IKEA Café

今日去九龍灣Ikea買野，緊係順便要食佢地既餐廳😆Ikea餐廳出名抵食夾大件，真係任叫任食😍而且地方大，容易搵位食物質素亦都ok，性價比絕對高🤪🥗黑毛豬無花果沙律（$39）沙律份量多，有麻醬撈沙律無花果好甜，仲有麵包脆脆🤩黑毛豬亦都好香，偏咸左啲，連埋菜食就岩岩好😝🍗小食拼盤（$43）煙燻蜜糖腸4件、脆炸黃金雞翼4件、 香脆薯條及甜粟米小食拼盤都好抵食👍蜜糖腸好脆皮，好食😋雞翼亦都炸到個皮好香脆薯條就唔夠熱，林左啲，有啲失色🧐🍝黑啤燴牛肋條配扁意粉（$49）牛肋條好軟林入味，而且唔會有牛既騷味🤭意粉醬唔算好濃，但都夠味😉意粉軟硬度適中，唔會太林味道不錯👍🥘瑞典肉丸10粒（$23）我就最中意食Ikea既肉丸，配埋佢地既特制醬汁同紅莓醬😍真係每次黎到都想食💯☕熱咖啡（任添/ $8）咖啡之前試過一次之後覺得好好飲❤加埋花奶令到杯咖啡又香又滑👍$8任添真係好正🤗/📌宜家家居餐廳及咖啡室九龍灣宏照道38號Megabox 4樓/😋食物質素：7.5/10🍽️用餐環境：7/10💰性價比：8/10👣回頭率：7.5/10…查看更多

IKEA 今個聖誕左左新的限時菜式, 一於去試下.我就叫左個海鮮番茄紅花飯($49)海鮮都有唔少, 同埋幾新鮮有4隻青口, 3隻大蝦,3隻元貝配埋番茄紅花飯, 有D番茄的酸甜味的燉飯, 真係好開胃!我地仲叫左個兒童餐($19),係有4件由植物肉整成的麥樂雞, 同薯蓉, 同包埋飲品,由植物肉整成的麥樂雞, 口感比真的肉結實, 點左番茄醬其實都一般麥樂雞一樣. 但因為係物肉整成的, 感覺上好似健康D!其他小食拼盤, 肉丸, 同芝士餅 甘多年都係好食抵食!…查看更多

星期五經過九龍灣mega box，趁下午茶時間去食Ikea，都唔算太多人，好快就搵到位。Ikea係要自己攞托盤，然後一路排隊，見到啱嘅野食就攞，去到最後就係cashier畀錢。今次叫左個酥皮龍蝦湯（$33），見到都幾多人買，應該係呢排新出嘅。被佢嘅酥皮吸引左，個酥皮好拱，但係見到有啲酥皮好塌，:(龍蝦湯好濃，入面仲有d龍蝦肉添，可以媲美其他西餐廳。仲叫左個小食拼盤，有4隻雞翼，4條腸仔同埋一啲薯格。兩個人share岩岩好，味道不過不失。環境可以，都幾乾淨。提提大家食完記得自己執檯。:)…查看更多

係九龍灣MegaBox呢間宜家傢俬嘅餐廳，永遠都人山人海。今日同朋友經過見到心血來潮想試吓，淨係排隊買嘢食都用咗15分鐘，可以見到佢有幾受歡迎。肉丸唔使我多介紹，係宜家傢俬必食，一定要加埋個果醬，過咗收銀處調味區可以自己加。加埋個薯蓉一流。豬仔骨好驚喜，佢整得好腍，一啲都唔老，啲肉好易撕開，個汁調味啱啱好。而且佢係配蕃薯條，好有心思。小食拼盤就不過不失，下次會試吓第二樣。個朱古力鬆餅都好驚喜，朱古力味好濃，中間仲要係流心。性價比極高，鍾意食朱古力唔可以錯過。總括而言呢間餐廳性價比好高，係難搵位，最好人少少先嚟食。同埋提醒大家呢度係要自己執盤㗎！…查看更多

