樂林小鍋米線

最近咁既情況😷只可以買外賣番屋企食聽講樂林係鰂魚涌最好食既酸辣米線今次終於有機會試啦😎小鍋米線($26)🍜我叫左三個餸-樂林豬軟骨($11)🐷三大舊😆👍🏻好厚肉食落啖啖肉 好滿足☺️都算幾入味不過就唔係話特別嫩滑-豬大腸($6)🐽好肥 感覺完全無清過啲肥膏而且超淋 唔洗咬都已經散哂口感有啲核突😰唔講真係唔知食緊豬腸-春卷($6)🥟不過不失 無咩特別同外面街買到既差唔多Total $50 (外賣+$1)佢地叫三餸送熱飲☕️ 四餸送凍飲🍹我幾欣賞佢地既湯底夠酸🤗 啱哂我口味我叫左少辣🌶 個人就覺得唔太夠辣😝可能因為外賣既關係啦賣相唔係咁靚🤭米線太淋 夾既時候好易斷🥵不過整體份量都幾大哩個價錢都夠哂實惠👍🏻食食下仲有意外驚喜添原來入面附送左半隻蛋🍳😎😎仲有超多肉碎添😝因為個湯底我覺得都值得食既不過揀餸就要小心啲啦😂😂…Read More

呢間米線我喺鰂魚涌之前未有譚仔嘅時候已經成日幫襯 佢D小鍋米線好好味 好適合夜晚屋企冇飯食嘅時候自己一個去食🙊🙊😂佢仲係一間有良心既小黃店 有推出學生優惠 亦都有開門比啲街坊避一避😭·小鍋米線 $26 (+$3轉薯粉)佢個小鍋米線入邊都幾多料 有肉碎啊 酸菜嗰啲 都幾好食 唔錯🤤🤤係有陣時如果你嗌啲餸係比較油嘅話 個湯底食到最後就會有啲油 不過因為佢嗰調味幾好 所以都係好食嘅😎我自己就覺得佢個豬軟骨 真係炆得好lum 佢個牛筋都好味架 雞翼就一般啦🤔·…Read More

平時都食開呢間米線，水準我覺得都幾高今日女朋友過嚟陪我食飯所以就帶咗佢來試吓。小鍋米線評分：4/5小鍋米線 (+豬潤+黑木耳+豆卜+樂林豬軟骨)凍幼茶 (4餸送凍飲)中辣-對我黎講唔算好辣，但令到個湯底個咪濃d黑木耳，豆卜都ok豬潤食落爽口，好食👍🏻樂林豬軟骨酸酸地，軟骨位好有咬口👍🏻幾中意呢度個口味，好岩我😋…Read More

今日放工過左黎搵男朋友食飯，佢話介紹我黎呢間幾樂食既「樂林米線」。唔係太肚餓所以只叫咗兩餸；（豬潤，生菜）小鍋米線 $37小鍋米線叫左小辣，湯底做得都幾出色，味道適中，微微酸+少少辣刺激個喉嚨，好過癮👍🏻豬潤令我幾有驚喜！份量都幾多有成5舊，而且豬潤好厚身食落帶點爽口，好有口感😍👍🏻米線軟硬適宜而且幾滑身，配埋湯汁一齊食好好味😋😋😋另外，（偷左男朋友一舊😂）樂林豬軟骨，豬軟骨的確係王牌餸，肉質好林身軟骨位有咬口, 完全不失口感！豬軟骨用一D酸汁去醃製, 食落微微帶酸好野味!水準確係拍得住「雲X川」👍🏻😋好食！…Read More

放飯時間, 師傅一支公都唔知食咩好, 於是四圍咁行, 行行下見到呢間米線食店, 好似幾吸引下喎, 加上師傅都好耐冇食過米線, 就決定入黎食番碗, 睇下呢間食店食得過冇?入到去食店, 一d都唔算少人, 幸好一條友永遠都著數少少, 所以唔使等直入! 坐底後第一時間睇下有咩好食, 原來呢度有兩款主打米線, 一款係小鍋米線, 另一款係帽子撈米線, 除左米線外, 呢度仲有飯食添, 不過既然主打米線, 師傅當然係整番碗小鍋米線, 穩陣d嘛!於是師傅立即攞張紙仔, 睇下有咩好食, 但發覺餸款選擇未算太多, 加上冇咩心水想食, 最後只好揀龍蝦丸, 豬腩肉同埋獅子狗, 配上中辣! 小鍋米線嘅配餸有酸菜, 芽菜, 鹵蛋, 肉碎, 而蔥, 芫茜同炸蒜師傅通通都冇要, 再另外要一杯凍檸茶!等左唔係好耐就有得食, 好明顯係d米線一早煮定, 再執番d配餸落去, 放上熱湯後就可以食啦, 呢種做法都可以理解! 於是師傅第一時間試下個湯, 味道唔算特別吸引, 飲完都冇嗰種醒胃嘅作用, 淨偽覺得辣, 皆因中辣都幾辣, 師傅食得辣都覺得有少少辛苦, 不過湯底真係普通左少少; 再試下米線, 米線本身煮得好腍, 冇左煙煙韌韌嗰種感覺, 令米線應有嘅特色都冇埋, 唔得囉; 而龍蝦丸有兩粒, 入口爽口彈牙, 加上都幾香, 唔錯, 可惜得兩粒, 好似少左d:(; 豬腩肉有幾片, 一樣係幾爽口, 雖然係半肥瘦, 但入口一d肥膩嘅感覺都冇, 做到爽而不膩, 唔錯!獅子狗就得三件, 其實師傅平時唔會揀呢樣食物, 皆因冇咩特別, 但師傅點都估唔到呢間食店可以煮得咁爛, 點解? 作為獅子狗本應該爽口彈牙, 有如港式魚蛋一樣, 但呢間食店嘅獅子狗竟然又腍又冇味, 仲差過打邊爐滾左好耐嗰d, 一個字形容<劣>; 而配菜嘅酸菜反而不錯, 酸菜咸咸酸酸, 食到咁上下又食少少酸菜, 有醒胃同解辣嘅作用, 師傅覺得幾好; 芽菜就爽口, 如果連埋米線一齊食, 咁米線都會加番少少分; 而於鹵蛋同肉碎都冇咩特, 鹵蛋半隻都幾實, 而肉碎真係好碎, 好唔容易先食到少少, 一般啦! 凍檸茶都算大杯, 但茶味唔夠而且幾甜, 所以都係麻麻地!總括黎講食物質素一般, 並無驚喜, 地方都算清潔乾淨, 服務態度就幾友善, 價錢同呢區嘅茶餐廳分別唔大, 小鍋米線一碗廿一, 每加一個餸就四塊錢, 加多杯凍飲就五雞, 埋單三十八元, 唔算抵食! 師傅喺度諗莫非間食店要襯番個名, 取其諧音"落腍", 所以d米線一放落去煮就要腍? 相信要喺呢區搵番間好食嘅米線店都幾難, 除非突然好想食米線而又願意接受呢種水準啦, 否則再黎機會不大, 笑臉絕對比唔到!…Read More