Shiawase Yakitori (K11 Art Mall)

之前聽朋友介紹呢間嘅lunch算幾抵食，經open rice 訂再有8折，一於去試吓。現場環境都好有日本feel, 有一排吧枱就坐近師傅，可以望住佢燒。其他就係正常嘅餐枱，環境都算幾舒適。我哋一個揀咗幸福串燒六盛合（$158），另一個揀咗炭燒小牛排定食（$168）。串燒質素確係唔錯，呢個價錢來講性價比好高，夜晚冇套餐，價錢相對貴好多。另一個炭燒小牛排好好味，牛排個肉質幾好，就算要求七成熟，入口都仲好淋。買單用埋八折優惠，真係幾抵食，味道又好唔錯👍🏼…Read More

2021.11.30 Tuesday lunch放半日yea yea yea 😃 今次出尖沙咀食，順便去海港城睇 Snoopy 😁今次真幸運，揀咗間好嘢 👍🏼 環境，服務，食物又好味，係音樂大聲咗少少。 係呢度訂枱又有折！好開心 😃 有定食叫，每個都跟前菜、麵豉湯、溫泉蛋😊 女友要牛肉壽喜燒，我要幸福串燒六盛合。 不久，兩個餐都到了😃 賣相當然靚啦，講咗個壽喜燒先，女友好開心，係用瘦牛肉，我都好開心，正！味道呢？好味呀😋 但壽喜燒已經有蛋，再有一隻溫泉蛋又似乎多咗⋯⋯如果店主考慮將壽喜燒餐嘅溫泉蛋換另一款小食就好了😛😛到我個幸福串燒喇，串燒主力係雞，有兩串蔬菜，全部都好味，雞翼特別正😋 如果可以熱啲仲正 🤪…Read More

之前去過一次喺海港城 @shiawasehk ，食過佢哋嘅特色串燒，今次再去埋𝗞𝟭𝟭分店@shiawaseyakitori ，試吓佢哋嘅𝗹𝘂𝗻𝗰𝗵 𝘀𝗲𝘁先～𝗟𝘂𝗻𝗰𝗵 𝗺𝗲𝗻𝘂價錢由$𝟭𝟭𝟴-$𝟮𝟱𝟴不等，選擇種類都幾多，有燒物、鍋物定食，仲有和牛主題定食同埋串燒定食等等⋯包有一款啱你食！ღ 極上鴨肝鰻魚丼 $𝟮𝟱𝟴一見到𝗺𝗲𝗻𝘂就睇中左呢個鴨肝鰻魚丼😍好高級嘅享受～鴨肝好香，又唔油膩！鰻魚無骨，肉嫩皮滑，配埋甜甜地嘅鰻魚汁，好食！╰┈➤ 𝘁𝗮𝘀𝘁𝗲: 𝟳.𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳.𝟴/𝟭𝟬ღ 幸福串燒六盛合 $𝟭𝟱𝟴有六款唔同嘅招牌串燒：免治軟骨雞肉串、雞髀肉燒、秋葵、雞肉長蔥燒、雞手羽先同埋大蘑菇即叫即燒，坐𝗯𝗮𝗿枱仲可以睇住師傅燒😍串燒整體調味出色，全部都燒得剛剛好～最鍾意雞翼！外皮香脆，肉質嫩滑👍🏻免治軟骨雞肉串點蛋汁一流！另外仲有麵豉湯同白飯，唔使驚唔夠飽🤪╰┈➤ 𝘁𝗮𝘀𝘁𝗲: 𝟳.𝟱/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳.𝟮/𝟭𝟬幸福燒 @shiawasehk✵ 𝒍𝒐𝒄𝒂𝒕𝒊𝒐𝒏 • 𝒆𝒏𝒗𝒊𝒓𝒐𝒏𝒎𝒆𝒏𝒕 𝟳.𝟲/𝟭𝟬╰┈➤ 📍#BELLYwongs_TST✵ 𝒄𝒖𝒊𝒔𝒊𝒏𝒆 • 𝒇𝒐𝒐𝒅 𝟳.𝟲/𝟭𝟬╰┈➤ #BELLYwongs_japanese #BELLYwongs_meats✵ 𝒑𝒓𝒊𝒄𝒆 𝒓𝒂𝒏𝒈𝒆 • 𝒂𝒇𝒇𝒐𝒓𝒅𝒂𝒃𝒊𝒍𝒊𝒕𝒚 𝟳/𝟭𝟬╰┈➤ #BELLYwongs_midprice • $𝟮𝟯𝟬/𝗽𝗽✵ 𝒔𝒆𝒓𝒗𝒊𝒄𝒆 𝟳.𝟴/𝟭𝟬✵ 𝒓𝒆𝒗𝒊𝒔𝒊𝒕 ᴍᴀʏʙᴇ 🙂…Read More