很久沒有吃過ikea, 今日夥同2位同事前來。地方比以前大多了。lunch time到來, 人相當多, 但勝在位置亦不少, 很快便找到位置, 決定點數款食物同分。珍寶蝦伴旋風薯塊配蜜糖芥末醬: 是新岀的食品, 蝦的確是珍寶size, 平價但有蝦味, 炸得香脆, 蜜糖芥末醬與蝦很配。旁邊的薯塊有粗薯條之感, 薯味香, 比普通薯條要好。瑞典肉丸: 必吃肉丸, 好像比以前吃的要細粒很多, 味道不錯, 薯蓉也滑而有薯味。小食拼盤: 另一必點, 有4隻雞翼4條蜜糖珍寶腸數塊薯格及粟米。腸最令我驚喜, 吃下皮脆且很香蜜糖味。鱈魚柳配意大利粉: 這可說是最不值得點的一道。意粉沒口感, 忌廉汁沒有味道, 鱈魚有一陣雪味, 有腥味, 肉質又鞋, 實在不行。蔬菜薯餅: 點了2件薯餅, 薯粒甚多, 內裡有點忌廉口感, 很軟滑, 調味也好。吃了這麼多, 捧著腹離開也不過一人$60, 確是平價開餐之選。…查看更多

IKEA餐廳及咖啡室經常大排長龍🐉，非常受歡迎。今天終於有時間抽空一試，其實食物水準正常發揮，未算特別。🍴小食拼盤 ($39)Snacks Platter👧🏻根據草根妹妹的觀察👀，基本上每一台客人也會點小食拼盤，根據其的受歡迎程度😍，決定也點一客小食試試。小食拼盤內有煙燻蜜糖腸四條、脆炸黃金雞翼四隻、香辣薯角及甜粟米。煙燻蜜糖腸外面脆身，腸仔Juicy💦，可惜蜜糖味不算突出🍯。作為老少咸宜的小食，當然非常受歡迎👏🏻。🐥雞翼經過脆炸後，肉質依然Juicy💦，而且不油膩。可惜，薯角和粟米不是新鮮出爐，在室溫下已經擺放了一段時間，這點失色😞。🍴羊架（$63）Lamb 一客羊架有3件🐑，旁邊有數粒小番茄🍅和薯蓉伴碟。羊肉味道較騷👉🏻👈🏻，肉質更乾，亦相對粗糙。質素平庸😤，以這個價錢來說，有更多的選擇。…查看更多

星期日九龍灣IKEA 真係可以講係人山人海種類又多，價錢又平～是平民首選之一~~~嫩豬肋骨伴酸菜~~~開頭經過IKEA 被豬肋骨加炸蕃薯條吸引住但...真係有點兒失望因為成碟都係凍架！！！炸蕃薯條係凍連舊豬肋骨都係凍架！！！！蕃薯條味道都唔錯，又香又甜豬肋骨都算嫩滑，但略嫌淡味一D~~~小食拼盤~~~有粟米，腸仔，薯角，炸雞翼$39 有咁多野食，真係抵食呀熱就一定稱不上，但係暖暖地，都可以接受~~~藍莓紅莓芝士餅~~~甜到漏呀！味道算係唔錯，但真係甜左D小朋友應該好鍾意…查看更多

