IKEA Restaurant & Café

每當我們晚餐想不到吃什麼，宜家家居餐廳是個不錯的選擇他們的菜單有很多不錯的選擇。個人特別喜歡他們的香烤三文魚伴薯蓉。三文魚烤得剛剛好，肉質鮮嫩多汁，配上濃郁的薯蓉，雖然份量不多，但有飽肚的感覺。另外，瑞典肉丸伴薯蓉也是一道不可不點的美食。一口肉丸，搭配著綿密的薯蓉同醬汁。如果略嫌蔬菜不夠，他們的蔬菜薯餅也值得一試，十分清淡。炭烤雞肉串都不錯，雞肉烤得香嫩，濃厚的炭烤風味。煙燻烤雞腿就很一半，相對比較油膩，調味也很淡。而當晚小食拼盤只有煙燻蜜糖和奧爾良雞翼（平時會有粟米），沒有太大驚喜。總的來說，宜家家居餐廳及咖啡室的款式算多，口味也十分大眾化，價錢相宜。…Read More

早兩日，女朋友仔話想同我食IKEA新出嘅伊麵，所以就同佢去咗沙田迷宮般嘅IKEA，去沙田IKEA個餐廳要經過一連串嘅傢俬展覽。但係沙田IKEA個餐廳空間夠闊落，啱晒一家大細去食。宜家家居餐廳及咖啡室 (沙田)沙田沙田鄉事會路138號新城市中央廣場5樓味道: ⭐️⭐️價錢: 💰💰💰抵食指數: ⭐️⭐️金沙蝦球伊麵 $53呢一個伊麵，同想像中出入都有啲大，最主要嘅敗筆係個伊麵，連水都未鯨乾，所以導致佢同芝士醬掛唔到味，所以食落個口感就係麵係充滿水味，芝士醬就芝士醬，成件事好分離。 但係金沙蝦球就幫成個伊麵拉返嗰個分，因為鹹蛋黃味同個蝦球兩者互相配合得天衣無縫，但可惜佢個蝦球放咗喺麵上面，搞到佢有少少淋😔慢煮羊膝配薯蓉 $79呢一個慢煮羊膝竟然有驚喜，外表雖然黑黑實實，以為好硬冇口感，但原來佢同我一樣都係外硬內軟，將佢切開左之後先發現到佢裏面所有羊肉嘅精華，啲油脂係切開後流晒出嚟，再同啲汁撈埋一齊再放入口嗰一種口感真係好難忘。薯蓉同醬汁油脂撈埋一齊食，亦都係另一番風味。小食拼盤 $46小食拼盤就正常發揮，入面有炸雞翼，炸薯格，腸仔，粟米。我個人最鍾意就係食腸仔其次就係粟米，其他炸嘢唔知係咪因為擺得好耐，所以有啲硬 #HK #foodie #food #playboy #lovefood#hkfoodie #美食 #香港美食 #18區美食 #美食家 …Read More

聖誕就來到了，係時候行吓宜家傢俬添置返啲聖誕裝飾&領傢俬🤣🤣🤣行得宜家傢俬，當然唔會錯過佢哋嘅美食啦！今次同大家介紹吓宜家傢俬平靚正嘅美食呢個焗豬肘骨伴薯蓉，真係大件夾抵食，咁大份，啖啖肉又Juicy，自問自己喺屋企一定煮唔到，淨係材料錢到都唔止咁嘅價錢了，你一份都只係$63咋，好食到爆燈，後悔堂食完之後沒有嗌多一份外賣🤣🤣🤣宜家傢俬小食拼盤，大大份都係$43咋有薯格、雞翼x4、腸仔x4+少量粟米🌽。我估咁大份&咁嘅價錢，喺出邊應該好難搵到。最緊要佢哋味道都好好食😋飽肚之選梗係要食返啲澱粉質啦呢個係焗三文魚長通粉，咁大份又係$43咋，真係大份夾抵食，味道都相當唔錯，不過我覺得佢嘅汁少咗啲，食落去有啲乾身🤣🤣🤣凍蝦盤$29如果有邊個朋友仔搵到比呢個價錢再平嘅凍蝦盤可以介紹我去食🤣🤣🤣帆立貝雜菜沙律都係$36咋，係咪好吸引呢！夠晒Green夠晒fresh🌿因為食咗咁多肉，梗係要食返少少菜啦我哋都要食到均衡飲食㗎嘛😁😁😁食飽飽繼續行街shopping囉😃…Read More

