Shanghai Dumpling

今晚黎左li間喺愉景新城隔離個Mall 8咪半嘅龍門一番食上海菜, 之前食過佢嘅set lunch好抵食, 正常menu嘅菜都算抵食, 而裝修又幾靚*有卡位呀*, 就encore啦.🥢魔鬼天使小籠包 (HKD58)2個人一款一粒小籠包perfect, 一黑一白味道分別係墨魚汁x海膽同帶子x魚子醬, 咬開超多湯汁, 配搭真心夠哂特別, 墨魚汁小籠包個湯汁甜甜地好味.🥢水煮牛肉 (HKD108)原來除左牛肉之外, 仲有好多條QQ薯粉, 同埋竟然有一條條粗身薯條, li兩樣食物勁索味, 水煮黎講佢算辣. 牛肉方面份量唔少, 咬落唔會韌, 本身唔食芫茜我反而覺得li道茶勁多芫茜味道又幾好bor.🥢帶子粒粒炒飯 (HKD78)抵食! 好大碟炒飯, d帶子粒唔只面頭見到, 係炒埋入個飯裡面而且爽口gei. 其他食材有蛋絲, 蠟腸粒, 菜心粒. 由均勻嘅色水就知道廚師係認真地炒👍🏻.🥢厚切川汁醬蹄 (HKD65)估唔到li個川汁甜甜地, 我仲以為係辣, 佢用左手拍醃青瓜墊底更加開胃. “醬蹄”口感比較實淨, 同個醬好夾.🥢…Read More

一家人慶祝之選✌🏻尤其係我啊婆係上海人 所以對上海菜😍😍今次帶佢地黎到荃灣嘅龍門一番價錢相宜得黎 味道都好正 啊婆都好滿意👍🏻首先極力推介酸菜花甲鍋($108)味道好正 酸中帶辣 飲左啖好䁔胃而且花甲份量多 隻隻有肉 鮮甜得黎夾酸菜味道除此之外 帶子粒粒炒飯 ($78) 好好味炒飯黎講 好惹味 我中意食👍🏻🤣當然唔少得 魔鬼天使小籠包 ($58)小籠包外皮軟身 有層次得黎油脂甘香肉味鮮甜有口感 唔鬆散 值得一試😀而上海菜必食 一定係香葉肉碎配叉子 ($65)塞滿香味十足嘅肉碎 香脆可口 正‼️最後 自選四款涼菜 ($138) 我最推薦係麻醬腐皮卷➕涼拼茄子塔😋😋😋-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂…Read More

朋友想食中式野，就係荃灣揾左呢間試一試。餐廳環境都幾闊落，人流都唔算多。一坐低店員就比我地自己揀茶葉，茶葉種類都幾特別，我就揀返菊花清新啲。茶壺方面仲係一人一個細細個好得意呢🍵食物方面整體味道其實尚可，但賣相方面，每個上枱時都同朋友驚訝左一下，因為同menu比啲擺碟都無咁精美呢😅🔸上湯小籠包 (HK$38)食上海野又點少得小籠包呢，小籠包嘅皮厚度適中，入面嘅肉餡都唔係話超大舊，不過都有適當嘅湯汁加返味。另外仲有一款係魔鬼小籠包，係以黑松露製，不過今次就無試到啦🤪🔸南瓜海鮮湯拉麵 (HK$62)因為想揀返款清小小嘅主食，就叫左呢款。咁岩坐嘅位置好近廚房，都見到有師傅係到即場手工製麵🍜上枱時賣相真係唔多吸引，好似就咁將南瓜醬淋係面，啲醬仲會沾到碗邊😅但食落麵條嘅口感都還可以的，所謂嘅海鮮就係有啲細細粒嘅帶子同蝦仁仔…🔸蝦籽鍋塔豆腐 (HK$78)呢款豆腐以香煎嘅形式，淺黃嘅外層上仲有啲甜甜嘅醬料增加風味，食落都唔會油膩感好重，不過食多幾塊就會有少少單調啦～🔸帶子粒粒炒飯 (HK$78)炒飯一上枱時已經就係圖片咁嘅樣，倒塌左一邊咁嘅造型，有啲飯粒就飛左係側邊🤨雖然飯粒顏色好深色，但都唔會好鹹。炒飯有細細粒帶子以及臘腸，份量都算多呢～…Read More