話說今日要陪阿肥嚟宜家傢俬買層板,咁就啱哂啦連食咩都唔洗諗喇!!!直接嚟宜家餐廳就可以品嚐北歐風味嘅平民自助餐喇嚟親呢度食嘢嘅人都會好有秩序,首先拎架餐車去排隊拎食物盤,然後就會一邊跟住條隊前進一邊會見到食物,當你沿途見到自己想食嘅嘢就可以出手架喇。中途亦都會經過廚房,有其他熟食即時柯打,職員就會立即送上,揀選好哂最後就直接俾錢~搵個靚位就食得喇今日我哋食嘅嘢唔算好多,不過都仍然夠飽,埋單都只係$100蚊,十分抵食!!!!!1. 牛油餐包 $2蚊個2. 一舊牛油 $1蚊3. 甘荀忌廉湯 $13蚊一碗, 平時都鍾意飲龍蝦湯架,不過今日俾人"不"哂lu...之後試下呢個,都幾好味喎4. 小食拼盤 $39蚊, 裡面有粟米,雞翼4隻,薯角,波波腸~好抵食^^5. 瑞典肉丸十粒 $20蚊,阿肥次次嚟都會食,佢太鍾意,呢度嘅肉丸有啲燒汁同埋薯蓉咁,又真係幾好味嘅6. 蔬菜薯餅兩件 $15蚊,好正架呢個薯餅,又健康又香口,佢仲有千島醬提供,夠哂開胃7. 朱古力榛子鬆餅 $10蚊個,呢個真係忍唔到手,見到就要拎,鬆餅好正,裡面啲榛子多到漏,甜點必愛我覺得宜家傢俬嘅餐廳部真係窮人恩物,有時想食好味嘅嘢又唔想浪費太多金錢嘅話,不妨嚟下呢度盡情掃食…查看更多

去到megabox可能大家都會發覺野食既選擇真係唔係咁多，所以就造就左九龍灣ikea餐廳基本上係長期都咁多人。ikea餐廳好強調佢地來自瑞典，但係好老實講，我又唔係太分得出ikea瑞典菜同普通西餐有咩好大既分別喇。不過本人就真係無去過瑞典，呢方面就再去過瑞典既朋友去評價啦。先講環境其實都算係幾舒服，樓底好高，坐位之間既距離都合理。ikea身為一家賣居家用品既公司，其實都投放左唔少心思入去。例如，有個位置可以比小朋友放電既地方，家長可以食住野咁睇小朋友玩。又例如呢度既燈係款式係特別多，裝飾都係用ikea貨品為主。可以講，就算你食緊野都係佢地showroom裡面咁。係呢度係採用全自助既形式，睇左menu就排隊可以叫野食。而因為呢度係長期多人既關係，有時係覺得都幾混亂。而當日有啲廳盤就有啲食物碎係上面，明顯係清潔唔乾淨。香烤三文魚柳 - 疑似無烤過既三文魚，配以類似忌廉汁，蔬菜和薯容。首先個三文魚就都幾明顯係好鞋口，但係唔乾身。所以我覺得似係用水煮過頭，而且三文魚塊裡面除左三文魚味之外就無其他味道。忌廉汁就有啲甜配個無味既三文魚都可以。而蔬菜都應該無咩特別味道。薯容就不過不失，同平時食到既差不多。蔬菜薯餅 - 薯餅味道方面都係類似係忌廉同薯仔既味道。口感方面，因為本身有少少煎過，有少少香口，間唔中仲食到少少西蘭花既碎。個人就覺得幾好味。香草三文魚沙律 - 煙三文魚，沙律菜配以香草醬。煙三文草如果就咁食就偏咸少少，如果落返檸檬汁就中和返啲咸味同提鮮就好味啲。沙律菜就略為少左少少，不過都好新鮮。香草醬本身係甜甜酸酸係出面係未食過，配係沙律係幾好味。瑞典肉丸 - 比較肉味濃，而且都幾香口。最重要既只係20蚊10粒，基本上大家黎到都會叫既菜式。小食拼盤 - 雞翼，脆皮腸，薯角，粟米。雞翼炸得太乾身，薯角同脆皮腸幾好味。最後，因為呢度係自助式餐廳既關係，希望大家都可以食完野將用過既餐具放係收集處。等下一手食客可以用返張枱。而如果你地係ikea餐廳食過好味既野，其實都可以去cashier後面既瑞典美食郎買返屋企食。我就見過薯餅，肉丸加肉丸汁，煙三文魚，三文魚排，連茄汁都有得賣，鐘意就買返屋企煮黎食喇。…查看更多

