滾得囍宮廷秘藏鍋物 (Renamed)

火鍋都可以食得有儀式感？環境裝修已經感受到用心，沉浸式空間以雅致嘅裝潢，無論是燈光還是桌椅擺設，皆散發濃厚的品味氣息。套餐包2個湯底，用龍紋鍋盛載小鍋湯底更濃郁，推薦康熙花膠雞湯鍋，湯底溫潤而不膩，湯中花膠嘅軟糯與雞件嘅鮮甜完美融合，湯料好足好香濃。另一個揀左順治特色卜卜蜆鍋，蜆肉鮮甜飽滿，小小辣。套餐包貴妃出浴～手切本地牛肉，上枱仙氣飄飄，先將牛肉浸30秒再烚，肉質細嫩，入口即化。餐廳主打自家手工丸，套餐揀左手打黃金流心鮮蝦丸，咬開竟然係奶黃汁。黃金響鈴搭配秘製鹹蛋黃醬，酥脆中帶著濃郁鹹香，完美提升味蕾層次。桂花蚌與珊瑚蚌雙拼，唔係周圍食到，食材新鮮大隻，口感爽彈。黑牛柏葉則以其獨特的嚼勁與香氣，為這場味蕾盛宴增添一抹驚喜。…Read More

餐廳裝修十分華麗，以宮廷風為主，接待處設有多件古代服裝，可以自由換上影相打卡🤣🤣🤣餐桌好多大枱，好適合同一大班朋友黎！我哋揀咗限定套餐，同朋友根據自己喜好各自揀咗湯底，分別係康熙花膠雞湯鍋同光緒瑤柱冬瓜濃湯鍋😍😍😍個龍紋鍋超級靚，兩個湯鍋都好足料，無論係雞件定瑤樑柱，份量都比預計中多！套餐仲包括黃金響鈴，原來係加咗鹹蛋黃醬嘅響鈴，超級香！本地手切牛肉，外觀好靚好精緻，侍應叫我哋淥之前要先浸係牛奶中，又香又嫩😋😋仲有手打芝心牛肉丸，芝心咬落爆出黎🤤🤤一渣竹蔗茅根夠解渴又唔會太甜我哋額外叫咗和牛芝士一口餃，芝士同和牛好夾，口感豐富好味！椒鹽魷魚圈，好大份🤩🤩食落又脆又香！鬼馬油炸鬼，上面係滑下面係油炸鬼，好新穎，有驚喜！最後係日本拉麵，煙煙韌韌，好食！…Read More

週日中午決定到家附近一精緻宮廷主題火鍋店午膳🔥體驗它以清宮御膳為靈感，結合現代創意的手作火鍋文化一踏進餐廳，映入眼簾的是龍形裝飾和濃厚的宮廷氣息黑磚牆和木質地板打造古色古香的環境，紅燈籠增添華麗感點了兩款一人火鍋套餐：御與瓏！各有特色，口感豐富康熙花膠雞湯鍋湯底清甜，花膠軟嫩入味，雞肉嫩而不柴:)道光四川麻辣鴨血湯鍋麻辣過癮，鴨血Q彈入味本地手切牛肉嫩滑多汁；手打黃金流心鮮蝦丸流心鮮甜A5黑毛和牛油花豐富；手打黑松露野菌鮮蝦丸彈牙…Read More

中午打邊爐咁chill~ 🍲滾得囍宮廷秘藏鍋物‼️商務午餐‼️一人一鍋，鍾意咩湯底自己話晒事，餐廳設計同時合適朋友聚會，大圓枱同樣可以圍爐，但一人一鍋食得更暢快！🥢一人火鍋套餐《御》點選了🫶🏻康熙花膠雞湯鍋，小鍋湯底都用料十足，湯底雞肉滾完都好滑，仲有大大嚿花膠，湯底入口仲好鮮甜！火鍋配料～ A5黑毛和牛、手打黑松露惹菌鮮蝦丸、菜紫皇蟹粉豚肉餃、日本廣島蠔、百花釀豆腐、唐生菜，澱粉類可以選擇出前一丁或正宗日本稻庭烏冬。《御》 ▫️A5黑毛和牛一人份都份量十足，牛雪花夠哂多，煮熟後軟腍油脂甘香。▫️手打黑松露惹菌鮮蝦丸，淡淡散發松露香氣，蝦肉彈牙爽口。▫️菜紫皇蟹粉豚肉餃，餃皮薄，咬開蟹粉仲多個豚肉，大滿足！🥢一人火鍋套餐 《瓏》點選了🫶🏻光緒瑤柱冬瓜濃湯鍋，湯底清甜，好似冬瓜盅咁，有蟹柳同埋瑤柱，清清地打邊爐令食材更鮮味！火鍋配料～本地手切牛肉、手打黃金流心鮮蝦丸、和牛芝士一口餃子、風琴豆腐、唐生菜、日本蟹柳及澱粉類主食。 《瓏》▫️ 本地手切牛肉，色澤鮮嫩有光澤，肉味香濃，入口較有爽脆口感。▫️ 手打黃金流心鮮蝦丸，爆開有鹹蛋黃流心，鹹香同蝦肉非常夾。▫️ 和牛芝士一口餃子，真材實料，牛肉肉味夠哂濃。商務午餐仲包飲品，有罐裝飲品或者自家製竹蔗茅根一杯。…Read More