跟友人去完主題樂園玩，筯疲力盡之際決定到大家搭車回家都方便的荃灣晚膳。第一次到位於商場角落的龍門一番吃飯，門口驟看乾淨企理，裝潢别緻，是個可以安心舒服吃飯的環境。入內枱與枱之間不太擠迫，並有膠板簡隔，在餐廳旁更有小屋似的卡位，大大減低口沫傳播的風險。最令我印象深刻的是，店員一開始會捧著一盆茶包過來，盆內排列整齊地列出各種茶的名稱供客人選擇，感覺就像皇帝選妃竉幸一樣！我費煞思量後決定竉幸烏龍人參。可能用小茶壺沖，茶味濃郁，沖了幾次也不減濃度，小茶壺裝水量不大，所以我要慢慢喝，就順道學習一下喝茶慢活的態度吧！隨後點了幾道小菜，分别時帶子粒粒炒飯，火腿津白和糖醋魚塊。飯粒炒得有鑊氣，醬汁很均勻地包著每一粒飯，飯粒口感剛好不軟不硬，味道咸味適中，切細了的豆爽口有咬感，帶子略嫌不夠鮮味，但整體味道中上。注意炒飯中有臘肉，海鮮素的朋友要注意噢。火腿津白的菜大大條，身為食菜怪的我很高興。但菜有點太油，味道亦稍為清淡。魚塊大小份量適中，糖醋味濃，魚塊入味有咬感，洋蔥爽脆鮮甜，味道酸酸甜甜超好吃！推介。因為是星期一，人流不多，店員服務態度友善，是一頓舒心，不趕不忙的晚飯。…Read More

今晚媽媽巧遇不少親友，先是兩個姨姨，後是兩位好友，聊過不停，她跟好友說不如一起吃晚飯吧，兩年沒見，很多話想談，最後齊齊去龍門一番繼續邊說邊吃。這裡喝茶有一好處，就是各人可選自己喜歡的茶包沖泡，學媽媽說每個人的體質不同，各自喝合適自己的茶是最好的，我挑了鐵觀音，媽媽喝普洱，姨姨則喝人蔘烏龍。無骨燻魚可是道地的上海涼菜，完全無骨刺，進食方便之餘，燻魚煙燻的味道一層一層滲透魚肉裡，擠上酸酸的檸檬汁提味，清爽開胃帶點脆度。上湯小籠包當然是必點，一籠有四個，難以形容它有多好吃。小籠包皮薄富彈性，內裡肉餡非常細緻，每顆夾起沉甸甸，十分扎實，咬在嘴裡鮮美燙口的肉汁大爆發，沾上醋汁吃味道一絕。黑將軍墨魚水餃不輸給上湯小籠包，飽滿極致，黑漆漆的餃皮暗藏雪白彈牙的墨魚肉，不失其鮮嫩感，伴上蔥花，蛋絲吃別具風味，若想有點味覺小刺激，不妨把它沾點辣油醋汁。看看那厚肥油亮的醬燒豬手豬皮，誘人指數已破表。豬手肥瘦一起入口是最棒的，豐厚的豬皮軟彈萬分，滿滿醬油的香味，膠質豐沛，毫不乾柴，超級好吃，又能在乾燥天氣中補充骨膠原。帶子粒粒炒飯層次感佳，柔嫩甘甜的帶子熱炒後釋放出海鮮鮮味，與鹹鹹甜甜的臘腸粒交織不一樣的味美，香氣飄散著，炒飯粒粒分明，色香味俱備，越吃越涮嘴。火腿津白用了金華火腿及雞熬出高湯，再加入津白慢煮，上桌時濃郁的金華火腿與雞湯香氣立刻傾城而出。軟腍的津白吸飽乳白色的金華火腿湯精華，展現食材最單純的原味，不斷滲露出香醇甘美。金銀炒鱔糊醬汁突出，整體濃厚入味，最重要是芽菜仍保持脆甜，鱔魚柔軟帶爽彈的咬感，甫入口時聞到濃濃的香氣，這便是中菜所講究的鑊氣，精準掌握火侯，讓所有食材原味能夠在最短的料理時間內，完全鎖於菜餚裡。…Read More

