Dab-pa Modern Chinese Cuisine (Metroplaza)

想食京川菜又坐得舒服見午市有特色套餐而且平日下午無人等位就試一試揀左午市2人套餐包一款前菜、點心、主食、時蔬、甜品等🥢 雞絲粉皮麻醬味道偏甜， 而且太濃，漿住哂 啲雞絲， 相當漏🥢 小籠包皮薄湯料多，肉湯味道濃，水準不錯🥢 賽螃蟹蟹肉都幾多， 配蛋白、蟹子同醋一齊食， 都幾鮮味🥢 紫淮山炒時蔬（+$18）唔係好多地方有得食紫淮山， 加小粟米、蘆筍一齊炒，配搭不錯🥢 高力豆沙…Read More

呢間餐廳喺新都會都開咗一段時間一直未有機會試，今日終於嚟試試佢下午茶時間嚟到，都有幾款可以揀一人、二人、四至六人嘅餐都有坐低之後，職員比咗茶同小食我哋啲茶又幾好飲，小食係炸黄豆亦都有青瓜可以揀，不過我哋要返呢啲脆口嘢叫咗兩個一人嘅下午茶餐有一個點心+一款麵點心我哋揀咗小籠包同抄手麵揀咗嫩雞煨麵同上海粗炒-—————————小籠包——————————下午茶餐有兩粒，皮唔算話好薄不過都可接受，湯汁夠多，大細啱啱好一啖如果10分滿分都有7分👍🏻———————🥟瓦屋山龍抄手🥟———————有三粒，啲辣油唔算太辣，有啲蒜同蔥夾埋抄手皮薄，餡料份量足，夠實淨🥢🥢🥢🥢🥢上海粗炒🥢🥢🥢🥢🥢🥢雖然係下午茶，但都好大碟色水好夠，不過唔駛驚會好咸，佢唔會太重口味肉絲，菜絲同冬菇絲都有，正常發揮🍜🍜🍜🍜🍜🍜嫩雞煨麵🍜🍜🍜🍜🍜🍜遲咗少少影相，見到啲豆皮已經開始「成形」證明個湯底都幾足料呢碗嘅份量都係好足，食完好飽肚雞肉唔鞋，除咗菜粒外，仲有啲菇粒麵條吸晒啲湯底，好好味😋總結💭💭下午茶份量大，當午餐食絕對夠雖然要收茶錢，但茶嘅質素都唔錯得閒可以再encore 👍🏻…Read More

一行四人來到餐廳，待應安排了景觀開揚座位又舒適的位置給我們，今天與好友相聚主要是聊天為主，所以對吃什麼沒有特別講究。看見有午市四人套餐供應就點了，我喜歡吃小籠包也就點了一份。餐廳有茶提供，但沒有品種可選，只有鐵觀音，茶壺是用保溫的款式，但容量不多，我們四人沖一轉就要補充，幸好待應也很快為我們添加。有一碟前菜放檯上，是蒜泥青瓜和木耳，味道不錯，口感青爽。套餐有涼菜兩款、主菜兩款加蔬菜和白飯四碗，夏天想吃清淡些，所以我們少選肉的菜式，除了鳳梨咕嚕肉外，其他都是素菜。涼菜要了青城山素腐方和四喜烤麩。腐方就像沒有餡料的素鵝，一層一層的腐皮包得扎實，不會散開，有很濃的豆香味，蘸上浙醋吃，美味可口。四喜烤麩，一小個一小個的烤麩吸收了醬汁的味道，入口時很濕潤，汁液在口中慢慢消化，小冬菇和木耳也蘸上味料，不鹹帶點甜。主菜要了鳳梨咕嚕肉和瑤柱芙蓉賽螃蟹。咕嚕肉炸得剛剛好，件頭也大，鳳梨帶甜味，咕嚕醬調配合度，用來和白飯一起吃說十分相配，胃口大開。瑤柱芙蓉賽螃蟹，蛋白炒得香滑不油膩，一梳一梳的蛋白內又混和了點點江瑤柱絲，多一分鮮甜味，蛋白上灑上一些紅紅的蟹籽，賣相不錯。蔬菜要了清炒津白，一片片的津白炒得香嘖嘖，津白的長度一致，容易吃。小籠包一籠有四隻，皮做得不厚不硬，包內肉汁豐富，肉團口感扎實，趁熱吃就很好味。一邊吃一邊說，我們坐了三個半小時才離去，餐廳不會催促你埋單，所以感覺良好。…Read More