話說我對ikea係有種偏愛，間唔中都會想去食吓嘢同行吓😛但我正係鐘意九龍灣嗰間，因為人流相對沙田同銅鑼灣嘅少好多😂荃灣嗰間我就冇去過，但感覺都係九龍灣呢間最舒服咁😛豬肋骨比我想像中大份喎！有五六條骨，同行朋友就一路食一路話啲豬肋骨好甜😂而我就覺得墊底嘅炸薯格真係大劣🤦🏽‍♀️完全唔熱唔脆，有啲唔知自己食緊薯格🤦🏽‍♀️呢個combination嘅小食拼盤就一直好吸引我(好似間中會轉配搭)，次次嚟到見到都好想叫嚟食，我最愛係肥嘟嘟嘅蜜糖腸😍其實整體食物都唔夠熱，如果可以熱啲就好啦🙈兩個人叫咗以上嘅嘢食，再加多碟十粒肉丸配薯蓉($20)，人均$6x，飽到上心口😂其實又唔算十分平，但就都算食得滿足，都話我對ikea係有份偏愛嘛😌食飽飽就去行吓ikea消化吓，雖然行親都冇買倒嘢😂…查看更多

復活節終於有假放喇！熊妹同熊大好耐無去九龍灣，今日黎九龍灣hea下。熊妹一直好鐘情九龍灣，覺得好多野食，德福廣場又多野行，感覺好舒服。熊妹記得熊大話想食ikea，仲唔係晚餐首選？ikea餐廳平價美食出哂名喇，熊妹黎親九龍灣都係食ikea，因為價錢太吸引，喪點喪叫西餐美食最多都係食到百幾蚊，勁滿足。ikea餐廳多數一個月轉餐牌一次，所以不停黎食都唔會怕悶。今期新款係豬肋骨配酸青瓜，$63。西餐黎講，出面叫個ribs，閒閒地都要2百幾，食宜家都係好抵。肉質好嫩，有4，5條骨，無咩肥膏位，岩哂熊妹，連埋bbq source，63蚊邊度揾？宜家就揾到。好特別的係佢用蕃薯薯條，俾薯條多啲甜味同冧身啲，熊妹鐘意食冧身薯條，熊大知熊妹鐘意，讓哂俾熊妹食。酸青瓜望上去好似無咩名，好清咁，但原來真係有掩過，酸酸甜甜，食完啲肉再食青瓜會好清新，呢碟新菜好岩熊妹呀！跟住叫左每次必點的小食拼盤同肉丸。呢兩款都係宜家例牌菜。小食拼盤有齊大碌腸仔，雞翼，薯角，粟米，每次黎望餐牌都好吸睛，因為份量款式夠多，最緊要係$39，起抵食。味道就大路喇，雞翼有炸過，表皮脆脆地，大碌腸點茄汁一流，熊大負責呢碟的薯角，仲清哂啲粟米。到宜家的經典小食，宜家肉丸，叫左10粒份量，熊妹最鐘意係啲紅苺醬，宜家餐廳的醬料係自助式，熊妹係怒唧紅苺醬，正呀。熊大竟然今次唔飲可樂，轉死性嗌湯飲，$13，有兩款湯揀，一款係三文魚忌簾蘑菇湯，另一款係粟米周打湯，熊大同熊妹都係粟米愛好者，二話不說點左粟米周打湯。又係自助盛湯，熊妹緊係撈左好多粟米粒喇，哈哈。湯好濃稠，好有粟米味，好多粟米粒，不過飲到最後咸左啲。最後食埋個甜品，蘋果批，$14，呢款蘋果批冧身啲，因為擺係凍櫃，批皮都係冧身咁食，啲蘋果蓉有好重肉桂味，有好多粒蘋果粒，熊妹幾鐘意食，但熊大就話唔鐘意呢隻texture，熊大都係鐘意熱食脆脆地的。total $149，食到飽飽的，仲可以行下宜家，一站式餐廳連shopping真係好有生意頭腦，抵佢咁成功的。食完行下發現原來宜家餐廳開發左露天坐位，係排隊附近有個玻璃門出口可以坐出去食，擺哂宜家的傢俬，可以隨便坐同一試宜家家居的感覺，仲有打燈，天黑黑配合一啲柔和燈光下食晚餐，幾浪漫喎，下次一定要去感受下。…查看更多