去荃灣行ikea，行到攰攰地又想食下中菜，睇下openrice 附近有咩好食，見呢間龍門一番好似幾熱門下，價錢都算抵食就揀左佢黎食。 侍應安排我地坐外面梳化卡位，感覺好寬敞，可以順便聽埋隔離音樂餐廳啲音樂，但如果張梳化墊可以硬少少更好。睇餐牌見到個魔鬼天使小籠包好特別咁款，所以叫左試下。魔鬼小籠包有黑蒜肉，豬肉，海膽，味道比較重岩晒我食。天使小籠包就有帶子，豬肉同魚子醬，食落似傳統小籠包，無咁重味岩我朋友食。值得一讚就係叫完好快就有得食，仲要好熱唔會搞到個皮好易穿浪費左啲湯。之後叫左糖醋魚塊開下胃，佢啲粉唔係太厚唔會搞到無晒魚味，而且酸個程度岩岩好。$72價錢黎講同出面茶餐廳差不多，但質素明顯高二班。我地仲叫左個帶子粒粒炒飯，啲帶子size唔大唔細，一口食岩岩好，仲吸晒炒飯啲精華好惹味。最後仲叫左個蒙古手撕雞卷，外表顏色烤到金黃色賣相好靚。雖然雞既份量小左啲，但勝在自家調製芥末醬夠晒風味補救翻。另外一提呢到啲茶係獨立包裝，比茶樓個啲靚好多，幾特別一人一小壺，唔會沖淡晒。食物種類亦都多不勝數，有啲食物仲有圖你睇…Read More

和朋友來見面，選些感覺的餐廳朋友見呢間餐廳有燉湯飲就決定來呢度一坐低，侍應就帶來茶葉給我們選我要了人蔘烏龍，每人有個小茶壺，可以自己泡，有趣！不過飲到尾就覺得不夠，因為每次只可沖一杯，就常要加水😅先要了一個花膠螺頭干貝燉雲吞雞湯，有雲吞六粒連湯料一齊送上湯料足，雞湯清甜！前菜要了無骨燻魚，魔鬼天使小籠包同山東一口牛肉包無骨燻魚，賣相幾特別，乾冰帶來燒燻感覺，味道就甜甜地魔鬼天使小籠包，試了天使，可吃得出干貝在內，但湯汁不特別多，包皮應更薄一點山東一口牛肉包，朋友說味道好，我就覺得肉汁不夠，肉餡可更濕潤一點帶子粒粒炒飯有蠟腸粒，感覺像糯米飯的味道火腿津白有菜下飯，味道不過不失甜品有驚喜！要了紅棗糕同香芋鍋餅紅棗糕煙煙韌韌，不會過甜，好味！香芋鍋餅也比一般的紅豆餅少了一點甜膩，但芋香更出！好味！…Read More

難得三五知己聚會, 食中餐就最好! 大家都岩口味, 又方便share!好彩朋友book左位, 去到唔洗等就入得!餐廳既裝修好特別, 入到去唔似一間中菜館,反而似間cafe, 好colourful, 好特別~埋到枱, 可以自選要咩茶葉. 有普洱, 鐵觀音, 菊花等等...一人一隻小茶壺, 自己杯茶自己沖.XD野食種類好多! 睇到花多眼亂呀~咁岩叫親D野, 大部分都有個"本店推介"既手指公, 果然冇失望~涼拌茄子天氣咁熱, 叫D涼拌野食下岩哂!上海小籠包食上海野, 唔少得小籠包! 一上台, 趁熱食~皮薄多汁!~推介椰子竹笙燉雲吞雞湯個湯好清甜好鮮味! 而且好足料!干煸四季豆唔會太咸, 如果有碗飯, 係一個好好送飯既菜呀!孜然豬串骨好惹味! D肉唔會好鞋好乾咁, 好鬆軟! 加埋D香料好夾! 帶子粒粒炒飯炒得好香同埋D飯粒粒分明, 唔會一大堆.而且帶子都鮮味, 加埋有D菜粒同臘腸, 好有口感牛肉包好香脆,  一人一粒岩岩好!…Read More