女兒9歲生日，今年話想嘗試一下出外吃飯慶祝的滋味（之前8年都係屋企開大食會😅），今次就一家三口到呢間稻成京川滬 食晚飯。經理知道係小公主生日，特意安排獨立箱座給我們，非常感謝安排；一共點了六道女兒都喜歡吃的菜式：北京填鴨（半隻）、煎鍋貼、小籠包、紅油炒手，香辣花菜伴腩肉和口水雞；上菜速度快，食物新鮮，員工殷勤地招呼，得閒時又與我們傾計，女兒非常興奮。到最後為我們呈上我們預先帶來的生日蛋糕，經理還特意送上一籠壽包，幫我們影相，伴著為女兒唱生日歌，渡過了一個很開心的晚上。:)…Read More

🔻雞絲粉皮前菜叫咗個雞絲粉皮 雖然麻醬唔多 但好濃好香 配埋青瓜絲 清爽得嚟唔會太膩😋👍🏻.🔻片皮鴨片皮鴨整體味道不錯 鴨肉好juicy 美中不足係鴨肉有啲太肥 塊皮好薄 即使食多幾件都唔會好濟 配埋醬汁 青瓜同蔥絲 味道正宗 咁嘅價錢就食到 好抵！…Read More

第一次黎稻成，經過見到有片皮鴨就決定要入黎試試佢！首先上左小籠包，其實味道不錯，皮薄而且多汁，但皮會痴住張紙，太薄既皮一拎上黎結果有兩隻未食先爛開了d湯流哂落去但完整個兩隻都好味的跟住到片皮鴨出場！整體口感非常好，鴨肉juicy係肥左小小，加上秘制醬汁、青瓜、蔥絲，算得上正宗既味道。最值得一提既係個皮，因為佢真係非常薄，所以包住成份片皮鴨食落去唔會有食緊包既感覺，剛剛好。要讚呢個皮個鴨皮非常肥，但大約有20片，兩個人叫左半隻鴨都食得哂呢個碟下面有個位加熱，如果有得熱住就仲好！拿～皮薄賣相都不錯的另外，因當天食晚餐時比較趕時間，所以一開始等片皮鴨時有點唔耐煩，因為店員下單時無講到要等幾耐，最後大約要等30分鐘左右既正常同合理時間。但店員及經理均有立即跟進，並有照顧食客感受，服務態度滿分💯…Read More

4/4襯5/4唔洗返工想同男友食餐豐富D.今次就揀左稻成京川滬la.唸住食一餐全四川菜.打開餐牌展開我地味蕾挑戰......川菜之夜開始la.全餐最唔辣的只有lee樣小龍包la不過一夾個包就爆曬D汁出黎.成都夫妻肺片.好麻辣ar....不過唔夠香.只有麻之後一味麻婆豆腐.豆腐好滑好唔錯.因為食左最辣的第三樣所以lee味變得唔辣...到最辣的水煮牛肉la.足料水煮牛肉.內面有粗薯粉/蓮藕/冬荀/牛肉等。。。我地叫左碗白飯送tim.不過真係真係太麻太辣食到我地sss聲面又紅又出曬汗完全食唔到.....叫埋杯豆漿都食唔到...所以我地決定打包返屋企先挑戰la...打包個時發生小插曲.同個姐姐叫佢麻煩打包.点知佢講左句叫樓面la.之後就拎左兜野人去..我見怪怪地即刻問樓面.之後佢答我入去包緊..點知個經理走黎話唔好意思佢倒左...我都未黎得切回應個經理已經話係我地問題幫我再整一碟幫我地打包...不得不大贊個曲髮男經理.反應快又不得失客人......成餐飯點曬D辣野.真係有D不自量力...下次都係叫一樣辣算la....不過食完咁辣ge野出一身汗sss曬聲又幾爽ge!!!食得辣的人應該會喜歡的一間餐廳…Read More

