KOKON2 (Citywalk)

知道朋友鐘意食卷物，所以專登帶佢去荃新天地有好多特色卷物既古今二食晚飯。可能因為係平日夜晚，餐廳既客人唔算太多，餐廳好細心咁安排左一個比較靜既位置方便可以同朋友傾計。話明黎試卷物，就梗係要試古今二既招牌特色卷物。我地叫左1款沙律；3款卷物；一串牛舌；一串豚肉露筍同蔥牛卷1碟。每樣食物價錢都相當合理，最貴都唔超過$80。而且份量足夠2個女仔飽肚，啱啱好👍🏻龍卷風沙律：份量非常十足，蟹籽+蟹柳絲+中華沙律+生菜，再配上非常特別既辣沙律醬，酸酸甜甜再加上少少辣，真係非常惹味。餐廳特意將3款卷物 （辣妹，富士山，青龍卷）放埋一個長方型碟，賣相已經非常吸引人。當中既［富士山］係由鰻魚牛油果卷再鋪上一大堆蟹柳絲造成富士山外形，山頂上再鋪滿一層蟹籽，令整個卷物看上去更加神似富士山。［辣妹］係炸蝦卷再配上辣味吞拿魚而［青龍卷］就係鰻魚蟹柳卷再鋪上牛油果以及鰻魚汁，牛油果配上鰻魚汁，好味道😋另一極力推介係安格斯蔥牛卷，安格斯牛捲住青蔥，再配上醬汁，熱騰騰咁一啖食落口，真係好好味，連唔鐘意食蔥既我都忍唔住食左2舊🤣…查看更多

21/1/2024📍古今二上次食過呢間餐廳嘅卷物 覺得幾好食 今次試埋其他野食 一樣唔錯👍🏻 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨日式麻醬豆腐沙律 （$78）好大兜沙律🥗沙律菜幾新鮮 唔會苦 麻醬嘅量夠撈晒全部沙律菜 豆腐嘅份量都幾多 幾香幾滑 加埋蟹籽食更加有口感👍🏻✨富士山 （$88）Menu有好多款卷物揀 好難揀 樣樣都想試🤣而呢款餡料有鰻魚、牛油果🥑上面仲有成座山咁嘅脆片同蟹柳呢幾樣食材非常夾 食落每一啖都大滿足！太約有十件 都算抵食✨辣味三文魚壽司pizza （$98）話說我哋係貪得意先試下壽司pizza係咩料預咗係伏㗎啦😌嚟到佢係壓扁咗嘅紫菜包飯 然後再包天婦羅炸粉攞去炸 最後面頭有啲辣味三文魚同脆片因為炸完 ”pizza” 底都好多油 有啲扣分食落脆脆哋 味道都唔錯 感覺幾新奇 冇想像中咁伏✨牛肉壽喜鍋 （$208）雖然佢會貴過其他壽喜鍋 不過個size 都會大啲入面有好多娃娃菜、金菇、蘑菇 仲有豆腐同主角牛肉😍牛肉沾埋蛋汁都幾滑 （雖然唔知係咪日本蛋）啲肉亦都唔會太多肥膏 有肉味最鐘意啲煮到淋晒配料 索晒甜甜哋嘅壽喜燒汁 勁好食🤤⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯其實我哋嗌得太多 每個食物嘅分量都唔少食晒真係飽到上心口😂 最後用咗～$500 （連加一）推薦指數🌟：4/5 …查看更多

新派日式小店，無論擺盤賣相和食物質素都令人讚嘆♥️♥️♥️🗻富士山 $88壽司卷包著鰻魚、青瓜、牛油果疊成一座山，上面鋪滿蟹柳和脆片，賣相相當吸引🤩🍢宮崎味鹽牛舌串 $32牛舌芯夠淋正呀🍡鹿兒島黑豚荔枝卷串燒 $32豚肉配茘枝甜甜地好味🐣自家玉子燒 $55有6件咁多，上面鋪滿蟹籽🥙龍捲風沙律 $76好大碗裝滿新鮮蔬菜、勁多蟹柳、蟹籽、脆片…#富士山卷 #牛舌串 #黑豚荔枝卷串燒 #自家玉子燒 #龍捲風沙律…查看更多