宜家傢俬相信唔會未食過掛？係大學既時候無咩錢，拍拖想食好d，有時都會揀去宜家傢俬餐廳，因為佢既價錢夠親民，而且味道幾好，食飽仲可去隔離既陳列室睇傢俬，坐下談下心，幻想下第時屋企既擺設！到大個左，揾到少少錢，都仲係會番黎食，除左好味，仲多左一份回憶。今日，同friend子一齊，黎到九龍灣megabox既宜家傢俬，食個下午茶，消磨下時間。我地黎既時間尚早，輕易找到位置坐下，然後馬上去拎野食。來過既都知，好似去飯堂咁，推架手推車，想要咩食物就同店員講，先後一次過去賣單。:)我們三人唔想食太飽，只係點左三樣小食。瑞典肉丸無食過呢度既肉丸，唔好話自己黎過宜家家居。瑞典肉丸可以話係宜家家居既招牌，肉丸外面煎香，食落口感軟腍，充滿肉味，配上秘製醬汁，一個人食十五粒都得呀!亦可以點果醬，酸甜開胃，薯泥大大球，增加飽肚感。小食拼盤小食拼盤就唔係好大驚喜，都係d快餐食物，但係係好食既。腸仔爽口彈牙帶點甜味，薯角擺得耐左少少，有點乾身，雞翼煎得好香，肉質嫩滑，配點粟米減低油膩感。鮮蝦盤咁大盒蝦都係29元，食過一次之後，每次都會點，唔好睇佢用個膠盒裝住，好似無咩吸引力，食落有驚喜！凍蝦肉質爽嫩，每隻蝦都有勁多蝦籽！一次過食晒呀媽同呀仔，係有d殘忍，不過好好味，但蝦籽有d腥味，如果唔受得就唔好食蝦籽喇。佢個醬又係另一個亮點，酸酸甜甜，十分醒胃，加上幾滴檸檬汁，感覺好清新，鮮味十足呀！宜家家居定時定後都會轉下餐牌，可以試下新野，但係肉丸同蝦就必點呀！…查看更多

又來＂宜家家居＂買嘢，順便來餐廳用餐。餐廳的環境裝飾成好有屋企的 feel ，清新、明亮、寬敞、舒適，給人以親切感。餐廳供應的食物口味清淡，且種類齊全，冷盤、沙律、主菜、麵、飯、麵包、甜品、湯、飲品應有盡有，終會揀到啱你食的😝。餐廳供應的食物價格低廉抵食，人均$100可以食到飽到上心口。所以來＂宜家家居＂買嘢，必會來餐廳食嘢😜。…查看更多

今日想講一個唔好太高估自己嘅故事。話說放lunch個陣去咗宜家傢俬食嘢。雖然好多人排隊，但勝在夠平，排隊速度相當順暢，話咁快就到我。我見佢有個新出嘅小食拼盤，類似平價版all day breakfast ，戰戰兢兢拎左一試，原本拎左個$7粉，諗諗下太heavy都係算數。小食拼盤包括有四隻雞翼、四條蜜糖腸、兩塊薯餅、同粟米雜菌。初初以為自己一個搞得掂，點知越食越覺得唔對路，雞翼窿得來又油油地，兩塊薯餅夠脆但好濟，唯一最易入口係粟米，雜菌冇咩味道。四條蜜糖腸至難啃，雖然咬落去爆汁，皮脆肉嫩，但四條真係好膩，完全高估左自己可以一個人食得晒，估唔到油濟到咁。 最後係我唔浪費既精神下啃剩半條腸，𥄫一𥄫隔離嗰位女士，枱面有一碟小食拼盤、一碟肉丸薯蓉、兩隻雞翼再加一件蛋糕，見到都不禁倒抽一口涼氣。奉勸各位唔好自己一個人食小食拼盤，都係同人share把啦。…查看更多