成熟, 有肉汁.洋蔥圈被燒烤汁整淋咗, 唔脆了.燒烤汁味道好重, 蓋過咗其他味, 變咗主角.另一個要[香濃車打牛肉漢堡].除咗有6安士牛肉, 生菜, 另外有蕃茄, 芝士脆片.E個味道似平時食開果D漢堡, 冇咁膩.芝士醬唔係啖啖食到, 如果食中會好夾好好味.總括黎講, 個人比較中意[香濃車打牛肉漢堡].因為我中意芝士的香濃多過燒烤的煙燻.薯條外脆內軟, 新鮮炸起, 上台即食會燙嘴.但食晒成個漢堡都仲keep到脆身, 讚!漢堡size頗大, 成個set連薯條食晒好飽.美中不足係冇提供膠手套, 食得太狼狽.…Read More

晚上差吾多9點先去搵野食，經過見到裝修幾令，身邊友人又話想試下burger 所以入左去try try。叫左1個set：一個德州燒烤漢堡+薯條+酸瓜+飲品另外叫左個哥根蘇拿藍芝士漢堡跟餐野飲系有指定的，呢日飲既系杯berry love，味道ok，同m記既士多啤梨milkshake 差不多只不過加左cream賣相好d。只可講沒驚喜德州燒烤漢堡D牛味都有但可惜好乾，十分普通，炸洋蔥圈d粉好多入面舊洋蔥薄得非常。但薯條幾好，即炸味道哥根蘇拿藍芝士漢堡。牛都系乾，但藍芝士突出，令成件事好左，味道較好。炸過既藍芝士系佢一大賣點，出面未食過呢一種burger 加分加分！整體上吾太高求要都可以黎呢加食下野，環境都不錯。…Read More

天后真的很少來, 但見人氣旺盛的漢堡包, 遠一點都要來食, 相約友人去試試.紅磚牆配上霓虹燈招牌, 旁邊仲有懷舊海報, 打造出美國餐廳風格, 立即想到食牛肉.有多款飲品, 有健康的果汁, 有汽水, 礦泉水, 有汽果汁, 啤酒.....等等. 西柚有汽果汁(左), 血橙有汽果汁(右):2款都夠凍又有細密的汽泡. 西柚很fresh, 清香少少澀味. 血橙很少, 酸味重過甜味, 可以清減肉食的油膩感.德州燒烤漢堡配薯條,酸瓜 ($88+33):德州燒烤漢堡, 材料豐富. 有炸洋蔥, 車打芝士, 6安士煙燻牛肉漢堡, 脆煙肉, 生菜, 仲有墨西哥青椒燒烤醬. 牛肉比較熟, 幸好肉汁豐盛, 油香味濃. 加上溶化芝士, 很誘人吧! 有煙肉已經夠香口, 仲有炸洋蔥, 脆卜卜好惹味. 而且燒烤醬也好味, 甜中帶香辣. 粗薯用籃子裝著, 夠型格, 而且炸得香脆, 好多薯肉. 特別跟足外國風格, 一整條醃黃瓜附上, 不會過酸, 很解肉膩.香脆鱈魚漢堡配薯條，酸瓜 ($83+33):香脆鱈魚漢堡, 用料簡單但很吸引人. 有炸鱈魚柳,車打芝士, 生菜, 烤菠蘿他他醬.香脆鱈魚漢堡, 超厚身的鱈魚柳, 每啖都迫爆口腔, 好滿足!!! 沒有腥味, 仲好嫩滑. 炸皮夠薄又香脆.他他醬有菠蘿水果甜味同果香, 令整個包都變我很夏日感覺. 麵包又大又鬆軟, 烘得微脆.總括, 醬料特別又配搭到. 漢堡仲有好多款, 而且用料足好吸引. 飲品比較貴, 試奶昔類比較吸引, 但只係怕太飽膩.…Read More

美國水牛城辣雞翼($64/4隻；$104/8隻)呢個雞翼整得十分好，辣味岩岩好，Sauce亦包滿整隻雞翼，而且入味，配埋一d蔬菜條同藍芝士醬，將雞翼點落藍芝士醬食，無得頂！德州燒烤漢堡($88)呢個漢堡用上6安士煙燻牛肉，用蘋果木煙燻，食落得別香同肉汁保留得到，配上焗脆煙肉、炸洋蔥圈、生菜、熔化車打芝士同秘製墨西哥青椒燒烤醬，一啖咬哂成個Burger，個醬配埋個牛肉好味！個Burger個包係脆口，肉夠淋，但個煙肉就焗得過硬，扣左d分，Cheese既味道亦出到，整體唔錯！配埋炸薯條同芥末酸瓜(+$26起)視乎配既係咩野飲，酸瓜配Burger係絕配，薯條新鮮炸起，薯條點食至正？梗係點雞翼個藍芝士醬啦，包你食到停唔到口！窮遊指數：5/10好味指數：7.5/10…Read More

