峰壽司魚屋

Open Now

Now Closed

今次去食lunch🤎▪️三文魚盛—2人前($198)佢有5款三文魚嘅壽司同4件厚切三文魚刺身 (厚切三文魚、厚切火炙三文魚、和風厚切三文魚、明太子花之戀、三文魚細卷)🥳件件三文魚都咁厚🤩讚🧡👏🏻厚過部iphone少少🤣▪️吞拿魚盛($62)三款吞拿魚好肥美😋(吞拿魚、吞拿魚中腩、SUPER蔥粒呑拿魚腩)▪️火炙厚切明太子三文魚壽司($24/2件)佢表面用火槍燒到好香💆🏻‍♀️食落好香魚油味口感好爽 同埋上面啲明太子醬一齊食真係好好味😚▪️火炙蟹柳壽司($9/1件)火炙蟹柳同沙律醬唔洗講 不嬲都咁夾😙▪️鵝肝壽司($38/1件)❤️件鵝肝幾厚幾大嚿👍🏻上面有d蔥絲同金箔✨滿足🤤▪️峰玉子壽司($7/1件)玉子燒正正常常🤣-總括而言：幾抵食😋d壽司好肥美🧡✨會再去🥰

媽咪特別鍾意食日本嘢，間唔時都會陪佢嚟峰壽司食午餐，貪佢地點就腳，而且質素唔差。三點盛係我每次必叫，比起散叫抵啲，今次就揀咗貝盛，有海螺、赤貝同帶子，質素唔錯，海螺同赤貝鮮甜爽口，帶子肥美。玉子蛋不過不失，味道略嫌偏甜少少，口感亦稍為結實。飛魚子份量唔算多，但勝在粒粒飽滿，咬落去卜卜脆，味道鮮甜。媽咪特別鍾意食三文魚，見到做緊推廣嘅三文魚盛，當然唔放過。上菜時有些少嚇親，擺盤賣相同餐牌嘅相落差都幾大，當時餐廳入邊嘅客人唔係好多，實在有啲難接受⋯⋯即使換另一個角度賣相依然參差，由前到後分別係厚切三文魚配甜蝦沙律、厚切三文魚腩配蔥粒吞拿魚腩同三文魚卷配帆立貝。刀工十分馬虎，尤其係厚切三文魚，格仔紋切得非常求其，邊大邊細；另外厚切三文魚腩係薄薄一片，至於味道方面中規中矩，尚算新鮮，如果刀工同賣相可以用心返啲就好。海鮮丼非常豐富，有帶子、甜蝦、三文魚子、玉子蛋、三文魚同吞拿魚，亦算新鮮，但三文魚子唔夠飽滿，咬落亦唔脆。除咗刺身飯之外，仲配有前菜兩點同麵豉湯一碗，我特別鍾意佢嘅麵豉湯，湯底濃郁，口感溫潤，食完凍冰冰嘅刺身之後，正好飲返一碗暖笠笠嘅湯暖胃。平日呢到嘅食物質素中上，而且價錢合理，但今