好難得終於約到一班好耐冇見既朋友一齊食飯，負責揀餐廳既小弟當然唔可以有負所望啦。上網做哂功課之後，發現呢間餐廳望落都好ok咁喎，決定約齊人一試。作為中式餐廳最重要的當然係茶啦。有別於傳統中式餐廳，呢度會提供一盤多種口味、獨立包裝嘅茶葉我地揀，有普洱、鐵觀音、人參烏龍，茉莉龍珠等，每人都可以揀自己鍾意既茶，唔使爭。我就鍾意堅持飲我最愛既普洱啦。精美既茶具，而且把手位設計唔錯，握落手感好舒服。仲可以落d雛菊，轉飲菊普都ok麻醬腐皮卷，聽落好普通的一味菜。不過腐皮卷本身味道較清，突顯出麻醬濃味的口感，配合出來的效果又唔錯喎。藍莓山藥本身山藥口感挺爽挺清新的，配合明目的藍莓及南瓜蓉作拌菜醬料，加上煙霧瀰漫的擺設，實為抵讚的頭盤。麻辣豬耳子，豬耳唔太辣，不過麻味做足，幾適合同行不太食得辣的友人。跟住就到餐廳其中一項主打菜式﹕魔鬼天使小籠包魔鬼係墨魚汁黑蒜肉豬肉海膽，天使就係帶子豬肉魚子醬。小弟揀了個魔鬼去食，墨魚汁味道唔算太出，所以保留到其他食材，包括黑蒜肉、豬肉、海膽等。小籠包夾起唔穿是常識吧，小籠包皮薄湯熱，不過湯味略嫌較淡。自私食首選 - 灌湯餃。放心，小弟食唔哂一整個，店員會幫食客將灌湯餃分成幾客，等鍾意灌湯餃既同好唔使為食又要背負自私食既罪名。另外，中菜又係不可缺少既燉湯，我地叫了花膠螺頭干貝燉雲吞雞湯，除了好味之外，花膠對皮膚好，雞湯補身，難怪小弟每次食中菜都叫湯飲。接著食既係驚喜中既驚喜 -  古式燒烤羊腩，三種醬料。出奇地羊肉香而不羶，咬落脆而不膩，大愛之選。當然都要叫d飽肚既野食下啦，帶子粒粒炒飯! 帶子大粒飯又大碟，炒飯唔會太油，唔錯唔錯。百合木耳炒水蓮，食了咁多小炒後，總要有d清d既菜式中和下。日本溫室南瓜燴酒釀蝦球。個邊d南瓜食得架，日本溫室南瓜，大家記得唔好浪費，刮清楚啊餐廳寬敞又光猛，不論一家大小定好友相聚相信都是非常適合浪漫小屋都有埋餐牌以圖片為主，唔使估估下，可以有圖有真相。…Read More

