升哥點心

今日假期做乖乖女，陪媽咪喺元朗行街，佢話想食點心，咁啱經過呢間點心舖，喺OpenRice 見都有幾多😋，所以就入去試吓～兩個人叫咗五款點心，”籠仔鳳爪排骨飯”、”原隻蝦燒賣”、”小鮮肉小籠包”、“XO醬菜苗餃”同”班蘭馬拉糕”籠仔鳳爪排骨飯 ♨️排骨飯即叫即蒸，落單時仲可以要求飯嘅軟硬度，媽咪對‘街外飯’好有要求，結果蒸出嚟冇令佢失望，除咗有荷葉香，D餸嘅鹹味亦適中，排骨滑得嚟唔覺肥，鳳爪都好入味～原隻蝦燒賣 🦐🐷每粒燒賣面都有原隻蝦喺上面，蝦爽口，豬肉彈牙，仲有好香嘅冬菇味🍄小鮮肉小籠包 🐷🥟 我係小籠包嘅擁躉，覺得小籠包要皮薄、多湯，肉鮮味之餘份量要剛好，升哥嘅小籠包攞到7.5分！(算唔錯㗎喇～）呢度嘅小籠包頂仲要加咗D蟹籽，食落去多咗幾分口感XO醬菜苗餃 🥬🥟 媽咪一咬隻餃，就話好鍾意佢個皮，薄得黎又煙韌，XO醬味濃郁，餡料除咗菜苗之外，仲有蝦肉。包到好似一粒元寶仔咁，賣相唔錯，睇得又食得！班蘭馬拉糕 💚🥧第一次見班蘭馬拉糕，所以叫嚟試吓，呢個馬拉糕質地做到好軟綿綿，有色水之餘都真係有班蘭味嘅，不過我都係比較鍾意傳統馬拉糕嘅味多啲～呢間點心舖食嘅係味道，不能對佢嘅環境有太高要求，雖然只係第一次光顧，不過好feel到小店嘅人情味，最重要嘅係媽咪都滿意，佢仲話下次可以再嚟試其他點心添 😌…Read More

平時去酒樓飲茶飲得多，好少去呢啲小店度食點心，今日嚟到升哥點心，真係好有驚喜。🤩呢度嘅點心種類冇酒樓咁多，但係勝在每一碟都精心炮製，味道好食，賣相精緻，而且大件夾抵食，真❤️值得推薦，事不宜遲為大家逐一介紹呢度嘅點心😋🌟白灼靚菜心🥬呢個菜心真係好大碟，同埋一d都唔油膩。🌟小鮮肉小籠包🥟呢個小籠包一啲都唔小，剛剛蒸氣每一隻都脹卜卜，中間仲有少少🦀蟹子，望落去賣相十分吸引。我都好小心翼翼夾起，一咬開個皮，裏便嘅湯汁好熱好多，而且湯汁嘅味道係好清甜，冇油膩感，真係好好食。😋🌟 🐛草花棉花雞🐔呢個棉花雞好足料，有好多件雞、冬菇、魚肚、蟲草花燉。啲雞食落去好滑，魚肚一啲都唔腥，好好食。🌟奇脆沙律🥗盞見到呢個名稱，就吸引到我想叫佢。呢個係好特別嘅，上邊充滿着雜果沙律，下邊原來就係普通嘅炸雲吞，有別於一般嘅咋雲吞配襯喼汁。上邊有豐富嘅雜果沙律，食落去減低左油膩感，味道新鮮又好食。🌟泰式炸蟹鉗🦀炸蟹鉗剛剛炸起好大粒、好熱。食落去啖啖肉，而且配上泰式醬汁，好好食。🌟麻辣抄手🍲唔好睇個細細個砵仔，但係裡面有好多粒雲吞。真係皮薄餡靚，而且食落去麻麻辣辣，味道好食。🌟紫薯流心球🍡呢個紫薯流心球大大粒，外貌好似煎堆咁，不過係用咗紫薯去製造，咬落去好脆、又好煙韌，裡面仲充滿左流心奶皇，食果時真係要小心😋總括而言，呢間點心鋪頭值得推介，因為真係一間好用心既餐廳，而且價格合理。…Read More

作為香港人由細到大都習慣左飲早茶同家人每個星期日一齊飲杯茶.食件點心係一件好幸福既事❤️.但人大了工作難就時間.放假都早起唔到難得而家愈來愈多點心專門店..可以晚上都可以食到點心.位於元朗近西鐵站的升哥點心...點心款式都算多..雖然價錢唔平..但都可以接受.茶位每位$4.小鮮肉小籠包 $24即叫即蒸的小籠包.皮唔算薄.但十分飽滿.湯汁亦十分鮮豬肉味好出.攞膽春卷 $52海膽加鮮蝦春卷新鮮的配搭先講春卷新鮮炸起.十分香脆而家餡料的蝦十分爽口彈牙.而且分量絕對同價錢成正比愛芝士之人可加上碟上的芝士醬..帶出鹹香味更出色但我總覺得海膽凍食會較好..雖然這海膽食得出係算新鮮...薑蔥牛柏葉 $24覺得這牛柏葉口感太淋了但份量十足.金玉滿堂蘿蔔糕 $28又一fushion代表作.香脆的外皮..加上千島醬像大阪燒..加上粗粗的蘿蔔條..口感一流..但有點搶過了原始的蘿蔔味.相識胞皮腸 $382種唔同餡料...但相同的係餡料十分澎湃滿滿的蟹籽..入口爆開的感覺太好了.綠色這款蝦仁十分彈牙..配上粟米粒..食極都唔膩..令人驚訝的發現了鰻魚係腸粉入面..而且唔係只有少少..長達整條腸粉！意外地搭唔點醬油都可以靠鰻魚汁提味.籠仔馬蹄章魚肉餅飯 $39大大籠蒸飯荷葉味十分香.肉餅也不錯..大胃王必點…Read More

