Sun Thai Restaurant (Hing Wong Court)

今日去灣仔做完嘢，臨時搵個朋友去食飯。 知道佢係一個識食之人， 帶咗我去間食東南亞菜嘅餐廳食好野！喺門口見到，店舖設計都幾有特色， 真係好似去咗旅行咁。 入到去見到座無虛席幾驚冇位好在佢地地方都大，店員安排咗樓上一樓坐位俾我哋。原來呢間係由泰籍廚師處理。職員服務態度都好好， 推介咗啲特色嘅嘢畀我哋。一打開個menu 睇啲食物相，就畀泰式生蝦深深吸引住😍！ 依家都唔係好多餐廳有泰式生蝦食。🌟泰式生蝦 $118生蝦新鮮爽口， 隻隻蝦都係大隻肥嘟嘟嘅！點埋佢哋個醬汁一齊食好好味！🌟香芒軟殼蟹米紙卷 $98個米紙皮好滑又唔會好韌咬唔到個d感覺， 個軟殼蟹都好脆口。🌟燒豬頸肉$98個豬頸肉燒到脆邊香口。🌟巴東牛展另配印度酥餅$118＋$42呢個巴東牛展個汁好正，牛展炆得好淋。 我哋仲點咗印度酥餅， 點落啲汁到一齊食真係超好食！其實啲甜品都好吸引， 因為我哋點得太多肉嘅關係, 已經好full下次嚟一定要試下啲甜品! …Read More