每人口味都唔同, 打邊爐可以揀返自己中意口味嘅湯底先叫做真正滿足味蕾。北角呢間以宮廷式主顯裝修嘅火鍋店, 就能滿足我嘅要求, 每款湯底真材實料, 未打邊爐, 已經飲咗大半鍋湯底。六款湯底選擇, * 自選單人鍋一個 康熙花膠雞湯鍋:金黃色湯底充滿骨膠原, 放了數件金黃雞皮嘅雞件同埋大大件花膠, 滋補養顏又鮮甜。順治特色卜卜蜆:每粒蜆都好飽滿, 鮮甜冇沙, 湯底鮮甜本地手切牛肉(細):擺盤很有儀式感, 手切牛肉油花布平均, 厚薄度好適中, 入口鮮嫩有油香。手打黑松露野菌鮮蝦丸(4粒):蝦丸軟滑彈牙, 既有爽彈鮮甜蝦肉粒, 又混入了黑松露, 鮮甜又有菇菌松露嘅清香。紫皇蟹粉豚肉餃(4粒):每隻餃表面冇水氣, 粒粒飽滿, 真材實料, 鮮橙色餡料可見用咗唔少蟹粉, 鮮香味十足!黃金響鈴:落單即炸, 非常香脆, 鹹蛋黃味濃郁突出, 無論就咁食定一秒落湯, 同樣味道出色。得囍豐盛雜菜拼盤:雜菜拼盤款式多, 有酸甜多汁蕃茄、粟米、蓮藕片、蔬菜等…竹蔗茅根:打邊爐最佳伴侶, 清甜消暑又解渴。…Read More

屋企人早排話好耐冇打邊爐，近排心思思想食🍲趁星期日放假，已經預早Book定位於北角馬寶道嘅「滾得囍」，方便佢買馬🫢午市邊爐68折真係抵食😆一人一鍋可以揀自己鍾意嘅湯底，衛生又開心😆嘉慶椰子藏雞濃湯鍋 $118————————————啱晒我口味嘅湯底，雞件份量都頗多，湯底雞味香濃🐔好多鮮椰片，淡淡椰子香氣🥥加埋紅棗、杞子，湯底清甜好飲🍲康熙花膠雞湯鍋 $138————————————屋企人點嘅花膠雞湯鍋，從湯底嘅色澤可見，充滿膠原蛋白，趁未落食材烚吓烚吓之前，飲返碗湯！湯底十分鮮甜，花膠同雞嘅份量都好多，抵食！本地手切牛肉(細) $338————————————夠新鮮嘅本地手切牛肉！每片油花都好靚又分布平均，手切嘅厚薄度好適中，用嚟打邊爐真係正🐮手打黑松露野菌鮮蝦丸(半份) $78————————————手打丸果然夠彈牙，啖啖蝦肉又大大粒丸，真材實料🦐黑松露味超香濃。紫皇蟹粉豚肉餃(半份) $78————————————好大粒餃，非常足料又飽滿🥟蟹粉嘅鮮甜同豚肉又幾夾，餃子包得好靚，放落鍋滾好耐都冇散開。黃金響鈴 $88————————————鬆脆到爆嘅響鈴，外層滿滿金黃嘅鹹蛋黃，放幾秒落鍋🕐掛晒湯半脆半淋嘅口感真係太邪惡🤤滾得囍豐盛蔬菜拼盤 $128————————————打邊爐落蔬菜，吸晒湯嘅鮮味真係好正！依個拼盤都好抵食，有各款蔬菜，唔洗每款菜都散叫又可以食唔同類型嘅菜。足料竹蔗茅根(冷) $78————————————清甜解渴清熱氣，涼浸浸打邊爐啱晒！食到捧住個肚走🤰🏾…Read More