大時大節中伏夜..諗住做節同屋企人食餐好嘅，見佢成日門口都多人等位，openrice又可以訂，所以就試試佢啦...點知......訂5位，佢比張4人檯我，只係求其係個路口位擔張圓凳俾我，姐係咁...咁我訂位黎做乜？同埋你價位中上，我唔expect坐到大排檔咁🌚之後坐低無耐，侍應黎左幾次問你落得單未，我明大時大節你想翻多幾張檯，但同樣地唔係人地餐牌都未睇完就追人落單，仲要黎幾次🤡總結，份量overall係少嘅。個片皮鴨黎左碟肉成5分鐘，d皮仲話蒸緊，都算！上枱竟係凍嘅？一岀爐就吹凍曬咩？侍應推薦嘅稻成炒飯普通過茶餐廳食到個兜，雖然算炒得幾乾身，但一望價錢又會覺得搵笨🤷🏻‍♂️高力豆沙算有驚喜新鮮制唔會太甜，算係成餐比較好嘅一道菜！仲之..呢間又係無下次…Read More

新都會廣場大改造之後, 環境好左好多! 而且添加左好多新食肆。其中一直期待的就係稻成京川滬。自認係超級麵控。無論咩麵, 點煮, 一有新野想去試。呢間係圓方既同系稻成亞丁, 以京川菜為主打。今次就多一個元素, 上海。星期五既LUNCH TIME, 一行4人, 好彩12:25pm就到, 唔使等位就可以入內。坐左係左手邊卡位。呢個舖位之前都係做食肆, 但今次裝修真係超一流! 又靚又舒適! 特別鍾意佢卡位 (似房), 因為有門可以拉埋, 私隱度大增。枱邊仲有個"服務鐘", 可以隨時因應需要呼叫店員, 正!一坐低當然叫碗麵, 四川擔擔麵。味道正常, 好味! 份量出奇地多, 非常抵食! 同行友人鍾意頭盤, 於時叫左夫妻肺片、四川涼粉呢D經典野。首先, 呢碟夫妻肺片係我近期食過既最好味既一碟, 原因: 用料豐富, 調味用心, 而且肉質嚼落軟硬度非常適中, 溫度又唔係你常會遇到的"凍"! 非常值得推介再來講下碟涼粉相比起夫妻肺片, 呢碟就有進步空間。又唔可以話唔好食, 係個人喜好。擺碟相對單調, 唔夠吸引, 太多"水", 涼粉亦唔係鍾意既QQ感覺, 係粉嫩個種。還記得學生時代某年, 係北京食過既那道粗鹽蔥花蒸豆腐, 無多餘野, 味道極好, 至今難忘! 試左稻成京川滬呢道蒸豆腐之後, 我諗, 又再多一道豆腐菜式我會一直記住, 因為一道突顯豆味, 呢道辣中帶鮮, 非常可口。若配上一碗白飯, 開胃又過癮!稻成既小籠包係佢兩間同系餐廳早已試過, 水準相若。皮薄餡靚! 但我真係唔明, 有呢D咁好既基礎, 點解唔推出多D噱頭, 滿足下鍾意試新野既食客如我。市場上早有人玩外皮顏色, 亦有人大玩唔同餡。又唔係難, 無理由做唔到喎。呢餐lunch食得好開心好滿足! 出品好! 服務都好貼心。枱邊個鐘我地已經證實左, 唔係要來擺, 而係真係每次按, 都好快會有店員來跟進, 我地係平靜既"私人空間"睇返出邊大廳人頭湧湧, 加添左一份感恩。我知道以後呢間餐廳會係我常常光臨既一間, 因為實在無咩理由唔愛上。希望下次幫襯食晚飯, 再同大家分享。如果夾硬要我打個分數, 我會話五星未滿四星足夠有餘!…Read More