大同私房菜會所

尖沙咀有間超高質隱世粵式私房菜🙌🏻終於搵到時間一試!!呢間私房菜主要係食廣州舊式菜色❤️‍🔥十道粵式菜色都好有水準🥰✨民初順德撈魚生(深海𩶘魚)呢道舊式粵式撈魚生好特別❤️‍🔥用生菜包住深海𩶘魚魚生、辣椒、油炸鬼等等嘅配料，再加埋少量白飯口感再上一層次😍呢一隻魚生口感有少少似蝦肉 一啲腥味都冇!! 而配料更加令到魚生嘅鮮甜味更出😋✨燕窩鷓鴣粥呢一道菜相傳係以前有錢人家嘅食物❤️‍🔥燕窩鷓鴣粥並唔係用米飯整成!!而係燉出嚟嘅湯再撈埋燕窩 口感係濃稠少少🤏🏻中間嘅燕窩份量都唔少 食到一半嘅時候建議可以撈埋少量嘅紅醋 更加提升香味～🙌🏻鷓鴣聽聞仲有止咳潤肺嘅功效添😝✨紅燒炸子雞每塊雞肉非常之嫩滑 而且皮都係燒得香脆睇得出師傅嘅火候整得非常準確!!✨廣州荔灣豉椒炒蟹呢一道炒蟹係以前避風塘炒蟹嘅前身炒蟹味道非常之濃郁！🦀廚師將蟹拆件比較分得細 令到每舊蟹件都可以有好味嘅醬汁😋✨清炒涼瓜用咗長時間浸住涼瓜 令到涼瓜變得更加爽口 而且亦都減少咗好多涼瓜嘅苦澀味👍🏻就算係本身唔鍾意食涼瓜嘅人都可以試吓！✨蜜汁火方用麵包夾住浸住蜜糖嘅火方同菠蘿 麵包嘅單調更加突顯蜜汁嘅香味🫶🏻✨咖喱牛腩&大同荷葉飯呢個係餐廳佢哋秘製調配出嚟嘅咖喱汁❤️‍🔥咖喱唔會過鹹 少少辣味 配埋荷葉飯一齊食就啱啱好啦🫶🏻牛腩都煮得非常之腍 一啲都唔韌👍🏻另外中間仲有啲蕃茄薯仔等等嘅配料～✨蟹油撈麵蟹油撈麵最主要當然係個蟹油啦！餐廳員工同我哋講個重點係入邊鼓汁🙌🏻撈麵嘅時候唔需要落太多油 已經聞到好香嘅蟹油味🦀 少少醬已經可以大大地提升到面嘅香味😍✨ 20年陳皮紅豆沙呢一個紅豆沙真係用咗20年嘅陳皮熬製!!加入埋紅豆沙可以中和到紅豆沙嘅甜味令到個甜品更加有口感嘅層次🥰…Read More

一班朋友食飯，緊係要坐得舒服食得開心，於是朋友book了尖沙咀大同私房菜。這間係前廣州知名食府，用自己嘅秘方做粵菜，亦有西餐提供。聽老闆講之前係九龍城只做熟客，上年9月才搬到尖沙咀接受街客。餐廳修裝好有格調，只有2張大枱，所以一定要預約。另外老闆好殷勤，會親自上菜和講解菜式嘅歷史👍燕窩鷓鴣粥雖然這個懷舊菜有個粥字，但唔係用米煮成，用上燕窩、鷓鴣肉、金華火腿。而"粥"口感綿滑、鮮甜入味蟹粉豆腐用上季尾嘅大閘蟹肉和豆腐以清蒸方式烹製，保留豆腐和蟹肉嘅原汁原味。蟹肉香氣濃郁，豆腐則帶著細膩口感自泡味菜炒肚尖 鹹酸菜係自家醃製，味道酸香爽脆，豬肚入味軟嫩彈牙，送飯一流清炒涼瓜先用水沖洗2小時，令苦味除去，而且味道清爽，適合夏季消暑大同炸子雞炸子雞外層酥脆，肉質鮮嫩多汁。濃味鹵水汁係反複煮滷味而得出嘅濃汁，配埋一齊食更滋味蜜汁火方源自杭州菜，這裡做法比較創新，選用菠蘿代替蓮子，食落有甜酸感，配搭鹹香嘅火方，再用麵包夾住嚟食，減低火方嘅鹹味廣州荔灣豉椒炒蟹螃蟹肉質鮮美，用艇仔古式方法，有少許辛口，香濃惹味咖喱小羊肉羊肉腍滑入味，自家制咖喱濃郁，又唔會被辣味掩蓋大同荷葉飯啖啖荷葉香氣，加左雞肝、蝦肉和冬菇，老闆建議可加少許紅醋，令味道更有層次感蟹油撈麵用上炒蟹所剩餘嘅蟹油加入鹼水麵，挑起整個麵嘅靈魂二十年陳皮紅豆沙最期待嘅甜品，紅豆軟綿，清香可口…Read More

