Hidden

朋友預早成個book左呢間日式料理，因為餐廳比較細同好少位，要預早啲訂枱。係香港好少見既專食日式串揚居酒屋，係吧台形式對住日本廚師用餐。食物有溫度，食得出每樣食材都好新鮮，用最適合既方法製作佢出黎，由於廚師會係你面前製作每樣食物，所以每一啖都係即做又新鮮。💛前菜叫左薯仔沙律，正常味道，可以用黎墊一墊肚左邊呢個梅鮫魚軟骨，好咸，要配其他野食，同狂飲茶，最後因為太咸無食哂帶子三文魚籽 比佢個樣吸引左所以叫左，魚籽好新鮮，帶子有啲老，食個時痴牙緋魚子昆布 食落好有衝擊感，因為一咬啲緋魚子會係你口入面爆開，好脆實既感覺！推介🧡炸蝦 蝦肉彈嫩鮮甜，食得出好新鮮，又炸得岩岩好熟，蝦頭都可以食😆明太子炸雞胸 肉本身無咩味，但有明太子醬咸味搽夠，都幾好味芥辣雞胸肉 同樣都係靠個醬既味水牛城芝士 炸得外皮炸得脆，內面流心，芝士味香濃炸和牛柳 調味同質感較為普通蒽豬肉卷 豬肉嫩，香☺紫蘇葉秋刀魚 超驚喜既味道，外皮炸得金黃酥脆，秋刀魚仲係刺身狀態，外面裹著一層紫蘇葉，味道好夾好突出，必點!😋 😋炸鱈魚白子 必叫，外脆內creamy 😛明太子忌廉意粉 最尾以呢個意粉收尾，估唔到咁好味，意粉亦好彈滑，唔好睇啲忌廉汁好稀身，但調味係好濃郁，食哂都唔會覺得濟，我地食到最後都覺得呢個意粉結尾岩岩好，估唔到係日本料理食到比意式餐廳好味既意粉整體真係好值得過黎飲返杯，慶祝都好適合❤…Read More

✍︎︎二訪好難book嘅炸串日式小店早兩個月book先食到少爺仔食完話要encore 🫶🏻帶子三文魚籽 $45💯鯡魚籽昆布 $45令少爺仔念念不忘，兩次都要食2串⭐️限定：炸白子 $45(季節性)炸年糕 $25🧀水牛芝士 $30秋葵豬肉卷 $35明太子意粉🍝 $65/S size❥整體都好滿意(´▽｀)每串上菜都要啲時間 慢慢品嚐••••••••••••••••••••••••••••••🔎串揚＆酒処 「秀殿」 銅鑼灣渣甸街54號富盛商業大廈3樓D室••••••••••••••••••••••••••••••…Read More

好食嘅炸串係應該儘量用最少嘅炸粉去處理食材，起碼你自己都知道食緊咩。好多地方炸到好厚，跟著入面食咩你都唔知。🤷🏻‍♂️梅子豬肉帶點酸甜配合豬肉，味道不錯👍🏻!大葉香味加蝦好爽口。✅梅子豬肉卷✅大葉蝦✅蓮藕✅𝐖𝐚𝐬𝐚𝐛𝐢 雞肉✅水茄子（季節性）✅帶子三文魚籽📩Email Rating: 🌝🌝🌝🌝🌝如果有好食嘅炸串都可以介紹吓🍢*DM me for more commentsFollow⬇️⬇️@EmilCheungSports@EmailEats…Read More

到底日本匠人打理係咪就可以搵返日本既感覺呢？今次黎到位於旺區銅鑼灣既 秀殿 ，主力由2位日本師傅打理，店內位置不過20位，只接booking，不做walk in，好彩既話2星期後都有位既，所以想食依家就好book定喇🤣🤣🤣一入去，感覺成個格局好似Osmakase，本身有啲擔心價錢會super crazy，坐低睇左menu之後，又唔係咁誇張喎，都鬆返一口氣。主力食炸物既 秀殿 ，亦有唔少佐酒小食，成個menu比你既感覺就係冇可能唔嗌酒，所以佢都有一系列酒類供應，絕對滿足你既需求。除左主menu，牆身都有一系列廚師推介，大部分都係一啲時令食材，好似白子就係其中一樣喇。