係台灣訂咗D電單車零件，原本打算聖誕假期有時間安裝，點知延期之餘，D零件仲唔啱裝，要去修改，一改再改，改到今時今日，終於完成!部車令仔哂!想話搵個地方可以一邊食飯，又可以泊部車係旁邊睇實，深水埗又啱啱去完無耐，猛然醒起新澳門口又有座位，正正對開就有電單車泊位，於是成為不二之選.上兩次幫襯都唔太滿意，希望今次有改善.去到門口，出面D座位滿哂，慶幸電單車就有位泊!點咗碟乾炒牛河走芽菜多蔥，小熊就點咗份鐵板鴛鴦扒，有西冷牛扒同雞扒.先講講鐵板餐，最低要求，塊鐵板要夠辣手，淋D黑椒汁上去會發出咋咋聲先啦!哩個要求新澳滿份完成.西冷就薄切，而且薄得有D過份，但個黑椒汁帶甜惹味，夾自己口味.雞扒肉嫩多汁，最欣賞係栗米粒，雖然唔係用上我欣賞嘅三色豆，但栗米亦唔差，總好過蕃茄同椰菜，另外薯條夠熱夠脆份量足.乾炒牛河走芽菜但蔥唔見俾多，有位姐姐見到張單要求多蔥，主動問我地要唔要蔥蓉，可惜蔥油味重咗D，而乾炒牛河無偷工減料，數過有九件牛肉，首先食落無咩奇怪肉鬆粉味，而牛肉肉質鬆軟，多D洋蔥同芝麻更理想.係門口等咗一陣，見到D外賣人士係條街踩住部單車亂咁行!相反方向行又有，無著燈又有，踩上行人路又有，哩D又唔見政府捉?…Read More
