集眾菜館

Open Now

Now Closed

之前食過呢間舖頭嘅招牌咕嚕肉，$98的價錢唔算平，份量亦唔算大碟，不過味道就真係好好，食得出師傅嘅真功夫，唔怪得去到差唔多每一枱都會叫呢一個咕嚕肉。除咗咕嚕肉之外，今日仲叫咗鐵板生啫雞什，據了解呢一個餸都好受歡迎，雞什無雪味，d蒜頭芫荽蔥段都炒得好香好入味，送飯一流。另外仲叫咗一個川味豬手，冷盤嚟嘅，少少麻辣，都幾好食，豬手有豐富骨膠原，好正。最後要講嘅亦都係最有驚喜嘅，就係呢一個集眾少爺雞，隻雞做得好滑，好有雞味，似乎係新鮮雞做嘅，上碟嘅時候排得好靚，又好睇又好食。

柏樹街已經靜悄悄地變成美食聚腳地，涼皮、餃子、芋圓，衣家仲有呢間好味小炒，真心讚。鮮菠蘿拔絲咕嚕肉川味豬手鐵板雞什豉油皇鵝腸羊腩煲點了鮮菠蘿拔絲咕嚕肉、川味豬手、鐵板雞什、豉油皇鵝腸同埋羊腩煲，樣樣都好精彩。先講咕嚕肉，皮係脆嘅，考師傅功夫，出面唔係好多地方食到，菠蘿唔用罐頭用新鮮嘅，D汁少少拔絲feel，堅好食。川味豬手係冷盤，佢個汁好香，少少辣，好食。鐵板雞什要黎餸啤酒真係一流，值得一提嘅係佢有隻德國麥啤好好飲。豉油皇鵝腸用嘅鵝腸唔係一般出面食到嘅橡筋鵝腸，佢D鵝腸好新解好肥美，好味。羊腩煲都好足料，而且D羊腩應該唔係雪藏羊，所以份外好食。真心覺得呢間小炒值得再encore。