China House

以前住大埔的時候，家傳戶曉差唔多是我哋全家的食堂，因為地點方便，就在大埔中心一田附近，座位又舒適寛敝，又有午市套餐及有中式茶提供。不過搬走之後，今次已相隔三年再光顧，水準都能保持。今次我們一行8人為慶祝父親節而來，預早訂了馳名的北京填鴨，聽聞每枱客多數都會點，因為味道不錯亦有特色。皮脆肉嫩，薄餅又夠薄，配合青瓜、山渣條、大蒽同特製醬料，好好味。另外，我哋叫了蔥爆羊肉配薄餅、小籠包、小食雞絲粉皮、鴨舌。羊肉都夠淋同惹味，用中式薄餅夾好滋味，值得推介。小籠包都不差，皮薄餡靚。雞絲粉皮同鴨舌都算合格，不過就份量不多。蛋白瑤柱炒飯同炸銀絲卷就不過不失。飲品方面，有很多選擇，今次試咗話梅乳酸青檸、荔枝雪梨椰果紅茶同火龍果菠蘿蘆薈梳打，第二杯有半價優惠。我覺得最好飲就係荔枝雪梨椰果紅茶。最值得一提是其中一位侍應哥哥叫Andy非常專業有禮，值得一讚，因當日我小孩為小事發脾氣，但佢仍然耐心聆聽，又細心介紹每個菜式。…Read More

又係一間正嘅上海菜，北京填鴨同埋小籠包係最出名，當時係衝着佢哋嘅京蔥扒鴨🦆，因為都係聽朋友講食口感唔錯，味道酸酸甜甜，而且好嫩口，呢個size都好二至三人份。粗炒亦都係我試過最正嘅，因為可能都係偏向濃味，所以小編幾鍾意。反而雲吞雞🐤湯之前食開南昌嘅和平飯店係超級喜歡，因為甜甜地平時唔鍾意飲湯嘅小編都鍾意飲，但係呢間稍微味精有點重，而且冇乜鮮味，所以都有啲失望😔雞絲粉皮係最驚喜，所以都有佢貴嘅道理，雖然係普通小食，但係佢哋嘅粉皮口感彈牙，好少何會識到呢種質感，煙煙韌韌，而且粉皮拉得好粗，好有口感🤩甜品係豆沙窩餅係必點，做飯後甜品係完美，甜度適中，外皮脆口，豆沙冇理由冇人唔鍾意食啊…Read More

陪家人整完牙後，去附近食返餐好，去到咁遠，當然要試平日沒有吃過的餐廳！這間絕對有驚喜❤️烤麩味道不錯，最愛吃旁邊的荀，甜甜的，爽爽的。醉雞都算入味，雞皮不會過肥。小籠包雖然樣子不完美，但食落一樣皮薄餡靚。炒蝦仁加炒飯再加香醋是菲兒獨特的吃法，味道一流！蝦仁大大粒，爽彈牙🌟水煮牛肉紅紅的，但不算太辣，怕辣可放一碗熱水在前，先碌一碌，不減其辣香。炒飯炒得出色，乾身，一粒粒的，再說多一次，加香醋和蝦仁是一流🌟津白非常養生，有杞子，還加了腐竹，不會過於單調。環境優雅，吃得開心，下次經過必定再來！…Read More

由以前阿拉廚房到家傳戶曉到前門飯莊我已經食左呢間野大大話話十年啦，估唔到今日要開account 第一篇就係俾呢間野劣評!食品質素係ok架，不過服務態度係極差。落單點菜係位紮馬尾既女部長負責，落order慢左少少啫已經黑面；家父唔食蔥，落order話所有野走蔥，阿部長塊面黑過我屋企隻鑊同我講「我聽唔明你講咩喎」，走蔥就係走蔥邊粒字聽唔明？完全明白晚市好忙，作為客人我地都好有禮貌唔該前唔該後，忙係咪咁既態度？出面成日話飲食業進入冰河時，小姐你地似唔憂做多啲囉！好的食物係真係唔錯既，推介鍋貼、蘋果目魚烤肉、生煎包上海粗炒味道夠不過有啲太油…Read More

