Royal Stone Grill (Closed)

仲記得好多年前啱啱興起石燒吉列牛既時候係某餐廳第一次食呢樣野，完全唔明有咩咁好食，多年後再比次機會吉列牛先發現原來佢係可以好好食既對比起當年食過既吉列牛呢到既份量多成倍，又有番咁上下厚度，可以見到啲牛本身色澤鮮豔又有啲油脂，燒完有牛香又唔會食到成口油，個燒肉醬點肉又得撈飯又得，個飯啲飯素都落得好重手，令到個飯味道非常豐富。除左吉列牛之外呢到仲有石燒牛小排/牛舌可以揀，我地食左呢個石燒牛小排又係非常出色都係肉味濃又有適當油脂，而且完全唔韌，啲牛就算燒耐左啲都係咁好味，完全唔洗擔心火候問題。不過佢個指示寫燒3分鐘就其實唔洗咁耐，因為個石好夠熱而且店員見就黎燒完都會即刻走黎比多舊燃料。曾經係出面食過石燒牛係比冷氣吹住個火上唔到黎最後有啲肉係燒極都唔熟，仲有去過間食石燒成塊牛排既啲肉超韌，呢間真係暫時食過既石燒肉黎講最出色，價錢又唔貴，值得一試…Read More

今日去開油麻地， 見時間都開始晏， 要搵定晚餐食咩啦。行過見到呢間舖頭有得自己燒肉嚟食， 覺得幾好玩， 於是就入咗嚟食啦。我叫咗個御燒極上級吉列牛定食，有肉有飯有湯，夠曬飽。而每張枱都會有指示教學點樣燒肉， 我跟住指示，好容易上手，自己都識得燒了。吉列牛燒完個皮好脆，肉質新鮮！…Read More

響旺角行街行到夜晚就九點以為冇野食，點知撞到間好野🤩～見到新開左間石燒吉列牛。環境簡單日系，都坐得ok舒適～服務員有禮熱情，食物上枱後有詳盡解釋點整好食d👍🏻👍🏻～食物方面份量比我想像中多～食得出牛既質素係靚既，D吉列炸邊冇甩出黎要讚👍🏻👍🏻～因為d牛牛味夠，我覺得唔用個燒汁會鮮味d，如果有埋玫瑰鹽應該仲正🤔～係個火略為快熄左少少🤣不過服務員一見到就會幫你加返粒炭精👍🏻會再去幫襯👍🏻…Read More

油麻地開業未夠一年的日本餐廳🥢午市定食唔包飲品 · ┈┈┈┈┈┈ · ꕥ · ┈┈┈┈┈┈ · ✿ 野菜牛肉鍋 $72：材料豐富 有娃娃菜 芋絲 肥牛 菇菌 紅蘿蔔🥕 壽喜燒湯底 送飯都唔錯 ✿ 御燒極上級吉列牛 $118：一份肉都有>10小塊 呢個價錢食到很讚了 · ┈┈┈┈┈┈ · ꕥ · ┈┈┈┈┈┈ · 想食日本野叫做多個選擇 會再encore的餐廳！ …Read More

位於旺角廣華街嘅小店〚石燒牛專門店〛，店仔細細大概可以坐20位食客，我哋閒日大概7點嚟到未有人，但係7:30pm左右已經坐滿晒😆呢度以簡約日系裝修，燈光明亮，座位都算寬敞舒適。又抵食又好食！ 每款主食配白飯，晚市+$35可轉套餐，有齊紫菜味素飯、溏心蛋、麵豉湯。+$12可以跟汽水。============ヽ(○´∀`)ﾉ♪🐮御燒極上級吉列牛 $118 ⭐️推薦👍🏻🐮御燒極上級黑松露吉列牛 $138 ⭐️推薦👍🏻✰我哋叫晒兩款店家推薦嘅吉列牛，有原味同黑松露味，應該係我食過香港🇭🇰最好食嘅一間吉列牛石燒！一般吉列牛嘅肉質比我感覺都係唔夠軟嫩無乜油花脂肪，呢度嘅吉列牛好軟嫩又有牛味👍🏻 外層吉列又夠脆🥰好有驚喜！✰黑松露嘅味道濃厚，原味更食得出牛味，兩款都非常推薦！🐷御燒豚肉 $88 ⭐️推薦👍🏻✰另外我最最最鐘意食嘅反而係呢個五花腩片😍 蕃薯妹一向勁鐘意食肥肉😂所以對燒五花腩係完全抗拒唔到！呢度嘅豚肉片半肥瘦，燒出嚟非常軟嫩，真係好好食！短時間內應該會再去食過！😂🐮御燒特級牛小排 $158✰呢個牛小排唔係吉列，份量多有十幾片，油脂較少唔係好肥，肉質都算軟熟。🐓明太子全雞翼（2隻）$48 ⭐️推薦👍🏻✰燒雞全翼入面塞滿明太子，好味😋🐟魚肉年糕 $22 ⭐️推薦👍🏻✰類似炸魚角嘅質感，入面係年糕，煙韌好味。‼️依家做緊新開張優惠‼️只要Follow佢哋社交平台專頁，post一張相tag佢哋，就送一杯Häagen-Dazs雪糕🍨🥳💵4個人食👩🏼‍🤝‍👩🏽👩🏻‍🤝‍👨🏼人均$187…Read More

