滿江紅小甜甜 (Closed)

今日收工同女朋友係旺角朗豪坊行街，行到咁上下肚餓，想食川菜，記起朋友之前介紹過既呢間野。我地坐底叫左川北涼粉、麻婆豆腐、麻辣雞煲。川北涼粉係我女朋友食川菜必叫菜式，一個好食既涼粉係一間川菜館既指標，基本上唔好食既涼粉，我地係無再去過。今次既涼粉係中上水平，涼粉配爽脆青瓜，辣椒夠辣夠香，涼粉咬口唔錯。麻婆豆腐雖然油左少少，不過食落都夠味，但係都唔夠正宗。最後就係麻辣雞煲，呢個就真係好一般，雞肉肉質一般，就算叫左大辣都覺得唔夠味，所以真係價錢和質素成為正比。想食雞煲都真係要去雞煲專門店啦！…查看更多

今晚慶起同朋友出左旺角去食川菜，揀左間都幾多人介紹既「滿江紅小甜甜」，聽人講尼間唔會催d客走，岩晒我地一班人開飯局。講番今晚叫既小菜，全部都系有好多人介紹的小菜⋯ ⦁ 麻辣食魚春魚卜煲魚春魚卜煲好嫩好滑，又唔乾巴巴，加上滿滿辣椒辣得勁過癮，餸飯一流。 ⦁蒜泥白肉蒜泥好細滑，白肉唔膻，肉質都幾嫩滑。兩樣配著食，口感爽而不膩，醬油甜甜地帶點辣，超級好味。 ⦁川北涼粉晶瑩剔透粉皮，質感爽口彈牙，少少蔥花加上麻辣汁，層次好豐富。 ⦁原味焗蜆蜆既數量好多，粒粒都好飽滿同爽口，最重要系鮮甜得黎又冇沙。 ⦁ 酸菜魚酸菜湯底少少酸帶點辣，好多魚片，肉質嫩滑。敗筆之處系魚骨太多，要小心魚骨。 …查看更多

I have a friend who I always get sichuan food with. I was recommended to this place by a colleague, but it is a bit too far for for me to get for lunch. Therefore, I decided to come here after work with that default sichuan food friend. Just looking at the menu, there was soo much that we wanted to try! In the end, my friend and I decided on 5 dishes.While we were waiting for the food to arrive, we were served a small dish of preserved radishes. It was slightly spicy and sour and very refreshing on the palate.The first dish to arrive was the "saliva chicken". It was perfectly seasoned, not too spicy but with the right amount of chili oil. The quality of the meat was good as well.Next came the clear noodles in chili sauce. While we thought it would be normal noodles, it actually had a jelly-like texture! It was very refreshing with the chili sauce. Then came the "ants climbing a tree" which is basically spicy vermicelli stir-fry. The portion, as with the other dishes was quite big. This dish was well balanced and was not too oily as some of these stir-fries can sometimes be.Finally came our most anticipated dish - the tomato soup fish pot. The price for this dish is different depending on what fish you order. We ordered one with less bones. The soup was simply delightful. It had a slight kick to it which made it ever so irresistible. We found ourselves drinking bowls and bowls of this stuff! It was also filled with ingredients, the pieces of fish in the pot seemed never ending. As you can see from my second picture below, there is also quite a lot of meat on each piece of fish!We also ordered stir fried celtuse stem. It was the least spicy dish out of everything we ordered. You can’t really get this dish wrong, I love this vegetable!Despite the food being in quite big portions, we (2 girls) were able to finish everything. Next time, we might get more different tasting things so not everything is ma la spicy (which is the type of spice sichuan people love).  Nevertheless, we enjoyed the meal and it was very good value for its price!…查看更多

天氣涼涼地，又係時候食辣野刺激下。連個前菜大豆芽都係辣㗎！川北涼粉，涼粉一睇就知係人手製，粗幼不一，但係質感唔會好粉👍🏻口水雞，少少麻，少少辣，雞肉仲好嫩滑👍🏻紅油抄手，呢個辣同口水雞唔同，多左陣醋既酸味。個人比較鍾意口水雞既麻辣多啲。原味焗蜆，差唔多見到每一枱都有嗌！成盤黎到侍應先界開個錫紙，啲香味湧出黎👍🏻食落去好鮮甜，唔算多沙👍🏻上湯浸菜芯，菜就唔駛要辣啦😂不過唔知係咪食咗啲辣野，啲菜好似特別甜咁🤔蛋白杏仁茶，即叫即整，廿分鐘就得，好香杏仁味，仲有啲解辣既感覺，潤番個人🤗…查看更多

朋友同我一向都鐘意食辣 今日出開旺角 就去左登打士街嗰邊一間川菜餐廳滿江紅小甜甜入到去 環境十分寬敞食得川菜 當然唔少得食水煮魚啦我地就叫左桂花魚魚肉質很爽 鮮味十足麻同辣都並重 好正啊 完全滿足哂食麻辣嘅慾望！另外仲叫左口水雞 辣子炒土豆絲口水雞 好入味 肉質亦很滑土豆絲 很野味 爽口最後 當然有必食嘅川北涼粉個醬超好食 令本來冇味嘅涼粉 即刻變得超級惹味辣到剛好今餐所有野都辣到剛好同喺內地啲轉食辣嘅餐廳有得揮好滿足 下次一定再幫襯…查看更多

