Sichuan Magic

呢間原本係上海野，唔知轉左老闆定咩，好似荃灣分店都轉左四川野🤔。早排同屋企人黎試下，坐卡位都唔逼。主要係食烤魚同乾鍋，都有飯麵同甜品，實夠飽🤭。🔅金湯烤魚(江團魚) ($328)🔸豬紅 ($38)🔸鮮支竹 ($22)🔸娃娃菜 ($22)🔸凍豆腐 ($22)魚好大條，唔多骨啱我食🤓，後期飲埋啲湯好正🥰。配料都新鮮。🔅香辣海鮮乾鍋 ($228)🔸娃娃菜 ($28)🔸豬皮 ($34)🔸金錢肚 ($38)有海蝦、鮑魚(3件)、青口(2隻)同魷魚鬚，原本有埋大蜆但無貨，所以轉左鯛魚片。雖然望落好多辣椒，但食落唔會好辣/好油。🔅川燒生蠔 ($28>$10)🦪Promotion $10/1(另收原價加一)，幾抵食，好香蒜蓉味，少少辣🌶。🔅火焰澳洲M5牛柳粒 ($36)呢款原來係串燒，一串得5粒左右，好細粒，重點係好鹹🤮，搞唔掂…🔅肉末水晶粉 ($88)雖然唔錯，但其實無咩料😂，性價比麻麻。🔅紅糖糍粑 ($48)炸得好香脆😍，煙煙韌韌，沾埋紅糖好味😋。🔅荔枝多多冰 ($32)🔅芒果多多冰 ($32)🔅Hoegaarden ($68)飲品都幾大杯，特別係啤酒🍺😱。多多冰雖然都係糖漿沖，不過食辣野飲返冰🍧balance下都唔錯。🔅白飯 ($15)💬屋企人食得幾滿足，唔算好貴，坐得舒服。但燈光偏暗差咁啲🤔，同埋staff好似多泰國人(?)所以唔係好溝通到😂，拎水都叫左幾次先黎🤐。…Read More

烤魚係不知不覺間悄悄興起，一大班朋友相聚又可以食魚又可以打邊爐🍲 滿足到大家唔同嘅需要😚✨酸菜烤魚-江團魚($328)大大盤嘅烤魚，上枱嘅時候就聞到陣陣嘅酸菜味，好香！湯底飲到淡淡嘅酸味，中間又夾雜住少少辣味，好過癮。湯底有除咗有好多酸菜之外，仲有萵筍、蓮藕、豆卜等配料。江團魚好嫩滑，好多魚肉，唔會好多魚骨，配埋啲湯汁一齊食，好鮮甜！飽到捧住個肚走🤰🏻🫃🏻✨川燒生蠔 (優惠價 $10/1隻；原價$28/1隻)生蠔每隻都好飽滿多汁，燒到好香之餘又唔會腥。面頭鋪咗滿滿嘅蒜頭同蔥，一齊食真係好滿足🤩✨涼拌蔥油雞 ($88)雞嘅份量都幾多，而且每舊都好滑，雞皮爽口！蔥油又好香，撈埋一齊食係好好嘅前菜🤤🥤荔枝多多冰 ($32)荔枝同益力多配搭好夾！兩者比例啱啱好，夏天飲沙冰真係透心涼❄️🥤芒之戀人-Mocktails ($38)濃濃嘅芒果味，飲落好似奶昔，面頭仲有球芒果雪糕，真係消暑解渴☺️————————————————————————💰加一：✔️⏰限時：90分鐘…Read More

