Mei Taiwan Cuisine (Rialto Building)

本打算今年好姊妹生日, 去轉台灣旅行, 點知疫症已經半年, 還未有好轉, 台灣之旅又無了期押後, 唯有今晚去食餐台灣菜過下口癮啦!位於灣仔同金鐘地鐵站交界, 一間小小台式料理, 地方企理, 除左散叫, 亦有套餐選擇。  【菜脯煎蛋】HK$70比預期中薄, 夾住鹹香菜脯粒同埋蔥粒, 入口有層次, 加上蛋甜味, 唔錯~ 【紅燒牛肉麵】HK$80湯底不會太濃郁, 味道清甜, 牛肉炆得超林, 有肉香, 索到個湯底精華, 好入味。麵質QQ彈牙  【左宗棠雞】HK$118無骨雞件被炸過, 表面平均有醬汁包住, 但炸皮依然好脆脆地, 內裡keep到juicy肉汁, 表面醬汁甜甜地又少少辣, 好惹味, 如果送飯, 一流!【珍珠奶茶】HK$28 加左$5額外加胚牙, 奶味偏重, 珍珠全熟, 中心位不會有生麵粉既韌, 有唔少胚牙, 啖啖麥香…Read More

太耐冇去台灣最掛住就係當地美食，平時香港random行入去食真係隨時中伏，而今次來到梅之味食到正宗台灣野好驚喜 仲唔洗加一 同朋友二人share一個午市套餐，再加一個主菜台式左宗棠雞（$118），平時三杯雞就食得多，左宗棠雞真係第一次聽，咁少有當然要叫來試試 雞塊有小小辣，不過比較酸酸甜甜好開胃；食落仲有小小似韓國炸雞，但入面既雞嫩滑好多，仲有種綿綿既感覺，推薦！朋友點既主食豬扒米線，正正常常，幸而豬扒不太熱氣野飲方面就要左香芋奶綠食到落底堅係食到好多芋頭，真係有驚喜，絕對真材實料又足料，而且幾香奶味 幸福團圓——有珍珠、芋頭，芋圓，紅豆同仙草，一次過滿足你多個願望，一碗都係$34； 美中不足係芋圓唔香芋頭味，亦不太煙籾，味道只係普通 …Read More

琴日響灣仔等朋友收工，佢話想試下新野，經過呢間主打台式料理既餐廳，見餐牌上款式幾多，有些菜式係其他餐廳亦好少見，決定入黎試一試我地叫左蚵仔酥（$68），熱辣辣即炸，且口感酥脆，店員建議將蚵仔酥蘸自家辣椒醬食，雖然唔算好辣，但令蚵仔酥既味道即時提升，好惹味！朋友話想試下左宗棠雞（$118），佢話係香港比較少見呢個菜式，而我就第一次食！賣相好吸引，雞件嫩滑，而外皮炸得香脆，淋上糖醋汁但酸度無咁明顯，感覺似食緊韓式炸雞，一家要試！另外，我地仲叫左台式香腸炒飯（$82），亦係呢度必試之一～香腸切粒，油香味十足，而蛋炒飯炒得乾身且粒粒分明，配埋切左絲既高麗菜，增添一份爽口，十分好吃！最後，我地仲試左凍既珍珠奶茶（$28），店員話可以揀少冰少甜，岩哂想飲但怕肥既人士～整體黎講，呢度環境光猛，而且乾淨企理，看得出店主重視餐具既衛生，這一點令我印象深刻！另外，店員態度親切，會主動介紹餐廳既招牌菜同幫忙加水，絕對能照顧顧客的需要！…Read More

最近經常吃西餐，有點滯了，所以跟朋友聚舊提議了台灣菜，暗自幫自己轉轉口味😉店舖裝潢走簡約潔白風，店員大姐們招呼勤快有禮，上菜速度非常快，不消一會已一枱餸菜🤤打頭陣的小菜是這乾燒牛肉麵。牛腩很入味而帶鹵味。麵條濕潤軟熟，被XO醬、豆瓣醬、蝦干味的懷抱下滋養住，好吃得令人停不下來的🤤另一伴菜—台灣泡菜也是好吃到我們搶著吃，不同於韓國泡菜，除了辣椒和蒜末，它是用紅蘿蔔末去醃的，可以看到那些微橙偏黃的顆粒在高麗菜上。它不太辣，而是帶清新酸味的。整碗麵都惹味十足，列入encore菜式！左宗棠雞這菜名看來特別，好奇寶寶像我忍不住要點來看看😇 維基説這是美式中菜—北美既唐餐館常見菜式。菜名由來其中一個說法是，這道菜是住在台灣的湖南人廚師彭長貴在1952年發明的，當時要宴請訪台美國將領，他隨口以大清將領左宗棠去命名菜式😅做法是將雞肉斬塊，先炸後炒，加上特製醬料，我先嚐到一種像雞醬的味道，但多分醋酸味，肉質口感有點像咕嚕肉。鐘意酸甜肉的人可以一試，還不錯。眼前一片忽然金黃色(誇張了!)，再上枱的是金沙蝦球 ! 蝦仁大隻而有彈性，但不會過份起膠，它是有連殻炸的，但不會很硬，像軟殻蟹的殻。蝦球表面完全被包覆到鹹蛋黃，更難得是蝦仁與炸粉殻不會離哂罩😂，而是緊緊相連，反映炸功深厚！ 未咬已經香氣撲鼻，咬下更是滿嘴鹹蛋黃味，讚🤤 不知道樹子是什麼，所以又特別叫來試試，感謝朋友陪我試未知菜式😅 又Google一下，原來樹子是一種台灣醃漬。它不論味道和構造都頗像橄欖，但比橄欖多一分甜，少一分酸，更加核大肉小。用來炒油麥菜雖不怎見提升油麥菜的風味，因為這只吃著油麥菜也是青翠好吃，但樹子單獨吃亦是很好的開胃菜。樹子除了常被用來炒菜，也會用來蒸魚，例如鱈魚、鱸魚。奶茶控當然會試不同口味的奶茶😀這個炭焙烏龍奶茶十分正喔！奶香先撲上來，再來上陣的是炭燒味，最後送上烏龍茶的幽香，每啖都非常滿足😄這家小店除了常見鹽酥雞、肉躁飯的台灣美家外，還有不少特色小菜和醬菜，值得有空會再來嚐嚐看其他菜式。…Read More