Luen Wai Restaurant

好耐無食高質常餐，蛋滑，傳統餐包，沙爹牛肉丁，牛肉好高質。凍檸茶和奶茶都好飲。的確傳統高質味道，實在難得。好在無比樓下另一間茶餐廳呃入去坐，否則錯失左美食。一定會再幫襯，目標係佢晚市鐵板餐。…Read More

去銅鑼灣搵翻舊同事食飯，本身諗住食乜都得，點知佢零舍要求要中午飯食雪菜肉絲米，咁都好啲，起碼叫唔使諗食咩餐廳，不過銅鑼灣午餐真係好少常餐有雪菜肉絲米，為咗佢嘅要寸，我行咗五六間終於有呢間樓上有啦！坐咗最入嘅卡位，對住出面等咗陣，終於見到約咗好耐嘅舊同事！佢一早決定食常餐，我就見到雞脾好心動，就叫咗皇胞雞脾飯！好可惜冇餐。。。原來日日午餐係唔一樣㗎~常餐 雪菜肉絲米配火腿奄列加牛油多士 $46其實我覺得雪菜肉絲好難零捨出眾，不過我朋友就話個米粉好好味，唔知係咪佢朝思暮想，佢好快清哂仲好讚，我就幫佢食咗個飽，好多牛油嘅方包咁xD皇袍雞脾飯 $60其實就係一隻油脾擺係滑蛋飯上面，我係超鐘意食雞脾，呢隻脾又大隻又滑，重點個汁個味入到肉！ 同埋啲蛋咁香，超好送飯超好味！我清哂成碗飯，好飽不過好開心！總括而言食咗個好入味嘅雞脾好滿足！同我朋友終於晏就食到雪菜肉絲哈哈…Read More