又來到「宜家」購買啱用的畫框。我們順路又在「宜家」吃過午餐，小食拼盤最宜分享，全部的炸器都是預先炸好，只有香與暖的口感，沒有脆的滋味，脆皮香腸挺可口的，粟米粒不算很清甜，有少許牛油味道，尚算好吃。藍莓芝士撻、芒果汁好味道。$75的午餐，兩人共享。原來自携盒子買鹹豬手，但今天沒鹹豬手出售。改買肉丸，外賣折實$28有15顆，肉丸味道濃郁還帶著少許膻味，尚有薯蓉與醬汁。離開小型超市店鋪前，買了一包$79肉丸，是羊與豬肉丸。…Read More

黎宜家傢私唔一定係睇傢俬既～就好似小弟咁，間唔中都會黎食下野呢個小食拼盤睇落好似無咩料到，但原來食落都幾飽珍寶腸粒粒都脹卜卜～薯格同雞翼就一向都係必食推介全部都熱辣辣，好新鮮熱氣就熱氣左d，不如間唔中一次半次啦…Read More

今晚係大圍做完嘢，近近地係沙田食飯，於是就去左ikea!大約六點半去到，已經幾多人，得返幾張枱，遲過7點去就應該要等位！我地三個女仔今次食左蔬菜薯餅/ 小食拼盤/ 火腿釀火雞意粉/ 30粒肉丸薯蓉，真係超級滿足！蔬菜薯餅 $18我第一次食蔬菜薯餅，幾有驚喜！入面有椰菜花/ 西蘭花/ 菰，都幾豐富，味道唔會太淡，加埋蘑菇汁剛剛好！小食拼盤 $39小食拼盤反而係最失望，唔洗點煮既波波腸最好味，雞翼同埋薯角都太乾太鹹，好重味精！10粒肉丸 ＋ 薯蓉 ＄20火雞火腿意粉 ＄39意粉略嫌太乾，個豬排反而炸得啱啱好，加埋芝士火腿都唔會覺得漏，可以一試！…Read More

每年12月，IKEA的自助餐廳都推出聖誕大餐，啱晒啲學生、打工仔、家庭主婦和年青的情侶，價廉物美，又有特色，今日我和朋友仔一起來食聖誕大餐之餘點了另外兩個餐：1. 蜜汁燒聖誕火腿，$56，有兩大塊，肉質細嫩滑溜，不會太鹹，配菜是栗子和鬼佬椰菜仔Brussels sprouts，2. 小食拼盤，有炸薯角、四隻炸雞中翼和四條脆皮腸及烚粟米粒，$393. 西冷扒，$68，外貌好靚，有一邊是脂肪，中間啲肉好瘦，而且呈粉紅色，看來很吸引，但係肉質纖維非常之密，令人聯想不到是那一個國家出的牛肉，食落有渣，欠缺有應有的濃鮮味，4. 檸檬撻一件，$19，OK啦！個撻皮唔夠好味。5. 熱咖啡，每杯$7，用的是花奶，如果用的是鮮奶更加好飲食完餐之後走入超市行一轉的時候發現原來燒蜜汁火腿這個聖誕食品有急凍版，非常之大個，$189，最衰我屋企冇切薄片機，因為同行的朋友認為用來夾三文治真係好過一般啲火腿及火雞肉好多。…Read More

