Samurai Ramen

要出席活動而去了九展到達時才發現這一天有不少活動啊！在九展內找吃的最終決定試試武士拉麵～店內座無虛席，算是多人光顧的餐廳～我選了始祖將軍拉麵 (濃厚豬骨湯底)，老公就要了德川將軍拉麵 (醬油魚介豬骨湯底)另加錢要了溏沁蛋始祖將軍拉麵，豬骨湯底配料有叉燒﹑紫菜﹑木耳絲及溏沁蛋豬骨湯味道不算好香濃，味道不會過鹹麵質夠爽，都ok！叉燒肥瘦剛好，夠稔夠入味～溏沁蛋夠流心～～～～德川將軍拉麵 ，醬油魚介豬骨湯底魚介湯底，味道相對淨豬骨湯底的濃郁灑上芝麻，更添香氣！老公到最後完食整碗拉麵，喝光了整碗湯他應該幾喜歡這湯底的味道啊！總結而言，這店的拉麵還算不過不失價錢比起著名的拉麵店都略為便宜一點點丫～～…Read More

九展雖然有好多唔同嘅餐廳，但係食拉麵嘅就只得呢一間武士拉麵menu上面嘅選擇唔算太多，但係基本款式嘅拉麵都有齊晒今次我點左德川將軍拉麵，即係醬油魚介豬骨拉麵，配佢個海苔香松飯拉麵湯底鮮甜，叉燒燒得剛剛好，肥瘦適中，糖心蛋煮得好好食，個蛋黃放左係個麵一陣就岩岩好！特別想讚一讚佢個飯，食完都唔覺得滯！除咗嘢食好味之外，我覺得呢度個老闆好有人情味，我同同事坐餐廳吧枱，討論緊間店入邊既日本武士刀，老闆同我地講佢係日本買翻黎同佢既歷史我個人好欣賞呢種同人分享經歷既老闆…Read More

睇演唱會之前就嚟到九展食碗拉麵先， 第一次幫襯武士拉麵，叫咗兩碗德川將軍拉麵 + 日式煎餃子 落完單先發現自己唔記得叫溏心蛋 下次先可以再試喇! 佢哋餐牌上大概有十多款嘅拉麵選擇， 每次黎到都可以試唔同嘅味道！拉麵分量唔算大，有兩塊叉燒 & 木耳! 食拉麵我通常第一口就會試下佢嘅湯， 味道不是太濃淡淡的， 麵嘅質地還可以！日式煎餃子做得麻麻地， 感覺唔似煎，有啲似蒸餃子， 我本身好鍾意食煎餃子，所以對於今次呢個日式煎餃子有啲失望！ 期望我下次去嘅時候可以有進步。…Read More

難得放假~揸車係Emax睇戲免費泊車~見仲有時間，去左上面food court度簡野食，好想食拉麵就試試武士拉麵🍜德川將軍拉麵醬油魚介豬骨湯底麵質有得比你簡硬定軟啲，湯底濃定正常，夠哂有日本專業風格~值得一讚係佢既叉燒! 好厚，食落去食得出佢係有燒過既味，好 好 味♡是我的菜~湯底亦都飲完唔會口渴，個湯好鮮!加配埋粟米同糖心蛋簡直絕配蜜糖芥末雞翼點了蜜糖芥末雞翼做小食，好中意佢個醬好夾唔會過分芥末，有返蜜糖吊返好味，一食再食呀想!蕃茄豬骨湯底朋友就點了蕃茄豬骨湯底既叉燒肉，我試左湯底亦好濃😍絕不是味精味，開胃之選!熱柑桔大大杯，味道唔會淡同大大粒柑桔，不錯!整體環境不錯，坐得舒適，好特別日本風~…Read More

從來對拉麵都有一種的執著，要滿足到我一定不容易。但有一間好好食嘅拉麵館地點雖然比較唔方便，但我覺得絕對值得我又特登入去食。<武士拉麵>分店位於九龍灣國際展貿中心。其實展貿中心真係冇乜特別嘢可以行，但因為之前行開倉展時食過覺得好好食所以再特登入來幫襯。餐排冇乜特別大嘅變動，依然係十款唔同湯底嘅拉麵，依然用不同日本戰國武將名稱命名，特色不變。老公選了四國香蔥油湯底的拉麵，真係超級多香蔥在面喔！！香濃的湯底每一口都伴著濃郁的香蔥，沒有草青味卻很清新拉麵內的日式叉燒香軟柔滑，肥瘦比例適合所以不失口感，還輕輕的用火槍烤過所以會帶一點碳烤味，味道更富層次呢！流心蛋個蛋白<滑嘟嘟>，蛋黃又嚴重流心！！得半隻真係唔係好夠喉話明係拉麵個麵質當然好重要！！爽滑彈牙，個芯好有咬口，軟硬度適中，絕對係我食過最好食嘅其中一間！！而我則選了醬油魚介豬骨湯底的拉麵，其實醬油魚介就是用鰹魚加上豬骨熬成的湯底。同樣有日式叉燒和流心蛋，不同的是沒有香蔥但多了木耳絲。啱曬我！！最鍾意食爽爽脆脆嘅木耳絲！！淡麻黃色嘅湯底唔算油，一口喝下去先是濃濃的鰹魚味，接著有淡淡的豬骨香味滲出，整個湯底非常濃厚，連一向對鰹魚味道沒什麼大興趣的我也覺得很好喝！！值得一提是檯面上四款特色醬料，左起：胡椒，魚油，紅椒油和黑椒油。為什麼會特別提介紹呢，其實是因為侍應先生放下我碗魚介湯拉麵時特別跟我提議可以試下加魚油會很夾，想不到這款魚油調味料是很香醇，加少許到麵中簡直就是畫龍點睛的效果而黑椒油亦是老公的推介，黑椒味不霸道但有少少提辣提香的效果，應該和各款拉麵也會很夾，絕對可以照顧到喜歡嚐辣的朋友哦小食方面我們另外也點了炸蝦丸，外層炸得酥酥脆脆的彈牙蝦丸內竟然有濃濃的芝心！！日式煎餃子的外皮煎得夠香脆，內裡的餃子餡菜肉比例均勻口感極佳，再點一點配上的燒汁後味道更出色。雖然不收加一服務費但是服務絕對是加零一，兩款拉麵加兩款小食共$249結賬，絕對好食又抵食。…Read More