THE ALCHEMIST CAFE (K11 Art Mall)

其實我想食薯條同雞翼㗎咋~點知我個friend竟然提議叫<<小食拼盤>>($138)👀完全開正我嗰範!!最鍾意乜都試吓乜都食一啖😋不過兩個人share咁大盆小食又點止得一啖🫣除咗雞翼得三隻之外，全部嘢都係四件或以上!腸仔控嘅我好鍾意食佢啲黑松露豬肉腸同煙辣腸!不過入口係最高油份嘅相對上🥱但明明佢係唯一唔炸🤔其他樣樣都炸到卜卜脆兼熱辣辣🤩八爪魚丸好彈牙🐙蕃薯條味道天然! 唔會有死甜好假嘅感覺🍠春卷最普通但點埋沙律醬都好yum yum🫔<<流心蛋腐乳卡邦尼意大利粉>>($108)可能我太期待carbonara點同腐乳crossover喇😐最終係失望嘅🫠腐乳味一啲都唔出! 唔講直頭以為係普通carbonara!不過佢嘅汁好濃稠，撈埋溫泉蛋，成件事就更掛汁🍝應該要叫杯果茶解吓膩!!!!!但我仲點咗<<抹茶可可朱古力>>($50)🤦🏻‍♀️最邪惡係佢有成吋厚嘅cream😱我唔敢撈勻呀!! 我唔想食完呢餐肥廿磅🧟‍♀️但真心講! 無論係朱古力味定係抹茶味都好濃!誠意推介呢杯肥仔嘢俾大家💚🤎…Read More

復活節與友相聚, 為咗大家方便, 揀咗去尖沙咀食飯! 尖沙咀餐廳眾多, 我哋千揀萬揀, 揀咗位於K11 嘅牧羊少年咖啡館 。朋友喺食店官網度訂座, 好方便! 不過留意返得晚飯時間可以訂座, LUNCH 要WALK IN 的。而且晚餐時間分2 段, 1 個係由17:30 - 19:00, 1 個係19:00 - 21:00。我哋訂咗後者啦! 我坐西鐵去到尖東站, 出K11 個出口左轉就係, 都算易搵。食店唔算好大, 座位有D 逼。見食店都有高枱設計, 感覺都幾CHILL! 🍻牧羊少年浪人手工生啤花香味, 好飲! 黃金鹹蛋苦瓜忌廉雞肉意大利粉好一道FUSION 菜, 鹹蛋苦爪混埋一齊同忌廉汁好夾，不過略嫌份量少咗D。雙重口味蜜糖芥末黑松露薯角配酒之選, 薯角點上蜜糖芥末醬同黑松露醬, 好食! 日式大阪燒風味煙三文魚薄餅呢個係朋友叫嘅, 係大阪燒既燒汁味PIZZA, 呢個一般好味。香煎加拿大保濕豬鞍 配蘋果泥豬鞍超好食, 唔乾又入味! 蘋果泥好滑, 不錯! 小食拼盤 (坎伯蘭腸、煙辣腸、雞翼、八爪魚丸、春卷、薯角)最後我哋叫咗小食拼盤,  小食拼盤有坎伯蘭腸、煙辣腸、雞翼、八爪魚丸、春卷、薯角, 全部都好食既! 但係食食下真係覺得好飽! 最後就打包拎走! K11 呢間分店地點方便, 食物好味, 但係坐得有D 迫。下次會試下另一間分店!  …Read More

都食過好多次，每次食都好多人，價錢我覺得都唔貴又好食，所以等下位都值得，今次5點幾去食都係咁多人90分鐘限時，坐低叫了2碟意粉，意粉的忌廉汁好creamy，我嫌佢份量小左d,不過係我大食叫左個沙律，沙律係必食既，同埋我好鍾意食佢個沙律醬，好清新，所以要叫多醬再叫埋小食拼盤，個墨魚丸都好香，人面有墨魚粒。雞翼勁脆，唔乾，好juice,腸好辣薯角熱辣辣春卷脆卜卜2條友食咁多野吓死人我都無晒野，全部食晒嫁…Read More