螢光魷魚沖漬調味同係外面食到既基本相似，但係口感係比較爽脆，而且魷魚既大細亦比出面大，明顯係自家出品。時令食材真係冇得頂，如果中意食依種油潤感，食落似豆腐咁滑既口感，白子一定唔可以錯過。調味上，微酸汁主要係為左避免食得太多既膩感，辣蘿蔔蔥花同昆布就輕輕為本身味道唔濃既白子加添底味，整體食落係輕盈既。生蠔👦🏻本身係蠔既忠實粉絲，見到有蠔就會想食，老實講，依度既蠔不過不失啦，但你唔會想浪費左一個quota，所以建議你食其他野😂😂😂烤至外表焦香脆口，唔係出面買果種死咸味道，用黎送酒一流。醃鰹魚肝芝士唔少居酒屋叫依道菜做芝士酒盜，用濃味既醃鰹魚肝配上同樣濃味既軟芝士，味道既配搭相當特別，十分下酒，但佢就好似榴連咁，中意既人好中意，唔中意既人掂都唔想掂，全屬個人喜好。店長推介之一，一開始以為冇咩特別，薯仔沙律可以有幾神奇，第一次推介比我地，我都冇嗌到，點知第二次佢依然堅持，好啦，就咁試左，點知！真係出乎意外，薯仔本身打成左蓉，入面既材料雖然同普通薯仔沙律冇乜分別，但係每種材料個切法都唔一樣，食落有唔同層次既口感，而且薯仔同沙律醬既部分雖然冰凍，但明顯其他食材就溫度就冇咁凍，所以口感上先保持得住，所以全部都係心機活，小小心思令依個普通既菜式變得非凡。青森蒜頭炸至相當淋，食落好似薯蓉一樣，蒜味相當濃，有平時食牛扒伴既原個烤蒜頭既影子。萬願寺青椒串如果食得太膩，可以嗌一串，當食菜，但味道相對比較普通。水牛城芝士炸得相當香滑，入面已經溶晒，味道香濃，同西式炸芝士相類似，濃烈既芝士味佐酒一流。皮薄香脆之餘，鮑魚本身內裏仲未炸到全熟，外脆內軟食到最後仲有鮮味，加上肝醬作調味，係未試過既味道。推介之一，帶子鮮甜，薄脆口感，加上凍凍既蛋沙律，冷同熱既溫度差已經形成好大既沖擊，再加上三文魚籽比上另類脆身口感，係脆同軟滑中又玩左另一種感受。雖然口感味道複雜，但又平衡得岩岩好，可以食得出師傳巧妙既心思。未食過既味道！！！佢本身係一個漬物，魚籽中間夾住昆布，脆皮下係一個結實既凍魚籽，口感有少少似大塊版既希靈魚，只有魚籽果part，味道主要黎自昆布，唔算重味，主要係食口感。炸海鰻魚可能因為係炸既關係，佢並冇太多醃料做調味，令感覺似炸白身魚，冇乜特別，建議唔需要嗌。對蠔愛好者👦🏻黎講，算係不過不失，但又唔特別到必食，亦係可以唔食都唔會有遺憾。店長推介之一，蝦本身非常新鮮，炸完熟度既拿捏又係完美之作，蝦頭再以話係最畫龍點睛既部分，用左相對高既油溫將佢炸得相當脆身，蝦頭既蝦膏濃香，食完馬上想再食。炸蟹腳相比之下，蟹腳雖然都鮮甜無比，但就比蝦比下去，相對層次感少左，雖然熟度控制都係咁完美，但驚喜度就冇蝦咁大。店家推介之一，雞胸肉炸完依然好嫩滑，但肉本身冇乜調味，主力係明太子醬度，但明太子醬又唔算好濃，飲酒飲到咁上下會覺得味道唔夠，所以依款可能要早少少點先好😂😂😂都係冇乜調味既系列，不過入口口感認真不錯，未去到入口即融，似係溫煮既質感，係牛肉界既豆腐，不過對重口味既👦🏻黎講，亦係唔係必點之選。食依種炸串，一般黎講都係送下酒傾下計，要食到飽基本有啲困難，不過佢都有幾款飽肚既澱粉質供應，茶漬飯調味平衡相當好，茶香明太子咸香再加上香葉鰹魚湯味道，可以幫助解膩，同時又飽肚，係唔錯既選擇。冇諗過一間炸串舖竟然可以食到咁好味既意粉，雖然又係明太子，但經過忌廉調味又係另一種風味，依種和食意粉汁醬較稀身，但味道依然保持到濃郁，意粉煮得岩岩好，可以話比好多和食店做得更好。成個氣氛真係好岩去回味日本道小店，2至4個人去傾下計飲下酒，唔好以為👦🏻一次食左咁多野，係分左2日，仲要係連住2日，你就知到底有幾正，幾值得一去！…Read More