「川菜烤魚、合適三五知己暢飲的好地方🐠🌶️😎」📍川魔 @ 屯門✨川燒生蠔（7/10）- 特價時段，係$10 一隻，係$10 一隻🤩 [原價$28]- 剛燒起上菜時有好強烈既蠔味，入口鮮味濃郁，加上蒜蓉，十分搭配又抵食 !✨酸菜烤江團魚（微辣）（8/10）- 今餐的主角，江團魚啖啖肉，最岩想食魚但又唔鐘意吐魚骨的朋友🤪- 加左兩份配菜，但配菜性價比略低，價錢高份量少🥲✨紅糖糍粑（8/10）- 外脆內軟，紅糖甜度&黏稠度恰到好處，配上黃豆粉與糍粑本身的糯米香味，簡單但滿足的中式甜點成為今餐晚飯的壓軸嘉賓😌人均消費：$270*值得留意係座位空間非常舒適，合適三五知己談天說地，暢飲一番🍺🍻抵食程度 - 正常 3.5/5美味程度 - 川菜黎講算幾有特色，唔係得一味辣 4/5衛生整潔 - 很整潔 4.5/5服務態度 - 正常 3.5/5…Read More

行完屯門幾個大商場，是時候吃晚飯啦！我哋揀咗新開張餐廳 "川魔- 龍門一番"，係食四川及燒烤菜式，可以揀辣或唔辣，感受下四川特色風味 ~餐廳以淺木色為主，地方雖然不是很大，但裝修時尚新穎，感覺舒適。睇吓餐牌先，有好多優惠，包括川味活燒生蠔 (限時優惠 $10/隻，原價 $28/隻)、留言和訂座即時有88折優惠及免費成為會員(會員費價值$350)、成為會員待遇 (包括 : 1. 消費有9折優惠，2. 優先訂座，3. 定期贈送會員優惠，4. 半價飲品(不包括生啤類)。酸菜烤魚    $328最近發現依間餐廳有烤魚食，魚嘅種類有江團魚、老虎斑及海鱸魚。我揀咗江團魚，條魚都幾大條，煮法亦都有5款選擇 : 香辣孜然烤魚、川風泡椒烤魚、金湯烤魚(唔辣)、酸菜烤魚(唔辣)及青花椒麻香烤魚。隔咗好耐冇食烤魚喇，好大鍋，真係足夠兩個人食呀，魚肉份量頗多，肉質鮮嫩多汁，而酸菜味道少少鹹、酸酸地，好開胃，仲有好多配菜，加上清甜嘅湯底，鮮味十足，必食推介。川燒生蠔  (推廣價 $10 /隻，原價$28)呢個好惹味，滿滿蒜蓉、蔥花同辣椒鋪係面，蠔好新鮮，燒烤過份外香口，好 juicy，依個價錢真係超值。黑木耳拌溫室蓮藕苗    $58白色細細條係溫室蓮藕苗，都係第一次聽同食，較為罕有。質地爽爽脆脆，口感有啲似荀，味道好清新，黑木耳同樣都好爽，好吃嘅開胃前菜。椰子雪葩    $48用椰子殻裝住雪葩，椰子味非常濃厚，質地幼滑，好似食緊雪糕一樣。鮮果伯爵紅茶    $32鮮果成份係蘋果加西柚，清甜潤喉，而伯爵茶味道亦夠出，不會蓋過鮮果嘅香味，甘甘地甜甜地，唔錯呀。茘枝椰果冷泡伯爵紅茶    $32呢杯同樣都揀咗伯爵茶，不過係以冷泡方式製成，口感完全唔一樣，甘味醇厚，配搭荔枝同椰果，味道清甜。…Read More

之前我鍾意去龍門一番到食小蘢包，最近發現佢轉左形式，做左烤魚🐟有新野當然要試一試佢join會員套餐-香辣烤魚+日本A5和牛肩胛100g $438(原價$616)烤魚有5個口味，我今次揀左青花椒小辣和牛都好食好林，有少少入口即溶既感覺，雖然話100g,但都有足夠10片，如果小人食，就會覺得好飽畢竟都想試多少少野，所以建議3-4個人食最好肥腸干鍋同紅糖糍粑係必食推介推廣抵食推介!! 川燒生蠔 $10/隻 （原價$28）飲品叫左荔枝多多沙冰同2杯黑糖珍珠厚鮮奶，都唔錯…Read More