母親大壽，想找一家體面既酒家，親友識人，推薦呢間廣州甚有名氣與歷史、主打傳統粵菜既大同私房菜，因為會所只有兩圍圓桌，所以預約是必須的入面佈置華貴，靛藍為主色，一洗平時酒家慣性紅紅白白既俗氣房間滿佈藝術畫作第一道：燕窩鷓鴣粥呢樣係傳統手工菜，傳統做法係將參薯/木薯攪成蓉再加鷓鴣肉煲勻，但呢度用左冬瓜，食起上黎較清熱同埋無咁黏稠第二道：大蝦多士我想像中的蝦多士係多士係底蝦係面，但呢個做法係，多士包覆住整個大蝦，然後開炸用刀切開一半，可以一半點喼汁，一半點茄汁，兩種風味第三道：自醃味菜炒肚尖咸酸菜係店家自家醃製，酸香味齊全。而每隻豬既豬肚尖只有3-4人份量，呢個部位既豬肚，厚實、柔韌，過鑊爆炒一下，食落嫩滑又爽口第四道：清炒涼瓜呢道菜，負責人甚至話係招牌菜，睇落以為簡單野，背後功夫野十足：先係將苦瓜汆水兩粒鐘，然後唔落油水直接生炒，上碟時灑上少許胡椒粉調味，口感爽脆，甘而不苦，一片一片吃著非常上癮第五道：蜜汁火方做左幾廿年人第一次食呢個，睇餐牌時都有d期待原來係道傳統浙江菜，雖然並非粵菜但都係店家招牌之一，用多士夾上用蜜汁煨過既金華火腿、並以菠蘿最代本應為蓮子及腐皮，旨在減少肥膩感及火腿鹹味雖然未食過正裝牌本，但我非常滿意菠蘿呢個配搭有種蜜瓜火腿既果種感覺第六道：廣州荔灣豉椒炒蟹用豉椒、蔥加醬料爆炒肉蟹，肉質爽嫩鮮甜，幾惹味，店家特別提醒一定要食埋蔥段，因為條蔥係將整碟菜嘅精華吸收左第七道：大同咖喱牛腩呢個牛腩不得了，店家用自家方法炮製，牛腩炆到好淋，軟軟嫩嫩，又不失油脂甘香薯仔更是出色，盡吸收曬咖喱精華，白飯可以送兩碗第八道：蟹油撈麵啱啱食完仲回味緊？仲有驚喜留係最後，店家將剛剛炒蟹用剩嘅蟹油同配料留起，再送上粵菜常見嘅鹼水麵，撈埋一齊食簡直不能更加好味，尤其係豉椒，同蔥段一樣都吸收晒炒蟹既鮮味，記得量可以逐點添加，因為味道實在太濃郁了第九道：臭草陳皮綠豆沙終於食到甜品，呢碗綠豆沙加左臭草同陳皮煲，店家話臭草係廣州常見植物，又名芸香草，其實一啲都唔臭，好多時都會用於烹調調味或醫藥用途。店家貼心地提供白砂糖同埋羅漢果代糖俾食客自己加，適合要減肥既女士們，亦可以俾客人自行調較甜度我覺得少少驚訝係呢到仲有間卡啦ok房！「天下為公，世界大同」為孫中山先生既理念整體黎講好滿意，尤其喜歡佢既裝飾，氣派不落俗套…Read More