還記得有間人氣蛋包飯專門店叫「秀殿」嗎? 就是這裏的前身，日藉老闆重新裝修，換成現在濃濃和風味賣串揚的居酒屋。師傅和大部份座上客都是日本人串揚炸得出色，外層粉漿輕薄鬆脆，內層食材鮮嫩多汁。居酒屋酒一定不少了，秀殿的酒牌最少1CM厚(普通紙厚度)。做日本人生意當然主打燒酎，不同種類的燒酎如芋、麥、米、黑糖燒酎等都有，還有不少清酒選擇。另外他們的杯子都是不同款，漂亮又特別!秀殿的環境和風得很，簡潔的淺木色裝修，長長的吧台，幾張木台。服務也是，席間會不斷供應椰菜片及味噌，下下火。值得一提，他們四時才打烊的（所以我電話已支持不住，沒有串揚照片了），可以慢慢和朋友把酒談心。還有個露台可以呼吸一下新鮮的空氣。會日文的更可以跟其他客人聊聊。席間會不斷供應椰菜片及味噌，下下火。炸得出色，油溫控制得好，外層粉漿輕薄鬆脆不油膩，帶子鮮嫩多汁，還帶點點溏心!帶子上的蛋沙律混入了大根，為這串揚加了點爽脆口感和輕盈，值得一提BB醬不會下得過多蓋過主角的味道。最上面的彭拜三文魚籽鹹鮮，外形和味道都生色不少!他們的杯子都是不同款，漂亮又特別!喝起來像七味粉味，頗辣又持久，有趣體驗好客日藉師傅，會說點點廣東話，會不會日文也可有說有笑。舊碟呀!!一問之下原來傳了三代，我跟老闆說我不忍心它用來serve客，師傅說它有人用才會開心，很日劇的對白，希望我下次來還看到你們。還有舊杯! 你們真可愛!夜了要由這門進出帶著醺地離開更多食店足本推介請留意Scribbling Bread…Read More

短少、金黃、穿上貼身同色的衣裳、外表參透不了內在；入口薄而脆香、不油不膩、鮮嫩多汁。能猜到是哪一種食物嗎？我對日本文化的認識非常膚淺，幸而天生愛吃，藉著飲食從而加深對日本文化的學習。「串揚」源於大阪的街頭小吃，用竹籤串上各式食材，然後沾上炸漿烹調，可納入炸物的類別。從日本人細緻和一絲不不苟的精神，「串揚」又怎會是上述所言那般簡單。1. 竹籤的長度也經過細心量度，不短也不長，串上食物後，餘下的長段足以使客人輕鬆拿起，並順暢地放入嘴巴；2. 不是所有食材都適合做「串揚」，除需要特別篩選，也會因應食材類別而切出不同形狀，務求炸出來的效果完美；3. 炸漿要做到輕巧細薄、稀稠度剛好能緊貼食材，但又不會在炸的過程中鬆脫，基本上每家食店會有自家調配炸漿秘方；4. 一般會使用大豆油，令「串揚」有著清爽的效果，然而「串揚」要做到不油且鮮嫩多汁，油溫的掌握正是一大重要元素。在香港，主打「串揚」的店子不多，是晚跟友人們來到「秀殿」。大家先以薯仔沙律作前菜，薯仔幼滑香甜，小小的份量，不會太佔胃！調味料分別是海鹽、醬油和海鮮醬，可根據不同食材和個人口味蘸上。香魚仔英文名稱為 Ayu Fish (Baby)，是春天特別的餐單。小小的魚兒，富有魚香，也許魚骨太柔弱，嘴巴完全感覺不出來，可整條吞下！從第一串已感受得到「串揚」對竹籤長短的掌握，令人吃得很自然。對比串燒的竹籤較長，有時候需要慢慢將食材退出，但「串揚」沒有這個麻煩，或許「串揚」對不同食材有不一樣的切法，吃得較為輕易。酥脆的外層使和牛柳更形鬆軟和滑溜。