香港有好多石燒牛，但唔係間間都好食，呢間喺旺角嘅石燒牛就有質素餐廳裝修簡約，都坐得幾舒服御燒特級牛小排，牛小排肉質嫩滑，唔會好油膩，但又有牛味，就算燒熟啲都唔柴，上枱嘅時候會跟埋一舊牛脂肪俾你起爐，將脂肪搽匀係石上面，燒肉嘅時候就唔會痴住。御燒極上級吉列牛，面層香脆，厚薄適中，自己鍾意燒到幾生幾熟都可以，手殘一樣冇難度升級套餐可以跟埋紫菜味素飯、流心蛋同麵豉湯，飽足度滿點不得不提呢度嘅服務好好，職員會好細心留意個爐個有冇火，差唔多冇就會及時幫你揾酒精，好貼心…Read More

今日出開黎旺角，Happy Friday又想食好啲啲但又唔想太貴食個lunch, 又驚食飯時間多人所以同朋友食左個早早地既Lunch, 朋友鍾意食牛又見到呢間可以自己燒好得意，所以就黎左呢度, 佢開12:00，我地又真係12:00就到所以我地包場~ 不過我地13:00走都已經full house~我同朋友分別叫左個御燒極上級吉列牛同御燒特級牛小排，佢本身跟白飯，我地就加左錢跟有飯素既飯、流心蛋同仲有個野飲~ 然就勁快就已經野上菜~佢一上菜成盤野望上去已經勁豐富，其實佢個份量都好大，勁多片肉，個流心蛋個顏色超吸引，而且個飯面鋪滿左飯素，一啲都唔孤寒~ 店員好好，幫我地點火時再三叮囑我地要小心熱，同埋又教我地燒左個肥膏啲油出黎先燒~講下個 吉列牛先，個牛本身肉質好，一啲都唔韌，燒既時候燒埋包左粉既位就真係外脆內軟~ 而且個sauce好好味，一定要點醬食至於個牛小排就更正，因為佢本身比吉列牛薄，所以更滑更易控制幾成熟我都幾鍾意咁樣食，可以自己控制個牛幾成熟，又有得好似煮下野咁唔係齋食~ 正!…Read More

今日去旺角行街shopping，朋友話上次食左間石板燒牛肉麻麻地好失望，唯有揾返間有質素既滿足下佢，上openrice 見到原來御石燒可以自己燒，想幾成熟都係自己話事，就同左佢一齊去食門面簡單，一睇就知食石燒牛，午餐有午市推介又平又抵食，但我地今次為石燒牛而來，當然食返石燒牛午餐時間黎到坐滿晒人，咁即係唔使驚中伏，我地發現每個人都係點鍋物同石燒，即刻睇下餐牌先，呢度可以用QR code點餐，方便我地跟大隊，點左一個野菜牛肉鍋同一個御燒極上級吉列牛，咁就可以試晒兩款一上菜就感受到火辣辣既温度，牛肉鍋因為只需要等湯底滾起就食得，我地就動手燒牛肉先因為用石板係長時間保温，所以熱得慢，唔怕牛肉一放上去即刻過熟佢會比一片牛脂肪等食客塗係石板，一陣燒牛肉就唔會”痴“底，夠貼心我地即刻動手塗滿油就放上去燒，牛肉睇顏色好新鮮，肥瘦相間但肉佔大部分，呢個部位先係最嫩最好食，外皮香脆，内裏肉香又有油脂，諗起都覺得正，我中意食熟d，但朋友嫌太熟肉會好”鞋”，所以各有各燒，但都食到自己想食既野如果唔識點燒，佢有圖片指示教食客，簡單易學成個餐有成十一塊牛肉，牛肉新鮮又厚肉，呢個價錢真係好抵食燒完配埋個燒汁真係食多兩碗飯燒好牛肉，個野菜牛肉鍋剛剛好可以食，牛肉份量不算好多，但肉質都可以，主要係野菜配料份量多，有菇類，有菜，有芋絲，只食肉不食菜都唔太健康，兩個人點兩個餐一齊食就可以平衡返呢間既質素同份量都唔錯，好欣賞佢牛肉可以完全係食客決左點燒，滿足唔同人既要求，值得下次再黎…Read More

依間小店啱啱開業，地方雖然唔係好大，但裝修走日式侘寂風，柔和嘅燈光營造出一份溫馨感，令人感覺非常放鬆同舒適🥰。-💛御燒極上級吉列牛 $118吉列牛每片都厚切，吉列邊位夠香脆，口感十足😎。店家提供嘅牛肉部位幾乎冇筋，咬落勁滿足🤭。而牛肉本身冇太多調味，想要偏甜嘅日式風味，可以沾取一旁嘅濃稠燒汁醬🤤。如果只想提升鮮味，就可以沾取少許鹽，兩種口味一樣好食😋。-💛御燒特級牛小排 $158牛小排薄切，脂肪分佈平均，嫩滑軟身，非常容易入口🤩。個人覺得喺石板上燒至約7-8分熟，口感最好😍。牛小排本身同樣冇太多調味，搭配濃稠燒汁醬或者鹽食，味道更佳😋。-💛升級「紫菜味素飯+流心蛋+麵豉湯」+$35 流心蛋每口帶味醂嘅淡淡酒香，蛋黃呈濕潤嘅膏狀，非常好食😍。麵豉湯調味唔會太鹹，而飯上面就比咗好多紫菜味素😆，兩者配搭可以中和味道，個人覺得依個升級抵加😎。-💛後記之前食過其他石板燒，都因為石板過熱令牛肉好快過熟😞，一唔小心就燒燶咗🥲。但依度嘅石板完全冇上述問題‼️，店員仲會幫手睇住火勢，有得玩之餘係唔會覺得狼狽😚。而且餐廳仲好細心會提供兩對筷子，令客人可以分開夾生肉同熟肉，用心嘅餐廳最抵讚👍。…Read More