🍽古今二 (荃新天地) (荃灣)📍荃灣楊屋道1號荃新天地一樓116號舖1. 蟹柳沙律🦀蟹柳沙律嘅份量真係好多，一見到就好開心，本人特別喜愛食蟹柳，見到真係超級滿足。喺蟹柳嘅上面仲放咗好多蟹籽，加埋沙律醬同生菜嚟食真係天衣無縫。2. 炸軟殼蟹天婦羅🦀外脆內軟嘅軟殼蟹天婦羅，外表被炸到金黃色，原隻軟殼蟹上碟，拎嚟打卡真係一流。裏面嘅部份肥美鮮甜，十分可口。3. 椒鹽雞腎（2串）🐣雞腎咬落去好爽脆，椒鹽嘅味道好出，有少少辣辣地。唔好睇佢好似細細粒，得兩點串咁，其實份量啱啱好，最啱就係做下酒菜。4. 富士山🗻富士山真係名不虛傳，一見到佢就覺得好有氣勢。佢嘅外表係滿滿既蟹柳同蟹子，上面仲有啲脆脆同鰻魚汁，裏面嘅卷物係牛油果同鰻魚，味道酸酸甜甜為主，口感好豐富，而且不會覺得膩。5. 煙花(6件)🧨佢哋卷物嘅材料真係好足料，有辣味吞拿魚蓉喺上面，裏面捲着嘅係辣味三文魚，上面仲放咗一啲脆脆同蟹籽，食起上嚟更有層次。環境：💛💛💛💛🤍4/5衛生：💛💛💛💛💛5/5食物：💛💛💛💛💛5/5價錢：💛💛💛💛💛5/5（$397/2=💰198.5）P.S. 既然今日嚟到荃灣同朋友行街街，就當然順便食埋一個靚午餐。咁岩想食壽司嘅我，見到附近有呢一間日式餐廳就決定入去。佢哋嘅地方環境好舒服，我啱啱好坐喺玻璃嘅旁邊，唔單止可以欣賞佢哋咁有心機嘅擺碟仲可以欣賞佢餐廳嘅風景，真係好滿足。…查看更多

上次同朋友食完銅鑼灣古今，覺得真係幾好食，今次就約另一朋友試下荃灣嘅古今二呢間鋪喺荃新天地，望落乾淨企理，裝修都好新淨光猛，平日晚市都幾多人，要等陣先有位我同朋友食咗大約$400，有沙律、卷物、燒物，都幾豐富🌟龍卷風沙律今次又encore呢個招牌菜，唔同分店嘅水準都一樣咁好，朋友讚啲沙律菜鮮甜同埋蟹柳高質🌟東京爆脆呢個卷物包住蟹柳同微辣嘅熟吞拿魚，食入口有好脆嘅吉列口感，呢個配搭幾新穎🌟富士山名副其實，個賣相真係有啲似富士山，卷物上面有一大堆蟹柳絲，好似富士山啲雪咁，而卷入面有鰻魚同牛油果，即使唔點豉油都已經好夠味，連埋少少脆片食更加正🌟照燒雞肉串燒（4串）雞肉夠淋夠juicy，照燒汁多得黎都可以掛哂喺雞串上面🌟古今日式煎餃（6隻）煎餃個底煎得好脆而唔燶，餃子皮其他位置唔會乾，食落幾淋，而入面包住豬肉做餡，仲有好多肉汁，要小心食，因為好熱古今二暫時幾間分店都冇令我失望！…查看更多

終於買咗機票等去日本，未出發先興奮，走去食日本料理冷靜吓好多年前曾經食過呢間嘅觀塘總店，令人好懷念，而家荃新天地都有間，唔使去咁遠首先要重遇佢地好出名嘅金龍卷，有三文魚、炸蝦同波士頓芝士層次好豐富，炸蝦嘅脆增強口感，芝士突出三文魚嘅鮮味富士山有一大堆鰻魚冚住啲卷物，裡面捲住鰻魚同牛油果，味道融洽灑上點點薯片脆片，咬落更有驚喜天婦羅簡樸得嚟，食落舒胃，唔太熱氣炸蝦炸得爽身，秋葵亦好乾爽，但保持內裡水份，紫薯好綿，仲好香甜𠻹原來呢間有埋串燒，黑豚肉同荔枝原來係咁夾，燒得好juicy豚肉露筍好有誠意，捲住足足5條露筍雞翼鎖得住肉汁，鹹鹹酸酸超過癮…查看更多

👦🏻👧🏻係荃新天地行街揾食，👧🏻好想壽司，見到呢間餐廳環境舒服，價錢合理，就入去試下～餐廳出名創意壽司卷物，款式好多。仲有提供天婦羅、燒物、炸物、沙律等等。富士山 $88卷物包住鰻魚同牛油果，上面鋪咗大量蟹柳絲，蟹柳絲味道鮮甜，同鰻魚、牛油果組成既卷物好夾，加埋脆片食，非常好食！👍🏻煙花 $79卷物上面擺左辣味三文魚、辣味吞拿魚同芝士，灑上咗蟹籽同脆片，成個配搭令口感好豐富！仙台牛舌煎 $125牛舌切到粒狀，煎到熟度岩岩好！👍🏻 肉質彈牙軟嫩，加埋蒜片一齊食，更香口！🐮自家玉子燒 $55整完即刻上枱熱辣辣！😍 玉子燒蛋味濃郁，面頭有蟹子同沙律醬，令玉子燒味道更豐富！蒜香牛油粟米 $38粟米塗上蒜香牛油燒，聞落好香牛油味，食到甜甜既栗米，好好味～🧈🌽📍 古今二 (荃新天地) (荃灣)荃灣楊屋道1號荃新天地1期1樓116號舖…查看更多

