今日同朋友行街，行行下，感覺有啲肚餓，朋友就話想打邊爐，咁啱行過見到呢間，朋友話食過話呢間覺得唔錯，而我就未食過，咁就去咗呢間食，上到去等咗15分鐘就有位，坐低咗之後，就有位職員招呼我哋，佢比咗條圍裙我哋，佢見到我哋頭髮長又派咗條橡筋比我哋紮頭髮，之後佢就俾咗部平板我哋落單，點緊單途中，朋友話一定要點拉麵，因為佢話會有人出嚟响我哋面前做拉麵呢個動作，佢話想睇，咁就一定要點啦！食到咁上下，突然有個職員出嚟做變臉表演，我覺得好得意，好精彩。整體嚟講食物質素還好，但有啲貴，服務很好，我哋埋單時，職員仲送咗幾包小食比我哋，我哋都好滿意！…Read More
一入到去張枱，枱面上已經有小食、生果係度
非常周到，好快仲會有人拎毛巾比你抹手同埋比圍裙你著，女孩子長頭髮仲會有髮圈比你，而且都市人都會有電話，佢仲會貼心有濕紙巾比你抹tim～
同朋友睇左一陣已經揀左好多野食啦～
首先黎既係湯底，叫左個四宮格鍋，可以食到4種湯底，岩曬有選擇困難症既我地
我同朋友叫左大骨湯（左上），胡椒豬肚湯（右上），清油無渣麻辣湯（左下），菌湯（右下）。四個湯底都好足料好夠味，由其係大骨湯會有陣陣藥材味，好正！
都唔洗等好耐，d野食就陸續黎啦！枱面上仲有個pop係講d野食淥幾多分鐘就食得，有曬指標就唔怕煮過龍啦
除左叫火鍋配料之外，佢仲有醬料吧個度有驚喜！會有d辣辣地既小食前菜同埋有雞湯可以拎～真係怕大家野食未到前冇野食呀！！
其他野食都係睇你想食咩湯底去配佢～但大部分野食都係比較新鮮！
同埋佢座位都比較私隱度高既，但又可以打通做大枱，所以無論係2個人定一大班朋友黎，都可以坐埋一齊or 2個人撐下枱腳都可以