今晚元朗收工同同事去到升哥點心食晚飯。好彩好快店員就安排好座位入座。睇完餐牌就點左幾樣食品。香滑布拉腸粉-拉得幾滑身，同埋幾有米糊香味 是日靚燉湯-蟲草花淮山杞子湯，有雞腳，蟲草花，淮山杞子，豬肉煲。料都好足，湯夠清夠甜。籠仔鹹魚肉餅飯-肉餅個肉質都唔錯，肉味夠，鹹魚唔太鹹夠香口。鐵板叉燒包-熱辣辣咁上枱仲有洋蔥在鐵餅。肉質良好，味道不俗。小鮮肉小籠包-肉質鮮味，汁又夠多加上熱辣辣既湯簡直溶入口中。蟲草花棉花雞-有冬菇，蟲草花，魚肚同雞。雞味幾好食冇雪味，魚肚都幾滑。春蛋燒賣-肉質唔錯。…Read More

是日入元朗搵朋友食嘢，朋友帶咗我食呢間新式嘅點心。睇睇餐牌的確有啲好特別嘅嘢食，創新類點心。一坐低侍應就問我哋揀飲咩茶，一般酒樓可以飲到嘅茶佢都有，我哋就飲鐵觀音。啲茶係用一個個獨立嘅茶包沖嘅，另外有一大壺暖水可以自己加。由於小妹生飛滋，嗌咗個是日養生湯補下，當日係沙參玉竹花膠燉螺片湯。個湯真係好足料，飲落好甜，花膠湯就啱晒我呢啲咁貪靚嘅女仔飲啦。攞膽春卷：呢個創意點心其實就係喺個春卷上面放咗海膽，但好味在佢嘅春卷炸得好香脆，入邊全部都係蝦，連埋海膽同埋下面果啲自製沙律醬一齊食，估唔到有幾夾喎。蒜香脆脆蝦餃王：呢個10分推薦，因為從來冇食過外皮係脆嘅蝦餃，外脆內熱，蒜香味都幾重，連埋面頭嘅千島醬一齊食，完全唔覺得自己食緊蝦餃，好特別。提提大家食嘅時候要小心啲，因為入面啲蝦真係好熱㗎。籠仔醬爆黑椒牛仔骨飯：朋友好鍾意食籠仔蒸飯，牛仔骨好入味，送飯一流。小鮮肉小籠包：食親點心我都必食小籠包，呢度嘅小籠包好大隻，外皮又唔會穿，仲有好多湯係入邊添呀，啖啖肉，正！另外嗌左個白灼靚菜心，不過不失。總括嚟講，呢間點心幾有特色，經過嘅朋友仔可以一試。…Read More

是日媽媽放假，她說天氣炎熱，寧願留在區內飲茶和蒸腳，她都不願去市區逛街那麼辛苦，於是我帶了她去升哥點心飲茶。升哥點心是我最近挺迷的點心小店，這裡既有傳統口味點心供應，亦有新派點心可吃，任我選擇。鮮蝦腐皮卷金黃酥脆的腐皮，極為可口，毫不油膩，而腐皮包覆彈牙的蝦肉，外脆內彈的雙重口感纏繞舌尖，蝦肉鮮甜味美，媽媽愛不釋口。升哥的腸粉和清蒸點心也不賴，沙嗲金菇牛肉腸粉白滑半透明的腸粉皮包著濃香的沙嗲金菇牛肉，交疊咀嚼更具滋味，滑溜溜的帶沙嗲的惹味，非常有趣的組合。原隻蝦燒賣上的蝦仁飽滿晶瑩富彈性，再撒上蟹籽提鮮，鮮度瞬間破表。薄薄的燒賣皮裡的豬肉餡料鮮香甘甜，肥瘦比例恰到好處，與蝦肉互相輝映。每顆小鮮肉小籠包的外皮都超薄，卻盛載豐腴的湯汁，我和媽媽始料不及，湯汁如汪洋在口腔大噴發，鮮肉香氣在嘴裡久久不散，多令人回味。XO醬菜苗餃不僅外形討好，味道也是一絕，亮透的餃皮把翠綠清甜的菜苗和爽彈的蝦隻表露無遺顯現我們的眼前，XO醬微辣鹹鮮的點綴，為菜苗餃帶來另一番風味。媽媽力推蟲草花綿花雞，未上桌已香氣四溢，蟲草花，魚肚，雞肉，冬菇一同蒸煮，雞肉所釋出的精華雞汁，蟲草花的清香，一一都被魚肚吸收。魚肚綿軟，入口即化，不一會被我們吃光光。紫薯流心球是我每次來升哥點心必點，別小看這紫薯流心球，小小的咬一口，足以讓人手舞足蹈，鹹鹹甜甜的流心奶黃衝口而出，驚為天人，軟糯的紫薯外層好吃又吸睛，跟流心奶黃刷出火花。…Read More