二人行 一心想食片皮鴨  點知大失所望  九點鐘黎到門口 明明內邊有空桌 但等店員set枱都要等十分鐘先有得入  晚餐只order左食上海菜必食既小籠包 加 片皮鴨   $42小籠包雖然尚算多汁 但皮厚肉實  完全不合格 $320 / 隻  片皮鴨完全係厚切 簿餅皮頗乾 青瓜亦是粗切 顯得有點求其 $320一隻雖然不是太貴 但係普通酒樓點既可能更平更好食。 …Read More

諗住Shopping完要搵食, 商場內其實隨便攞張飛, 點知shop完又差不多有位, 天意.因為有窗邊位座, 一望就可以望到間舖其實幾大, 好深再睇menu, 有d菜都幾有創意, 啱心水先來一個醬蹄, 醬汁好味, 肉味又唔錯, 一道涼菜又夠開胃甜梅醉乳鴿, 用乳鴿唔用雞除咗冇咁肥之外, 的確精緻d.值得一讚係一般醉雞冇甜梅, 佢有, 咁簡單幾小片就已經帶出紹興酒加甜梅呢個完美組合嘅魅力!再加上軟滑鴿肉, 絶配百頁包其實係腐皮, 個汁夠濃, 但以滬菜來講覺得可以再濃味d, 雞茸配薺菜又帶出一種新鮮口味, 幾特別雲吞雞中規中矩, 唔差但又冇特別.有d怪嘅係唔明點解要撈咗d雞出黎, 好似湯渣咁小籠包都係中規中矩黑醋松子魚叫半條都有頭有尾已經有計, 用黑醋唔單止令格調高咗, 最重要係好味咗, 黑醋比白醋較厚, 酸中帶甜, 層次豐富d.生煎包都唔錯, 底脆包身滑而冇乾, 唔算多但有肉汁…Read More

擔擔麵不辣，麵質爽口非常難得，其他食店經常煮到腍劈劈勁難食。湯底香甜，不錯，如果溫度可以滾燙一點就更好。宮廷醬爆雞丁包，炒得太乾，啲汁太少，咁大個麵包唔夠索呢 ﹗味道微辣，雞肉都夠嫩，跟大紅袍辣椒一齊啪落口，好刺激 ﹗總括黎講，不過不失，一試無妨。露筍蓮藕炒什菌，蓮藕好爽口，我由細到大一向都唔食蓮藕架，但依個真係好好味 ﹗露筍鮮爽無渣，香甜多汁。依個送好食又健康，推介。小籠包，灌湯小籠包，即叫即蒸最緊要 ﹗要滾熱辣，出晒煙先最好味 ﹗先放係醋上等佢略略降溫，仍係一整粒啪入口，每滴湯、每滴精華都唔會浪費 ﹗肉汁同上湯都充滿口腔，皮薄餡靚，正呀 ﹗本想食返上次既蟹粉小籠包，但依家唔係季節，暫時無得食。片皮鴨一隻，打電話訂枱時已經預留左喇，免得好似上次咁賣晒。隻鴨係廚房片完先上枱，鴨皮都幾厚吓，油份都好高，沒有味道，不香不脆。試吓卷埋青瓜同點鴨醬，肉質粗鞋，肉汁欠奉，麻麻地。厚油鞋乾，食幾舊已經好滯喇，其他野都唔洗食咯 ﹗話晒試過，知道水準到那裡。但期望太高，好失望 ﹗因為阿媽鍾意食片皮鴨所以尊登 order 架乍 ﹗…Read More

想試左好耐, 難得同同事慶祝生日, 一於試下我地主要想散叫比較有特色既小菜, 唔想叫餐咸肉炒九菜花 (午餐) - 叫左咁多肉, 特登揀返個菜, 無咁膩, 裡面有上海咸肉, 豆腐乾, 雖然簡單但勝在九菜花爽口無渣, 豆腐乾如果大條d 會更好樟茶鴨(半隻) - 就咁睇個樣, 好乾, 無諗過入口個皮好脆, 而且做得好乾身, 一d 油都無, 諗住肉會好"鞋" 口啦, 又唔會喎, 成年事處理得好好, 而且個包同個汁都好味~ 呢個絕對係必試砂鍋雲吞雞(半隻) - 份量好多, 我地四個每人飲到2碗湯....湯同雲吞唔差, 但反而係個津白最好食, 吸哂所有湯既精華, 正~~小籠包 - 太大粒, 我鍾意細細粒, 一啖一口, 太大反而要分兩啖食, 而且入面個汁唔夠熱....熱到辣口會過癮d杏汁香芒豆腐糕 - 個個都試豆沙鍋餅或高力豆沙, 成日食上海野都食呢類甜品, 我反而想試新野... 呢個甜品好清, 凍凍地, 微微既杏仁加豆腐既味道, 十分配合, 加埋小小芒果香, 好味!!!!!!!!! 絕對係成餐飯既美好總結~~~不過我覺得服務一般, 如果可以再殷勤少少會更好~~~~~…Read More