每次去沙田宜家買東西，就會想著也去幫趁它的餐廳。 但每次看見大批人等位，就有點無奈地不想等位。 今天早收工要去宜家買櫈，可能天氣不好，竟然不用等位，真的太好了。燒荷蘭牛仔柳配薯蓉$63牛仔柳肉嫩，洋蔥汁也煮得夠香。 不過伴碟什菜煮得太耐太稔。 薯蓉唔夠滑，質感有點糊口。瑞典肉丸 $20每次必食之選，一個字＂抵＂。小食拼盤$39煙燻蜜糖腸 - 腸粗皮脆好味酥炸黃金雞翼 - 炸到肉有點乾香辣薯角 - 唔脆唔熱，唔好食甜粟米 - 冇味香脆薯格$13仍新鮮香脆，大大份…Read More

沙田新城市中央廣場「宜家家居餐廳及咖啡室」食晚飯！小龍蝦田園沙律嘅沙律菜都幾清甜新鮮，:)小龍蝦嘅肉質雖然都幾彈牙，:)但味道就比較鹹，而且份量亦比較少！:(小食拼盤：煙燻蜜糖腸係比平日食開嘅芝士腸大條粗身超多，食落口感非常豐富！脆炸黃金鷄翼係有微微辣，所以味道相當惹味！香辣薯角炸得都幾外脆內軟！至於甜粟米都幾香甜！香烤三文魚柳感覺好似烤得有啲過熟，所以肉質比較乾同實，至於醬汁嘅味道就過度濃郁，沾嚟食嘅話會完全掩蓋晒三文魚嘅味道，呢點係我們覺得比較失望！…Read More

去開沙田宜家買嘢，順便食埋晚餐，見到個餐牌都幾吸引，有羊架，又有龍蝦仔通粉，小食拼盤又吸引，所以叫咗這3款食，羊架幾好食，但有啲騷味，但可以接受，龍蝦仔通粉，講真得個抵食，唔會覺得好食。但最喜出望外就係小食拼盤，拼盤食物豐富及抵食，雞翼唔太乾，腸仔又出奇係好食，薯角亦都唔差，整體有80分。…Read More

上星期六晚去宜家傢俬買餐具，順便同朋友食晚餐。宜家傢俬的餐廳同小食部分開，今次想食下餐廳D新產品，因為宜家時不時都會推出新菜式。幾時來都是咁多人，只可以用人山人海來形同。宜家賣傢俬，所以間餐廳都設計得好令，擺左好多特色燈飾桌椅，唯一缺點就係超級多人，連行步路都要排隊，夠誇張未。宜家傢俬餐廳得一個特點，就係價錢好親民，單呢點已經好受歡迎啦！點了呢d。太多人，無位坐，得返立食。小食拼盤$39有幾條腸仔、雞翼同薯角，亦都係最多人叫之一，不過腸仔食得多真係好滯。薯蓉$5勝在平，味道不差。瑞士肉丸10粒又有薯蓉，叫多左，哈！但真心抵食！脆朱古力杏仁餅唔難食，但唔係特別好食，味道似阿華田味道的朱古力脆脆，似零食多過甜品haha汽水$7任飲叫左咁多野都係$91，平到無人信！…Read More

11點去到IKEA Café，剛剛過咗早餐時間。 阿姐用車仔攔住入口。 話要清咗賣淨嘅早餐，先會開始午餐時段。 結果個個返埋位坐等佢清場。 等咗十幾分鐘，午餐終於就位。 個個又去排隊覓食。好有party feel嘅 小食拼盤 $39 炸薯角、粟米、脆皮腸、炸雞翼 炸雞翼 值5粒⭐️⭐️⭐️⭐️⭐️ 香口惹味，外脆內嫩，唔會炸到乾曾曾 脆皮腸都唔弱，啖啖肉 呢個餐大人細佬都啱食。 好似開緊party 咁🎉 瑞典🇸🇪肉丸是必叫的吧😉 $20 十粒，仲有薯蓉，個醬汁係精髓。個醬咸咸地，加埋紅梅醬酸酸甜甜，中和返肉丸的油膩感。 一粒接一接，越食越想食。😋 臨走買包急凍肉丸返去延續瑞典之旅。…Read More