Hunger Point

📍Hunger Point , Central 中環想食小食過口癮，諗左好耐，係中環區邊度可以食度雞蛋仔😂 上網搵度依間小食鋪，諗住試下GE心態，點知出奇地真係好驚喜😍雖然鋪頭本身主打墨西哥小食， 但竟然有雞蛋仔賣😂😂🍫 布朗尼朱古力雞蛋仔 $28熱炳炳同埋外脆內軟😍😍 每一粒雞蛋仔都充滿朱古力🍫🍫味道非常濃👍🏻唔會覺得好溜👍🏻👍🏻中環搵度依個價錢仲要幾好味，絕對係高質雞蛋仔😆…查看更多

Hunger Point有又潮又玩味嘅擺設，一場嚟到呢間Taco店，梗要試下佢哋嘅招牌菜：WTF Pork Belly Taco ~ Tomato Salsa・Guacamole十五味豬腩肉栗米捲 HK$46豬腩肉同Taco呢個配搭新鮮噃，港墨合壁咁但食起上嚟又唔錯。我揀軟Taco，佢哋嘅餅皮係好有栗米果種粉嘅質感；豬腩肉醃得惹味帶點麻辣，唔多食辣嘅我都表示接受到。配料好豐富有牛油果醬、蕃茄salsa，唧啲青檸汁一齊食幾清新Harajuku Taco Rice Bowl ~ Miso Salmon・Grilled Broccoli・Lettuce・Pickled Mushroom・Cherry Tomato・Guacamole・64° Egg・Nori Flake味噌三文魚飯 HK$88個Taco飯份量好足，無飯不歡嘅我最啱食。味噌三文味道香口濃郁，煮得嫩唔會太乾。隻64°溫泉蛋上枱時，蛋白仲喺度震震下，撈飯令飯粒沾上蛋汁，食落滑捋捋富蛋香。配料有日本車厘茄、烤西蘭花、野菌、紫菜&日本芝麻等，好香好好味Brownie Chocolate Chip Eggettee布朗尼朱古力雞蛋仔 HK$28我鍾意食朱古力，雞蛋仔又啱，呢個組合fit晒我口味。較厚身的雞蛋仔趁熱食外脆內軟，朱古力粒勁多，瞬間成底比我KOStiegl Grapefruit Beer西柚味啤酒 HK$32嘆住香口食物飲番支冰凍啤酒，味道清新甘甘地，爽Hunger Point中環歌賦街45號地舖…查看更多

之前見到好多人介紹呢間食墨西哥taco嘅中環小店，但一直bookmark咗無去試到🤨 琴晚趁住weekend終於過咗去試一試佢，估唔到呢間專食taco嘅小店仲有雞蛋仔賣添，今次就為大家介紹一下呢間咁fusion嘅小店🤓🔸 𝙷𝚊𝚛𝚊𝚓𝚞𝚔𝚞 $88呢個係一個rice bowl嚟，不過我同朋友嫌食太多飯，將一半飯轉咗做沙律🥗 面頭嘅配料好豐富，有味噌三文魚、牛油果醬、烤西蘭花同溫泉蛋等等😍 所有配料夾埋一齊真係好match！特別鍾意佢個牛油果醬，超滑超smooth！😋🔸 𝚇𝙾 𝙿𝚛𝚊𝚠𝚗 $46過到嚟點可以唔嗌taco呢！我哋揀咗個超級fusion嘅配搭，係臘腸配XO醬大蝦😳 平時食開嘅taco都係軟身較多，我哋見到佢有crispy版，仲要外型好似雪糕咁，即刻嗌咗嚟試🤪 估唔到呢個配搭超級有驚喜！臘腸炒到好香，配埋XO醬大蝦，好正好惹味，仲配埋啲脆米沙律，成個taco嘅口感好豐富，推介！🤤🔸 香脆雞翼 (4𝚙𝚌𝚜) $48小食方面，我哋嗌左香脆雞翼，無諗過佢每一隻雞翼都超大隻🤩 外皮炸到好脆下，咬落去肉質仲好juicy，可惜食食吓有少少皮肉分離嘅感覺，塊皮一咬就分開咗🤣 我哋仲用啲雞翼試咗佢枱面唔同嘅辣椒醬，有差唔多十種咁多，慢慢試好過癮😆🔸 布朗尼朱古力雞蛋仔 $28見佢呢度有雞蛋仔食，當然要嗌返份，嗌咗朱古力味🍫 雞蛋仔即叫即整，外皮整得夠挺夠脆，內裡軟熟，每粒都有朱古力粒，小小溶，真係幾唔錯😌🔸 𝚂𝚊𝚕𝚝𝚢 𝙻𝚒𝚖𝚎 𝚂𝚘𝚍𝚊 $8呢個係名正言順嘅鹹檸七梳打，正正常常，同喺泰國餐廳飲嘅差唔多。🔸 𝚂𝚝𝚒𝚎𝚐𝚕 𝙶𝚛𝚊𝚙𝚎𝚏𝚛𝚞𝚒𝚝 𝙱𝚎𝚎𝚛 $20西柚啤真係第一次試，原來又幾唔錯喎😋 味道酸酸甜甜令到啤酒好易入口，送taco一流！總括而言，呢間餐廳食嘅taco同rice bowl都好好味，配搭超級有創意😳 又有邊個諗到加臘腸落taco到原來係咁夾！？另外，間餐廳嘅裝修係行工業風，有啲水管係牆上面🤣 但又不失懷舊嘅味道，將啲黑膠唱片痴哂係牆上面，整體好鍾意佢個環境！🤩…查看更多