呢間以上海菜為主既餐廳，用新式既手法將上海佳餚程現出黎。就咁聽已經流曬口水、滿心期待呀！龍門一番，門面既設計，簡潔得黎比到客人一種滿高級既感覺。o(*////▽////*)q入面環境幾闊落，設計裝飾以簡約為主。而座位方面都有分圓桌同卡位等，方便一班人或兩三個用餐。餐紙都花左心機設計，第一眼睇以為有得花大富翁。嘻！٩(˃̶͈̀௰˂̶͈́)و坐底左會有服務員問你飲咩茶，都幾多種類揀架！小編同朋友就分別揀左人參烏龍、普洱茶。茶位要每人十八蚊，都幾貴下(｡ ́︿ ̀｡)ﾉ呢到既沙鍋湯聽人講都吾錯架！不過，小編今次得兩條友驚飲吾曬。最後都冇叫到呀！下次搵多啲人黎再試下先！以下就介紹下小編食左啲乜啦(=^x^=)。蟲草花醉雞(hkd$78) 醉雞雞肉嫩滑、酒味適中，但吾系太滲得入雞肉內。面頭加左蟲草花做一啲點綴，不過不失啦。花雕醉豬手(hkd$72) 感覺上比醉雞入味、豬皮筋位爽彈稔軟。小編幾鐘意呢碟(*≧ω≦)！黃金鍋巴(hkd$78) 吾知有幾多人知鍋巴系咩黎呢？無錯拉，系炊既時候黏系鍋底既焦層。呢碟鍋巴既賣點系蛋黃味濃、脆卜卜既同時吾會太油或太乾。最近都好流行蛋黃味既嘢食，不妨一試！粒粒帶子炒飯(hkd$78) 炒得尚算香，加上臘肉豐富左帶子炒飯既味道。作為主菜都系一個不錯的選擇。魔鬼天使小龍包(hkd$58) 就咁睇個名，都應該吾會估到系乜黎。黑色，系由豬肉、海膽、墨魚汁皮、黑蒜肉組成既魔鬼小龍包。白色，系由帶子、豬肉、魚子醬組成既天使小龍包。兩者賣點都系創新、特別，而且湯汁非常豐富，值得一試！影翻張大合照先。留意翻，其實好多菜色都好大份，小編與友人最後系出盡力都系清吾曬枱面上既食物，做左大晒鬼( ･᷄ὢ･᷅ )！…Read More

朋友約食飯，聚一聚，咁食邊到就梗係叫佢諗埋啦工作太忙，總會想去食好D,坐得舒服一點啦！朋友說在荃灣新開左個商場！說好多新食店！所以我們就相約去個到揾食去到地方真係好大，我們就選擇咗食上海野！一入到去坐，店員拎左一大個木盤，木盤上有獨立包裝的茶包俾你選擇！令每一個客人可以飲自己喜愛的茶！感覺都唔錯，好細心！之後我們就點左帶子粒粒炒飯，飯好入味，都炒得幾乾身，仲要有臘腸，帶子！食落去好足料，不會太油！麻醬腐皮卷，勁足料，好味，配上麻醬，絕配！自家製千層水晶肉，層次分明，有皮的煙靭，有肉的香，又有啫喱凍的清爽，配合醋同食，係幾開胃的前菜！雞絲水晶粉皮，粉皮也做得很出色，粉皮甚為咬口，混和在麻醬一起吃，簡直令人胃口大增！小籠包，皮算是厚薄適中，不算太厚！肉質鮮嫩！香芋窩餅配雪糕，餅皮煎得夠鬆脆，餅皮層次頗多，香芋蓉夠濃甜潤澤，當你一口咬落去己經好有滿足感！仲配上曲奇雪糕，簡直一流…Read More

對於一個藝文青來說環境是非常重要的！這間食上海菜的龍門一番就岩哂我口味😁裝修很有風格，仲用了我最愛的粉色系列，幾何圖形嘅設計真係可以令我影到好多靚相。而且坐位舒服唔逼夾！如果不說這間是吃上海菜的，我還會以為這裡是coffee shop。不過來食最好book 位因為我8:30來已經有好多人等緊位了 呢到每人都可以選擇自己喜歡的茶🍵4種不同口味，更有一款岩你😆我當天揀了人蔘烏龍選好就放入自己專屬的小茶壺再加適量的熱水即可飲用！味道帶甘香自己沖自己飲，都幾得意😁 ●藍莓山藥頭盤我就叫了個籃莓山藥剛上菜嘅時候，我還以為上錯了甜品🙈煙霧彌漫，很有仙氣睇真小小原來係山藥😆😆口感爽脆！味道清涼配合藍莓醬同南瓜蓉一齊食口感豐富，而且健康 ●魔鬼天使小籠包一黑一白好特別除了顏色唔同，內裏餡料都唔一樣！黑色：墨魚汁皮+黑蒜肉+豬肉+海膽。白色：帶子+豬肉+魚子醬皮薄多汁，味道岩岩好！同傳統小籠包味道唔一樣😁新口味😘值得一試 ●手撕雞冷麵因為夏天好熱所以我想吃點冰涼的❄️就叫了這個手撕雞冷麵夏天食冷麵真係特別開胃😋 ●帶子粒粒炒飯這個帶子粒粒炒飯看顏色已經知道好入味而且好夠鑊氣，每粒飯都炒到粒粒分明而且帶子份量特別多！😋😋仲有我最鍾意食嘅臘腸叫多幾碟我都可以食得晒😆 ●芒果酒釀丸子食落有桂花幽香酒香亦恰到好處配搭新鮮芒果增加風味😋而且芒果鮮甜好味 ●奶黃高力配雪糕我其實唔知道咩野叫高力🙈見個menu 有個手指公味道應該不錯就叫個來試一下之後上網查閱原來高力是京菜一種外皮由蛋白和麵粉做成加入餡料再放到油鍋炸而成外皮鬆軟，配上糖霜和奶黃錎味道剛好不會太甜雪糕可以揀雲呢拿味和曲奇味當天揀了曲奇味味道非常濃郁😋😋可以食到一粒粒的曲奇加上朱古力一齊食實在太幸福了…Read More