肉汁被炸漿鎖死，顯得特別豐富，而牛香更隨著豐富的肉汁漸漸透出，「串揚」的做法令和牛柳與別不同！形狀如波浪的魷魚非常新鮮甜美。嚐過幾款「串揚」後，精通廣東話的日籍侍應給我們送上生椰菜和醬料，將生椰菜輕輕沾上甜辣的醬料，整個喉部好像給洗擦一遍，感覺清新，又可以跳進下一回合作戰。先來一客野菜炸魚餅，魚餅煎得甘香、混雜野菜的魚肉富有彈性和甜香，水準不差，可是口味不算獨特。跟著送來的是梅醬鮫魚軟骨和年糕。黏性強勁的年糕呈圓球狀，帶點可愛，入口淡淡的鹹香，是較為純樸的「串揚」。梅醬鮫魚軟骨的梅酸度頗為強勁，有著振奮的效果。纖細的魚軟骨無異是爽勁過人，與牙齒觸碰時會產生清脆利落的聲音，可是梅醬豐郁的氣味卻未能掩蓋濃濃的魚腥，否則這道富有特色的梅醬鮫魚軟骨，定是我嚐「串揚」的必備。不用多說，一咬蘆筍的鮮清菜汁已在口腔內蕩漾。蘆筍被煙肉重重捲起，鹹香的煙肉非常惹味，反而蘆筍的比重較少，即時呷一口啤酒或清酒最適合不過！細小的茄子經過炸煮後，依然能達到軟綿的口感，證明「串揚」技巧之妙處！日本蠔、蟹肉和冬菇三款「串揚」令人有著驚喜！香脆的炸漿滲出蠔隻香甜的流心，還有豐厚的蠔香，真不禁叫人「Encore」！蟹肉實際是原條的蟹腳，經炸後，不失蟹之鮮味和香甜！冬菇厚身、香氣怡人、質感緊緻之餘，亦同時富有彈性，是特別美味的炸冬菇。我喜愛蕃薯。呈三角狀的蕃薯，入口粉軟香甜，就是滿足了！帶子三文魚籽是當晚最重型的「串揚」，吃時要相當小心！「噗通」一聲便將三文魚籽的脆彈的外層咬破，然後流出鹹鮮的汁液，非常滋味。而主角的帶子，非常厚身，保留鮮甜嫩滑的口感。腐皮壽司是最普通不過，可是這麼胖胖圓圓的，還是第一次遇上。猜不到腐皮米飯的肚子裡，還釀有清菜和冬菇，除了美味，更教人有著驚喜。最細心的要算是酸薑，令人吃得更加開胃！「秀殿」除「串揚」外，亦可找到一些配合「串揚」的食物，例如湯烏冬、茶泡飯等。嚐過「串揚」後，我們決定來點鍋物。首先是清澈如河流的豆腐鍋。吃前先將三款調料放入醬油中，包括柚子胡椒醬、蔥花和薑蓉。無論是湯底，或是醬料，整個豆腐鍋的味道也非常清淡，當中的豆腐已算是最味濃的食材了。也許「秀殿」在客人嚐過「串揚」後，固意讓豆腐鍋的味道來得更加清淡，不過幾乎如白開水的淡然，卻不是每個人都能接受！蟹腳鍋的味道就是剛好，湯式清甜帶有隱約的酸味兒，不光豆腐、冬菇、清菜和蟹腳，我們連湯也喝掉，令人非常舒暢的蟹腳鍋。「秀殿」是愈夜愈美麗的食店，週末更營業至早上四時多。無他店員友善風趣，女廚師細心地將「串揚」即時逐一製作，以我個人口味而言，根本不用蘸上任何調味，手握一串輕巧，但卻如黃金的「串揚」，便是領略香脆與鮮味共融的由來，相信除了甘香可口，適合把酒言歡外，「串揚」還是一種值得欣賞的烹調藝術。…Read More

我從未食過炸串，上次去大阪都冇食到呢個名物。可能因為自己屋企都會炸嘢食，覺得冇咩技巧何言，駛乜俾咁多錢出去食唧。後來睇多咗日本飲食節目，先知道原來炸串都好多講究，從油嘅種類，温度，炸漿，麵包糠，到材料，蘸料都有研究，實非小弟所以為嘅手辦眼見功夫。秀殿呢間隱世小店，座位大概十五個，裝修簡潔，吧枱座位可與日籍老闆及女廚師傾談飲食心德。老闆同廚師之前响附近開餐廳賣蛋包飯，當時人頭湧湧，坐無虛席。大半年前將餐廳結業，轉陣到現址賣炸串，客人八九成係日本人，老闆同廚師都操流利廣東話，餐牌中日對照，咁就唔駛驚點錯餸啦。