Okonomiyaki Dohtonbori Restaurant (New Town Plaza)

第一次嚟呢間食野 聽同事講好好玩 今次放左工嚟唔洗點等位就入得Menu選擇好多 睇到眼花撩亂 最後我地揀左個廣島燒 有d面夾係中間個款 睇住說明書係度玩 懶人唔想郁就一定要叫時時刻刻指導住朋友點樣反 點樣加野 燒太耐又驚佢會燶 都幾緊張一路整一路笑之下都完成左個廣島燒 賣相唔錯ga 好有成功感 同埋自己煮係可以make sure所有材料熟哂先食另外我地仲有叫左個咖哩烏冬 店員話要用湯係鐵板煮熟d菜先 一倒落去d煙多到好似火觸咁 係咪真係咁煮架 🤣 不過烏冬真係同鐵板唔太夾 炒一陣就好快糊左同埋痴底 下次都係叫面食好d嚟呢度食要預左食完成身都係燒烤味🤣…Read More

今日係新城市廣場食晚飯，唸唔到食咩好所以就上咗廣場既 7 樓睇下有咩餐廳，最後見到呢間大阪燒餐廳都幾多人排隊，所以就試下喇。原來全部大阪燒都要自己一手一腳整真係好有挑戰，如果唔識唔緊要餐廳有埋教學你睇，如果睇字都唔明亦都唔緊要，因為重有埋 QR Code 比你上網睇住 YouTube 做，務求要你變成地獄廚神 🤣 🤣 真係好窩心。👍🏻 👍🏻 👍🏻兩個人叫咗 $388 二人套餐 (一款前菜、一款御好燒、一款廣島燒、兩款小食、甜品同飲品)。煙肉凱薩沙律 : 沙律菜新鮮爽口，煙肉要燒完先食得，就咁食又得撈埋沙律食又得。御好燒 + 廣島燒 : 同朋友都係第一次整，做出嚟個樣都叫有板有眼，整好後醬汁按自己喜好而加，味道不錯之剩份量都好大份。小食 : 一款係固定既牛油帶子同一款二選一 (牛肋肉 / 豬腩肉 + 雞肉)，最後就揀咗上級牛肋肉。牛肋肉雖然得六片，但睇肉質顏色同雪花紋就知係好野嚟，而牛油帶子燒完都無縮水既情況，而且都新鮮。👍🏻 👍🏻甜品 : 叫左綠茶同柚子味，口感似雪芭，而且味道不太濃之剩，甜度亦適中。👍🏻 👍🏻整體嚟講無論環境、價錢、食物質素都好好，值得一試。…Read More

今日同朋友2個人去到新城市廣場 上到最高個層有好多唔同餐廳最多人就係呢間但係偏偏我地就係睇中呢間因為有得自己整大阪燒既感覺 好吸引佢有多款俾你揀 包括大阪燒 御好燒 等等佢每款燒餅 都會俾唒材料 亦有詳細介紹點整所以你只需要跟住佢既指示 放入去煎 計岩時間就得架啦好似好簡單 但係其實做落係有啲難度我地分別叫左一個廣島燒及一個御好燒我整個個因為餅底一開始整得有啲細所以啲面sip唔入去搞到好多面咁朋友個個因為以為最後個sauce係全部倒唒落去所以佢個大阪燒變左黑色………………但係其實好少地方而家有得自己整咁好架啦又可以同朋友仔多一個話題玩下所以都幾推廌! …Read More

星期六悶悶地成個晏晝係屋企，老公提議夜晚出沙田行下~出到去6點幾剛好肚餓就去新城市搵野食醫肚先啦!上到最高果層都幾多餐廳，見到一間寧舍多人排隊~裝下原來係食DIY大阪燒既餐廳~見到幾得意於是又排下啦~拎左飛兜左一陣商場大概等多10分鐘就有位~第一次唔知咩好食就簡簡單單揀左個2人餐~有齊沙律、2個御好燒、燒帶子、燒牛肉、甜品同野飲~懶人推介唔駛諗~好快沙律黎先~有點失望，個人覺得caesar salad既精髓在於上面既炸麵包粒，但呢碟沙律好多水，浸到d麵包粒淋哂~好失望!!之後廣島燒同道頓堀雜錦御好燒上檯，要自己落粉漿，落蛋落炒麵落配料~係個鐵板上面炒呀煎呀反呀~~製成品好衰但過程好爆笑好好玩~味道亦好好~用DIY呢個做賣點確係唔錯!之後係鐵板燒埋牛油帶子、燒牛肉，牛油帶子感覺新鮮但味道未見突出，燒牛肉則醃得好香，燒起上黎熱騰騰好滋味!最後上埋甜品~係兩客雪糕。我地揀左柚子味同抹茶味~柚子味清新唔過甜，食完油膩野來一客柚子雪糕感覺好refresh~至於抹茶味同樣出色，抹茶味濃面不過苦，有回甘，相比之下我更愛抹茶味!埋單連加一4百幾，但以好玩度同味道及整體環境而言都物有所值既!不過要注意一點食完真係全身連頭髮都會一陣油煙味~所以唔好著d難洗既衫去食喇~…Read More

懷念日本廣島燒既滋味，就黎到依間道頓堀禦御好燒專門店懷念一下，誰不知依間餐廳係要自己落手落腳燒，3位女士既廚技大顯身手，好采食材新鮮，而且餐廳好細心，有煮食教學，又有時間計，至小可以把食物煮到熟哂，安心食用…Read More

之前係康怡食過一次，知道沙田新開，所以就一早book 定枱7月1日去食，好彩一早book，6點已經好多人等位啦！今次一樣都係叫4人分享套餐，抵食好多，前菜有3款，枝豆，和風蕃茄沙律，野菜蒸，野菜蒸要蒸耐D 先熟，我地食完晒所野先食，但都係太乾。御好燒有3樣，廣島燒，富士山御好燒，肉類主錦炒麵，有張卡會教你點炒，好玩又好食。如果真係唔識可以問下侍應，侍應都好有心機講解，3款都好好食，但我特別推篤富士山御好燒，以日本富士山造型登場，內有魷魚鬚，蝦，鱆魚，雞肉及豚肉，整完好似出面食既燒餅咁，而且可以鍾意加幾多醬都得。鐵板燒，有兩樣，鐵板泡菜魷魚，上級牛肋肉，好好味最後有4杯飲品，4個甜品。但餐廳冷氣比較凍，愈坐愈凍。…Read More