Siu Long Family (Closed)

呢間餐廳之前都食過幾次，食物同價錢都唔錯😙有段時間冇食上海野，有D掛住，所以今日又來了😂去到餐廳大概係六點九，得返兩三張枱，其他滿晒😳完全同之前來個幾次唔同……🥟家族小籠包 ($38)一籠4隻，皮薄餡靚，夾起都唔會穿底😍點少少醋，擺落口，一啖一粒，湯汁係個口爆出來，湯汁幾清，正😋我地食完一籠唔夠喉，要encore多一籠😂🐷椰菜回鍋肉 ($78)呢個係我每次去上海餐廳都會叫嘅野😂🐷肥豬肉片又薄又大塊；豆乾好大條；🥬椰菜又夠翠綠😂味道好好，撈飯一流👍🍝銀芽鱔糊炒拉麵 ($88)相比起上面兩樣食物，我自己覺得呢個係比較遜色嘅😢味道上，佢係幾濃味嘅~但鱔糊份量唔係好多，主要都係拉麵為主😕同埋，食完成個碟都係油🤦‍♀️最後埋單 $272，包含茶芥每位 $6，服務費 10%~講開茶芥，佢杯蕎麥茶幾好飲😂食物水準都仲係唔錯，之後可以繼續來😏服務就正正常常，上菜都好快手👍…查看更多

《小籠家族》佐敦上海街我真係特別喜歡小店，因為每間都有自己獨特既味道🥰同事話好想食小籠包，所以就揾間上海小店試下，果然無揾錯👍無論食物同服務都幾好而且係街坊價，真正好食又抵食既😏❤午巿有套餐，客飯同湯麵類都有但選擇唔係太多，唔岩口味可以單點價錢都唔貴💫我地分別叫左客飯同湯麵套餐，仲可以用優惠價$13無限加小食類💞＜乾煸四季豆客飯＞$58好夠鑊氣，四季豆炒得好香好乾身👍＜酸辣湯麵＞$45超大碗份量，而已夠酸夠辣😋麵底好多我食唔哂，食到尾個湯都唔會變水👍＜家族小籠包＞$13+$13加$13有2隻，所以我地加4隻，皮薄多饀多仲有滿滿既湯汁，果然係正正既小籠包（我好怕皮厚）＜生煎牛肉包＞$13包面油左小許，底部無煎得脆脆，比較失望😐但牛肉餡好好食，期待下次有脆脆底比我＜上海春卷＞$13炸得不錯👍上海春卷感覺無咁油膩，好食😋街坊價錢但仲好食過集團，而且座位都舒適既，二位落單既男士都好細心，我地問熱豆漿有無先加糖佢話有，咁我地改要凍既，佢都再走入廚房問凍有無糖再返黎話我地知凍都有糖😂而且上菜細心慢慢放💞服務無得輸…查看更多

我幾鍾意食上海菜，但望住餐牌發覺好似好多都係澱粉質！呢期要食少啲但呢餐都爆晒標……芝麻胡椒大餅 $38 個芝麻餅幾好食，少少硬身，但餡料唔係好多，食落唔係好濃胡椒味，反而有啲似叉燒包。家族小籠包 $38 未稱得上皮薄餡靚，但至少唔係好厚皮，而且有少少湯汁，不過不失。家族海鮮炒飯 $78 望落似豉油炒飯，配料唔算好豐富，但幾大碟，亦炒得唔錯，唔會太油又唔太乾。.見食評好多話抵食，我覺得唔算貴，但又稱唔上抵，而且食物質素亦說不上出色。今次人少少試得唔多，食左三款感覺普普通通，有機會可以再試下其他。…查看更多