是日臨急臨忙出門口帶小朋友上興趣班，早餐也沒時間吃。上完興趣班，就近在對面的 Texas Burger 享受了一頓 bunch。今次已是第三次到訪，之前的印象也算不錯。或許時間尚早，店內還未有其他食客。其實這也不錯，兩隻細細其實挺嘈吵，我們也擔心影響到其他食客。前後品評了兩款漢堡，其一是招牌德州燒烤漢堡，其二是是日精選美國牛肉漢堡。德州燒烤漢堡依舊賣相厚身飽滿，餡料有六安士煙燻牛肉漢堡、焗脆煙肉、炸洋蔥圈、生菜、溶化車打芝士及秘製青椒墨西哥燒烤醬。漢堡即叫即製，餡料熱辣出煙。約七成熟度的牛肉漢堡扒，口感鬆軟，肉香足夠，配上脆煙肉吃不論口感或味道層次皆更為理想。而加入的秘製青椒墨西哥燒烤醬，味道甜酸並在，更帶點微辣，十分惹味，確有點睛之效。炸洋蔥圈的融入度相對其他餡料遜色，以多一點生菜取代炸洋蔥圈，整體味道可能更見平衡健康。 根據店員介紹，德州燒烤漢堡的漢堡扒以澳洲牛肉自家打碎精製，而精選美國牛肉漢堡的漢堡扒則原塊從美國來貨。兩者比較，美國牛肉漢堡的車打芝士明顯更濃更香，原因是用上熟成度較久的芝士入饌。但論及肉香及鬆軟度，則勻以德州燒烤漢堡稍勝一籌，自家製作是有其價值的。 漢堡的伴菜是炸薯條及芥末酸瓜，因怕熱氣上火兩漢堡只跟上一份。這兒的炸薯條甚為脆香可口，調味十分理想。飲品簡單要了一杯凍檸茶，厚切檸檬，茶香檸味俱足，不俗。另點一枝雜莓汁，味道有點似利賓立，質感稠一點，適合小朋友口味。 兩只漢堡，一客薯條，兩大兩細品嚐已覺飽飽，有機會會再來！…Read More

平日晚上7點左右，都未係太多人，但都建議book位先。店內以單點型式為主，加不同價錢可以有　薯條+酸瓜+野飲(因應不同野飲而不同$$)點了個最出名的德州燒烤漢堡＄８８，加了$3x左右飲lemon tea，漢堡牛肉有6安士，同人一人一半，侍應都好好主動幫我地切開一半，ｄ肉都唔會分得太少，肉質幼嫩，包烘得剛剛好，脆脆地又唔太硬，配上燒烤醬，ｄ芝士味又唔會太重cover左牛味，係好吃。藍芝士漢堡＄８６，單點(用app不用print，有8折）可能食唔慣呢ｄ芝士，唔係臭臭地果ｄ，但口味重左ｄ，好咸salty,成日都係咸芝士味，食唔出ｄ牛肉，同德州燒烤漢堡比，實是比下去，當然，如果你自問重口味，可以試下，牛肉同德州燒烤漢堡都係一樣既。…Read More

今晚同朋友仔嚟到呢間餐廳試下burger！三個人叫咗三樣野，一齊share 食！首先，薯條好新鮮，好香薯仔味！岩岩炸起，好脆，又好香濃芝士，cheese 迷最愛，份量仲好多！呢個漢堡嘅牛肉足足有６安士，好厚，肉質幼嫩多汁，加埋d燒烤醬，酸酸甜甜，非常夾！個汁好creamy又夠濃！我超級鍾意個mushroom味！ 寬麵口感好特別，好有嚼口，配搭埋洋蔥和菠菜清新的配搭！我哋一邊食一邊傾計傾到十點 就關門，服務員仲好好，幫我哋添水！好服務！Thank you…Read More

話說當日係打算去維園花展影相，而當日係星期日，行到去大杭正值好多食店都閂咗門。咁我上完Openrice就決定轉戰天后，嚟到呢間Texas Burger。 其實睇食評都有人話好多人食，而我去之前亦有心理準備可能好迫，甚至要排隊。但係當我一推開門 — 咦，得三兩枱客嘅！嗰排可能運氣真係好好，連出名排好耐隊嘅一蘭都係食到成間房得我一個。其實我入到去就發現到一大缺點，就係要行出收銀枱先點到嘢食！我一個人一坐低就苦惱緊究竟應唔應該拎埋個背囊出去點餐……唔拎嘅話可能會畀人偷，拎嘅話又怕有人霸咗我位……左思右想後，後尾見到間舖唔多人就都係決定唔攞袋出去買。 今次參考咗食家推介，嗌咗德州燒烤漢堡、藍蟹肉煙肉白汁意粉同埋 Tropical Forest Milkshake。個漢堡好厚，連M記個Mega Mac 我都可以一啖咬到但呢個真係唔得。嗰塊6oz漢堡扒亦都十分之Juicy，配埋啲好粗嘅薯條真係無得彈！而佢杯Tropical Forest Milkshake亦都十分之清新，亦都可以消咗漢堡同薯條嗰種油膩感。 其後再食埋呢個意粉，開頭睇樣就覺得主要係白汁，無乜蟹肉，但試完第一啖，真係不得了！因為我成個口都係蟹肉味！嗰一瞬間真係好感動！ 第一次遠離連鎖快餐嘅感覺真係十分好可惜離我太遠同埋食一餐都幾「乸脷」吓，所以有起癮上嚟都係去返M字頭或B字頭餐廳呢間如果大半年去到一次已經好滿足了…Read More