今日難得放半日假🥰，過咗去搵個係尖沙咀返工嘅姊妹食lunch。十二點前嘅尖沙咀基本上無咩餐廳有開，所以我哋就決定兜多幾圈等夠鐘順便探索下新餐廳🥳。結果行到去K11 (唔係新嗰個吖😜) 地下就見到呢間裝修得好靚嘅日本餐廳🇯🇵。由於我哋都太掛住以前一齊飛東京瘋狂食嘢shopping嘅日子喇🥺，所以就決定入去搵番呢種熟悉嘅感覺！我哋一過十二點就入去，基本上係第一台客，但都已經得番吧台位置，睇嚟好多人一早book定，大家就要留意吓啦🤔。話雖如此，吧台其實都坐得幾舒服，仲可以望住廚師整串燒，成件事好有日本居酒屋嘅feel🥰。幸福串燒六盛合 ($158)一望個lunch menu就已經覺得呢個六款串燒組合好吸引，價錢合理之餘又啱我口味，睇相仲覺得好靚😛。除咗我朋友都叫咗呢個，之後發現原來呢個set係最受歡迎㗎！成間餐廳可以見到至少有一半人都叫咗，廚師仲燒到唔停手，睇嚟今次真係無叫錯喇🤤。個餐一送到嚟我第一個反應就係：嘩！賣相真係好靚！除咗嗰六款串燒之外，仲有個迷你沙律，一隻溫泉蛋，麵豉湯同飯。份量真係多到驚食唔哂吖😝。先講串燒，雖然賣相真係好吸引，但始終燒得有啲太乾身。淋上去嘅汁亦有啲過多，搞到啲串燒有少少鹹。不過除咗呢啲之外，整體而言都算係合格以上嘅🤤。其中最好味嘅就係雞肉長蔥串！有別於其他串燒，長蔥唔係好乾，亦非常之大粒，配合埋雞髀肉個口感非常之夾，好中和到肉嘅飽膩感。另外我亦好中意個免治軟骨雞肉棒，軟骨嘅脆口感加上雞肉嘅鬆化形成層次感，令我好想encore 吖！😳 其他串燒包括雞翼，雞髀肉，大蘑菇同秋葵。雖然係有啲乾，不過食材質素都唔差㗎🥳。另外值得一提嘅係，溫泉蛋🥚絕對令個套餐生色不少。佢攞嚟撈飯好夾，攞嚟中和串燒嘅乾亦得，可以話係畫龍點睛嘅一個配菜😋。整體嚟講呢間嘢食物好精緻，亦份量好足，雖然未去到最高水準嘅層次，但依然非常值得一試。我哋就食到好飽喇，所以對男仔嚟講應該就剛剛好👍🏻。如果想攞番去日本食嘢嘅感覺，不妨一試喇！…Read More

好耐無食過日式串燒，朋友介紹依間位於K11內嘅串燒店，午市價錢亦合理，就決定簡依間試試。叫左幸福串燒六盛合，女仔一個人食都飽肚，溫泉蛋仲可以拌飯食，但青瓜只係普通生青瓜而唔係漬物，有d失望。串燒左起分別有雞肉長蔥燒、雞髀肉燒、免治軟骨雞肉串、雞手羽先、秋葵同大蘑菇。味道主要靠燒汁，而個汁亦好惹味。每串嘅味道都好平均，不過不失。雞肉串燒得岩岩好，肉質嫩滑，而雞翼皮都燒得香脆。雖然未到十分驚艷，但以依個價錢黎講水準係絕對接受，加上環境寬敞，想同朋友lunch time食幾串日式串燒嘅話，會係唔錯嘅選擇。…Read More

有同事生日，我地9個去左K11食日本野慶祝佢生日。佢地個lunch menu只有10個選擇，不過其實10個都算ok架啦，都有唔同既款式可以揀。除左兩個同事之外，我地其他人全部叫晒個幸福串燒六盛合。佢有六串燒，飯，湯，兩個前菜(豆腐同醃製蒜頭)，溫泉蛋同六個串串。其中四個串都係雞肉，有雞亦，雞脾肉，雞軟骨仲有個唔唔咩🤣🤣其他兩串係秋葵同菇。 有一串有啲"鞋"但係就唔知道係乜嘢，個雞軟骨好吃，佢地好似係整碎晒再整到好似條腸咁其他啲串都好得好好食， 只係用鹽來調味所以啲雞都好有雞味。啲前菜好食，我攞左個蛋黃黎撈飯食，簡直一流! 不過唔知係唔係我地太多人叫呢個，燒唔切，所以都出得有啲慢，有兩個同事差不多食完另外兩個先岩岩開始食。問咗另外兩個同事佢哋個餐好唔好食。 雞肉壽喜燒嗰個同事話味道有啲淡，不過啲雞肉係滑嘅。另外嗰個蒲燒鰻魚飯，佢話個鰻魚都好厚肉同好多，佢後尾都食唔晒。…Read More