【牧羊少年之夜】很可以的一晚！突發約食飯，無見一排當然要應約，最後由友人們揀選K11嘅牧羊少年。到場等咗約半小時，就能進入散發文青味道嘅牧羊少年。閒話少說。夜已深，大家都放工都極其肚餓，於是二話不說瘋狂點嘢食，叫咗「三文魚籽和風蜆肉意大利粉」、「小食拼盤」、「魚湯輕炒西蘭花」、 「香草醬雞肉蘆筍意粉」、「京都春日士多啤利窩夫配雲呢拿雪糕」、「千島海鮮薄餅 」；而嘢飲方面，我就叫 「冰伯爵茶咖啡」。經過一場人類單方面撕殺美食後，大家飽到上心口。呢間牧羊少年感覺上比其他方地嘅好食，雖然鋪位面積唔大又有啲難搵，但呢晚的確係感覺十分唔錯嘅一晚！「三文魚籽和風蜆肉意大利粉」三文魚籽同蜆肉嘅量唔算多，不過個汁整得幾好，意粉硬度適中，可一試。「小食拼盤」味道普普通通，唔算特出，不過啲嘢夠大件，而且款類多。「魚湯輕炒西蘭花」西蘭花除咗吸滿哂魚湯嘅味道外，仲有濃濃嘅牛油味，有驚喜。 「冰伯爵茶咖啡」濃郁伯爵茶味道遮蓋咖啡嘅苦澀味道，有層次又有性格嘅咖啡，有驚喜！ 「香草醬雞肉蘆筍意粉」好香嘅香草醬，而且加咗橄欖油嚟整，意粉硬度適中，有2大條蘆筍，不過雞就唔多覺，整體OK。「京都春日士多啤利窩夫配雲呢拿雪糕」窩夫口感鬆脆，賣相吸睛，士多啤利窩夫同雲呢拿雪糕兩者味道雖帶甜，但甜而不膩。「千島海鮮薄餅 」 薄批嚟，批邊脆，醬份量適中，除咗薄批之外，無乜特別。…Read More

中學時期成日都會去太子既個間牧羊少年都係好好既中學回憶🤓今次黎到K11呢一間裝修上面就冇咁多旅行theme係一間decent café TLDR: 同平時價位差不多 都係百幾蚊加一 性價比唔算高 但我估會再食都係因為個熟悉感😆三文魚籽和風蜆肉意大利粉食落紫菜味出奇地重 為和風味加分😆不過因為佢英文有寫cream sauce 本身希望佢會多少少cream香草青醬雞肉蘆筍意大利粉非常推介！青醬味好出😍雞肉係大塊雞腿肉🤤小食拼盤份量岩曬有班朋友share (都係小食category 比較好既選擇🤣）推介春卷！鐘意入面d菜都係濕同甜😂魚有d失望 好重油味.__.…Read More

明太子忌廉蝦意粉，個汁好正，明太子微辣，係暫時食過最鍾意嘅明太子意粉🤩個蝦大大隻，夠爽口，呢個必食魚湯輕灼西蘭花🥦，呢個好食，西蘭花索晒柴魚湯，簡單好味小食拼盤，大碟到嚇親我，食唔晒好浪費，炸雞翼同薯角最好味，炸魚個粉厚咗d，八爪魚丸可以，春卷裡面有青豆同粟米我唔鍾意，腸就係正常嘅腸，好大盤，好抵食😆朋友點咗凍朱古力，似milkshake 好rich爆谷咖啡好好味，爆谷非常脆卜卜，有幾粒浸咗係底，差唔多飲完杯咖啡先撩來食都仲脆，推介！呢間cafe好食，會再嚟🥰…Read More