喺上環橫街小巷有不少特色美食， 一路走上PMQ 經過歌賦街， 遇見這間主打墨西哥卷餅的小店， 店舖顏色裝修好sharp 好醒神， 咁啱見到有set lunch， 咁地道嘅美食梗係要入去品嚐。Daily lunch set combo $88套餐包括 daily taco, taco rice bowl 和飲品。相當豐富，而且肯定夠飽。Daily Taco : 港式沙爹牛肉融合港式茶餐廳美食, 並排夾硬來的fusion， 選擇了 soft taco, 唔會太乾，軟身但不太腍， 夾着沙爹牛肉 ，洋蔥， 茄蓉，芝士， 雖然小巧但係材料非常豐富， 而且十分美味。味噌三文魚碗飯， 放了味素伴飯唔錯👍，三文魚經味噌醃製過 又有日式丼飯嘅feel😀朱古力燕麥奶先飲到朱古力味隨後有好濃嘅麥味， 唔會太甜。還有泰國嘅梳打水！👍👍Red bird好期待試下真正嘅墨西哥辣雞。 顏色好靚，好想會噴火嘅辣不過 絕對溫和， 我又試咗後面幾款辣椒醬汁， 燒烤味， 醬油味。。款款都有特色～👍😍， 配合辣雞更惹味刺激！ 特別喜歡加上的乳酪 👍布朗尼朱古力雞蛋仔非常足料！我覺得雞蛋仔好聚手👍 比坊間那些空氣雞蛋仔 更足料， 剛焗起外皮夠挺夠脆， 裏面 軟熟又有蛋香， 朱古力好香甜，是一份非常窩心嘅甜品～…查看更多

-𝗢𝘃𝗲𝗿𝗮𝗹𝗹 𝗖𝗼𝗺𝗺𝗲𝗻𝘁-環境 ：8/10服務： 8/10味道： 9.5/10影相： 8.5/10性價比 : 7/10回頭率 : 8.5/10➖➖➖➖➖➖➖➖➖➖➖➖➖➖➖中環隱世小店 𝗛𝘂𝗻𝗴𝗲𝗿 𝗣𝗼𝗶𝗻𝘁𝗖𝗿𝗼𝘀𝘀𝗼𝘃𝗲𝗿 本港傳統 x 墨西哥特色夠哂 𝗚𝗶𝗺𝗺𝗶𝗰𝗸 之餘，仲要好高質特別係D細緻位，都處理得好好😍小店主打 𝗧𝗮𝗰𝗼卷餅，𝗥𝗶𝗰𝗲 𝗯𝗼𝘄𝗹同創新雞蛋仔款式雖然吾算好多，但款款都有獨特特色選擇恐怖症者要小心🙆‍♀️.©𝗛𝗮𝗿𝗮𝗷𝘂𝗸𝘂 $88個人覺得，呢個𝗥𝗶𝗰𝗲 𝗕𝗼𝘄𝗹其實好有日式𝗳𝗲𝗲𝗹🙈以味噌三文魚為主調醃至入味，肉質結實吾會嚡，酥脆香口伴碟有牛油果醬，生菜絲，烤西蘭花日本車厘茄，野菌，64度溫泉蛋同海苔等伴勻一齊食，口感極之豐富又富有層次感西蘭花烤得鬆化，野菌微酸開胃即使係配角，但味道毫不遜色呢💕.©𝗠𝗲𝘅𝗶𝗰𝗮𝗻 𝗖𝗵𝗶𝗰𝗸𝗲𝗻 $46可以揀兩種口感，軟皮同脆皮軟皮墨西哥薄餅包裹住墨西哥辣雞，牛油果醬蕃茄莎莎同車打芝士，4個元素車打芝士更用火槍燒至半溶，味帶焦香再唧D青檸汁落去，醒胃解膩.©布朗尼朱古力雞蛋仔 $28即叫即製，仲可以現在觀看成個製作過程🤣外層香脆，每粒雞蛋仔都有足料布甸尼朱古力所以食落朱古力味勁濃郁😋另外仲有5款港式口味，如臘腸味，芝士火腿味等同場見到有人叫左特別版嘅蘿蔔糕雞蛋仔蘿蔔糕嘅香味圍繞住整個店舖🙈心中暗暗決定：下次一定要食呢個特別版🥳…查看更多