前排約朋友喺荃灣見面，諗食咩時發現荃灣都有古今，而且裝修好日本風，座位舒適有空間感，好適合gathering慢慢食，傾下計。🌟自家玉子燒(6件) $55- 擺碟好精緻用心，一件件蛋甜香得來，蛋味濃。旁邊係wasabi醬料，texture幾rich。🌟富士山$88- 賣相超吸引，面層係滿滿蟹柳絲，壽司内係鰻魚+ 牛油果，配脆脆同醬料幾match，香口滋味。🦐柚想蝦你 $98-個名勁特別，仲真係名副其實有好多甜蝦，而且每條填下都係好甜，新鮮彈口！沙律内仲有牛油果、好多柚子肉同新鮮爽口沙律菜，好refreshimg 開胃。🌈彩虹卷$116- 色彩真係幾吸引，面層係厚切新鮮魚生，下面夾上一層厚厚地軟香牛油果。壽司内包左蟹柳，配搭幾match。幾款刺身用上吞拿魚、三文魚、油甘魚等，都幾新鮮！食過後更加買埋外賣卷物比屋企人食，屋企人都覺得好特別。（經openrice落單更加有88折！）…查看更多

古今二今年年頭進駐荃新天地，餐廳座位闊落，特大廚窗，光線充足，可以望到露天園林廣場，用餐舒適。忍者雙辣$88擺盤有心思，飯卷表面布滿脆片，炸得香脆，外脆內軟，中間夾著紫菜，辣味吞拿魚蓉，加上秘製沙律醬汁，非常美味，古今二的飯卷一向有水準。富士山$88古今二招牌卷物”富士山”，賣相精緻，卷物入面，包住牛油果及鰻魚，灑上蟹柳和脆脆，再連同卷物面上的醬汁一齊食，口感滑嫩。清酒煮蜆$128居酒屋經常食到的一款佐酒小食，蜆肉大大隻，比一般蜆肉肥美，清酒變成蜆肉湯後，非常鮮味，配菜還有紫菜、金菇、蒽絲。鹽燒雞中翼串$28用上粗鹽燒過的雞中翼，有一種焦香，雞肉充滿肉汁，非常嫩滑，灑上檸檬汁，清新開胃。椒鹽雞腎$48雞腎醃得入味，經過燒煮後仍然爽口彈牙，非常惹味。…查看更多

由觀塘得一間店食到依家荃灣兩間分店次次想食卷物就諗起古今二新開依間係荃新天地，連紅紙都未搣睇價錢就知唔算貴，睇埋份量就知抵食！今次叫外賣番屋企食～～煎餃外皮仲係脆，入面d 肉夠入味依個沙律係勁多蟹柳同生菜，再加堆d 脆脆增加口感個汁又較得岩岩好！ 大推～～上面三文魚好新鮮，入面個炸蝦仲脆添！配搭埋d 醬汁好好食鰻魚加牛油果配搭好新穎，但味道又夾得幾好面頭又係大量蟹柳，成個配搭夠新鮮古今二既卷物就係會有驚喜茄子配埋櫻花蝦，係d 汁多左少少少番d 無甘鹹就仲正埋單唔駛$400! 但食到勁飽，真係抵食！…查看更多

早前香港疫情嚴峻，幾乎都不外出用膳，而近日終於平穩，又看到古今二在荃新天地開設了新分店，相約太太來共進午餐🧸位置: 8/10🧸環境: 9/10🧸衛生: 8/10🧸服務: 8/10🧸食物: 8/10餐廳位於荃新天地1期商場頂層，呈開放式開揚裝修，日式簡約風格，環境舒適。此分店和其他分店一樣主打特式日式卷物，味道屬中上水平我們兩個人點了一份沙律、兩份特式卷物及兩份小食：日式麻醬秋葵豆腐沙律 - $78先來是豆腐沙律，凍豆腐香滑開胃，日式麻醬香濃美味，配合秋葵的獨特口感，是口感清新的一道前菜煙花 - $79特式卷物是餐廳主打，當然不能不點。煙花名字特別。成份有辣味三文魚、辣味吞拿魚、芝士及脆片。鮮味帶點微辣，香濃的芝士配合吞拿魚魚蓉，口感軟糯可口。而師傅一貫在卷物上加入脆片，令層次更為豐富富士山 - $88另外一道卷物是富士山，包含蟹柳、鰻魚、牛油果及脆片。外觀上感覺華麗。而味道上，融合鰻魚及牛油果的卷物鮮甜香滑，不感油膩，大量的蟹柳絲及脆片使口感相當滿足炸軟殼蟹天婦羅 - $88看到餐牌便想點的小食，上枱時香氣撲鼻，軟殼蟹炸得爽脆，略為偏油，但很易咬碎，口感不錯鹽燒三文魚頭 - $78最後是太太最期待的鹽燒三文魚頭，燒出來油香十足，美味鮮甜，而且肉出也有不少，啖啖滿足🍽古今二(荃新天地店)📬地址：荃灣楊屋道1號荃新天地1期1樓116號舖…查看更多