大埔既新力軍 ﹗梗係要黎試佢一試啦，晚晚見佢排長龍牙，黎探一探佢既虛實先得 ﹗睇吓個 menu 先，又到蟹粉季節，好想全部都試 ﹗發現有個特別的填鴨餐喎，都幾抵食喎，係六位用架，但我地今晚得四個半，放棄。酒糟豬手，濃郁酒香，豬手爽而有趙口，不錯不錯，第一次食，好好味。醬油尖筍，爽口帶甜，開胃菜，不會太油膩，滿意。家鄉燻魚，冷盤甜紅燒汁，免免強強啦。 蟹肉海皇羹，底為南瓜湯，還好不太甜，幾鬼驚呀 ﹗有生拆蟹肉、帶子、豆腐，十分足料，飲落清甜，亦好有海鮮味，好味道，推介 ﹗香辣蝦球，好香但一點都不辣，只不過係用甜椒炒呢。蝦鮮爽，都不錯，好食過好多酒樓。上湯浸豆苗，簡單清甜美味，鮮嫩翠綠豆苗配埋杞子、蒜子同火腿，正呀 ﹗黑松露獅子頭，紅燒汁味濃，豬肉味亦香濃，質鬆軟。一向食此道菜都會有點膩，真係要撈飯先好食。樟茶鴨，其實即係茶葉燻鴨，香濃煙燻香味，已經浸入肉裡面，鴨肉非常嫰滑，皮香肉嫩，好好食 ﹗但伴碟的蝴蝶包較差，唔熱囉、麵粉香味不足，仲有點濕添，好失望呀 ﹗如果用熱辣辣既蝴蝶包包住涼涼既燻鴨肉係超好味架 ﹗本來想試佢地既片皮鴨，但今晚已沽清了，剛才打黎訂位時個侍應又話唔洗留牙 ﹗小籠包，好好味呀 ﹗真正灌湯小蘢包，皮薄半透明、豬肉味濃郁、上湯跟肉汁混和，整粒啪入口，湯汁灌滿整個口腔，甜美非常 ﹗食一打都唔會厭多呀。小籠包好好味呀 ﹗唔夠喉，大家要添食，淨係我一個人都食兩籠啦 ﹗小籠包上枱時真係出晒煙架 ﹗滾熱辣，即叫即蒸 ﹗即時諗起個幾星期前係鼎泰豐食既又乾又貴又細又唔熱既小籠包，劣劣劣。蟹粉小籠包，完全唔會話有腥味，蟹粉甘香、甜美，皮薄餡靚，好味道 ﹗上次係鼎泰豐食，又腥又貴又細又唔熱 ﹗劣呀 ﹗家傳好佢百倍，家沙好佢千倍啦 ﹗綠豆意米露，不太甜，無意見，有點像清心丸味道。…Read More

同事請食飯，一齊黎試新店，味道比預期中好，但貴了些呢。我地要左兩個 lunch set 再加小菜。烤夫：味道淡淡，食唔出咩味道。青瓜：脆口新鮮。雞絲粉皮：醬汁好香，青瓜絲和粉皮凍凍的好正，但火腿絲就微溫，配合得有點怪。酸甜魚柳：炸得外皮鬆化，酸甜比例適中，魚柳肉份量多d就好。燻魚：味道跟平時食既唔同，唔夠燻味，鼓油味太重。雲吞擔擔麵：麵的咬口好正，又唔會太重麵粉味，湯微辣野味。上海粗炒：粗炒好油，唔夠鑊氣香味，伴菜有苦味。小籠包：皮薄多汁，餡肉鮮味。煎餃：餡肉鮮甜多汁，但皮較厚。濃湯雞蓉腐皮卷：腐皮極厚又實，餡料少，濃湯無味，好差既一個菜。高力豆沙：鬆軟，豆沙甜度適中。味道雖然不是十分好，但大埔比較少呢類坐得舒服，食得精緻既食店，想寫意地食下 lunch，可以黎試下。…Read More