Sushi Raku (Olympian City 3)

除咗買外賣返屋企食，都有一段時間冇出嚟食日本嘢喇大角咀原來多咗間新開日本料理，入到去好闊落好有omakase feel有份menu係是日推介，好多item都有折呢份關池魚刺身盛都有半價喎！池魚切到好似藝術品咁，擺盤好靚，陣容仲好鼎盛，有埋帆立貝、拖羅、鯛魚、油甘魚同牡丹蝦，刺身非常鮮香肥美螢光魷魚半價都好平，食法仲要好唔同，先揀咗味噌醬食法，醬汁估唔到係甜甜地，點魷魚食勁甘香用蟹殼做丼飯嘅盛器好特別，上面有蟹肉、海膽同魚子三重享受，海膽完全唔腥好鮮，蟹肉好有肉香，魚子充當丼飯最佳調味，豉油都唔使落呀好耐冇食生蠔喇，一隻岩蠔都有七折，超級肥美呀！上面有啲醋同蘿蔔蓉做點綴，唔搶蠔嘅光芒之餘仲推高層次𠻹雖然有刺身，但點都嗌吓壽司滿足吓儀式感，嗌卷物襟食好多，炸過嘅蔥碎拌拖羅蓉，口感味道都好豐富食咗咁多生嘢，嗌返份熟食，鵝肝煎到金黃閃閃，有開胃嘅黑醋配脆米紙，食落也揮發著餘香最後食完有雲呢拿雪糕食，今餐完全滿足到大胃…Read More

我都幾鍾意行奧海城，因為有三個期數連接住，舖頭十分齊全。同小朋友行完反斗城，一出嚟就見到一間有特色裝修嘅日本餐廳「鮨樂」🏮仲有多款午市優惠，我哋就一於入去試吓😍餐廳室內設計賞心悅目，以木質元素為主🪵光線明亮⭐️樓底夠高，感覺好舒服😌日式料理款式眾多，而且好多單品都有折頭，我哋都用咗一段時間先可以決定心水食品😄💛北海道岩生蠔🦪$68（7折）味道鮮甜濃郁，肉身肥厚、質地滑口，搭配酸汁同蔥花，鮮味十足！💛汁燒岩蠔🦪$68（7折）蠔肉新鮮，質柔軟濕潤，配上醬汁，燒烤烹調之後，味道更濃郁。💛日式唐揚炸雞🍗$68（5折）薄薄嘅炸粉，酥脆香口。雞塊粉嫩多汁，啖啖肉，小朋友至愛。💛 極上海膽刺身丼🍣$198 多款新鮮魚生，色彩繽紛，令人食慾大增。壽司米經過調味，食起上嚟味道更加豐富。💛蒲燒鰻魚丼定食🍱$138 烤鰻魚口感細緻、風味濃郁，最緊要係無骨！鰻魚與白飯之間鋪咗一些紫菜，包含更多味道層次。以上兩款丼飯都有跟麵豉湯🥣同芝麻醬沙律🥗甜品有奶味香濃嘅雲呢拿雪糕🍨店員每個都細心有禮，上菜時會講料理名稱，收碟都會問一聲「仲要唔要？」令客人感到被受尊重👍🏻…Read More

上星期同朋友嚟大角咀慶祝生日，原來呢度新開鮨樂。之前喺中環食過lunch set，連鎖壽司店呢度食材都日本直送，新鮮D，今次就試埋佢地既晚市啦！因為係新店開張，所以呢度有唔少奧海城限定菜式同優惠。前菜我地點左「岩蠔」，每隻都好大隻，肉質紮實，蠔🦪肉帶點海水嘅香氣，味道濃郁豐厚，加埋檸檬汁就更清甜。朋友本身鍾意食鮪魚🍣，就當然要叫返幾款拖羅壽身同刺身。吞拿魚口感細嫩綿密，富有油脂香氣，魚香味十足。中拖羅幾乎無筋，口感豐富，入口即溶。而大拖羅顏色較淺，係較多脂肪既位置，食落有咬口，油分豐富，口感有啲似日本和牛咁😌。即使唔蘸豉油，魚香味十足😊，都夠哂新鮮。而賣相最吸引一定係「吞拿魚拖羅丼」，有齊大拖羅、中拖羅同吞拿魚腩蓉鋪滿壽司飯上，啖啖滿足🥰。食完壽司刺身又要試吓其他嘢。估唔到呢度都有鵝肝食。鵝肝本身已經好肥美，煎香後油香味更突出。配埋薄薄香脆米紙，口感好有對比，加黑醋食落帶點香甜，降低油膩感。「蟹味噌甲羅燒」又係幾特別，蟹殼放左好多蟹肉同蟹膏，再加埋味噌煮夠哂惹味，用嚟配白飯或者係旁邊嘅魚乾就一流👍🏻！「時令寒鰤薄切」入口彈牙清爽，配埋爽口嘅青蔥同埋洋蔥，口感同拖羅截然不同。「鹿兒島西冷和牛巨切壽司」相信又係最吸睛🤩，有成20 厘米長既和牛薄片，微微炙燒過所以幾有油香🥰。當然唔少得「時令刺身盛合」，有齊帶子、三文魚、生蝦等刺身，食落鮮味十足。最後唔少得甜品🍧，呢度都會提供特別口味雪糕。我幾鐘意南瓜🎃味，食落味道突出，而椰子🥥會清新D。整體感覺都唔錯👍🏻，食材都幾新鮮。我就幾推薦「吞拿魚拖羅丼」、刺身、鵝肝、蟹味噌甲羅燒、雪糕都幾正👍🏻，而且澳海城分店有限定優惠同菜式，想食日本野既朋友可以去試下～～…Read More