本身諗住食拉麵，行到附近見到呢間上海野好似又唔錯🤣晚市都唔算多人就入去試下😎一坐低店員就斟左兩杯蕎麥茶，每位茶芥$3，不過個杯有啲怪味，無咩點飲😥一黎叫左個招牌麻辣豬手 ($68)，麻香惹味，辣味唔會太over，唔會過濃郁，豬手唔肥膩，又有咬口😋而呢度除左一般既小籠包，仲有黑松露小籠包同蟹粉小籠包，不過第一次食，試左個最基本既味道先，呢個家族小籠包 4 件($38)，黎到要趁熱食，雖然係熱，但未至於熱到食唔到，一啖一粒放入口啱啱好👍🏼個皮好薄😋一唔小心夾爛個皮啲湯汁就會流晒出黎。所以我比較鐘意點少少醋，再一啖放入口，等啲湯汁喺個口度爆開，連埋啲肉一齊食🥰上海炒年糕 ($72)份量幾多，而且感覺唔係用左好多油去炒，入味得黎唔會好鹹，年糕煙韌又有咬口😗仲有啲椰菜絲、肉絲同少量菇，成碟清晒😆上海酸辣湯 一鍋 ($78)夠酸夠香辣，入面有冬菇絲、肉絲同筍絲，兩人叫一鍋，每人大概都飲到兩碗！總括黎講，如果唔鐘意食濃味野既話，呢間上海菜都幾啱食，以清淡口味為主，唔啱重口味既人。…查看更多

間唔中都會𝚌𝚛𝚊𝚟𝚎下上海野，今次嚟到係佐敦上海街嘅小籠家族，餐廳裝修有種古色古香嘅感覺，好有特色。整體覺得呢度嘅食物麻麻哋，見到網上面好多人都話呢度嘅食物好鹹好重味精，但我又反而覺得呢度嘅食物太過清淡，無味無道😹不過其實𝚖𝚎𝚗𝚞上有好多唔同嘅菜式，可能純粹我哋今次揀咗冇咁出色嘅～.once in a while will crave some shanghai xlb 🥟 decided to visit the siu long family neat shanghai street to satisfy my craving 😔 overall, thought it was meh 😕 maybe i like stronger and heavier tastes but i felt like the dishes lacked tasted 😢 the xlb were not bad but thought the skin was a bit thick! at least the prices were reasonable tho!.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 6.5/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 7.5/10服務 𝐬𝐞𝐫𝐯𝐢𝐜𝐞 7.5/10性價比 𝐚𝐟𝐟𝐨𝐫𝐝𝐚𝐛𝐢𝐥𝐢𝐭𝐲 6.8/10回頭率 𝐫𝐞𝐯𝐢𝐬𝐢𝐭 5/10🌟整體食物偏清淡 • 價錢合理✨.《砂鍋雲吞雞》$78🌟6/10🌟呢個價錢係1/4隻，雞肉、雲吞同菜嘅份量兩個人食啱啱好～湯底唔夠鮮甜，好清淡，有種飲清水嘅感覺🤧就連火腿肉亦都欠缺咸香。雞肉有少少鞋身，唔夠嫩滑。雲吞皮非常之厚，咬落去仲有少少硬🤢整體唔太推薦～.《上海炒年糕》$72🌟7/10🌟份量偏多，都算幾抵食～肉絲青菜同埋菇嘅份量都啱啱好，口感豐富。年糕有厚有薄，件件口感唔一樣，都偏煙韌有咬口，唔錯！略嫌味道偏清淡，我哋要另外問店員拎多啲醬汁先覺得夠味🙊.《家族小籠包》$38🌟6.5/10🌟當然要試吓呢度嘅招牌小籠包啦！肉汁都夠多，幾𝚓𝚞𝚒𝚌𝚢濃味，不過外皮都係偏厚同硬。純粹係一個中規中矩，啱啱好合格嘅小籠包🙊.小籠家族 𝚂𝚒𝚞 𝙻𝚘𝚗𝚐 𝙵𝚊𝚖𝚒𝚕𝚢📍#BELLYwongs_jordan.#BELLYwongs_chinese…查看更多

我哋本身諗住去澳牛食早餐架 但係去到實在太多人排隊 我哋唔夠時間 所以唯有喺附近行吓 睇吓有啲乜嘢食😎之後俾我哋見到呢一間我哋之前有bookmark過嘅餐廳 就入咗去試 都幾好食 係一間唔錯嘅上海野😏😏·雲吞湯拉麵 $42呢個個雲吞就係一般水準啦 反而佢個面好出色😍😍係真係超級煙煙un un 應該係手打既 食落好有口感 不過碗麵細碗左少少 但brunch黎講就岩岩好😎·家族小籠包$36呢個我個小籠包都唔錯嘅 佢攞俾你嘅時候都幾熱辣辣 而且入邊好多湯汁 不過佢個肉呢就係比較散少少嘅🤔所以食落冇咁啖啖肉嘅感覺🤔🤔·花雕醉雞$68呢個佢整得好靚 一上枱嘅時候真係好似一個波咁樣🤣🤣同埋佢都做得幾好味 舊舊都係雞脾肉 好有誠意 而且都幾入味 個雞好嫩😼·#rbyeat#rby佐敦·📍佐敦上海街62號地下1號舖…查看更多