一入座就有提供幾款茶給我們選擇，阿爸喜歡香片，阿媽同妹喜歡人參烏龍茶，我同阿哥就喜歡鐵觀音，可以滿足各人口味，因為每人一套茶具。真係有得玩，有得睇，仲幾好飲。自己沖泡茶別具風格。自家製千層水晶肉 $52，嘩，阿爸阿媽都眼定定望好耐，除左因爲乾冰效果夠突出，我地幾個仲又影相又拍片，過左一陣大家先起筷。水晶肉較腍身，肉易散開，雖有彈性的膠質，但由於千層效果，肉的分佈較散，質感似午餐肉，味道尚可。姬松茸燉雲吞雞湯 $168，但個湯就一絕，價錢吸引好抵飲，而且味道仲好好。原盅燉湯上，內有半隻雞、姬松茸及雲吞等材料，甚為豐富。大約分到六碗湯左右，味道濃郁，湯水清潤鮮味而不油膩，加上菇菌的清香更吸引，仲有雲吞滑溜啖啖肉。半隻雞雖燉完湯，但雞肉仍留有味道，肉質特別軟腍嫩，配清淡醬油食最岩。阿爸食左大半隻就知好味。魔鬼天使小籠包 $58，有兩款新口味的小籠包。黑色的是魔鬼小籠包，用墨魚汁做成皮，內餡是黑蒜肉、豬肉及海膽，肉香味鮮，湯汁也頗多。白色是天使小籠包，由帶子、豬肉及魚子醬做成，味道較清淡鮮甜。山東一口牛肉包$42，用鑊仔上有如剛煎煮熟，但原來膠鑊仔，厄like影相一流。牛肉餡較少，包也不算有彈性，幸好煎得香口，有大量芝麻，也熱辣辣上菜。龍門京蔥扒鴨 $168，半隻鴨得份量足夠我地幾個食，有大量京蔥，也傳來陣陣香味。鴨肉超級易離骨，肉質很柔軟嫩腍，味道濃郁的鴨味，加上京蔥特有的香同微辛及醬汁的惹味，大家都爭著食。帶子粒粒炒飯 $78除了有一粒粒帶子，仲炒得米飯粒粒分明，乾身爽口。仲有臘腸粒，更添咸香惹味，令炒飯更油潤香口。韭黃肉絲兩面黃 $68，一上菜真係要襯早食，當個麵仲脆卜卜時，伴韭黃肉絲同食。濕潤肉感加香味強勁的韭黃令味道更豐富，咬落仲有脆口麵條，口感很好。配辣椒醬味道更好，呢度的辣椒醬咸味偏重但辣度不高，幾好味。香蕉高力豆沙配雪糕 $48高力豆沙質感輕盈，很有彈性，有如食空氣甜點，加左香蕉入高力豆沙，更香更甜，內餡的豆沙細滑香甜。配雪糕冰冰涼涼，來個中西合璧好合拍。…Read More