📍新泰東南亞餐廳 𝑺𝒖𝒏 𝑻𝒉𝒂𝒊 𝑹𝒆𝒔𝒕𝒂𝒖𝒓𝒂𝒏𝒕🧭灣仔大王東街21-23號興旺閣地下至2樓人均消費: HKD419灣仔好多泰國菜，點知好多星期日都唔開😂最終揀咗#新泰東南亞餐廳 @sunthaihk ，真心驚喜！🆗燒西冷牛扒 𝑮𝒓𝒊𝒍𝒍𝒆𝒅 𝑺𝒊𝒓𝒍𝒐𝒊𝒏 𝑺𝒕𝒆𝒂𝒌 $118粉嫩色嘅肉，肉香，可惜外面有少少柴，如果無咁乾就正⭐️泰式生蝦 𝑭𝒓𝒆𝒔𝒉 𝑺𝒉𝒓𝒊𝒎𝒑 𝒊𝒏 𝑭𝒊𝒔𝒉 𝑺𝒂𝒖𝒄𝒆 $98爽口，連蒜片辣椒蘸汁正💯巴東牛展 𝑩𝒆𝒆𝒇 𝑺𝒉𝒂𝒏𝒌 𝒘𝒊𝒕𝒉 𝑹𝒆𝒏𝒅𝒂𝒓𝒂 $88真心估唔到，第一次係香港食到咁好味嘅巴東！佢用牛展煮，咬落去超淋超嫩，仲要勁香！必食⭐️串燒沙嗲 𝑺𝒂𝒕𝒂𝒚 $88$88有六寸沙嗲，豬牛雞各2寸，唔貴！三款都好嘅爽口，沙嗲都幾惹味，如果一個沙嗲喺邊燒邊塗仲正⭐️拼盤 𝑪𝒐𝒎𝒃𝒊𝒏𝒂𝒕𝒊𝒐𝒏 𝑺𝒆𝒕 $218有蝦餅，魚餅，春卷同肉碎生菜包！個人比較喜歡蝦餅同春卷，魚餅就無咁爽但幾香！肉碎如果辣啲仲正🆗燒豬頸肉 𝑮𝒓𝒊𝒍𝒍 𝑷𝒐𝒓𝒌 𝑵𝒆𝒄𝒉 𝑺𝒆𝒓𝒗𝒆 $78其實幾香，不過佢切成一條條，食落唔夠爽口⭐️鹽焗烏頭 𝑺𝒂𝒍𝒕 𝑩𝒖𝒓𝒏 𝑴𝒖𝒍𝒍𝒆𝒕 $128清香鹽味嘅烏頭，啖啖肉鹹鹹地，仲食到魚香！💯咖哩炒蟹 𝑺𝒕𝒊𝒓-𝒇𝒓𝒊𝒆𝒅 𝑪𝒓𝒂𝒃 𝒘𝒊𝒕𝒉 𝒀𝒆𝒍𝒍𝒐𝒘 𝑪𝒖𝒓𝒓𝒚 $588$588食到咁大隻蟹，真係好平！裏面好多肉好鮮甜，個咖喱醬都好好味，蘸薄餅一流！必食💯印度酥餅 𝑹𝒐𝒕𝒊 𝑰𝒏𝒅𝒐𝒏𝒆𝒔𝒊𝒂𝒏 𝑺𝒕𝒚𝒍𝒆 $32未有咖喱蟹已經食咗一盤，咖喱蟹到咗食多兩盤😂 佢同薄餅唔一樣，佢係好似牛角包咁好鬆化，超得！💯椰青沙冰 𝒀𝒐𝒖𝒏𝒈 𝑪𝒐𝒄𝒐𝒏𝒖𝒕 𝑺𝒎𝒐𝒐𝒕𝒉𝒊𝒆𝒔 $58沙冰好滑，仲有好Fresh嘅椰青香！裏面仲有好多椰子肉添！⭐️芒果沙冰 𝑭𝒓𝒆𝒔𝒉 𝑴𝒂𝒏𝒈𝒐 𝑺𝒎𝒐𝒐𝒕𝒉𝒊𝒆𝒔 $38都唔錯，好香濃嘅芒果香⭐️芒果糯米飯 𝑴𝒂𝒏𝒈𝒐 𝒘𝒊𝒕𝒉 𝑻𝒆𝒏𝒅𝒆𝒓 𝑺𝒕𝒊𝒄𝒌𝒚 𝑹𝒊𝒄𝒆 & 𝑪𝒐𝒄𝒐𝒏𝒖𝒕 𝑴𝒊𝒍𝒌 $68泰國菜當然要試吓芒果糯米飯，個飯好軟綿綿，椰汁勁香，可以一試🆗椰汁西米糕 𝑺𝒘𝒆𝒆𝒕 𝑺𝒂𝒈𝒐 𝑭𝒍𝒐𝒖𝒓 𝑻𝒐𝒑𝒑𝒆𝒅 𝒘𝒊𝒕𝒉 𝑪𝒐𝒄𝒐𝒏𝒖𝒕 𝑴𝒊𝒍𝒌 $55細個最喜歡嘅椰汁西米糕，帶咗始終食唔返細個嘅味道大部份食物大家都非常滿意，咖喱蟹同巴東牛居真係超得，人均$400左右捧住個肚走，滿載而歸！#MFJ灣仔 #MFJ泰國菜 #mfoodjournal #foodie #hkfoodie #foodblog #hkfoodblog #thaicuisine #thaifood #wanchaifood #相機食先 #灣仔美食 #泰國菜…Read More

東南亞菜一向都範範掂，你噏得出既泰國菜、越南菜、印度菜既餐廳，周圍都係。但係我心目中宏觀黎計呀下，就緊係最好咩都有d咁喇，不過始終最想食都係泰國野，喂，點解呀？嘩……好味囉！👇📌C U R R Y -▪️ Beef Shank · Rendara - $88▪️ Roti · Indonesian Style - $32 ▫️ 咖喱迷必食之一既「巴東牛展」，一入口就知炆得非常腍滑，加上吸收哂醬汁精華，仲有陣陣既椰香，夠哂經典；而「印度薄餅」外層烘得淡淡焦香，口感軟綿，連埋咖喱一齊食就梗咖啦，份外惹味呀！📌S O U P -▪️ Tom Yum Kung - $78(Small)▫️ 又一泰菜必試既「冬蔭功」，人少少嗌左碗細size，湯身唔會太辣太酸，反而椰奶香味搭夠，加埋香茅、草菇，味道正宗；而蝦肉夠新鮮爽彈，整體唔錯。📌S W E E T S -▪️ Sweet Sago Flour · Topped Coconut Milk - $55▪️ Thai Young · Ccoconut - $45▫️ 整埋個甜品「椰汁西米糕」就完美啦，表面班蘭葉香味滲哂入去，面頭椰醬夠濃香，粒粒西米夾雜住栗米、馬蹄，口感爽甜精緻，呢個相當出色；而「椰青」正正可以清熱解喝，岩哂！…Read More