前晚同我個鐵腳吃貨同事朱頭去食小甜甜，呢間我地都已經黎食過幾3-4次，感覺上都唔太差，因為地點方便，而且亦比樓上果間好食得多，所以都係食番呢間！其實我同事佢真係唔食得好辣，但佢知道我勁嗜辣，耐不耐都會陪我黎食川菜🤗所以當晚就吓佢啦！唔會全部都點大辣🤣今次得2人食，坐張細卡位😌一埋位就叫左壺烏龍茶，服務員上埋一碟醃漬，我都幾鐘意食呢啲酸酸地都幾開胃既前菜。根本唔洗睇餐牌，大概都知道有咩想食。蒜泥白肉～例牌點我超級最愛既蒜泥白肉，仲要另外要多一兜淨蒜泥，嗯😋呢個真係無得輸，啲蒜泥真係打到好容好綿，滿口濃郁既蒜味，真係超級好食😍香港既川菜我都食得多，暫時最好食既蒜泥白肉係呢間小甜甜！川北涼粉（中辣）～另外仲有川北涼粉，呢個又係必食既，涼粉本身無味道，所以汁醬先係重點，我就覺得辣度剛好，唔太辣但又唔會無味👍但我同事已經食到滿頭大汗喇😅9菜雞紅（中辣）～再黎一個9菜雞紅，呢個就一般般，唔辣！9菜太老，而且勁少，同事話雞紅好滑口，但我就覺得好潺，所以麻麻地⋯⋯辣子土豆絲（中辣）～真係完全感覺唔到邊忽辣？同之前幾次比較，今次簡直叫失敗！我夾左幾注就決定打包，攞返公司睇下有無同事食（可惜最終無人食，益左垃圾桶）麻辣魚卜煲（大辣）～本來想點特辣，但怕同事真係食唔到，而我又好想再辣少少，呢個魚卜煲就大家讓一讓啦！多過中辣少過特辣🤪呢個係除左蒜泥白肉外，最好食既一樣，而且有個鍋仔慶住，可以Keep住熱度，同埋食辣野越熱就越辣嘛🤗呢個大辣我同事已經食唔到，成鍋比我自己食晒😍👍👍👍正到爆！擔擔麵～我同事好鐘意食擔擔麵，我本身唔多嗜麵類都陪佢試下啦！好在擔擔麵都唔差，麵唔會太淋，肉碎都算多！不過今次會無影相？無奶油架！蜂蜜龍眼冰～雖然我唔需要渴辣，但食野點都要飲野既，我通常都會飲呢個龍眼冰，因為有得選擇之下，我係唔會揀汽水🥤今次整體黎講，我都比70分！算唔錯喇！至於服務質素就暫時未有特別需要被讚或被彈！…查看更多

作為一個無辣不歡的辣妹子，小甜甜就快變成我食堂了，就算一個人得都可以係度叫個小菜同主食。今日係就收工既時候就同同事相約一齊去食川菜，一講起辣野，我第一間就諗到小甜甜了。係大約7點就打左去訂位，通常都係宵夜時段先去既我覺得星期五晚餐時間book返會穩陣d 。大約830左右去到門口已經排滿哂人了，好彩訂左位可以即刻入坐。其實每次黎我都會試新野，但有一樣野係每次必點的，就係川北涼粉了。唔知點解今晚上菜速度會快到order完，1分內就送左涼粉上枱了。呢碗粉雖然睇落平平無奇，好似只係加左好多料，無咩特別，甘你就錯了。因為除左你肉眼所睇到既辣椒，炸蒜，花生，蔥，辣油，豉油之外，佢個辣醬先係重點呀，香氣就係靠佢既辣醬帶出黎。涼涼既粉加上會令你火辣辣既辣油，真係冰火兩重天第二樣黎到的就係一個人都食得哂既羊肉麻辣燙(中辣)。係落單個陣有得揀要金菇底定係芽菜底，唔知點解個呀姐係甘極力推介話好多人食金菇底，叫我地都叫，但明明去邊度食都係多人叫芽菜吧，所以我地好堅決甘要返芽菜底。又係好快既 2分鐘就上菜啦。睇到羊肉份量雖然唔多，但同價錢比一下係好合理既。而且呢度係有埋火係爐下要座住加熱以及保溫，大約 12塊小肥羊好快就比我一之過放哂入去紅噹噹晚辣鍋入面了。因為火唔係大，所以都要等大約2分鐘左右先會熟透，將羊肉同重好爽口既芽菜一齊放入口，口感真係好爽脆，果真無揀錯，又食到有肉既口感。但唯一美中不足晚就係雖然羊無騷味，但亦都無羊肉味，只係口感上知道自己食緊肉，但食唔出係咩肉。最後一樣就係麻辣魚卜煲啦，係我放肉入鍋時佢就黎到了。所以話今次上菜速度真係快到好似全部已經住好哂裝好埋既感覺。小甜甜既魚卜煲一直好出名但幾次都揀左食其他煲，今次終於試到了，但真的感到少少失望，因為魚卜唔入味，而且有小小魚腥味，小魚卜都唔係粒粒都爽口，睇到有部分都係軟爛的，但份量係多既，入面有埋青瓜，蘿蔔，土豆係底。啲汁令到我好想叫碗白飯撈汁，如果有人試過記得話我知好無食呀。食辣又點少得一杯冰涼解辣既青檸沙冰呢，一飲真係可以即時解辣架，而且唔會過酸過甜，而且重有青檸肉，真係好fresh架。最後埋單2個人食左$306,一個人$150左右都算可以接受，等我下次黎又試新野先。…查看更多