Flames (海濱匯)

Open Now

Now Closed

暴風雨過後，梗係去搵間餐廳 chill 下，好好過周末！海濱匯嘅 Flames 如果搭港鐵，牛頭角落車要行一段路，但搭巴士落車行幾步就到，都算方便，比起觀塘嘅人多，更有遠離煩嚚嘅感覺！😊餐廳位於特色平台，半開放模式設計，室內簡約風格嘅裝修，室外露天茶座配埋草地🌿，無論坐邊都有種好休閒，好好feel！🌻星期六有 Brunch Menu，算係中高價位，但扒嘅質素都唔錯，放假就食豪啲吧！🥗巴馬火腿凱撒沙律 $118巴馬火腿鹹香十足，而且上碟嗰陣已經撕成薄片，食落更加方便，唔會一次過就食晒成片。蔬菜都幾新鮮，加埋脆卜卜嘅煙肉碎同麵包粒，仲有好多芝士粉，口感豐富！🥩8安士紐西蘭肉眼扒配燒薯條 $188牛扒叫咗七成熟，厚度適中，煎得啱啱好！肉質鮮嫩有肉味，就算唔落佢嘅黑椒汁都好有味！而薯條炸得金黃酥脆，入面軟綿，幾出色！🍰自家製甜品 套餐+$35甜品係3層口味嘅蛋糕，上層同中層好滑，下層軟綿綿，唔會太甜。雖然食唔出係咩味道，但上面嘅雜莓醬，酸酸甜甜，幾好食！

老公話想食西餐，所以喺eatigo book咗五折嘅Flames，滿心期待咁去到餐廳。大概六點，成間餐廳都西斜，勁曬，但餐廳又無窗簾😵‍💫仲要叫我坐喺間士多房出面，最後揀咗個比較無咁曬嘅位🙄曬唔到隻眼，但都都曬到張枱。點餐方面，五折嘅佢話不可以點side, dessert and drinks，咁我就點個燒粟米巴馬火腿沙律，佢話out of stock，但我之後見到隔離兩枱都有喎！點解會係out of stock？😤你半價唔想俾人點你就一早講啦，點解要呃人？🔸巴馬火腿凱撒沙律(原價💰118)(7/10)菜算新鮮，不過太多醬，有點酸🔸 12安士美國安格斯西冷扒配忌廉薯蓉(原價💰298)(3/10)簡直不合格！如果我用正價食，我諗我會拍枱！呢個質素實在係差！我要medium，佢俾個全熟我，仲要勁韌，勁硬，無牛味，勁大舊根！同埋佢唔似係煎架喎，好似係烚熟咗，再燒一燒個表面咁。真係有無搞錯！？超級不滿意！雖然係五折，但都無理由係咁架嘛！又曬，又唔老實，又唔好食！唔會再嚟！Overall 評分: 4/10👎🏻