聽聞天后開了一間本土漢堡包店，還入選了全港十間最受歡迎漢堡包店。我很愛吃漢堡包，這晚與太座來試試，店子地方不大，見鄰座有外國人在進食，想必合其味道才會摸進來，感覺有信心。她見漢堡包個子頗巨型，怕吃不了，點了藍蟹肉煙肉白汁扁意粉，碟邊伴有兩塊蒜蓉多士，若是能熱脆一點便好了，這個扁意粉其實是加了蟹肉的Carbonara,  煙肉和洋葱固然惹味，蟹肉混在忌廉汁中亦見鮮味，整體不錯。而我點了德州燒烤漢堡，用長木盤盛著來，體積巨大無比，件牛肉頗厚，給溶化中的cheddar cheese 覆蓋著，當中還夾雜了脆煙肉，白菌，炸洋蔥圈和生菜，除此之外，帶煙燻味的燒烤醬極能配合漢堡牛肉的味道，將漢堡包的特質展示了出來，難怪外國人都來捧場。薯條炸得很香脆，薯味濃，另外有一小碟Coleslaw，橙味濃郁，很開胃。以漢堡包來說，價目不算平，但份量大，質量好，也是一間值得一試的小店。…Read More

散場後在銅鑼灣一直散步到大坑，再由大坑走到天后，被Texas Burger門外藍藍綠綠的燈光吸引，停了下來。我們被安排坐在霓虹招牌下，牆身附近的範圍都被映照成紅色。店內的坐位有點擠迫，音樂有點嘈吵，許多時候都聽不清楚對方說話，感覺像去了夜店一樣。除了薯條和漢堡包，這兒同時提供Pasta和Ribs，還有墨西哥的Nachos和印度的Masala。我們點了德州燒烤漢堡，套餐包括炸薯條、芥末酸瓜、橙香卷心菜沙律，飲品或餐湯則需要另外加錢。等了大約5分鐘，一個木製托盤便來到我們眼前，本來賣相不錯，不過當我看見托盤上面深淺不一的刀痕和水漬，頓時令我聯想起木砧板，感覺有點不太衛生。漢堡包上面鋪了黑色細細粒的罌粟籽，外表比M記的足三兩更有質感，除了混有洋蔥碎的燒烤醬、車打芝士、6oz牛肉漢堡扒，還有煙肉和生菜，加起來也有四寸高。跟一般燒烤醬不同，這個醬汁帶點甜味和青椒的辛辣。最開心是青瓜跟漢堡分開，角切後放在沙律旁。咬下去，爽爽的不太酸，感覺不錯。沙律的配搭也挺新鮮，雖然桃紅色不太吸引，不過入口發覺卷心菜跟鮮橙的味道還挺夾的。薯條的份量不算很多，不過至少夠熱又夠脆。要數整個包我最喜歡的，應該就是那片又香又脆的煙肉了。店方提供四款奶昔，價錢由$43~$49不等，我們選了Tropical forest，說是14oz，端來的那隻杯子，卻非常大隻。奶昔呈迷人的粉紅，味道微酸，內裡所用材料包括石榴、芒果、熱情果、青檸雪糕和菠蘿片，不過當中石榴的味道最突出。美式餐廳的食品都比較油膩，這個奶昔夠清新，非常解膩。煙燻燒烤豬仔排骨大大件不過$148，價錢比Mr. Steak或Ruby Tuesday都要親切。Ribs的表面像是塗了一層蜜糖，閃令令似的。因為肉質柔軟，所以下刀非常容易，軟腍的程度有點像煲過湯的豬腱，肉質有點乾，個人覺得不用蘸燒烤醬反而更好味。雖然跟漢堡餐一樣附有沙律和薯條，不過因為要墊起整塊Ribs，所以薯條的份量比漢堡餐的多很多。身處這種美式餐廳令我想起一位已移民美國的兒時玩伴，她總取笑我越來越消瘦，而她卻越來越胖，還跟我開還笑說如果來到美國也沒變胖的話是犯法的。如果是真的話，那我應該去美國走走，放個長假然後增個10磅再回來哦。…Read More