好耐無食過泰國菜，好掛住泰式咖喱味。剛好今日收得早，可以過海去食餐勁既！聽同事講呢間泰東南亞菜好好食，價錢合理又夠大，所以決定一試。果然真係好大，有三層高，餐廳內仲有洗手間，六點半到唔會好多人。但一過七點就八九成滿座。樓梯都好有特色！一坐低，店長非常熱情走過來介紹各餐廳推介，本來都好想試椰青沙冰，但今日個人有啲寒，都係飲正常椰青啦。先來柚子蝦沙律，個汁酸酸甜甜，好開胃。而且用料豐富，有柚子、蝦、鮮魷，所以$98是有理由的。魷魚大大條，好足料！食到無停口。另外有芒果軟殼蟹米紙卷，一般餐廳只有六粒，這裡有八粒呀！米紙煙韌，若芒果味道濃一點會較好。 食泰東南亞食品當然要食咖哩，點了巴東牛展，咖哩味香濃，點印度薄餅真的一流。非常滿足的一餐。…Read More

行經灣仔利東街附近見到一幢裝潢風格獨特 充滿泰式風味既建築物 原來成幢3層高既建築物都係依間新泰東南亞既 緊係要入去試下 入到去就己經FEEL到果陣濃濃既泰式風情 餐廳入面既裝潢有唔同既泰式擺設同圖滕 而且微黃既燈光更係令人心情放鬆 好似去左泰國渡假一樣冬蔭功湯一位細細既冬蔭功湯入面落既心機同材料絕對唔細，蕃茄、菇菌等都有，而且一細蜿入面就有2隻大頭蝦, 大頭蝦肉質彈牙，同鮮甜既蝦膏一齊吃，真是勁開胃 出面有D冬蔭功湯一係就太酸一係就太辣 但係佢地既酸、甜、辣度也調較得剛好，攪到有D想叫多蜿TIM巴東牛展一開始黎到睇個樣大家可能會以為姐係咖哩牛腩 但係完全唔同! 依款類似咖哩汁既醬汁,起源於印度尼西亞的米南佳保人， 現已遍布全國各地 。作為米南佳保飲食文化的代表之一，往往成為正式場合、或與向客人表示尊敬時的桌上佳肴。一道辛辣既醬汁配合既小小既印尼椰漿大家可以叫完依個巴東牛展之後叫多一個飯 肯定可以撈到幾蜿飯! 牛展超彈牙 而且牛味唔會比巴東醬汁搶左個味 十分出色泰式濕炒海鮮河侍應將依碟泰式濕炒海鮮河傳過黎既時候我仲以為係咪黎錯野? 印象中既泰式炒河好似唔係咁既樣 但係原來只係因為太足料! 一堆唔同種類既海鮮雜錦鋪滿曬係上面攪到我睇唔到下面既河粉 海鮮包括蠔仔, 蝦, 墨魚等等 配埋以濕炒方式粉既河粉 勁正椰青沙冰以整個椰青上既椰青沙冰, 沙冰高到係椰青既兩倍, 大家可以叫一個然後兩個人SHARE都仲得 而且椰青淡淡既味道 岩曬大家食完頭先比較濃味既食物之後清一清, 為味蕾降一降溫.…Read More