Zeppelin Hot Dog Shop (MOSTown Street (Phase 2))

🌭呢間熱狗店係周圍都見到佢嘅蹤影，仲有好多款唔同口味，我今次就試左德國酸菜熱狗。OMG！熱狗入面加左勁多酸菜😍😍😍啖啖酸菜配埋熱狗腸，佢旁邊仲有一條細嘅完整酸瓜，配埋一齊食，大大個熱狗真係好開胃好滿足呀！我仲加左小食薯條，薯條就算放耐左都仲好脆，配埋茄汁同埋黃芥辣，超好味呀，圓圓見到都流口水😋😋食左好多條先收手😂呢間熱狗店仲有好多分店㗎，總有一間係左近👍🏻好方便！推介指數：（10粒⭐為滿分）⭐⭐⭐⭐⭐⭐⭐…查看更多

終於試到齊柏林嘅熱狗，想食好耐啦！呢間分店位於新港城附近，喺譚仔三哥隔離，開業無耐已經好受馬鞍山人歡迎，經常見到有唔少人排隊等外賣！舖頭細細，只做外賣👀 無位坐，無得堂食。今次去到都唔算多人排隊，買完等咗一陣就拎到個餐！😜加$12可以變套餐，任揀兩款小食/飲品！❤️ 澳式風情熱狗 $38一打開見到滿滿嘅芝士已經相當吸引😍 芝士分量多到幾乎蓋過成條腸！可能拎到返屋企凍咗，啲芝士硬咗少少！我幾鐘意熱狗入面幼細嘅紐綸堡腸，食到有黑椒味同濃濃嘅香草味，幫個熱狗加咗唔少分！配上菠蘿&千島醬，增加咗甜味同水分，食落無咁dry😋好食度：⭐️⭐️⭐️⭐️ (4/5)❤️ 德國酸菜熱狗 $38有配細細嘅甜酸瓜。德國酸菜分量多，食落酸味都幾明顯，有濃濃嘅酸氣同時亦有少少甜味，好開胃，減低肥膩感。鍾意食酸嘢嘅朋友仔必叫！同樣係用紐綸堡腸，配黃芥末&茄汁。醬料配搭係比較傳統，無澳式風情熱狗咁令我驚喜😆好食度：⭐️⭐️⭐️✨ (3.5/5)❤️ 細薯條 & 牛油粟米杯 (跟餐加$12)🔸 細薯條跟餐嘅細薯條係無預先淋醬，反而係有個細膠盒裝著已經撈埋咗一齊嘅茄汁同千島醬！呢方面幾貼心👍🏻 茄汁溝千島醬估唔到都幾夾！薯條夠粗炸得偏乾，重薯味夠香脆😙好食度：⭐️⭐️⭐️✨ (3.5/5)🔸 牛油粟米杯一開始仲以為係用細細個杯裝住，估唔到係用盒裝而且都幾大盒👀 粟米好甜，牛油味唔太濃，牛油可以再落多啲！好食度：⭐️⭐️⭐️ (3/5)❤️ 洋蔥圈 (6件) $15有配燒烤汁。洋蔥圈拎到返屋企依然係酥脆，炸漿好薄！𥚃面嘅洋蔥好甜，唔會太乾身！好食度：⭐️⭐️⭐️✨ (3.5/5)餐廳推薦度：⭐️⭐️⭐️⭐️ (4/5)期待已久嘅齊柏林熱狗無令我失望，疫市都開到分店證明質素係有保證，上餐快又抵食！必再試！…查看更多

選了兩款熱狗1）火灸芝士辣肉醬熱狗2）德國酸菜熱狗由於可能佢地即叫即做 所以等候時間係偏耐不過美味美味 愛酸酸開胃的女孩子必點德國酸菜熱狗～非常熱烈歡迎貴熱狗店 來臨馬鞍山🤩…查看更多

到咗下午茶時間，唔想成日食粉麵，偶然食吓包點都幾好馬鞍山開了新嘅熱狗店，試吓啦入正題～食物：熱狗OK, 粗薯條，冰菠蘿熱狗$38，加$12可配套餐，可以揀兩款，薯條/飲品/冰菠蘿/粟米環境：外賣店，沒有位子。（如果即刻食一定更加好味）…查看更多