Jiangsu & Zhejiang (King Wah Building)

銅鑼灣希慎附近都有條食街💓見呢間上海菜好大間 餐牌選擇又多 就入去試下 又幾好味喎小籠包 $48即叫即蒸 熱辣辣 皮嘅厚度適中 摺位亦唔會特別厚 內裡有湯汁有肉汁 稍得上皮薄餡靚👍🏼餡料有鮮味 合格有餘呀蔥油拌麵 $48一黎到以為得一碗齋麵🍜原來d汁喺哂碗底 撈勻哂之後每條麵都比蔥油包圍住 油香十足 雖然係淨麵 但同時食到蔥花同醬油香味 好惹味 估佢唔到🤣花雕醉雞 $78酒味唔會太苦 但雞肉夠入味🍶有酒香 肉質不錯豆沙鍋餅 $46呢度都有唔少傳統嘅上海甜品🥣有酒釀丸子、薑茶湯圓、白糖糕等等 今次叫左即炸鍋餅🫔非常香脆 又唔算好油淋淋 外皮唔會好重粉感 中間嘅紅豆沙餡份量足 香甜可口…Read More

銅鑼灣話食上海野除咗美味廚我真係都冇其他覺得好食於是同事揀咗呢間話食小籠包$48，皮尚算ok，夾起都唔穿，肉汁鮮嫩，加埋個醋即刻提鮮咗！不過…的確除咗小籠包冇一樣野食得落口 😖生煎包$38空空如也咁，肉勁少又乾一啲汁都冇，冇影到個包食咗一啖嘅相咋，煎又唔煎得香脆，包又唔係好食，仲衰過果啲似雞包仔嘅生煎包個嫩雞煨麵一啲都唔嫩，個麵浸到爛咁，個湯仲稠過糊仔…$58我食咗啲乜？就係啲菜囉🤦🏻‍♀️茶芥$8位真係要食小籠包我去鼎泰豐好過啦…Read More

#銅鑼灣 #江浙滬 開到12點❤晏咗食晚餐都仲有得食😌#小籠包 不過不失，同其他鋪頭嘅味道唔太一樣，有少少湯，不過貴咗啲要$46-4隻🤑#擔擔麵 辣辣地，幾惹味😋#嫩雞煨面 唔好睇佢個樣淡茂茂，其實湯底幾鮮甜喎，而且面嘅分量唔少，雞肉唔鞋口，不錯👍#瑤柱賽螃蟹 都幾咸下，瑤柱都幾少下，毛豆就多🤷‍♀️ 不過啲蛋白又炒得幾嫩下，但係俾我揀就應該唔會食佢😂味道: 7/10味精: 7/10價錢: 5/10環境: 7/10服務: 7/10#vinaincwb #vinafood #jiangsu&zhejiang #shanghainesecuisinie #shanghainesefood #xiaolongbao #tantannoodles #softtraisednoodleswithshreddednoodles #sauteedeggwhitewithrameggyolkontop #foodporn #foodie #hkfoodie #f4follow #f4f #likesforlike #l4l #l4likes…Read More

最近終於比較安心地約朋友食下野，勁想食酸菜魚嘅時候見到呢間上海菜，見到枱同枱之間唔會好逼，地方闊落坐得舒服，堂食有9折，就入去食下。天氣咁熱，先黎個冷盤，雞絲粉皮嘅麻醬好香好滑，雞絲嫩滑，粉皮爽滑又夠凍，每人一個都食到，好味！翡翠魚米羹，好香嘅桂魚蓉，咸淡濃厚適中，水準之作。雲吞雞湯都可以1位咁叫，可以試多幾款湯都得！雞湯好夠雞味，仲有雞脾肉食，肉質嫩滑，滿足。小籠包皮薄多汁，肉質鮮味。主角酸菜魚！桂魚份量十足，魚肉滑嫩，酸菜惹味，辣度適中，唔會好嗆，但又會食到個身微微熱嘅感覺，過癮！仲有寛粉條吸哂d 湯汁，推介！每人約120蚊度，又抵食又好味之選。…Read More

今晚揀左銅鑼灣既江浙滬試上海菜分別食左6款第一個係雞絲粉皮嘩，個花生醬係食過咁多間既最濃郁既一間超驚喜第二個係口水雞雞本身無味，為左突出個口水醬汁都唔錯，辣度夠第三個係鹽水鴨餸飯一流，食多件就重味左dd第四個係上海小籠包熱辣辣，入面超juicy第五味係葱油拌麵比較漏，因為豉油加葱油都好多下最尾係主菜：酸菜魚魚片夠薄，仲要片到無骨，無械可擊！酸菜既味煮曬入湯，非常濃郁！佢係用粗條既薯粉份量足夠4個人食…Read More

想食上海小籠包,朋友提議哩間唔係連鎖式既食店, 睇開飯地址, 話在京華中心地下, 原來要再行前少少先係。店內坐落銅鑼灣渣甸坊, 哩條街食市林立, 要站穩陣腳, 一D都唔易。閒日晚飯時間都有7成滿,裝潢雅致。2個人心大心細下選在6樣野。小籠包 (HK 38)皮唔算太薄,所以容易夾起唔怕穿, 湯肉都算多, 而且內里既肉唔算肥, 合格!蒜茸拍小黃瓜(HK 32)清爽夠涷。魚湯蒜子津白(HK 48), 份量算多, 夠味而且唔覺重味精, 食完唔口渴。上海醬鴨(HK 58), 又唔算好肥, 味道偏濃, 肉質結實, 建議多人分享。雪菜肉絲炒年糕(HK 56), 味道清清地, 年糕份量多,值得推介! 上海糯米燒賣(HK 38), 糯米硬度適中, 鍾意食酒樓糯米包既食客可以一試, 因為唔係好多地方有得食, 推介! 整體黎講, 哩間食店坐得舒服, 野食唔錯, 價錢相宜, 以銅鑼灣區黎講, 都算超值!…Read More

估唔到夜晚十點半去幫襯，佢都仲做我生意，好耐未試過咁夜食宵夜啦。呢間鋪頭越夜越旺場，坐無虛席。我同朋友都要搭枱，坐低後望望菜單，全部都係正宗上海菜，宵夜食重口味野，哈哈。酸辣湯酸辣適中，叫一碗小的，兩個人每人試小小剛剛好。小黃魚炸得好脆，內裡魚肉質又有汁，好食。上海粗炒落足料，冬菇絲椰菜絲肉絲，味道好。醃篤鮮夠咸香，又係細細碗可以一齊分享。賽螃蟹嘅蛋白就炒得比較散，沒有蛋黃。小籠包皮比較厚，味道一般。…Read More