放假約左朋友行西高山，行山前就去左Hunger Point食野，位於中環歌賦街45號，門面招牌係簽到打卡既圖案，非常易認，而Hunger Point前身係Oddies，依家主打甜筒造型Taco，墨西哥小菜再配合加港式風味，新鮮感十足小店裝潢走型格路線，一入門就見到牆上黑膠唱片，有BEATLES、周慧敏、張國榮等等，相信應該係老闆既珍藏，再行入去就見到有bearbrick公仔，相當可愛，座位唔多，一排高櫈，牆上掛上水管同電燈泡，非常型格店內防疫措施都好足，有厚身透明膠板，又設有消毒酒精，仲有紙巾可以放口睪，幾貼心Taco有7種口味，賣$46，可以選擇脆餅或者軟餅，買2件價錢就$88，貫3件就$130，買得多就平得多，此外仲有Taco Rice，用左絲苗米、茉莉香米、日本珍珠米去混合，淨係飯都非常花心思配合新年仲出左蘿蔔糕雞蛋仔，入面加左蘿蔔糕、蔥同XO醬，不過價錢就要$68，相對就比較貴點餐要出去點，之後店員會送上，暫時淨係收現金或者PAYME，仲有一個飲品雪櫃，客人自行攞又一同付款，點完就坐定定等食野每張檯都放左近10多枝辣醬，每款都唔同，包裝都幾得意，唔夠味可以加黎食，辣味強度各有不同，可以問一問店員1. Mexican Chicken $46用左紙杯去托住甜筒造型脆餅，好聰明做法，客人易攞，食時又唔會跌到周圍都係，TACO炸到好香脆，好似食緊雪糕筒一樣，入面放了滿滿牛油果醬、蕃茄莎莎同芝士，仲有青檸讓客人自行調味脆餅外型好吸引，色彩鮮艷讓人食慾大增，雞肉用左多種香料去醃製，味道微辣，惹味香口，切成粒狀方便食用，雞肉本身唔乾身，份量都唔少，食到底都食到雞肉仲有牛油果醬和蕃茄莎莎兩大健康蔬果，蕃茄打碎成蓉，清新之餘又有獨特的酸味，又可以平衡肉既油膩感，芝士增添蛋白質和鈣質，美味與健康兼顧，同時又帶出咸香味，整體平衡感幾好2. Market Fish $46軟身餅皮貼近平時食開TACO，卷皮煙韌有咬口，唔會好油膩魚市場顧名思義有魚，魚熱辣辣炸好，炸漿薄身，魚肉嫩滑，入口幾有肉汁，仲有青蘋果青木瓜沙律及蕃茄莎莎，清新的選擇，適合香港人口味的青木瓜沙律，減了辣但一樣醒胃美味，口感豐富3. 布朗尼朱古力雞蛋仔 $25即叫即製雞蛋仔，同之前Oddie一樣，外脆內軟口感，很有口感，富蛋香，中間仲有好多朱古力，分得好均勻，不會有食空氣的感覺，每粒都好濃郁朱古力味，唔會好甜…查看更多

