Monogamous

真的被這餐廳裝潢布置所吸引，是一個打卡好地方。餐廳門口已經見到大紅燈籠高高掛餐廳名中文唯一軒，英文名原來有唯一意思，內裡完全中國風，有鳥籠，油畫都很有味道，完全北京的感覺。坐位不多，當進入後感到置身中國，很喜歡這店氣氛，有忘記煩惱的法力，而且很多旅客來吃 韓國和外國人居多食物比想像中出色，午餐$88 有前菜，主菜，餃子，茉莉香片茶。加一服務費，價錢soho區都很優惠!前菜 (基本4款選擇)青紅尖椒卷 以白肉包著青紅椒，少少辣很開胃小食，白肉很軟綿綿，配爽口青紅椒，絕!皮蛋是糖心皮蛋，中間流心和黃黃地色，正宗糖心皮蛋!豆腐師傅切得很薄，刀功不錯!主菜: 擔擔麵 (基本4款選擇)湯底很濃郁，湯可以掛麵的，令麵每一口充滿花生香味同肉碎，味道很濃，食完麵忍不了喝完湯底，因為湯底很惹味餃子:小籠包（2隻）(基本有4款選擇)蒸籠很可愛細細只可放2隻，熱辣辣蒸好，皮很薄不錯，小籠包有湯汁，豬肉爽爽地有口感，一口一隻很好味!另外鄰桌吃素菜炒麵，我這邊都聞到香味，師傅真的很利害，可以北京老師傅，因為味道和水準完全出乎意外的好!早前我都是看一個韓國旅遊節目，膽粗粗來找才吃到，很幸運感覺，而且會介紹朋友.…查看更多

一夫一妻制如果用喺婚姻，就即係一個人只能有一個配偶。概念上，呢個人只會鍾情佢嘅配偶，除非佢哋離婚。如果用係一間餐廳上邊，咁就係我今日晏晝去嗰間餐廳Monogamous。我冇問過侍應究竟點解個名咁特別，不過我諗可能老闆係想食客只係鍾情呢一間餐廳，將間餐廳變成佢個老婆。Monogamous 其實唔係喺大街大行，個入口係喺行人天橋底。餐廳出邊有一個綠色士兵佈置，方便食客可以容易啲搵到間餐廳。餐廳裏邊嘅環境都幾好，用咗一個中國風嘅設計，有燈籠，好似走馬燈嘅中國古式燈，仲有好多幅好大幅嘅中國風畫，其中最搶眼嘅就係毛澤東頭像（有啲似Andy Warhol嗰幅毛澤東畫）。細心D睇嗰幅畫唔係畫出嚟，而係一幅 mosaic 嘅畫。不過佢唔係用碎玻璃或者瓷磚切城，而係用嗰啲卡片，故仔書嘅內頁，地圖同照片組成。我不嬲都好鍾意Andy Warhol，亦都好鍾意 mosaic，所以見到哩幅畫，特別有感覺。Monogamous 係做北方菜，晏晝有做$88 一個lunch set。一個前菜、一個麵再加一個點心。我就叫咗海蜇擔擔面加小籠包。海蜇做得幾爽，可能有啲人會覺得鹹少少，不過我比較受得鹹，所以就覺得啱啱好。擔擔麵，湯嘅味道唔錯，幾濃，有少少辣。麵嘅質地第一啖咬落去比較林，但係我相信呢個係北方麵嘅做法，𡁻到落去唔係完全林晒，其實係有少少煙韌。小籠包啲皮唔算好薄，亦都比較迷你。裏面嘅肉質同味道都幾唔錯，裏邊有一啲湯，令到肉質都唔會乾。總結：- 點解個名咁特別，可能係老闆想食客只係鍾情呢一間餐廳- 個入口係喺行人天橋底- 餐廳裏邊嘅環境都唔錯，用咗一個中國風嘅設計- 毛澤東頭像嘅畫最為搶眼- 晏晝有做$88 一個lunch set- 推介：海蜇、擔擔麵…查看更多