坐低第一件事就梗係揀酒先啦，燒酎，梅酒，啤酒，連紅白餐酒都有，燒酎梅酒個list有成十四板，上百個選擇，唔識嘅可以話老闆知你鍾意嘅口味，佢會盡力介紹。我同啲人先來一個House shochu，味道清爽，偏淡，易入口。另一杯茜霧島，帶點花香，用芋花酵母釀製，味道較烈。有酒就點少得酒盜芝士呢，極軟滑嘅忌廉芝士，牛奶味香，唔會太搶，夾住鹹香嘅酒盜(鰹魚肝漬)，芝士中和酒盜嘅腥味，入口甘香，下酒佳品。上炸串前，店舖供應椰菜片及味噌，客人可邊吃炸串，邊吃清爽嘅椰菜蘸味噌中和油膩感，廚師將麻油伴入味噌，甚具風味。老闆亦同時介紹炸串嘅蘸料，燒汁(sauce)，柚子汁(ponzu)同岩鹽。好戲開始，第一道芝士火腿。鹹香嘅火腿夾住芝士一齊炸，邊有得輸! 熱騰騰嘅芝心軟滑，咬落去真係要好小心，芝心隨時煮熟你個咀。不過太好食，而且喚起兒時口味，邊度等得切攤凍呀。煙肉包蕃茄，電視劇深夜食堂名物之一。脂肪平均嘅煙肉，比一般煙肉淡口，包住飽滿嘅車厘茄，入口爆漿，蕃茄味酸甜醒胃，為黎緊嘅美食作好準備。新環境令我東張西望，眼尾睄到枝燒酎嘅招紙有個矇面超人咁款嘅嘜頭，咪問老闆咩黎。佢二話不說就倒咗啖我試，入口以為冇咩嘢，兩秒後，嘩! 辣椒味十足，仲幾好飲添，不過唔飲得多。跟住就到和牛啦，年幾前响神戶享受過，今日再食依然興奮。牛肉有肉味兼且鬆化，滿口肉汁油香，一啲都唔膩，食多幾串都仲得。接住落係紫蘇梅子雞胸，炸雞胸串上唧一行梅子蓉，上面灑紫蘇葉絲。紫蘇同梅嘅香味入口爆發，雞胸軟嫩到冇朋友，一向以鞋見稱嘅雞胸肉，竟然可以咁多汁咁冧，夾埋梅子嘅酸，味道同口感帶黎嘅刺激，直情係高潮。帶子三文魚籽，賣相了得，難怪大多數客人都點呢個。大大隻炸到金黃色嘅元貝，肉汁鮮，一啲都唔腥，舖上帶子碎大根粒沙律，大大粒鮮艷奪目嘅三文魚籽，好想一口大快朵頤。可惜隻帶子真係太大舊，好難一口食哂，一咬就散開，影響食感。炸日本蚝我都做過，但就始終好難做到，皮薄鬆脆，內裡多汁飽滿。滿以為自己做嘅都不過不失，經秀殿一個棒喝才知道自己自大。人家嘅除外脆內軟外，蚝汁被麵衣密密封好，一滴不漏，麵衣沒因蚝汁而濕軟，蚝身緊緊熟，半條筋都冇，蚝肉清甜，日後炸蚝都係出黎食好過。呢個時候啲人示意酒杯已乾，係時候再來。為了滿足味蕾，我點咗一set燒酎(麥，芋，米)，三種味道分別很大，米燒酎味清且香，芋燒酎果香味甘，麥燒酎味濃且辣。得三細杯邊夠我哋飲吖，俾我見到枝椎茸(冬菇)燒酎，我點會唔試呢，不過女廚師話昆布燒酎仲好飲，咁就要試試啦。果然冇介紹錯，昆布嘅umami同燒酎出奇地配合，回甘時可以清楚嚐到淡淡昆布味。臨近尾聲，實情意猶未盡，食埋串軟糯嘅麻糬再叫過。明太子雞胸，同紫蘇梅雞胸差唔多，不過都係紫蘇梅好食啲。鱚魚散發油香，入口溶化，魚味香甜。至於原條香魚(Ayu)，甜味更甚，唯內臟味太濃且腥苦，影響食味。最後又點可以冇茶漬飯呢，炸串過後，來個梅子茶漬飯，油膩感盡消，幫助消化。食後感: 炸串俾好多人嘅感覺係油膩熱氣唔食得多，但當炸串嘅材料，用油，温度都咁講究，出黎嘅炸串實在同炸三寶係天淵之別。而且日本人相信, 用麵衣包裹新鮮食材, 最能確保食物嘅原味肉汁得以全面保存, 麵衣亦能保護食材被免焦乾. 主廚會因客人食速而烹調炸串, 每串都新鮮熱辣, 非常細心. 經此一役，方知炸串有著非一般嘅學問。 …Read More