一向都鍾意食上海嘢，呢日嚟到位於佐敦上海街嘅上海菜館《小籠家族》。喺某網購平台用$152買咗《小籠家族》$200嘅現金劵，即係有24% off。又平，俾錢又方便，而家真係周圍都有各式各樣嘅優惠🤪招牌有個好可愛嘅包子，一入到去餐廳嘅風格就走中國古代路線，感覺截然不同。我哋早嚟，係第一張枱嘅客人。一踏入中午，人流就開始旺lu。一坐低，侍應就幫我哋斟茶。茶係蕎麥茶，麥味香濃，飲完一杯又一杯🤤但係！佢哋係唔收茶錢架，仲要全日免加一添，正呀！家族小籠包 ($36)一嚟就梗係叫個上海風味小籠包先。唔錯，皮幾薄、肉夠味、有豐富湯汁👍上海生煎湯包 ($38)一籠小籠包唔夠喉，整多碟生煎湯包。生煎湯包嘅底部煎到有少少焦，呈金黃色，令人食指大動。咬落去脆脆地，好正😋咬落去，啲湯就咇晒出嚟，小心辣親呀！湯汁夠多，肉餡夠飽滿，不錯不錯！排骨擔擔麵 ($62) (轉上湯)上湯略嫌淡味咗少少；麵條唔係我鍾意嘅粗度同硬度🙈排骨就比較好，啖啖肉，無咩肥膏位👅腿茸奶油津白 ($68)奶油津白亦都係去上海菜館嘅必點菜式～奶油汁有啲似西式嘅白汁，比較杰身同埋容易有膩感。津白煮到軟腍，容易咬👍面頭灑上腿茸，吊一吊味；無平時成塊金華火腿咁鹹得嚟 又喺奶油嘅淡味之中帶點鹹鮮味🤗整體嚟講不錯，可以一試。尤其推薦佢嘅上海生煎湯包！-Menu:…查看更多

都幾多人等位，在門外等左二十分鐘，有櫈坐住等，算係咁啦。入面唔算大，我地坐近門口，係二、三個人同坐一條長木板櫈。即係如果坐唔定，便會好容易騷擾到隔壁果個，不時俾人怒睥。後面係另一張枱食客，背對背，唔小心會撞到，可惜對正個麻甩佬......簡單來說，全餐飯要挺胸收腹唔好郁。螺肉小黃瓜 $38所謂的螺肉其實似齋鮑魚絲，墊底是切了粒的青瓜。全碟菜除了芝麻，便沒有調味，汁都冇。好彩青瓜都尚算新鮮，唔難食的。不過份量太少，酒吧「甩士」碗仔咋，想叫佢回水......家族小籠包（6件）$42算皮薄餡靚，而且滿滿肉汁，熱辣辣好滋味。我俾四星。煎牛肉包（3件）$32外皮都做得幾好，係生煎飽D friend , 唔會油膩。不過牛肉饀係冇味的，唔吸引。蔥爆牛肉$78份量不多，我只食到兩舊牛。牛肉味有少少怪，少少酸但又唔係變壞果種味。可能係解凍唔好或者落得太多粉啩，有時去茶記食乾炒牛河都會有呢種感覺，怪怪地。但其他配料如大蔥木耳就炒得幾好，好惹味。花雕醉豬手 $58主要食豬皮，好多皮，好爽口。有少少筋亦係爽口的，但冇乜肉。花雕重手，好醉吓！鍾意食醉野的人仲可以試吓佢的醉雞。乾煸四季豆$62香口，肉粒好送飯。唔辣，唔油，四季豆冇渣， I like it !紅油抄手$36辣油夠辣，抄手夠大隻，抵食又好味。上海春卷$32皮脆饀足味道好，抵食又熱辣，五星吧！鱔糊兩面黃$78呢碟就一般，太濃味，太咸太多汁。鱔糊絲同芽菜絲都多。但個麵底不是兩面黃，只是普通的淋左的炒麵，脆的部分不多。餐牌其實都多選擇，味道就要睇彩數，好味果碟都唔錯。冇加一，幾抵食。不過真係逼左D囉⋯⋯…查看更多