墨西哥嘢小弟都鍾意食，因為都幾夠特色，不過，就好少刻意去搵。晌上環返工嘅老友告之，晌歌賦街近尾新開咗間小店，主打墨西哥美食，都喺開咗兩個月左右，叫我有興趣嘅話可以去試試。所以，今次專誠走訪一下。咪睇佢門口細細，其實，個鋪位都幾深，而且，樓底超高，加上只有面壁嘅單行高腳位，所以，完全無焗促感。近門口嘅一排位，牆上裝有好多水管及電燈泡，有種走工業風嘅味道。而對住嘅另一邊，卻掛咗好多張黑膠碟，睇怕喺店主嘅珍藏。再走入少少，就晌樓梯底嘅一角，擺放咗一隻道具大衣夾同一啲公仔，反映店家俏皮嘅一面，呢個亦喺好多人嘅打卡位嚟。最入面仲有一排位，風格有啲唔同，較光潔明亮，而且，牆上則貼滿唔少餐廳嘅食物照。此外，我幾鍾意佢哋啲防疫大膠板，厚身夠大塊，又可移動，如果自己一個嚟都可以間成一人位，自己縮埋一角。上文都講過餐廳喺賣墨西哥嘢，主力就喺墨西哥薄餅（Taco），可以揀脆嘅或軟嘅，定價$46一件，但同時間買2件或3件就會再平啲。此外，仲有將墨西哥嘅特色食材配以飯或沙律做成嘅Rice Bowl或Salad Bowl，定價$78/$88。另外，亦提供少少甜點選擇，就喺有港式元素嘅雞蛋仔，以及低脂軟雪糕。無論點Taco，還是Taco Rice (or Salad) Bowl，都可以以優惠價$8 / $25加配非酒精飲品或酒精飲品。咪睇張單張有咩嘢飲揀，因為實際唔止咁少，行埋去凍櫃睇睇，就見到有更多選擇。落單後就搵個位坐坐，之後會由店員送上嚟。此時，你就會發現店家提供超多款唔同味道嘅辣醬俾客人自由取用，一齊排排晌枱面，都有少少壯觀架。Red Bird – Taco Rice Bowl $78我幾鍾意佢哋每款菜式都印晒啲食材出嚟，清清楚楚，免得點咗啲唔啱食嘅嘢。呢款「紅鳥」就有墨西哥辣雞、生菜絲、牛油果醬、烤粟米蕃茄、芝士、酸忌廉同玉米片，嘩！唔喺講笑，啲料堆滿成個碗面，而且，搵啲飲品對比吓，你就個個碗有幾大，真喺飯量、餸量都十足，絕無欺場。先喺玉米片沾啲酸忌廉，當喺餐前小食，之後可以一啖飯、一啖餸，再唔喺就撈勻嚟食。啲雞肉都堅辣，但就好惹味，拌勻埋啲牛油果醬、烤粟米蕃茄、芝士、酸忌廉，味道豐富又有層次。No Meat Today – Taco Rice Bowl $78呢一款就擺到明喺素食啦，食材包括有天多利玉子豆腐、堅果、羽衣甘藍、日本車厘茄、烤粟米車厘茄、野菌、羊奶芝士、牛油果醬同枝豆，陣容鼎盛呀！一向素食予人感覺都喺單調、清淡，但呢個絕對唔會囉，尤其以印式嘅天多利處理啲玉子豆腐，又加入羊奶芝士，自然味道多變；再者加上果仁碎碎、烤粟米粒、枝豆……等等，口感豐富，而啲白飯又好軟熟，喺甚有亮點嘅一個素食飯品。UCC咖啡、道地蜂蜜綠茶 +$8正價要$15一罐，但加配價只需$8，都好合理嘅價錢。仲見有啲特色嘅酒精飲品，有興趣嘅朋友不妨一試。見佢哋有賣雞蛋仔，都心思思想試，因為都好多年無點晌街食過。所以，先食完啲飯，再睇睇情況。最後，心癮大都喺要試試，共有6款口味，即點即做，仲可以睇住成個製作過程。布朗尼朱古力雞蛋仔 $28既然當喺甜，當然揀配布朗尼啦。整好即食，當然夠「新鮮」啦，入口外層香脆，裡面卻喺軟綿綿，密度高，唔會得陣風咁。咬正有布朗尼粒嘅，濃香嘅朱古力味大爆發，又多咗種實淨感，搵布朗尼做雞蛋仔真喺幾夾。除咗食物做得出色，性價比高之外，亦留意到佢哋所用嘅碗、盒、刀叉都喺較環境可循環再做嘅物料。再者，店員亦好有禮，環境感覺又唔錯，多謝友人嘅介紹，呢餐確喺物有所值。…查看更多

工作需要經常要遊走不同區域剛巧可於六點前趕上堂食店內裝修很有格調，兩旁都是吧枱，感覺很chill走墨西哥菜路線，但菜式同時又融合一些港式的想法所使用的餅皮均用玉米粉自家製Mexican Chicken - $32傳統U型的墨西哥夾餅感覺較地道豐富的食材顏色就如墨西哥般鮮紅彩橘的繽紛烤雞肉用多種香料，入面依然濕潤嫩滑牛油果醬和蕃茄莎莎帶出嗆香酸爽滋味，芝士又拉扯中飄出郁香餅皮較軟身，有嚼勁韌度WTF Pork Belly - $32經改良的墨西哥捲餅，呈雪糕筒形狀，口感較酥脆十五味豬腩是店家的招牌，以十五種香料包括些中式香料，味道較貼合香港豬腩肉肥美霜降勻稱口感柔嫩，肉汁香甜四溢，肉味香濃Estrella Damm Lemon +$25自西班牙的經典檸檬風味啤酒地中海地區的檸檬特別香氣重帶淡淡橘子樹花香、一點點海風的鹹味水果味重，極少苦味，容易入口和有回酸感酒精含量只有3.2%有酒不醉人布朗尼朱古力雞蛋仔 - $25即叫即製帶來特別外脆內軟的口感中空位置充滿朱古力，味道濃郁…查看更多