金頤小館 (Closed)

我這些鄉村居民，出到北角都不知道食什麼好。正在煩惱如何「醫肚」之際，給我看到城市中心有大量OT湧出，看似大家都放完Lunch。好奇之下就行入地庫，發現原來這裡別有洞天，金頤小館就在下電梯附近。餓得不得了，立即就入內進食。鮑魚大蝦撈麵一入到店內，我和朋友發現大部分食客都點了鮑魚大蝦撈麵，看來這是此店的招牌，那我們就二話不說都分別點了兩set鮑魚大蝦撈麵餐。叫得做餐，應該都不只有撈麵吧，當中可以要杯豆漿，不另收費。另外還可以選款小食。撈麵的麵底是上海麵，伴以麻醬作撈汁，麵身軟硬適中，上碟時微温，有點像冷麵。以椰菜絲伴麵，上面放了一個大蝦和一個鮑魚。大蝦都幾大隻，新鮮爽脆，香甜甘味，扯開蝦頭，會有蝦膏流出。鮑魚雖然細細隻，但醃製得好入味，咬開鮑魚中心是咖啡色，想必它已經醃製了一段長時間。建議食時先把麻醬汁和麵撈均衡，令每條麵條都可以沾到醬汁，食落就會更好味。隨餐跟杯豆漿，豆漿絕對無欺場，香濃豆味，溢於口舌。當你吃到一半口渴時，飲一口豆漿，既解渴又解熱。小籠包-跟餐送平時飲茶食籠小籠包都起碼廿幾三十大元，這裡叫個麵就可以有兩隻小籠包送。小籠包皮薄餡靚，一咬開，肉汁「必」出來，肉質鮮甜，湯汁香濃。生煎包-跟餐送生煎包也是皮滿餡靚，肉和包比例合當。食時要小心，因為一咬開熱騰騰的肉汁會爆出來，建議放涼一下才食。四喜烤夫酸酸甜甜的，開頭我以為烤夫是平時食開的酸齋，其實不然，它比較像實實的蜂巢豆腐，口感挻不錯。汁醬酸甜，菜式在微温時上枱，我們當冷盤來吃。因為此菜令人開胃，食完還有種要再吃點什麼的感覺。兩位食完大蝦又食鮑魚，再加小食，都只係$135，即每人不用$70就吃到豐盛海鮮午餐！…Read More

老老實實，午市係呢度揀一般野，$50內已經有找，而且平均地說質素幾OK，仲想點?!排骨菜飯，要讚的是排骨，肉味、咬口、汁量都甚佳，可俾4星。小籠包，上得慢，記得一早叫。品質方面，味道係對辦，皮唔太薄，我在小店亦不會太執著。豆漿 --- 味道正常囉。裝潢簡單，重點清楚 --- 成本盡量低，食品盡量好食。我覺得態度好正確。…Read More

約了住北角的朋友晚飯，知道是上海生煎王的新店便試一下。8點幾，商場很靜，很多小店已經關門，畢竟是住宅區吧。餐廳在地庫盡頭，客人不多。三個人點了以下食物：總結：北角區內，價錢ok（3人約$250），服務也可以的。不過住在區外的話就不會特地過去食。…Read More

假日夜晚接近8點先黎食晚飯，之前無BOOK 枱都唔洗等位，而餐牌上既都幾基本既上海菜，價錢都唔算太貴，只係我地2個人食唔到太多野, 所以只叫左4樣野，而且只係轉頭去個廁所就已經差唔多上晒菜，超快手~~第一樣就係担担麵，麵黎到有少少麻油香，湯底有好輕微既少少辣，其實唔係真係辣但係有個種香味，而且花生同肉碎剛剛好，花生碎唔會太大粒，不過麵底有少少淋身，但唔影響。而個湯底係好食到想飲晒佢。之後第二樣黎既就係排骨菜飯，飯比想像中細碗，剛剛好一人份量，而菜飯入面比出面更多菜蓉同埋無咁油咁重味，排骨好入味，而且好鬆軟無骨，非常好食。呢到聽聞最出名就係小籠包同生煎包，所以一定會叫呢兩樣野試下，我叫既呢款小籠包係最基本既，一籠有4隻，每隻入面都好足肉餡，而且唔肥。包入面好多肉汁，唔似人地個D加高湯啫喱，D肉汁係多到連匙羹都裝唔住~最後就係生煎包，可能即叫即整，食到一半先黎生煎包，不過煎得非常好食，入面既肉餡好似肉餅咁既質地，肉汁多到差唔多有半碗，同小籠包一樣肉汁係鮮味既，而且個包煎到脆卜卜，又夠大個，不過就要小心唔好太心急食，如果唔係就會俾佢多到喊既肉汁燙到嘴~呢到食左4樣野共136蚊，2個人，價錢都幾平。而且侍應招呼好好，一黎就會俾兩杯水，之後每樣菜黎到都會畫一畫張單做記錄。走既時侯又會叫你拎齊野多謝晒~~ 雖然個商場比較冷清，但係有間咁舒服既中菜真係好舒服。希望可以KEEP 到個水準啦~~~…Read More